Kuma di usa mudelu pa kombersas

Desdi janeru di 2018, mudelu pa kombersas ta parsi na kapa di No Vida Kriston ku No Ministeriu — Manual pa Runion. Kuma ki dibi di usadu?

Ora ku bu tene un disignason: Bu dibi di usa purgunta, testu, ku purgunta pa utru visita ku sta na mudelu pa kombersas. Ma kila ka signifika kuma bu dibi di kopia palabras ku usadu na video di mudelu pa kombersa. Bu pudi usa diferenti senariu, introduson, liña di rasiosiniu, i asin pa dianti. Bu pudi tambi oferesi un publikason di no kaŝa di feramenta pa nsina, mesmu si ka faladu na instruson di ki parti.

Ora ku bu na prega: Mudelu pa kombersas fasidu pa danu ideias ku pudi judanu. Si un algin mostra interesi sinseru i misti sibi mas, bu pudi usa materia di mudelu pa revisita, pa kontinua kombersa. Bu pudi ajusta mudelu pa kombersa o usa un kusa totalmenti diferenti. Sera ki asuntu di mis pasadu o un testu diferenti na sedu mas atraenti na tiritoriu lokal? Sera ki jintis na bu tiritoriu mas ta nteresa di akontisimentu atual o notisias lokal? Di kualker forma ku bu usa mudelu pa kombersa, bu objetivu dibi di sedu ‘fasi tudu e kusas pabia di Bon Noba, pa pudi toma parti nel’ o konta utrus el. — 1 Kor 9:22, 23.