Kusa mas importanti di tabernakulu

25:9, 21, 22

Arka i kusa mas importanti ku staba na tabernakulu ku akampamentu di Israel. Sinal di presensa di Deus ta ojadu atraves di nuven ku staba entri dus kirubins ku sta na tampu di arka. Na dia di sakrifisiu pa purdon di pekadu ku ta fasidu kada anu, ŝef di saserdotis ta entra na lugar mas santu, i ta waga sangi di turusiñu ku di bodi dianti di tampu di arka pa pudi purda pekadus di fijus di Israel. (Sir 16:14, 15) Es i un amostra di entrada di Jesus na seu, pa bai apresenta balur di si sakrifisiu dianti di Jeova, suma Ŝef di Saserdoti mas garandi. — Eb 9:24-26.

Fasi ligason entri testus ku sta bas ku benefisius ku no pudi tene pabia di sakrifisiu di Jesus:

TESTUS

• 1 Jon 1:8, 9

• Eb 9:13, 14

• Rom 6:23

BENEFISIUS

• speransa di vivi pa sempri

• purdon di pekadu

• konsiensia limpu

Ke ku no dibi di fasi pa risibi es bensons?