Papes, bo sina bo fijus kusas ke pirsisa di sibi

No sta na vivi na un mundu ku ta konsidera kusas bon suma mau i kusas mau suma bon. (Isa 5:20) Infilismenti, alguns jintis ka pensa di kuma Jeova odia kondutas susu, suma relason seksual entri jintis di mesmu seksu. Kolegas di skola o utrus pudi tenta nsentiva no kiridus jovens pa sigi se manera di vivi. Kuma ku bu pudi purpara bu fijus pa e sai ben na nfrenta es preson ku utrus?

Bo sina bo fijus pa e kunsi normas elevadus di Jeova. (Sir 18:3) Puku-puku, di akordu ku se idadi konta elis ke ku Biblia fala aserka di konduta seksual. (Lei 6:7) Punta bu kabesa: ‘Sera ki N konta ña fijus manera koretu di mostra interesi na utrus, importansia de bisti diritu, i nesesidadi di utrus rispita se privasidadi? Sera ki ña fijus sibi ke ke dibi di fasi si un algin mostra elis pornografia o fala elis pa e fasi un kusa ku Jeova fala kuma i eradu?’ Sibi des kusas antis na juda elis pa ka e bin sufri. (Dit 27:12; Ekl 7:12) Si bu eduka bu fijus, bu sta na mostra amor pa es presiosu yardansa di Jeova. — Sal 127:3.

JUBI VIDEO KUMPU KASA KU NA TARDA — PROTEẐI BU FIJUS DI “KUSA KU KA BALI”, I DIPUS RUSPUNDI ES PURGUNTAS:

• 

  Ke ku manda alguns ta ezita papia ku se fijus aserka di seksu?

• 

  Pabia di ke ku papes dibi di sina se fijus na “disiplina ku nsinamentu” di Jeova? — Ef 6:4.

• 

  Kal ajuda ku organizason di Jeova da pa juda papes sina se fijus aserka di seksu? — w19.05-TPO 12, kuadru.

• Pabia ku bu dibi di papia sempri ku bu fijus antis di e nfrenta es purblemas?