Disiplina — Un manera di Jeova mostranu si amor

Disiplina mas sta ligadu ku instruson i ku edukason, ma tambi i ta nklui koreson ku kastigu. Jeova ta disiplinanu pa no pudi adoral di manera ki misti. (Rom 12:1; Eb 12:10, 11) Utru ora disiplina pudi ka sabi, ma na fin i ta judanu sedu bon jintis i tene bensons. (Dit 10:7) Ke ku kilis ku ta da disiplina ku kilis ku na risibil dibi di lembral del?

Kilis ku na da disiplina. Ansions, papes, ku utrus, ta sforsa pa da disiplina ku bondadi i ku amor suma ku Jeova ta fasi. (Jer 46:28) Mesmu si un disiplina forti ku na dadu i dibi di fasidu di akordu ku gravidadi di eru i motivadu pa amor. — Titu 1:13.

Kilis ku na risibi disiplina. I ka mporta di kal manera ku no risibi disiplina no ka dibi di negal, ma no dibi di fasi sforsu di aplikal kinti-kinti. (Dit 3:11, 12) Suma anos tudu i mperfeitu, no pirsisa di disiplina, e disiplina pudi bin di diferentis manera. No pudi risibi disiplina atraves di ke ku no lei na Biblia o di algun kusa ku no obi na runion. O utru ora alguns ta pirsisa di risibi disiplina di un kumison judikativu. Di kualker manera, seta disiplina ta pui pa no tene vida. — Dit 10:17.

JUBI VIDEO JEOVA ‘TA DISIPLINA KILIS KI AMA’ I DIPUS RUSPUNDI ES PURGUNTAS:

• 

  Kal kriason ku Canon risibi, i kuma ki bin muda?

• 

  Kal disiplina amorosu ki risibi di Jeova?

• 

  Kal lisons ku si spiriensia ta sinanu?