Mostra amor na familia

Amor i un kola ku ta uni familia. Sin amor, i na difisil pa familia manti se unidadi ku spiritu di koperason. Kuma ku omis, minjeris, ku papes pudi mostra amor na familia?

Un omi ku tene amor na mostra konsiderason pa nesesidadis di si minjer, pa si pontu di vista ku si sintimentus. (Ef 5:28, 29) I na fasi provisons material ku spiritual pa si familia, nkluindu tene un studu di Biblia na familia di manera regular. (1 Tim 5:8) Un minjer ku tene amor na fika bas di si omi, tambi i na mostra kuma i “rispita” si omi ciu. (Ef 5:22, 33; 1 Ped 3:1-6) Elis tudu dus e dibi di sta dispostu pa purda n̈utru di korson. (Ef 4:32) Papes ku tene amor na mostra interesi na kada un di se fijus, tambi e na sina elis ama Jeova. (Lei 6:6, 7; Ef 6:4) Kal difikuldadis ku se fijus ta pasa na skola? Kuma ke ta lida ku preson di kolegas? Ora ki ten amor na familia, tudu membrus di familia ta sinti proteẑidu i suguru.

JUBI VIDEO MOSTRA AMOR KU KA TA FALIA NA BU FAMILIA, I DIPUS RUSPUNDI ES PURGUNTAS:

• 

  Kuma ku un omi ku tene amor ta alimenta i mostra apresu pa si minjer?

• 

  Kuma ku un minjer ku tene amor ta mostra kuma i rispita si omi ciu?

• 

  Kuma ku papes ku tene amor ta sina se fijus Palabra di Deus?