Buska jiresa pa vida di kada dia na JW.ORG

Palabra di Deus danu tudu ku no pirsisa del, pa lida ku purblemas na fin de tempu difisil. (2 Tim 3:1, 16, 17) Ma utrora, no pudi pirsisa di ajuda pa oja prinsipius di Biblia ku na da ku no situason. Pur isemplu, sera ki abo i pape o mame ku sta na buska konsiju na manera di kria bu fijus? Abo i un joven ku sta na lida ku difikuldadis ku sta na testa bu fe? Sera ki abo i un algin ku sta tristi pabia bu omi o bu minjer muri? Bu na oja informason na jw.org ku tene prinsipius di Biblia, ku na judau nes situason i na manga di utrus. — Dit 2:3-6.

Na paẑina di kumsada di jw.org, toka na parti NSINUS DI BIBLIA. (Jubi diseñu 1.) Na lista ku sta bas, kuji asuntu ku nteresau. O toka na parti BIBLIOTEKA > SERIE DI ARTIGUS i kuji asuntu ku nteresau. (Jubi diseñu 2.) Bu pudi oja mesmu asuntus na JW Library^®.a Bu pudi jubi kada un des artigus nes kaus ku faladu del. Utru opson i di usa kau di piskisa na jw.org pa oja un asuntu ku bu na buska.

Skirbi es asuntus na kau di piskisa, i skirbi artigus ku bu na gostaba di lei.

• Kria fijus

• Ajuda pa jovens

• Bardadi aserka di mortu