Ideias Di Ke Ku Bu Pudi Studa

Diskubri mas aserka di maneras di sedu di Jeova

Ora ku no na lei Biblia, no pudi fasi piskisa pa ntindi diritu ke ku no lei. Ma, no ka misti studa so pa aumenta no kunsimentu di Biblia. No misti diskubri maneras di sedu di Jeova ku na aumenta no amor pa rel. Pa fasi es, no pudi punta no kabesa: ‘Ke ku es parti di Biblia nsinan aserka di Jeova?’

Pur isemplu, bu pudi tenta diskubri mas kuma ku Jeova mostra amor, jiresa, justisa ku puder. Ma Jeova ka tene so es maneras di sedu. I tene tambi utrus maneras di sedu bonitu. Nunde ku bu pudi oja mas informason aserka di si maneras di sedu?

Jubi lista di mas di 50 maneras di sedu di Jeova ku sta na Índice das Publicações da Torre de Vigia bas di titulu “Jeová”, dipus bas di subtitulu “Lista de qualidades.” Piskisa kilis ku kuruspundi ku partis di Biblia ku bu sta na lei. (Si bu tene so Guia de Pesquisa para Testemunhas de Jeová, jubi bas di titulu “Jeová Deus”, dipus bas di subtitulu “As qualidades de Jeová.”)