Purdon di pekadus antis di resgati

No pudi purdadu di no pekadus, so atraves di sakrifisiu di resgati ku Jesus paga ku si sangi. (Ef 1:7) Ma, Biblia fala asin: “Na tempu ku pasa, na si pasensa, i purda elis pekadu ke fasi,” ku sedu, antis di Jesus paga resgati. (Anos ku pui letras karegadu ku italiku, Rom 3:25.) Kuma ku Jeova pudi purda pekadus antis di resgati pagadu, i kontinua sedu Deus di justisa?

Jeova purmiti un “jorson” o fiju ku na salba pekaduris ku tene fe nel. Oca i fasi es purmesa, i suma si resgati pagaduba ja. (Kum 3:15; 22:18) Deus teneba tudu sertesa di kuma, di livri vontadi, si Fiju na paga resgati na tempu sertu. (Gal 4:4; Eb 10:​7-10) Oca Jesus staba na Tera, Jeova dal otridadi di purda pekadus antis di resgati pagadu. Jesus pudiba purda pekadus di kilis ku teneba fe, pabia i sibiba di kuma sakrifisiu ki na fasi na kubri se pekadus. — Mat 9:​2-6.