Fasi revison di pontus prinsipal

Sera ki utrora i ta difisil pa bu lembra di ke ku bu kaba di studa? Di un ora pa utru, es ta kontisi ku anos tudu. Ke ku pudi judau? Fasi revison di pontus prinsipal.

Ora ku bu na studa, ba ta dati bu para i skirbi pontus prinsipal. Es i ke ku apostolu Paulu nkoraẑaba ermons ku irmas pa e fasi ora ke na studa si kartas. I fala sin: “Kusa ku no misti fala i es”. (Eb 8:1) Des manera, i juda elis ntindi ke ki misti fala, i kuma ku tudu ke ki i fala sta ligadu ku n̈utru.

Ranja tempu, talves 10 minutu na fin di bu studu pa pensa na pontus prinsipal di ke ku bu studa. Si bu ka lembra delis, jubi subtitulus o lei purmeru frasi di kada paragrafu, pa bu pudi lembra. Si bu aprindi un kusa nobu, tenta splikal na bu propi palabras. Ora ku bu fasi revison di ke ku bu kumsa aprindi, i na sedu mas fasil pa bu lembra del. Tambi i na judau ntindi minjor kuma ku bu pudi aplikal na bu vida.