Purpara bu korson antis di studa

Ora ku no na studa Biblia, no misti pa kusas ku no na aprindi aserka di Jeova afeta no pensamentu, no sentimentus ku no diseẑus. No pudi aprindi di isemplu di Esdras ku “purparaba ja si korson pa buska lei di SIÑOR”. (Esd 7:10) Kuma ku no pudi tambi purpara no korson antis di studa?

Fasi orason. Kada bias ku bu na studa, kumsa ku orason. Pidi Jeova pa i judau ntindi i aplika ke ku bu aprindi. — Sal 119:​18, 34.

Sedu umildi. Deus sukundi bardadi pa kilis ku ta yalsa se kabesa i ku pensa di kuma e ka pirsisa di si ajuda pa ntindi Biblia. (Luk 10:21) Tambi ka bu fasi piskisa so pa utrus pudi fika dimiradu ku bo. Ora ku no aprindi kusas ku no pirsisa di muda, no misti sedu umildi i fasi mudansas.

Sukuta un di no musikas. Musika pudi afeta no sentimentus. Pa kila, ora ku no sukuta un di no musika antis di studa, i pudi judanu pensa na Jeova, asin, kusas ku no na aprindi na toka no korson.