BIBLIA TA MUDA VIDA DI JINTIS

E Oja “Pérola di Garandi Balur”

Jesus nsina di kuma Renu di Deus na bin rosolvi tudu purblemas di pekaduris. (Mateus 6:10) Na Mateus 13:44-46, i konta es dus komparasons pa mostra balur di bardadi aserka di Renu di Deus:

Fotos: Dus omis ku Jesus fala del na si komparasons. 1. Un omi sta na koba na un lugar, i fika dimiradu ku ke ki oja. 2. Un utru omi pega un pérola i na ri.

Un omi staba na tarbaja na un lugar, di repenti i oja un rikesa sukundidu.
Un nogosianti ku staba na buska bon rasa di pérolas, oja un pérola di garandi balur.

Tudu es dus omis bindi ku kontentamentu tudu ke tene pa pudi kumpra rikesa ke oja. Es omis representa jintis ku ta da balur garandi pa Renu. E ta fasi sakrifisiu pa pudi tene bensons di Renu. (Lukas 18:29, 30) Nes video, jubi storia di dus jintis ku parsi ku omis ku Jesus fala del na si komparasons.