4:10-15

Ku ajuda di Jeova, Moisés vensi si medu. Ke ku no pudi aprindi di kombersa ku Jeova tene ku Moisés?

• No dibi di ivita konsentra na no limitasons.

• No pudi sta sertu di kuma, Jeova na danu tudu ki pirsis pa no pudi kumpri no disignasons.

• Fe na Deus na judanu vensi medu di omi.

Na kumsada Moisés duvidaba di si kapasidadi di kumpri disignason ku Jeova dal. (Sai 4:10, 13) Bu ciga ja di sinti asin? Bu sta na studa Biblia ku Tustumuñas di Jeova? Sera ki bu sta preokupadu si kontra un dia bu na pudi prega di kasa pa kasa? O talves abo i un joven ku ta izita da tusmumuñu na skola. O i pudi sedu ki bu ta medi partisipa na tustumuñu pa telefoni o na un forma di tustumuñu publiku. Pidi Jeova pa i dau forsa atraves di si spiritu santu. (1 Ped 4:11) Bu pudi sta sertu kuma i na judau kumpri kualker disignason ki dau. — Sai 4:11, 12.