BIBLIOTEKA NA INTERNET di Watchtower

Sera ki bu tene rispitu pa vida suma ku Deus tenel?

‘Fika Sempri na Amor di Deus’
- 5, 6. Kuma ku Lei di Moisés mostra kuma sangi i sagradu, tambi i tene balur? (Jubi tambi kuadru “Rispita vida di limarias.”)
  
  ⁵ Lei di Moisés mostraba ja kuma, sangi ta representa vida, tambi i mostra kuma sangi i sagradu. Sirmonias 17:10, 11 fala sin: “Kalker algin . . . ku kume sangi, N na vira kontra ki algin, N na tiral na metadi di si pobu, manera ki kume sangi. Pabia vida di un kriatura sta na sangi; N dau el pa bu pudi fasi sirmonia ku el riba di altar, pabia sangi, ku sedu vida, el ku ta tira pekadu.” a — Jubi kuadru “Sangi pudi tisi purdon di pekadu.”
  
  SANGI PUDI TISI PURDON DI PEKADU
  
  Na Palabra di Deus, sangi i suma vida. Asin, na antigu Israel, ora ku un algin fasi pekadu ma i ripindi, i pudi leba un limaria pa sakrifika na altar, pa i pudi ivita di sedu kondenadu pabia di viola lei di Jeova. (Sirmonias 4:27-31) Es sakrifisiu ta fasi pa si pekadu purdadu, ma i ka pa sempri.
  
  I klaru kuma, sangi di un limaria ka pudi purda di manera kompletu pekadu ku no yarda di Adon, suma ku tampu di kasarola ka pudi kubri kaleron. Kontudu, sakrifisiu di limaria seduba amostra di sakrifisiu ku na bin purda pekadus di un bias pa sempri. — Ebreus 10:1, 4.
  
  Purdon kompletu di pekadu fasidu oca “Jesus Kristu pursenta si kurpu pa sakrifisiu un bias pa sempri.” (Ebreus 10:10) Vida perfeitu di Kristu ocal na Tera, representadu pa si ‘sangi ku ten balur, suma un karnel ku ka tene manca nin difeitu’, korespundi izatamenti ku vida ku Adon pirdi, suma ku tampu di kaleron pudi kubri kaleron. (1 Pedru 1:19) I di e manera bonitu i amorosu ku justisa fasidu, i asin tambi ku no ‘ngaña libertason pa sempri.’ — Ebreus 9:11, 12; Jon 3:16; Apokalipsi 7:14.

Sera ki bu tene rispitu pa vida suma ku Deus tenel?

‘Fika Sempri na Amor di Deus’
- a Aserka di diklarason di Deus ku fala, “vida di un kriatura sta na sangi”, un jornal fala sin: “Apesar di kuma es diklarason i simboliku, ma na sintidu literal es diklarason i bardadi: Pa i ten vida, i pirsis tudu tipu di selulas di sangi.” — Scientific American.