Biblia fala di kuma, pekaduris tene vida ‘kurtu incidu di kasabi.’ (Jo 14:1) Sera ki es tipu di vida ku Deus misti pa no tene? Si ka es, kal tipu di vida ki misti pa no tene? Sera ki no na bin tene vida ki misti pa nos? Jubi respostas nkoraẑanti ku Biblia da.

1. Kal tipu di vida ku Jeova misti pa no tene?

Jeova misti pa no tene minjor vida. Oca ki kumpu Adon ku Eva, i puiba elis na un paraísu bonitu, comadu jardin di Eden. Dipus “Deus bensua elis i fala elis: ‘Bo padi ciu, bo inci mundu, bo manda riba del.’” (Kumsada 1:28) Jeova mistiba pa e padi fijus, pa e fasi pa tudu Tera sedu un paraísu, i toma konta di limarias. I mistiba pa tudu jintis tene saudi perfeitu i vivi pa sempri.

No ka tene es tipu di vida aos,a ma Deus misti inda pa no tene es tipu di vida. (Isaias 46:10, 11) I misti inda pa kilis ku ta obdisil vivi pa sempri na un kondison perfeitu. — Lei Apokalipsi 21:3, 4.

2. Kuma ku no vida pudi tene objetivu desdi gosi?

Jeova kumpunu ku kapasidadi di ‘obi palabra di Deus i fasi suma ki fala,’ asin no pudi kunsil i adoral. (Lei Lukas 11:28.) I misti pa no tene un amizadi intimu ku el, pa no ‘yanda na tudu si kamiñus, no amal,’ i sirbil ‘ku tudu no korson’. (Ripitison di Lei 10:12; Tiagu 2:23) Si no fasi kila, no pudi tene filisidadi di bardadi mesmu si no tene purblemas. Ora ku no adora Jeova, no vida ta tene sintidu pabia no ta vivi di un manera kel i misti.

3. Jeova misti pa no tene un vida filis

Mostra VIDEO, dipus bo kombersa aserka des purgunta:

VIDEO: Ke ku manda Deus kumpu Tera? — So un parti (1:41)

• Ke ku manda Deus kumpu no Tera bonitu?

Lei Eklesiastis 3:11, dipus bo kombersa aserka des purgunta:

• Ke ku es versikulu ta sinau aserka di Jeova?

4. Vida ku Jeova misti pa no tene ka muda

Lei Salmu 37:11, 29 ku Isaias 55:11, dipus bo kombersa aserka des purgunta:

• Kuma ku no sibi di kuma vida ku Jeova misti pa nos ka muda?

5. Ora ku no adora Jeova no vida ta tene sintidu

VIDEO: N Aprindi Kal ki Objetivu di Vida (5:03)

• Kuma ku Terumi benefisia di sibi kal ki objetivu di vida?

Lei Eklesiastis 12:13, dipus bo kombersa aserka des purgunta:

• Suma Jeova fasi manga di kusa pa nos, ke ku no dibi di fasi?

RUSUMU

Jeova misti pa no vivi pa sempri na un kondison perfeitu li na Tera. Ora ku no adoral ku tudu no korson, no vida ta tene sintidu desdi gosi.

Rekapitulason

• Kal vida ku Jeova mistiba pa Adon ku Eva tene?

• Kuma ku no sibi di kuma vida ku Deus mistiba pa no tene ka muda?

• Ke ku bu pudi fasi pa bu vida tene sintidu?

TENE MAS INFORMASON

Jubi ke ku ta mostra di kuma jardin di Eden izisti.

“Jardin di Eden — i un Storia o i Bardadi?” (Sintinela di janeru di 2011)

Aprindi ke ku manda no pudi tene sertesa di kuma Tera na kontinua pa sempri.

“Sera ki Tera na Kabadu ku el?” (Artigu na internet)

Jubi kuma ku un omi ku pensaba kuma i tene tudu diskubri ke ku staba na faltal na si vida.

Gosi Ña Vida Tene Sintidu (3:55)

2. Ba kin ku na rena juntu ku Jesus?

Jesus ka na rena el son. Jintis “di tudu rasa, di tudu lingua, di tudu pobu, di tudu nason . . . na rena riba di mundu.” (Apokalipsi 5:9, 10) Kantu jintis ku na rena juntu ku Kristu? Disna ku Jesus bin pa Tera milyons di kristons torna si sigiduris. Ma so 144.000 delis ku na bai seu pa rena juntu ku Jesus. (Apokalipsi 14:1-4) Tudu utrus kristons li na Tera na sedu sidadons di Renu. — Salmu 37:29.

Renu di Deus sta ja na manda. I ka na tarda i na bin tisi mudansas garandi na Tera. Gosi no na bai jubi alguns di bon kusas ku bu na bin oja bas di renansa des Renu.

1. Kuma ku Renu di Deus na bin tisi pas ku justisa na Tera?

Jesus ku sedu Rei di Renu di Deus, na bin kaba ku jintis mau i ku tudu guvernus na gera di Armajedon. (Apokalipsi 16:​14, 16) Na ki tempu, es promesa di Biblia na bin kumpri: “Dipus di puku tempu, jintis mau na disparsi”. (Salmu 37:10) Jesus na usa Renu pa fasi pa i ten pas ku justisa na tudu parti di Tera. — Lei Isaias 11:4.

2. Kuma ku vida na sedu ora ku vontadi di Deus fasidu na Tera?

Bas di renansa di Renu di Deus, “justus na yarda ki tera, e na mora nel pa sempri.” (Salmu 37:29) Imaẑina vivi na un mundu nunde ku tudu jintis sedu justu, e ama Jeova i e ama n̈utru! Nunde ku ningin ka na duensi i tudu jinti na vivi pa sempri.

3. Ke ku Renu di Deus na fasi ora ku maus kabadu kel?

Ora ku maus kabadu kel, Jesus na manda suma Rei pa 1.000 anu. Duranti ki tempu, Jesus ku 144.000 ku na judal manda e na juda pekaduris pa tene un vida perfeitu, sin pekadu. Na fin di mil anu, tudu Tera na sedu un paraísu bonitu, i tudu jinti na vivi filis, pabia e na obdisi leis di Jeova. Dipus Jesus na torna renansa pa si Pape Jeova. Nomi di Deus na “rispitadu” o santifikadu, suma nunka i ciga di ojadu. (Mateus 6:​9, 10) I na fika klaru di kuma Jeova i un bon Guvernanti ku ta preokupa ku jintis. Dipus Jeova na kaba ku Satanas ku si dimonius, i ku kualker algin ku disidi rebela kontra si guvernu. (Apokalipsi 20:​7-​10) Ki bon mudansas ku na fasidu pa Renu di Deus na fika pa sempri.

APRINDI MAS

4. Renu di Deus na kaba ku guvernus di pekadur

“Omi ta manda riba di si kumpañer pa fasil mal.” (Eklesiastis 8:9) Atraves di si Renu, Jeova na kaba ku es injustisa.

Lei Daniel 2:​44 ku 2 Tesalonisensis 1:6-8, dipus bo kombersa aserka des purguntas:

• Ke ku Jeova ku si Fiju Jesus, na fasi ku tudu guvernus di pekadur ku kilis ku ta apoia elis?

• Kuma ku kusas ku bu aprindi aserka di Jeova ku Jesus dau sertesa di kuma ke ke na fasi i bon i justu?

5. Jesus i minjor Rei

Suma Rei di Renu di Deus, Jesus na fasi manga di kusas pa juda kilis ku na vivi na Tera. Mostra VIDEO pa oja kuma ku Jesus mostra kuma i misti juda jintis, i Deus dal puder pa fasi kila.

VIDEO: Jesus Mostra ke ku Renu na Bin Fasi (1:​13)

Ocal na Tera, Jesus mostra ke ku Renu na bin fasi. Kal bensons ku faladu del li ku bu mas misti tene na futuru? Lei testus di Biblia juntu ku bensons ku faladu del.

6. Renu di Deus na danu un futuru minjor

VIDEO: Ideia di un Futuru Minjor (4:​38)

Lei Salmu 145:​16, dipus bo kombersa aserka des purgunta:

• Kuma ku bu ta sinti di sibi di kuma Jeova na “fartanda diseẑu di tudu ku tene vida”?

RUSUMU

Renu di Deus na fasi ke ku Deus misti. I na torna tudu Tera na un paraísu ku na tene so bon jintis ku na adora Jeova pa sempri.

Rekapitulason

• Kuma ku Renu di Deus na rispita o santifika nomi di Jeova?

• Ke ku manda no pudi fia di kuma Renu di Deus na bin kumpri promesas ku faladu del na Biblia?

• Na tudu bon kusas ku Renu di Deus na bin fasi, kal un delis ku bu na mas gostaba di oja?

TENE MAS INFORMASON

Diskubri ke ki Armajedon.

“Ke ki Gera di Armajedon?” (Artigu na internet)

Jubi ke ku na kontisi na tempu ku Jesus coma di “garandi foronta“. — Mateus 24:21.

“Ke ki garandi foronta?” (Artigu na internet)

Jubi kuma ku familias pudi imaẑina sta juntu na paraísu.

Imaẑina ku Paraísu (1:​50)

Aprindi kuma ku un pulitiku rebeldi oja suluson ki staba na buska na artigu “N teneba manga di purguntas ku ta ŝatianba”.

“Biblia ta muda vida di jintis” (Sintinela di 1 di janeru di 2012)