• Bu pudi sedu amigu di Jeova
    Bu Pudi Tene un Vida Filis pa Sempri! — Benefisia di Studu di Biblia

    • 3. Ke ku Jeova misti pa si amigus fasi?

      Jeova gosta di tudu jinti, “ma i ta mostra si sigridu pa kilis ku tene korson di bardadi.” (Ditus 3:32) Jeova misti pa si amigus sforsa na fasi kusas ki fala kuma i bon, i ivita fasi kusas ki fala kuma i mau. Alguns jintis ta fala kuma e ka pudi fasi tudu ke ku Jeova misti pa e fasi, o ivita di tudu ke ku Jeova fala i ka bon. Ma, Jeova ta ntindinu. I ta seta kualker algin ku na bardadi amal, i ku ta fasi sforsu di kontental. — Salmu 147:11; Atus 10:34, 35.

  • Sedu onestu na tudu kusas
    Bu Pudi Tene un Vida Filis pa Sempri! — Benefisia di Studu di Biblia

    • Sedu onestu na tudu kusas

      Tudu jintis misti tene amigu onestu. Jeova misti tambi pa si amigus sedu onestu. Ma i ka fasil sedu onestu nes mundu nunde ku manga di jintis ka sedu onestu. Kal ki benefisius di sedu onestu na tudu kusas?

      1. Kal ki rason mas importanti pa sedu onestu?

      Ora ku no sedu onestu ku utrus no ta mostra Jeova di kuma no amal i no rispital. Pensa nes: Jeova sibi tudu kusas ku no ta pensa i ku no ta fasi. (Ebreus 4:13) I ta nota ora ku no disidi sedu onestu i kila ta kontental. Si Palabra fala sin: ‘Jeova nuju kil ku ta yanda mal, ma i ta mostra si sigridu pa kilis ku tene korson di bardadi.’ — Ditus 3:32.

      2. Di kal manera ku no pudi sedu onestu na no vida di kada dia?

      Jeova misti pa no “papia bardadi, kada un ku si kumpañer.” (Zakarias 8:16, 17) Ke ku es signifika? Si no na papia ku no familia, no kolegas di tarbaju, no ermons ku irmas, o otridadis, no ka dibi di konta mintida o da informason ku na ngana elis. Jintis onestu ka ta furta utrus o mara elis mon. (Lei Ditus 24:28 ku Efésius 4:28.) E ta paga tudu mpustus ke dibi di paga. (Romanus 13:5-7) Nes situasons suma na utrus, no ta “fasi sempri kil ki diritu” o sedu onestu. — Ebreus 13:18.

      3. Kal ki benefisiu di sedu onestu?

      Ora ku no kunsidu suma un algin onestu, utrus ta tene konfiansa na nos. No ta juda pa tudu jintis sinti suguru na kongregason, suma na un familia nunde ki ten amor. No ta tene un konsiensia limpu. No onestidadi pudi tambi sedu “bon fajamentu . . . pa nsinamentu di Deus no Salbadur”, i fasi utrus pa e misti sirbi Jeova. — Titu 2:10.

      APRINDI MAS

      Jubi kuma ku onestidadi ta afeta Jeova i kuma ki ta afetau, i aprindi kuma ku bu pudi sedu onestu na diferentis situasons di vida.

      4. Onestidadi ta kontenta Jeova

      Lei Salmu 44:21 ku Malakias 3:16, dipus bo kombersa aserka des purguntas:

      • Ke ku manda bu pensa kuma i tulesa fia di kuma no pudi sukundi bardadi?

      • Kuma ku bu pensa Jeova na sinti ora ku no disidi konta bardadi mesmu si difisil fasil?

      Un mininu sta na papia ku si pape ku finka juju si dianti. Un kopu di sumu darma i susa un ladu di mesa.

      Ora ku un mininu konta bardadi i ta pui si papes kontenti. Ora ku no konta bardadi no ta pui Jeova kontenti.

      5. Sedu sempri onestu

      Manga di jintis ta fia di kuma sedu onestu ka ta juda tudu ora. Ma, jubi pabia di ke ku manda no dibi di sedu sempri onestu. Mostra VIDEO.

      VIDEO: Ke ku ta kontribui pa kontentamentu? — Un konsiensia limpu (2:32)

      Imaẑen di video ‘Ke ku ta kontribui pa kontentamentu?— Un konsiensia limpu.’ Dipus di Betu konta si patron di kuma i fasi un eru garandi, e da n̈utru mon.

      Lei Ebreus 13:18, i bo kombersa kuma ku bu pudi sedu onestu . . .

      • na bu familia.

      • na tarbaju o skola.

      • i na utrus situasons.

      6. Onestidadi ta benefisianu

      Na kumsada, i pudi parsi kuma sedu onestu na pou na purblema. Ma ku tempu bu na oja kuma i minjor kusa ku bu pudi fasi. Lei Salmu 34:12-16, dipus bo kombersa aserka des purgunta:

      • Kuma ku onestidadi ta minjoria no vida?

      A. Un omi ku si minjer sta na papia oca e na bibi kafe. B. Un mekaniku ku si patron na ngaba na ofsina. C. Un omi na si karu sta na mostra si dukumentu pa un polisia.

      1. Omis ku minjeris onestu ta fortalisi se kasamenti.

      2. Tarbajaduris onestu ta gaña konfiansa di se patrons.

      3. Sidadons onestu ta tene un bon nomi dianti di otridadis.

      ALGUNS JINTIS TA FALA: “Konta mintida pikininu i ka mal.”

      • Ke ku manda bu fia di kuma Jeova nuju tudu tipu di mintida?

      RUSUMU

      Jeova misti pa si amigus sedu onestu na tudu ke ke na fala i na tudu ke ke na fasi.

      Rekapitulason

      • Kal ki alguns maneras di sedu onestu?

      • Ke ku manda i tulesa fia di kuma no pudi sukundi bardadi?

      • Ke ku manda bu misti sedu sempri onestu?

      Tenta fasi es

      TENE MAS INFORMASON

      Kuma ku papes pudi sina se fijus pa sedu onestu?

      Sedu algin ku ta konta bardadi (1:44)

      Kal benefisiu ku no na tene si no ta kumpri no promesa?

      Kumpri Promesa i Risibi Bensons (9:09)

      Jubi si kontra no dibi di paga mpustu mesmu si i ka ta usadu diritu.

      “Sera ki bu dibi di paga mpustu?” (Sintinela di 1 di setembru di 2011)

      Ke ku leba un omi ku ka seduba onestu muda si vida i fasi tarbajus onestu?

      “N aprindi kuma Jeova ta sinti pena i ta purda” (Sintinela di 1 di maiu di 2015)

  • Kuji bu amigus ku jiresa
    Bu Pudi Tene un Vida Filis pa Sempri! — Benefisia di Studu di Biblia

    • 2. Kuma ku Jeova ta sinti ku amigus ku no kuji?

      Jeova ta kuji si amigus diritu. I tene amizadi intimu ku “kilis ku tene korson di bardadi.” (Ditus 3:32) Kuma ku Jeova na sinti si no kuji amigus ku ka amal? I na fika tristi dimas! (Lei Tiagu 4:4.) Pa utru ladu, Jeova na kontenti, i na setanu suma si amigus, si no nega mau kumpañerasku, no pertusi del i no pertusi di kilis ku amal. — Salmu 15:1-4.