• Kuma ku no pudi toma bon disisons
    Bu Pudi Tene un Vida Filis pa Sempri! — Benefisia di Studu di Biblia

    • 5. Rispita konsiensia di utrus

      Jintis diferentis ta toma disisons diferenti. Kuma ku no pudi mostra rispitu pa konsiensia di utrus? Jubi es dus situason:

      Purmeru situason: Un irma ku gosta di usa makiaẑen muda pa un kongregason nunde ku manga di irmas ta sinti mal ora ku algin usa makiaẑen.

      Lei Romanus 15:1 ku 1 Koríntius 10:23, 24, dipus bo kombersa aserka des purguntas:

      • Di akordu ku es versikulus, ke ku es irma na disidi fasi? Ke ku bu na fasi, si bu sta ku un algin ku si konsiensia ka ta pirmitil fasi un kusa, ma bu konsiensia ta pirmitiu?

      Sugundu situason: Un ermon sibi di kuma Biblia ka tuji pa bibi un bokadu, ma i disidi ka bibi. I kumbidadu pa un jumbai i oja ermons na bibi bibidas alkoliku.

      Lei Eklesiastis 7:16 ku Romanus 14:1, 10, dipus bo kombersa aserka des purguntas:

      • Di akordu ku es versikulus, ke ku es ermon na disidi fasi? Ke ku bu na fasi si bu oja un algin na fasi un kusa ku bu konsiensia ka setau fasi?

      Kal kusas ku pudi juda algin toma bon disisons?

      Un minjer sta na ora.

      1. Pidi Jeova pa i judau disidi ke ku bu na fasi. — Tiagu 1:5.

      E mesmu minjer sta na fasi piskisa, i sta na usa Biblia, i publikasons basiadu na Biblia, ku un komputador.

      2. Fasi piskisa na Biblia i na publikasons ku basia na Biblia pa oja prinsipius ku na aplika pa ki situason. Bu pudi tambi papia ku ermons ku irmas ku tene spiriensia.

      E mesmu minjer sta na pensa.

      3. Jubi rusultadu ku bu disisons na tene na bu konsiensia i na konsiensia di utrus.