5. Ke ku Jeova ta spera di si amigus

Normalmenti no ta spera pa no amigus fasi sertus kusas.

• Kal ki alguns kusas ku bu mistiba pa bu amigus fasi pa bo?

Lei 1 Jon 5:3, dipus bo kombersa aserka des purgunta:

• Ke ku Jeova ta spera di si amigus?

Si no misti obdisi Jeova, no pirsisa di muda no komportamentu o no manera di sedu. Lei Isaias 48:17, 18, dipus bo kombersa aserka des purgunta:

• Ke ku manda Jeova misti pa si amigus fasi mudansas?

Disna ku bu kumsa studa Biblia sera ki bu sinti di kuma bu amor pa Jeova aumenta? Sera ki bu misti pa bu amizadi ku el torna mas forti? Si resposta i sin, lembra di kuma, si Jeova oja bu amor pa rel na aumenta i mas na amau i kuida di bo. Kuma ku bu pudi mostral di kuma bu amal?

1. Kuma ku no pudi mostra Jeova di kuma no amal?

No ta mostra no amor pa Jeova ora ku no na obdisil. (Lei 1 Jon 5:3.) I ka ta forsija ningin pa obdisil. Ma pa kontrariu, i da kada un son di nos opurtunidadi di disidi obdisil o nau. Pabia? Pabia Jeova misti pa no obdisil “ku tudu korson”. (Romanus 6:17) Na utrus palabras, i misti pa bu obdisil, i ka pabia bu dibi di fasil, ma pabia bu amal. Seson 3 ku 4 des livru fasidu pa judau mostra bu amor pa Jeova ora ku bu na fasi ke ku na kontental i nega ke ku ka ta kontental.

2. Ke ku manda i pudi sedu difisil mostra no amor pa Jeova?

“Omi justu pudi tene manga di fadiga”. (Salmu 34:19) Anos tudu no sta na luta ku no imperfeison. Tambi no ta nfrenta purblemas ekonomiku, injustisa ku utru difikuldadis. Ora ku no na pasa pa situason difisil, i pudi ka sedu fasil fasi ke ku Jeova pidinu. Pabia obdisi Jeova pudi ka sedu fasil. Ma ora ku bu sedu fiel, bu fasi ke ku Jeova falau pa bu fasi, bu ta mostra kuma bu amor pa rel i mas garandi di ki kualker utru kusa. I bu ta mostra di kuma bu sedu fiel pa rel. El tambi, i na sedu fiel pa bo. I nunka i ka na bandonau. — Lei Salmu 4:3.

4. Pui pa korson di Jeova kontenti

Lei Ditus 27:11, dipus bo kombersa aserka des purguntas:

• Kuma ku Jeova ta sinti ora ku bu sedu jiru i bu obdisil? Pabia ki ta sinti sin?

5. Bu pudi sedu fiel pa Jeova

VIDEO: Difindi Bu Fe Apesar di Opusison (5:09)

• Bu ciga di sinti kuma i difisil papia ku utrus aserka di Jeova?

• Na video, ke ku juda Grayson vensi si medu?

I fasil sedu fiel pa Jeova ora ku no ama ke ki i ama i no nuju ke ki nuju. Lei Salmu 97:10, dipus bo kombersa aserka des purguntas:

• Di akordu ku ke ku bu kaba di aprindi, kal kusas ku Jeova ama? I kal kusas ki nuju?

• Kuma ku bu pudi aprindi ama ke ki i bon i nuju ke ki i mau?

6. Ora ku no obdisi Jeova no ta tene benefisiu

Obdisi Jeova sempri i minjor. Lei Isaias 48:17, 18, dipus bo kombersa aserka des purguntas:

• Bu pensa kuma no pudi fia di ki Jeova sibi sempri ke ki i minjor pa nos? Pabia ku bu pensa sin?

• Disna ku bu kumsa studa Biblia i kunsi bardadi aserka di Jeova Deus, kuma ku kila judau te nes mumentu?

RUSUMU

Bu pudi mostra bu amor pa Jeova ora ku bu na obdisil i kontinua fiel pa rel apesar di difikuldadis.

Rekapitulason

• Ke ku bu aprindi di izemplu di Jo?

• Kuma ku bu pudi mostra Jeova di kuma bu amal?

• Ke ku pudi judau kontinua fiel pa Jeova?

TENE MAS INFORMASON

Diskubri kuma ku bu pudi sedu fiel pa Jeova i pa kongregason.

“Ku Jinti Fiel Bu ta Mostra Kuma Abo i Fiel” (16:49)

Aprindi mas aserka di akusason di Satanas kontra pekaduris.

“Jo Manti Si Fidelidadi” (Kal ki Mensaẑen di Biblia? Seson 6)

Jubi kuma ku te mesmu jovens pudi mostra se amor pa Jeova.

Pui pa Jeova kontenti (8:16)

Kuma ku un joven pudi fasi ke ku Jeova misti nin si kontra utrus na tental fasi un kusa ku ka bali?

Risisti Preson di Kolegas! (3:59)

Anos tudu no tene disisons pa toma. Manga des disisons pudi afetanu ciu i afeta no amizadi ku Jeova. Pur izemplu, no pudi disidi nunde ku no na mora, kuma ku no na sustenta no kabesa, o si kontra no na kasa. Si no toma bon disisons, no pudi tene un vida filis i no ta kontenta Jeova.

1. Kuma ku bu pudi usa Biblia pa judau toma bon disisons?

Antis di toma un disison, ora Jeova pa pidi ajuda i studa Biblia pa sibi kuma ki ta oja ki asuntu. (Lei Ditus 2:3-6.) Na alguns kasu, Jeova ta da lei klaru aserka di un asuntu. Asin, minjor disison ku bu pudi toma i obdisi si lei.

Ma, ke gora, si ka ten un lei klaru na Biblia ku na kontau ke ku bu dibi di fasi? Jeova na kontinua “giau na kamiñu ku bu dibi di yanda.” (Isaias 48:17) Kuma ki na fasi kila? I pudi ten prinsipius ku pudi gia. Prinsipius di Biblia i nsinus di bardadi ku sta na Biblia, ku ta mostra kal ki pensamentus i sintimentus di Deus. Manga di bias, no ta aprindi kuma ku Deus ta sinti aserka di un asuntu ora ku no lei un storia ku sta na Biblia. Ora ku no ntindi kuma ku Jeova ta sinti, no pudi toma bon disisons ku na kontental.

2. Kal kusas ku bu dibi di pensa nel antis di toma un disison?

Biblia fala: “Algin ntindidu i na pensa antis di bai dianti.” (Ditus 14:15) Es misti fala, antis di toma un disison no dibi di tira tempu pa pensa diritu na disisons ku no na toma. Ora ku bu sta dianti di un situason, punta bu kabesa: ‘Kal prinsipiu di Biblia ku N pudi aplika li? Kal disison ku na judan pa N tene sintidu susegadu? Kuma ku ña disison na afeta utrus? Mas importanti, sera ki i na pui pa Jeova kontenti?’ — Ripitison di Lei 32:29.

Jeova tene diritu di kontanu ke ki bon i ke ki mau. Ora ku no kunsi diritu si leis ku si prinsipius i no sta disididu pa sigi elis, no ta tene un bon konsiensia. Konsiensia i un sintimentu dentru di nos ku ta lebanu sibi ke ki i bon i ke ki i mau. (Romanus 2:14, 15) Un konsiensia ku trenadu diritu na judanu toma bon disisons.

APRINDI MAS

3. Disa pa Biblia giau

VIDEO: Disa pa Prinsipius di Biblia Giau (5:54)

• Ke ki liberdadi di kuji?

• Ke ku manda Jeova danu liberdadi di kuji?

• Ke ki i da pa judanu usa no liberdadi di kuji di minjor manera?

Pa oja un izemplu di prinsipiu ku sta na Biblia, lei Efésius 5:15, 16. Dipus bo kombersa pa oja kuma ku bu pudi ‘purbita pa fasi tudu ku bu pudi’, o usa minjor bu tempu na . . .

• lei Biblia kada dia.

• sedu minjor omi o minjer, pape o mame, o fiju.

• mati runions di kongregason.

4. Trena bu konsiensia pa toma bon disisons

VIDEO: “Kontinua Tene un Bon Konsiensia” (5:13)

• Na video, kal kusas ku es irma fasi pa trena si konsiensia pa pudi toma un bon disison ku na kontenta Jeova?

Ke ku manda no ka dibi di pidi utrus pa toma disisons ku anos no dibi di toma? Lei Ebreus 5:14, dipus bo kombersa aserka des purguntas:

• I pudi sedu fasil pidi utrus pa toma disisons pa nos, ma ke ku anos propi no dibi di buska ntindi?

• Kal kusa ku sta dispunivel ku pudi judau tene un bon konsiensia i toma bon disisons?

5. Rispita konsiensia di utrus

Jintis diferentis ta toma disisons diferenti. Kuma ku no pudi mostra rispitu pa konsiensia di utrus? Jubi es dus situason:

Purmeru situason: Un irma ku gosta di usa makiaẑen muda pa un kongregason nunde ku manga di irmas ta sinti mal ora ku algin usa makiaẑen.

Lei Romanus 15:1 ku 1 Koríntius 10:23, 24, dipus bo kombersa aserka des purguntas:

• Di akordu ku es versikulus, ke ku es irma na disidi fasi? Ke ku bu na fasi, si bu sta ku un algin ku si konsiensia ka ta pirmitil fasi un kusa, ma bu konsiensia ta pirmitiu?

Sugundu situason: Un ermon sibi di kuma Biblia ka tuji pa bibi un bokadu, ma i disidi ka bibi. I kumbidadu pa un jumbai i oja ermons na bibi bibidas alkoliku.

Lei Eklesiastis 7:16 ku Romanus 14:1, 10, dipus bo kombersa aserka des purguntas:

• Di akordu ku es versikulus, ke ku es ermon na disidi fasi? Ke ku bu na fasi si bu oja un algin na fasi un kusa ku bu konsiensia ka setau fasi?

Kal kusas ku pudi juda algin toma bon disisons?

1. Pidi Jeova pa i judau disidi ke ku bu na fasi. — Tiagu 1:5.

2. Fasi piskisa na Biblia i na publikasons ku basia na Biblia pa oja prinsipius ku na aplika pa ki situason. Bu pudi tambi papia ku ermons ku irmas ku tene spiriensia.

3. Jubi rusultadu ku bu disisons na tene na bu konsiensia i na konsiensia di utrus.

RUSUMU

No ta toma bon disison ora ku no pensa kuma ku Jeova na sinti aserka di kil asuntu i jubi kuma ku no asons na juda utrus o fasi elis mal.

Rekapitulason

• Kuma ku bu pudi toma disisons ku na kontenta Jeova?

• Kuma ku bu pudi trena bu konsiensia?

• Kuma ku bu pudi mostra rispitu pa konsiensia di utrus?

TENE MAS INFORMASON

Aprindi mas aserka di kuma ku Jeova ta danu konsiju.

Jeova ta Gia Si Povu (9:50)

Jubi kal kusas ku juda un omi toma un disison difisil.

Jeova Purmiti Danu Tudu ke ki Bon (5:46)

Aprindi kuma ku bu pudi kontenta Jeova ora ki ka da un orientason klaru aserka di un asuntu.

“Sera ki bu pirsisa sempri di un lei di Biblia?” (Sintinela di 1 di dizembru di 2003)