• Bu pudi sedu amigu di Jeova
    Bu Pudi Tene un Vida Filis pa Sempri! — Benefisia di Studu di Biblia

    • 5. Ke ku Jeova ta spera di si amigus

      Normalmenti no ta spera pa no amigus fasi sertus kusas.

      • Kal ki alguns kusas ku bu mistiba pa bu amigus fasi pa bo?

      Lei 1 Jon 5:3, dipus bo kombersa aserka des purgunta:

      • Ke ku Jeova ta spera di si amigus?

      Si no misti obdisi Jeova, no pirsisa di muda no komportamentu o no manera di sedu. Lei Isaias 48:17, 18, dipus bo kombersa aserka des purgunta:

      • Ke ku manda Jeova misti pa si amigus fasi mudansas?

      Un tarbajadur di konstruson na yangasa si kumpañeru un kapasiti di proteson.

      Un bon amigu na lembrantanu kusas ku na proteẑinu i ku na benefisianu. Asin tambi ku Jeova ta fasi ku si amigus.

  • Kuma ku no pudi mostra di kuma no ama Jeova?
    Bu Pudi Tene un Vida Filis pa Sempri! — Benefisia di Studu di Biblia
    • Lison 34. Un omi na un sidadi i sta na jubi seu ku adimirason.

      LISON 34

      Kuma ku no pudi mostra di kuma no ama Jeova?

      Disna ku bu kumsa studa Biblia sera ki bu sinti di kuma bu amor pa Jeova aumenta? Sera ki bu misti pa bu amizadi ku el torna mas forti? Si resposta i sin, lembra di kuma, si Jeova oja bu amor pa rel na aumenta i mas na amau i kuida di bo. Kuma ku bu pudi mostral di kuma bu amal?

      1. Kuma ku no pudi mostra Jeova di kuma no amal?

      No ta mostra no amor pa Jeova ora ku no na obdisil. (Lei 1 Jon 5:3.) I ka ta forsija ningin pa obdisil. Ma pa kontrariu, i da kada un son di nos opurtunidadi di disidi obdisil o nau. Pabia? Pabia Jeova misti pa no obdisil “ku tudu korson”. (Romanus 6:17) Na utrus palabras, i misti pa bu obdisil, i ka pabia bu dibi di fasil, ma pabia bu amal. Seson 3 ku 4 des livru fasidu pa judau mostra bu amor pa Jeova ora ku bu na fasi ke ku na kontental i nega ke ku ka ta kontental.

      2. Ke ku manda i pudi sedu difisil mostra no amor pa Jeova?

      “Omi justu pudi tene manga di fadiga”. (Salmu 34:19) Anos tudu no sta na luta ku no imperfeison. Tambi no ta nfrenta purblemas ekonomiku, injustisa ku utru difikuldadis. Ora ku no na pasa pa situason difisil, i pudi ka sedu fasil fasi ke ku Jeova pidinu. Pabia obdisi Jeova pudi ka sedu fasil. Ma ora ku bu sedu fiel, bu fasi ke ku Jeova falau pa bu fasi, bu ta mostra kuma bu amor pa rel i mas garandi di ki kualker utru kusa. I bu ta mostra di kuma bu sedu fiel pa rel. El tambi, i na sedu fiel pa bo. I nunka i ka na bandonau. — Lei Salmu 4:3.

      APRINDI MAS

      Jubi pabia di ke ku manda bu obdiensia i importanti pa Jeova, i aprindi ke ku pudi judau manti fiel pa rel.

      3. Un disafiu ku bu mati nel

      Di akordu ku livru di Jo, Satanas lantanda un akusason i ka so kontra Jo ma kontra tudu jintis ku misti sirbi Jeova. Lei Jo 1:1, 6–2:10, dipus bo kombersa aserka des purguntas:

      • Di akordu ku Satanas, pabia ku Jo ta obdisi Jeova? — Jubi Jo 1:9-11.

      • Ke ku Satanas fala aserka di tudu jintis nkluindu abo? — Jubi Jo 2:4.

      Lei Jo 27:5b, dipus bo kombersa aserka des purgunta:

      • Kuma ku Jo mostra na bardadi di kuma i ama Jeova?

      Satanas sta na disafia Jeova. I sta na pui duvida na fidelidadi di Jo, ku tene cagas na kurpu, i ku un irma ku sta na sirbi Jeova aos.

      Jo mostra di kuma i ama Jeova manera ki kontinua fiel pa rel.

      No pudi mostra kuma no ama Jeova ora ku no kontinua fiel pa rel.

      4. Pui pa korson di Jeova kontenti

      Lei Ditus 27:11, dipus bo kombersa aserka des purguntas:

      • Kuma ku Jeova ta sinti ora ku bu sedu jiru i bu obdisil? Pabia ki ta sinti sin?

      5. Bu pudi sedu fiel pa Jeova

      No amor pa Jeova ta lebanu papia ku utrus aserka del. No fidelidadi pa rel ta lebanu fasi ke ki falanu mesmu si difisil. Mostra VIDEO, dipus bo kombersa aserka des purguntas:

      VIDEO: Difindi Bu Fe Apesar di Opusison (5:09)

      • Bu ciga di sinti kuma i difisil papia ku utrus aserka di Jeova?

      • Na video, ke ku juda Grayson vensi si medu?

      I fasil sedu fiel pa Jeova ora ku no ama ke ki i ama i no nuju ke ki nuju. Lei Salmu 97:10, dipus bo kombersa aserka des purguntas:

      • Di akordu ku ke ku bu kaba di aprindi, kal kusas ku Jeova ama? I kal kusas ki nuju?

      • Kuma ku bu pudi aprindi ama ke ki i bon i nuju ke ki i mau?

      6. Ora ku no obdisi Jeova no ta tene benefisiu

      Obdisi Jeova sempri i minjor. Lei Isaias 48:17, 18, dipus bo kombersa aserka des purguntas:

      • Bu pensa kuma no pudi fia di ki Jeova sibi sempri ke ki i minjor pa nos? Pabia ku bu pensa sin?

      • Disna ku bu kumsa studa Biblia i kunsi bardadi aserka di Jeova Deus, kuma ku kila judau te nes mumentu?

      ALGUNS JINTIS TA FALA: “Deus ka ta mporta ku ke ku N ta fasi.”

      • Kal testu di Biblia ku bu na usa pa mostral di kuma si komportamentu ta afeta sintimentu di Jeova?

      RUSUMU

      Bu pudi mostra bu amor pa Jeova ora ku bu na obdisil i kontinua fiel pa rel apesar di difikuldadis.

      Rekapitulason

      • Ke ku bu aprindi di izemplu di Jo?

      • Kuma ku bu pudi mostra Jeova di kuma bu amal?

      • Ke ku pudi judau kontinua fiel pa Jeova?

      Tenta fasi es

      TENE MAS INFORMASON

      Diskubri kuma ku bu pudi sedu fiel pa Jeova i pa kongregason.

      “Ku Jinti Fiel Bu ta Mostra Kuma Abo i Fiel” (16:49)

      Aprindi mas aserka di akusason di Satanas kontra pekaduris.

      “Jo Manti Si Fidelidadi” (Kal ki Mensaẑen di Biblia? Seson 6)

      Jubi kuma ku te mesmu jovens pudi mostra se amor pa Jeova.

      Pui pa Jeova kontenti (8:16)

      Kuma ku un joven pudi fasi ke ku Jeova misti nin si kontra utrus na tental fasi un kusa ku ka bali?

      Risisti Preson di Kolegas! (3:59)