6. No ta obdisi ordi di Deus pa prega

Na purmeru sekulu, kilis ku staba kontra sigiduris di Jesus tenta para elis prega. Kristons di purmeru sekulu difindi se diritu di prega pa manera ke “firmanta bardadi di Bon Noba.” (Filipensis 1:7) Tustumuñas di Jeova ta fasi mesmu kusa aos.a

VIDEO: Bon Noba Difindidu di Akordu ku Lei (2:28)

Lei Atus 5:27-42, dipus bo kombersa aserka des purgunta:

• Ke ku manda no ka ta para prega? — Jubi versikulu 29, 38 ku 39.

Jesus fala si sigiduris di kuma e ka dibi di fasi parti “di mundu”. (Jon 15:19) Es nklui sedu neutru, ka toma parti na geras ku asuntus pulitiku di mundu. Na bardadi, i ka tudu ora ki fasil sedu neutru. No pudi gozadu pabia di kila. Kuma ku no pudi manti neutru i kontinua fiel pa Jeova Deus?

1. Kuma ku kristons di bardadi ta oja guvernus di pekadur?

Kristons ta rispita guvernu. No ta fasi suma ku Jesus fala, no ta “da rei kil ki di rei”, es misti fala, no ta obdisi leis di pais, suma paga mpustu ora ke na iziẑi kila. (Markus 12:17) Biblia sina di kuma guvernus di pekadur sta na manda pabia Jeova pirmiti elis manda. (Romanus 13:1) No rikuñisi di kuma guvernus di pekadur tene puder limitadu. No fiansa i na Deus i na si Renu ku sta na seu, ku na bin rosolvi purblemas na tudu mundu.

2. Kuma ku no pudi mostra kuma anos i neutru?

Suma Jesus, no ka ta miti boka na pulitika. Oca ku jintis oja un di milagris ku Jesus fasi, e tenta pul pa i sedu rei na tera, ma i ka seta elis fasi kila. (Jon 6:​15) Ke ku manda i ka seta? Pabia, mas tardi i bin fala: “Ña renu i ka de mundu”. (Jon 18:36) Suma disipulus di Jesus, di manga di manera no ta mostra kuma anos i neutru. Pur izemplu, no ka ta bai gera. (Lei Mikeias 4:3.) No rispita simbulus nasional, suma bandera, ma no ka ta adora elis. (1 Jon 5:​21) No ka ta sta kontra o toma parti di nin un partidu pulitiku o kandidatu. Des manera i ku utrus no ta mostra kuma no sedu fiel so pa guvernu di Deus, ku sedu si Renu.

APRINDI MAS

3. Kristons di bardadi ta sedu neutru

Jesus ku si sigiduris disanu un izemplu. Lei Romanus 13:1, 5-7 ku 1 Pedru 2:13, 14. Dipus, mostra VIDEO i bo kombersa aserka des purguntas:

VIDEO: Kristons di Bardadi ta Sedu Neutru — Parti 1 (4:28)

• Ke ku manda no dibi di rispita otridadis?

• Kal ki alguns maneras ku no pudi mostra kuma no sta bas di otridadis?

Na tempu di gera, alguns nasons ta fala di kuma e sedu neutru, ma e ta apoia tudu dus ladu ku sta na gera. Ke ku signifika na bardadi sedu neutru? Lei Jon 17:16. Dipus, mostra VIDEO i bo kombersa aserka des purgunta:

VIDEO: Kristons di Bardadi ta Sedu Neutru — Parti 2 (3:11)

• Ke ku signifika sedu neutru?

Ke gora si otridadis pidiu pa bu fasi un kusa ku sta kontra lei di Deus? Lei Atus 5:28, 29. Dipus, mostra VIDEO i bo kombersa aserka des purguntas:

VIDEO: Kristons di Bardadi ta Sedu Neutru — Parti 3 (1:18)

• Si lei di pekadur ka konkorda ku lei di Deus, lei di kin ku no dibi di obdisi?

• Sera ki bu pudi pensa na un situason nunde ku un kriston pudi ka obdisi otridadis?

4. Sedu neutru na pensamentu ku ason

Lei 1 Jon 5:​21. Dipus, mostra VIDEO i bo kombersa aserka des purgunta:

VIDEO: Pabia ku kristons di bardadi pirsisa di koraẑen — Pa manti neutralidadi (2:​49)

• Na video, pabia ku Ayenge disidi ka fasi parti di partidu pulitiku o partisipa na atividadis nasional suma sauda bandera?

• Sera ki bu pensa kuma i toma un bon disison?

Kal utrus situasons ku pudi testa no neutralidadi? Mostra VIDEO, dipus bo kombersa aserka des purguntas:

VIDEO: Lisons di Sintinela — Manti Neutru na un Mundu ku Sta Divididu (5:​16)

• Kuma ku no pudi manti neutru ora ki ten disportu entri diferenti tera?

• Kuma ku no pudi manti neutru mesmu si no na afetadu pa disison di pulitikus?

• Kuma ku kusas ku no ta obi na notisias o jintis ku no ta ndianta ku el pudi afeta no neutralidadi?

RUSUMU

Kristons ta sforsa ciu pa sedu neutru na asuntus pulitiku na se pensamentus, se palabras ku se asons.

Rekapitulason

• Ke ku no dibi guvernus di pekadur?

• Kuma ku no pudi manti neutru na asuntus pulitiku?

• Kal situasons ku pudi testa no neutralidadi?

TENE MAS INFORMASON

Kal sakrifisiu ku no pirsisa di fasi pa pudi manti neutru?

Jeova Nunka Bandonanu (3:​14)

Kuma ku familias pudi purpara antis pa situasons ku pudi testa se neutralidadi?

Manti Neutru na Iventus Publiku (4:​25)

Ke ku manda ora ku algin na difindi si tera kila i ka rispitu garandi ki pudi tene?

“Deus Pudi Fasi Tudu Kusa” (5:​19)

Jubi kuma ku bu pudi kontinua ka fasi parti di mundu ora ku bu na toma disisons na asuntu di tarbaju.

“Kada kin ten ku karga si propi kargu” (Sintinela di 15 di marsu di 2006)

5. Kontinua adora Jeova mesmu si bu na pirsigidu

VIDEO: E Mostra Koraẑen Mesmu oca ke na Pirsigidu (6:27)

• Kal izemplu nes video ku fortalisiu?

Lei Atus 5:27-29 ku Ebreus 10:24, 25. Dipus di lei kada testu, bo kombersa aserka des purgunta:

• Ke ku manda i importanti kontinua sirbi Jeova mesmu si no tarbaju di pregason o runion tujidu?