• Sera ki tudu festas ta kontenta Deus?
    Bu Pudi Tene un Vida Filis pa Sempri! — Benefisia di Studu di Biblia

    • Lei Efésius 5:​10, dipus bo kombersa aserka des purguntas:

      • Ke ku no dibi di buska sibi antis di disidi si no na fasi un feriadu?

      • Kal feriadus ku mas ta ojadu na zona nunde ku bu mora?

      • Bu pensa di kuma es feriadus ta kontenta Jeova?

      Pur izemplu, sera ki bu ciga ja di punta ke ku Deus ta pensa aserka di festa di aniversariu? Biblia nunka fala di servus di Jeova ku fasi se aniversariu, ma i papia di dus jintis ku ka ta sirbil ku fasi se festa di aniversariu. Lei Kumsada 40:20-22 ku Mateus 14:6-10. Dipus bo kombersa aserka des purguntas:

      • Kal dus kusas ku es festas di aniversariu parsi nel?

      • Di akordu ku es relatu di Biblia, kuma ku bu pensa Jeova ta sinti aserka di festa di aniversariu?

      Ma, talves bu pudi punta: ‘Sera ki i importanti pa Jeova si N partisipa na festa di aniversariu o na utrus festas ku ka basia na Biblia?’ Lei Saida 32:1-8. Dipus mostra VIDEO, i bo kombersa aserka des purguntas:

      VIDEO: Feriadus ku Festas ku ka ta Kontenta Deus (5:​07)

      • Pabia ku no pirsisa di tene sertesa di kusas ku Jeova ta seta?

      • Kuma ku no pudi fasi kila?

      Kuma ku no pudi sibi si un festa ka ta kontenta Deus?

      • Sera ki i basia na nsinus ku ka sta na Biblia? Fasi piskisa pa sibi di nunde ke sai.

      • Sera ki ta ngaba pekaduris, organizasons, ku simbulus nasional di un manera ki ka normal? No ta ngaba Jeova riba di tudu i konfia di kuma el ku pudi rosolvi purblemas di mundu.

      • Sera ki kustumus ku pratikas des festas sta kontra normas di Biblia? No pirsisa di kontinua limpu na sintidu moral.

  • Kuji divirtimentu ku na kontenta Jeova
    Bu Pudi Tene un Vida Filis pa Sempri! — Benefisia di Studu di Biblia
    • Lison 53. Pape, mame, ku fiju na jubi televison e na kume pipokas.

      LISON 53

      Kuji divirtimentu ku na kontenta Jeova

      Jeova i “Deus filis.” (1 Timótiu 1:11, TNM) I misti pa no sta kontenti i pa no tene un vida filis. I ta fika kontenti ora ku no tira tempu di no tarbaju pa diskansa. Nes lison, no na oja kuma ku no pudi usa no tempu di diskansu di un manera ku na danu kontentamentu, sinti ben, i ku na kontenta tambi Jeova.

      1. Ke ku no dibi di lembra del ora ku no na kuji no divirtimentu?

      Ke ku bu gosta di fasi ora ku bu na diskansa? Alguns ta pirfiri pasa se tempu di diskansu na kasa na un ambienti kalmu, pa lei livru, obi musika, jubi un filmi, o navega na internet. Utrus ta misti sta mas ativu, sta juntu ku se amigus, pa nada, juga bola, o pasia. I ka mporta kal divirtimentu ku no kuji, no pirsisa di tene sertesa di kuma “Deus ta kontenti ku el.” (Efésius 5:10) I importanti pa no ntindi es pabia manga di divirtimentu ku ten aos tene kusas ku Jeova odia, suma violensia, pekadu seksual, o spiritismu. (Lei Salmu 11:5.) Ke ku pudi judanu kuji no divirtimentu ku jiresa?

      Si no kuji amigus ku ama Jeova, e pudi tene bon influensia na nos i na divirtimentu ku no na kuji. Suma ku no aprindi na un di lison ku pasa, “si bu yanda ku jiru bu na sedu jiru.” Pa utru ladu, si no ta yanda sempri ku jintis ku ka ama normas di Jeova, no “na sufri danu.” — Ditus 13:20.

      2. Ke ku manda i importanti kontrola tempu ku no ta pasa na divirtimentu?

      Mesmu si divirtimentu ku no kuji ka na dana no relason ku Jeova, no pirsisa di kuida pa ka gasta manga di tempu nel. Si i ka kila, talves no ka na tene tempu sufisienti pa atividadis mas importanti. Biblia nkoraẑanu pa no “purbita” o usa ben no tempu. — Lei Efésius 5:15, 16.

      APRINDI MAS

      Aprindi kuma ku bu pudi toma bon disison aserka di divirtimentu.

      3. Ivita divirtimentu ku ka bali

      Pabia ku no dibi di kuji diritu no divirtimentu? Mostra VIDEO, dipus bo kombersa aserka des purguntas:

      VIDEO: Kal Tipu di Divirtimentu ku N Dibi di Kuji? (4:39)

      • Kuma ku jugu di antigu Roma parsi ku alguns divirtimentu ku ten aos?

      • Na video, ke ku Dani aprindi aserka di divirtimentu?

      Lei Romanus 12:9, dipus bo kombersa aserka des purgunta:

      • Kuma ku es versikulu pudi judau kuji bon tipu di divirtimentu?

      Kal ki alguns kusas ku Jeova nuju? Lei Ditus 6:16, 17 ku Gálatas 5:19-21. Dipus di lei kada testu, bo kombersa aserka des purgunta:

      • Kal kusas ku faladu del nes versikulu ku ten na divirtimentu ku ta ojadu aos?

      Kuma ku bu pudi kuji bu divirtimentu ku jiresa

      Punta bu kabesa:

      • Ke ku N ta divirti ku el? Sera ki i nklui kualker kusa ku Jeova nuju?

      • Kal ora ku N ta divirti? Sera ki i ta toma tempu di ña atividadis mas importanti?

      • Ba kin ku N ta divirti ku el? Sera ki es divirtimentu ta pertusin ciu dimas di jintis ku ka ama Jeova o i ta fasin sta sempri ku elis?

      I mas suguru fasi tudu ku no pudi pa sta lunju di pirigu. E ku manda no dibi di sta lunju di kualker divirtimentu ku no nota kuma i pudi ka sedu bon pa nos.

      Un karu sta na kuri na bera di montaña. Roda di karu sta na disvia pa bera di montaña.

      4. Usa bu tempu ku jiresa

      Mostra VIDEO, dipus bo kombersa aserka des purgunta:

      VIDEO: Ke ku ta Kontrola Bu Tempu? (2:45)

      • Apesar di kuma es ermon na video ka staba na jubi nada di mal, ma kal ku seduba si purblema?

      Lei Filipensis 1:10, dipus bo kombersa aserka des purgunta:

      • Kuma ku es versikulu pudi judanu disidi kantu tempu ku no na pasa na divirtimentu?

      5. Kuji divirtimentu ki bon pa bo

      Alguns divirtimentus ka ta kontenta Jeova, ma i ten manga delis ki bon i ku ta kontental. Lei Eklesiastis 8:15 ku Filipensis 4:8, dipus bo kombersa aserka des purgunta:

      • Kal bon divirtimentus ku bu gosta del?

      Imaẑens: Jintis di idadi diferenti tene un bon divirtimentu i pasa un bon tempu. 1. Un bajuda sta na obi musika i na diseña. 2. Tris joven sta na juga basket. 3. Dus mininus sta na kurinti bisikleta. 4. Un mininu sta na kumpu brinkeru di karu. 5. Un omi sta na toka tambur. 6. Un mininu sta na juga video gaimi ku si pape. 7. Un minjer sta na tira foto.

      Bu pudi tene bon divirtimentu i pasa un bon tempu.

      ALGUNS JINTIS TA FALA: “I ka ten nada di mal na jubi filmi di violensia, pekadu seksual, o spiritismu, pabia N ka ta pratika ki kusas.”

      • Kuma ku bu na ruspundiba?

      RUSUMU

      Jeova misti pa no kuji bon divirtimentu i pa no kontenti ku el.

      Rekapitulason

      • Kal divirtimentu ku un kriston dibi di ivita?

      • Ke ku manda no dibi di toma kuidadu ku tempu ku no na pasa na divirtimentu?

      • Ke ku manda bu misti kuji divirtimentu ku na kontenta Jeova?

      Tenta fasi es

      TENE MAS INFORMASON

      Jubi kin ki responsavel pa kuji bu divirtimentu.

      “Sera ki Tustumuñas di Jeova ta Tuji Sertus Filmis, Livrus, o Musikas?” (Artigu na internet)

      Na storia “Te mesmu N konsigi para pensa mal kontra utru rasa,” jubi pabia ku un omi muda kusas ki ta kujiba pa divirti ku el.

      “Biblia ta muda vida di jintis” (Sintinela di 1 di fevereru di 2010)

      Jubi kuma ku un mame toma bon disison aserka di divirtimentus ku tene storia di spiritismu.

      Ivita Divirtimentus ku Tene Spiritismu (2:02)