• Kuma ku runions di Tustumuñas di Jeova pudi judau?
    Bu Pudi Tene un Vida Filis pa Sempri! — Benefisia di Studu di Biblia
    • Lison 10. Un omi sta na jubi un versikulu ku un irmon na mostral na un runion di Tustumuñas di Jeova.

      LISON 10

      Kuma ku runions di Tustumuñas di Jeova pudi judau?

      Bu ciga ja di kumbidadu pa un runion di Tustumuñas di Jeova? Si bu ka ciga di mati, talves bu pudi ka sta avontadi di matil pa purmeru bias. Talves bu pudi punta: ‘Ke ku ta akontisi nes runions? Pabia ke runions i importanti? Pabia ku N dibi di matil?’ Nes lison, bu na aprindi kuma ku mati runions, pudi pertusiu di Deus i judau pesualmenti.

      1. Pabia di ke ku manda Tustumuñas di Jeova ta fasi runion?

      Nota kuma ku un skirbidur di Biblia mostra rason prinsipal ku pui no ta fasi runion: “N na ngaba SIÑOR na juntamentu.” (Salmu 26:12) Di mesmu manera, Tustumuñas di Jeova ta tene kontentamentu garandi di junta na runions. Na mundu ntidu e ta junta kada semana pa ngaba Deus, pa kanta, i pa ora. Kada anu, e ta fasi tambi alguns runions mas garandi pa adora Deus.

      2. Ke ku bu na aprindi na no runions?

      Na no runions no ta konsentra na Palabra di Deus, atraves di ‘colona i splika si sintidu’. (Lei Neemias 8:8.) Si bu ta mati no runions bu na aprindi aserka di Jeova ku si maneras di sedu. Mas bu na aprindi aserka di amor ki tene pa bo, mas bu na pertusi del. Bu na diskubri tambi, kuma i pudi judau tene un vida filis. — Isaias 48:17, 18.

      3. Kuma ku jintis ku bu na oja na no runions pudi judau?

      Jeova falanu pa no “pensa na n̈utru, pa disperta n̈utru pa mostra amor, pa fasi bon tarbaju. Ka no disa kustumu di junta”. (Ebreus 10:24, 25) Na no runions bu na oja jintis ku na bardadi ta preokupa ku n̈utru, i ku misti aprindi mas aserka di Deus suma bo. Bu na pudi papia ku utrus, obi diskursus ku kumentarius nkoraẑanti basiadu na Biblia. (Lei Romanus 1:11, 12.) Bu na pudi tambi papia ku utrus ku sai ben na lida ku se purblemas na vida, tantu solterus suma kasadus. Esis i so alguns rasons ku pui Jeova misti pa no ba ta mati sempri runions!

      APRINDI MAS

      Diskubri kuma ku runions di Tustumuñas di Jeova ta sedu, i pabia ki bali pena fasi sforsu pa mati es runions.

      4. Runions di Tustumuñas di Jeova

      Na purmeru sekulu, kristons ta juntaba sempri pa adora Jeova. (Romanus 16:3-5) Lei Kolosensis 3:16, dipus bo kombersa aserka des purgunta:

      • Kuma ku kristons di purmeru sekulu ta adoraba Jeova?

      Aos, Tustumuñas di Jeova ta fasi tambi runions sempri na se lugaris di adorason. Pa oja kuma ku se ruinons ta sedu, mostra VIDEO. Dipus jubi foto di runion di kongregason, i bo kombersa aserka des purguntas:

      VIDEO: Ke ku Ta Akontisi Na Salon di Renu? (2:12)

      • Kal kusas ku bu oja na video, ku parsi ku ke ku bu kaba di lei na Kolosensis 3:16?

      • Na video o na foto, sera ki bu nota di algun kusa mas, aserka di no runion ku tokau?

      Lei 2 Koríntius 9:7, dipus bo kombersa aserka des purgunta:

      • Pabia ku Tustumuñas di Jeova ka ta pidi diñeru na se runions?

      Juntu ku kin ku ta studa Biblia ku bo, jubi alguns kusas ku na bin faladu del, na un di runions des semana.

      • Kal parti di runion ku bu aŝa kuma i na sedu mas interesanti o pratiku pa bo?

      Sera ki bu sibiba kuma?

      Na jw.org, bu pudi oja ora ku lokal ku runions ta fasidu na mundu ntidu.

      Imaẑen: Imaẑen di Salon di Renu antis, duranti i dipus di runion. Imaẑen ripitidu mas apartir di letra A te D. A. Un Tustumuña di Jeova firma na palku i na fasi diskursu basiadu na Biblia na un runion. B. Un Tustumuña di Jeova ku sta na runion na da kumentariu na parti di purgunta ku resposta. C. Un Tustumuña di Jeova na papia ku un familia dipus di runion. D. Un Tustumuña di Jeova na yabri porta pa un omi garandi ku bin pa runion.

      1. No runions ta nklui diskursus, videos, ku trenamentu pa pregason ku nsinu. Tudu runions ta kumsa i kaba ku kantiku i orason.

      2. Na alguns parti di runion asistensia ta kumbidadu pa da kumentariu.

      3. Tudu jintis sta kumbidadu — familias, solterus, jintis garandi, ku mininus.

      4. Na no runions entrada i livri. Tustumuñas di Jeova ka ta pidi diñeru.

      5. I pirsis sforsu pa mati runions

      Jubi izemplu di familia di Jesus. Di Nazaré pa Jerusalen, e tenba ku yanda serka di tris dia, pa mati un runion mas garandi ku ta fasidu kada anu, na se bias e ta pasaba pa zonas ku tene montaña. Lei Lukas 2:39-42, dipus bo kombersa aserka des purguntas:

      • Bu pensa kuma i pirsis sforsu pa fasi es bias pa Jerusalen?

      • Pabia di ke ku manda bu dibi di fasi sforsu pa mati runions?

      • Bu pensa kuma i bali pena fasi kila? Pabia ki bali pena?

      Imaẑen: José, Maria, Jesus, ku un di si ermonsiñus na purpara pa bias. 1. José na pui saku na un buru, i Maria na purpara kusas di kume. 2. Un mapa na mostra kamiñu di Nazaré pa Jerusalen.

      Biblia fala kuma, junta ku utrus pa adora Jeova i muitu importanti. Lei Ebreus 10:24, 25, dipus bo kombersa aserka des purgunta:

      • Ke ku manda no dibi di mati runions sempri?

      ALGUNS JINTIS TA FALA: “Bu ka pirsisa di junta ku utrus. Basta so bu studa Biblia na kasa.”

      • Kal testu o izemplu di Biblia ku ta mostra ke ku Jeova misti?

      RUSUMU

      Mati runions na judau aprindi mas aserka di Jeova, fortalisi bu amizadi kel i adoral juntu ku utrus.

      Rekapitulason

      • Pabia ku Jeova nsentivanu mati runions juntu ku utrus?

      • Ke ku bu na aprindi na runions di Tustumuñas di Jeova?

      • Di kal utru manera ku mati runions pudi judau?

      Tenta fasi es

      TENE MAS INFORMASON

      Ke gora si bu ka sta avontadi pa mati un runion? Jubi kuma ku un omi ku ta sintiba asin, pasa na gosta di runions.

      No Ka Diskisi Nunka kuma ke Risibinu (4:16)

      Jubi kuma ku un joven gosta di runions, i ke ki fasi pa kontinua mati runions.

      N Gosta Ciu di Runions! (4:33)

      Diskubri ke ku utrus fala aserka di mati runions.

      “Pabia ki Bon Mati Runions na Salon di Renu?” (Artigu na internet)

  • Renu di Deus sta ja na manda!
    Bu Pudi Tene un Vida Filis pa Sempri! — Benefisia di Studu di Biblia

    • 5. Situason di mundu muda disna di 1914

      Mostra VIDEO.

      VIDEO: Situason di Mundu Muda Disna di 1914 (1:​10)

      Jesus konta kuma ku mundu na sta ora ki sedu Rei. Lei Lukas 21:9-11, dipus bo kombersa aserka des purgunta:

      • Kal kusas ku faladu del li ku bu sta na oja o obi?

      Apostulu Paulu konta kuma ku pekaduris na sedu na fin de tempu ora ku guvernus di pekadur pertu kaba. Lei 2 Timótiu 3:1-5, dipus bo kombersa aserka des purgunta:

      • Kal un des komportamentus ku bu oja jintis tene aos?

      Imaẑens: Imaẑens ku na mostra situasons di mundu ku komportamentu di jintis na fin de tempu. 1. Un ŝef militar firma i yalsa mon i na grita. 2. Predius kai e dana dipus di tirmidura di con. 3. Avions militar. 4. Un grupu di jintis pui maskra e sta na yanda na rua. 5. Tori Jemiu di Nova York paña fugu dipus di ataki terorista. 6. Un omi na usa droga. 7. Un omi yalsa mon i na grita riba di si minjer. 8. Manga di drogas ku bibidas alkoliku. 9. Dus minjeris bisti ropa ku sta na moda i e faja kurpu e sta na tira foto. 10. Un omi sta na anima manga di jintis na festa. 11. Un manifestanti sta na ferca garafa ku tene fugu.

      6. Ke ku Renu di Deus dibi di lebanu pa fasi

      Lei Mateus 24:​3, 14, dipus bo kombersa aserka des purguntas:

      • Kal tarbaju importanti ku ta mostra di kuma Renu di Deus kumsa ja ku manda?

      • Kuma ku bu pudi partisipa nes tarbaju?

      Renu di Deus kumsa ja ku manda, i ka na tarda i na bin manda riba di tudu Tera. Lei Ebreus 10:​24, 25, dipus bo kombersa aserka des purgunta:

      • Ke ku kada un di nos dibi di fasi, suma ku no “oja Dia ku Siñor na bin mas na pertu”?

      Imaẑens: 1. Un studanti di Biblia mati runion di Tustumuñas di Jeova. 2. E mesmu studanti sta na prega un algin ki kunsi.

      Si bu aprindi un kusa ku pudi juda i salva vida di utrus, ke ku kila na lebau pa bu fasi?