-
Biblia i mensaẑen di Deus pa nosBu Pudi Tene un Vida Filis pa Sempri! — Benefisia di Studu di Biblia
-
-
1. Si omis ku skirbi Biblia, kuma ku Deus bin sedu si Dunu?
Biblia skirbidu pa serka di 40 omis, na un piriudu di serka di 1.600 anus, apartir di 1513 AEK te serka di 98 EK. Si skirbiduris i di diferentis formason. Ma mesmu asin, tudu partis di Biblia tene armonia. Kuma ku es pudi sedu? I pabia Deus ki Dunu di Biblia. (Lei 1 Tesalonisensis 2:13.) Kilis ku skirbil ka skirbi se propi pensamentu. Ma “Spiritu Santu ku leba omis pa e fala palabras ku bin di Deus.”a (2 Pedru 1:21) Deus usa si spiritu santu pa nspira o pui omis skirbi si pensamentus. — 2 Timótiu 3:16.
-
-
Kal tipu di algin ku Jeova sedu?Bu Pudi Tene un Vida Filis pa Sempri! — Benefisia di Studu di Biblia
-
-
4. Spiritu santu i forsa ativu di Deus
Suma ku no ta usa no mon pa tarbaja, asin tambi ku Jeova ta usa si spiritu santu. Biblia mostra di kuma spiritu santu i ka Deus, ma i forsa ku Deus ta usa pa fasi kusas. Lei Lukas 11:13 ku Atus 2:17, dipus bo kombersa aserka des purguntas:
Deus na “darma” si spiritu santu riba di kilis ku pidil. Sera ki bu pensa kuma spiritu santu i Deus o i forsa ativu di Deus? Pabia ku bu fala sin?
Jeova ta usa si spiritu santu pa fasi kusas adimiradu. Lei Salmu 33:6 ku 2 Pedru 1:20, 21, dipus bo kombersa aserka des purgunta:
Di kal maneras ku Jeova usaba si spiritu santu?
-