Introduson

DEUS TUDU PUDEROSU i Siñor di mundu ntidu. No vida, di aos i di amaña, dipindi del. I tene puder pa da labaremu i pa kastiga. I tene puder pa da vida i pa tiral. Si no fasi kusa ki na kontental, no na sai ben; si no ka fasil, no na pasa mal. I importanti dimas pa no adorason setadu pa Deus.

Jintis ta adora di manga di manera. Si riliẑion i suma kamiñu, sera ki tudu es riliẑions ta kontenta Deus? Nau, e ka ta kontental. Jesus, profeta di Deus, mostra kuma i ten so dus kamiñu. I fala: “Porton i largu, kamiñu i garandi ku ta bai pa pirdison; manga di jinti ta yentra nel. Ma porton i pikininu, ­kamiñu i pertadu ku ta bai pa vida; puku jintis ku ta ocal.” — Mateus 7:13, 14.

I ten so dus tipu di riliẑion: Un ku ta leba pa vida i utru ku ta leba pa mortu. Es livru fasidu pa judau oja kamiñu ku ta leba pa vida ku ka ta kaba.