STUDU 10

Mudansa di vos

Ditus 8:4, 7

RUSUMU: Transmiti ideias di manera klaru i juda jintis sinti emoson atraves di muda vulumi, ton ku ritmu di vos.

Muda vulumi di vos. Omenta vulumi di vos pa distaka pontus prinsipal i motiva kilis ku na sukutau. Fasi mesmu kusa ora ku bu na lei pasaẑens di Biblia ku na fala di julgamentus. Rapati vulumi di vos pa kria spetativa, o pa spresa medu o preokupason.

Ka bu buri vulumi di vos sempri, pabia kilis ku na sukutau pudi pensa ki bu na jusia nan ku elis. Ka bu fasi pa jintis konsentra na bo atraves di sedu dramatiku dimas.
Muda ton di vos. Si i ta fasidu na bu lingua, omenta ton di vos pa mostra alegria, tamañu o distansia. Rapati ton di vos pa spresa tristesa o preokupason.
Muda ritmu di vos. Papia mas rapidu pa spresa alegria. Papia mas lentu ora ku bu na distaka pontus importanti.

Ka bu panta kilis ku na sukutau, i ka bu muda ritmu di repenti. Ka bu papia rapidu dimas tok jintis ka na ntindi diritu.