STUDU 7

Prova izatu ku ta konvensi

Lukas 1:3

RUSUMU: Usa prova di konfiansa pa juda kilis ku na sukutau ciga un bon konkluson.

Konsulta fonti di materia di konfiansa. Basia bu komentarius na Palabra di Deus atraves di leil diretamenti sempri ki pusivel. Si bu na papia di un asuntu sientifiku, di un notisia, di un spiriensia o di un utru prova, verifika antis si ki fonti di materia i di konfiansa i atualizadu.
Usa di manera apropriadu fontis di materia. Aplika testus di akordu ku kontestu, tema geral di Biblia, ku di publikasons di “servu jiru, di fiansa”. (Mat 24:45) Ora ku bu na usa un fonti di materia ki ka di Biblia, fasil di akordu ku kontestu oriẑinal, ku ke propi ku otor misti fala.

Ka bu pasanta o izaẑera na konta un eventu o buri numerus. Toma kuidadu pa ora ke fala “alguns jintis” pa ka bu mudal pa “maioria di jinti”, o ora ke fala “na alguns kasu” bu mudal pa “sempri”, tambi ora ke fala “talves” bu mudal pa “sin duvida”.
Rasiosina ku basi na prova. Ora ku bu lei un testu o sita un fonti di materia, fasi purgunta ku rispitu o ilustra pontu pa juda kilis ku na sukutau ciga se propi konkluson.