“Bo pensa ne kusas”

Kal kusas? Filipensis 4:8 fala pa pensa na kusa ki di bardadi, ki retu, justu, puru, bon, tudu ku pudi amadu, tudu ki di bon fama, ku tudu ku meresi ngaba. Es ka signifika kuma, kristons dibi di pensa so na kusas di Biblia tudu ora. Ma, pensamentus di no korson dibi di sabi pa Jeova. I ka dibi di nfraksi no disison di sedu fiel pa rel. — Sal 19:14.

I pudi sedu difisil ivita pensamentus ku ka bali. No tene un luta i ka so kontra no propi mperfeison, ma tambi kontra Satanas, “deus de mundu”. (2 Kor 4:4) Pabia i el ku ta kontrola maior parti di ke ku ta pasa na televison, radiu, internet, jornal ku livrus. Si no ka kuji diritu ke ku no na inci no menti ku el, no pensamentu na korumpidu, i dipus no konduta na bin afetadu. — Tiagu 1:14, 15.

JUBI VIDEO IVITA DI KUSAS KU TA DANA FIDELIDADI — DIVIRTIMENTU KU KA BALI, I DIPUS RUSPUNDI ES PURGUNTAS:

• 

  Ke ku irmon ta jubi na si telemovel, i kuma ki afetal?

• 

  Kuma ku testu di Gálatas 6:7, 8 ku Salmu 119:37 judal?