STUDU 2

Kombersa natural

2 Koríntius 2:17

RUSUMU: Papia di manera natural i sinseru ku na transmiti bu sintimentu pa asuntu ku bu na papia del i pa kilis ku na sukutau.

Ora i purpara diritu. Ora pa Jeova judau konsentra, i ka na bu kabesa, ma na mensaẑen. Kunsi diritu pontus prinsipal ku bu pirsisa di transmiti. Spresa ideias na bu propi palabras; ka bu ripiti so palabra pa palabra suma ki skirbidu.

Si bu plania lei un testu di Biblia o un utru publikason, bu dibi di kunsi diritu ki pasaẑen pa pudi lei sin ngata-ngata. Si bu na lei ke ku un algin papia, fasil ku sintimentu, sin izaẑera.
Papia di korson. Pensa na pabia ku kilis ku na sukutau pirsisa di obi ki mensaẑen. Konsentra nelis. Si bu fasi kila, bu atitudi, bu ẑestus, ku bu rostu na mostra kuma abo i un algin sinseru i amigavel.

Ma ka bu kunfundi sedu natural ku sedu diskontraidu. Manti dignidadi di mensaẑen, usa linguaẑen klaru i koretu.
Jubi kilis ku na sukutau. Manti kontaktu visual, nunde ki ka ta ojadu suma un kusa eradu. Ora ku bu na fasi diskursu, jubi un algin na asistensia di ves en kuandu, en ves di jubi o furta uju pa jubi un grupu di jinti.