NO VIDA KRISTON

Kuma ku kasadus pudi fortalisi se kasamenti

Abraon ku Sara i un bon izemplu di kasadus ku tene amor ku rispitu pa n̈utru. (Kum 12:11-13; 1 Ped 3:6) Mesmu asin, se kasamenti ka seduba perfeitu, i e tenba di nfrenta provasons na vida. Ke ku kasadus pudi aprindi di izemplu di Abraon ku Sara?

Bo kumunika. Ora ku bu parseru papia ku dureza o raiba, reaẑi ku umildadi. (Kum 16:5, 6) Bo fasi planu pa pasa tempu juntu. Atraves di palabras ku asons, garanti bu parseru kuma bu amal. Mas importanti, bo manti Jeova na bo kasamenti atraves di studa, ora, i adoral juntu. (Ekl 4:12) Kasamentis forti ta onra Jeova, Kil ku oriẑina es aranẑu sagradu.

JUBI VIDEO COMO FORTALECER O CASAMENTO, I DIPUS RUSPUNDI ES PURGUNTAS:

Na video, kal ki alguns sinal ku ta mostra kuma João ku Carla staba na afasta di n̈utru.
Pabia ku kumunikason abertu i importanti na kasamenti?
Kuma ku izemplu di Abraon ku Sara juda João ku Carla?
Ke ku João ku Carla fasi pa fortalisi se kasamenti?
Pabia ku omi ku minjer ka dibi di spera perfeison na se kasamenti?

Imaẑens: Senas di video ‘Como Fortalecer o Casamento.’ João ku Carla da pasus pa fortalisi se kasamenti. 1. Kada un delis sinta na si ladu na sofa. 2. E pega n̈utru mon. 3. E sta juntu na pregason. — Bu pudi fortalisi bu kasamenti!