BIBLIOTEKA NA INTERNET di Watchtower
BIBLIOTEKA NA INTERNET
di Watchtower
Kriol di Gine-Bisau
N̈, n̈, Ŝ, ŝ, Ẑ, ẑ
  • N̈
  • n̈
  • BIBLIA
  • PUBLIKASONS
  • RUNIONS
  • Kuma ku no publikasons ta skirbidu i traduzidu?
    Ba Kin ku Sta na Fasi Vontadi di Jeova Aos?
    • LISON 23

      Kuma ku no publikasons ta skirbidu i traduzidu?

      Un algin ku sta na tarbaja na Dipartamentu di Redason, Stadus Unidu

      Dipartamentu di Redason, Stadus Unidu

      Un grupu di tradutoris na Koreia di Sul

      Koreia di Sul

      Un omi na Armenia pega un livru traduzidu pa Tustumuñas di Jeova

      Armenia

      Un bajuda na Burundi pega un livru traduzidu pa Tustumuñas di Jeova

      Burundi

      Un minjer na Sri Lanka pega rivistas traduzidu pa Tustumuñas di Jeova

      Sri Lanka

      Pa pudi fasi no minjor na konta “Bon Noba” pa “tudu nason ku rasa ku lingua ku pobu,” no ta fasi publikasons na mas di 750 lingua. (Apokalipsi 14:​6) Kuma no ta konsigi nfrenta es disafiu? No tene skirbiduris na manga di teras ku bin di diferentis nasons juntu ku un grupu di tradutoris dedikadu — tudu i Tustumuñas di Jeova.

      Testu orijinal ta purparadu na inglis. Korpu Guvernanti ta supervisiona atividadi di Dipartamentu di Redason na sedi mundial. Es dipartamentu ta kordena disignason di skirbiduris ku ta sirbi na sedi mundial i na alguns skritorius di filial. Suma no skirbiduris bin di diferentis nasons ku teras, kila ta pirmitinu skirbi asuntus ku ta afeta jintis di diferentis kultura, pa kila no publikasons ta toka jintis di manga di teras.

      Testu ta mandadu pa tradutoris. Dipus ku materia skirbidu i aprovadu, i ta mandadu atraves di komputadoris pa ekipas di traduson na tudu mundu, e ta traduzi, verifika i fasi revison di testu. E ta sforsa kuji “palabra di bardadi” ku ta transmiti tudu signifikadu di inglis na se lingua. — Eklesiastis 12:10.

      Komputadoris ta silera tarbaju. Un komputador ka pudi toma lugar di skirbiduris ku tradutoris. Ma se tarbaju pudi fasidu rapidu ku usu di disionarius eletroniku, programas di komputador i ku feramentas di piskisa. Tustumuñas di Jeova fasi un Sistema di Editorason Eletroniku na manga di Linguas (MEPS). Es ta pirmiti elis skirbi testu na sentenas di linguas juntu ku gravuras i purpara testu pa mpreson.

      Ke ku manda no ta fasi e manga di sforsu, te mesmu pa linguas ku ta papiadu so pa puku jintis? Pabia i di vontadi di Jeova pa “tudu jintis salba, pa e ciga di kunsi bardadi.” — 1 Timótiu 2:⁠3, 4.

      •  Kuma ki no publikasons ta skirbidu?

      •  Ke ku manda no ta traduzi no publikasons na manga di linguas?

  • Kuma ku no tarbaju na mundu ntidu ta finansiadu?
    Ba Kin ku Sta na Fasi Vontadi di Jeova Aos?
    • LISON 24

      Kuma ku no tarbaju na mundu ntidu ta finansiadu?

      Algin ku na fasi kontribuison di livri vontadi
      Tustumuñas di Jeova na tarbaju di pregason

      Nepal

      Vuluntarius di konstruson di Salons di Renu na Togu

      Togu

      Vuluntarius sta na tarbaja na filial di Inglatera

      Inglatera

      No organizason ta pruduzi i distribui milyons di Biblia ku utrus publikasons kada anu sin kobra nada. No ta kumpu no repara Salons di Renu ku idifisius di filial. No ta apoia milyaris di betelitas ku misionarius, i no ta da ajuda na mumentus di disastri. Talves bu na punta: ‘Kuma kes tudu ta finansiadu?’

      No ka ta kobra dizimu, taŝas, o pidi diñeru. Kustu di no tarbaju di ivanjelizason i garandi dimas, ma mesmu asin, no ka ta pidi diñeru. Mas di sen anu atras, sugundu artigu di rivista A Sentinela fala kuma no akredita ki, Jeova i no apoiadur i pa kila, no organizason “ka na fasi nin un pididu pa omis apoia no tarbaju” — i nunka no fasil! — Mateus 10:⁠8.

      No obra ta apoiadu pa ofertas di livri vontadi. Manga di jintis ta apresia no tarbaju di sina Biblia i e ta apoial. Propi Tustumuñas di Jeova, di manera alegri e ta kontribui ku se tempu, inerẑia, diñeru i ku utrus meius pa fasi vontadi di Deus na tudu mundu. (1 Kronikas 29:⁠9) Na Salon di Renu i na no asembleias ku kongresus, i ten kaŝas di kontribuison nunde ku kilis ku misti fasi oferta pudi fasil. Tambi oferta pudi fasidu atraves di no site jw.org. Maioria di diñeru ku ta risibidu, ta bin di jintis simplis, manga delis i suma ki viuva pobri ku Jesus ngaba pa manera ki pui dus mueda di puku balur na kofri di templu. (Lukas 21:​1-4) Asin, kada kin pudi ba ta “pui aparti si oferta” pa da “konformi i sinti na si korson.” — 1 Koríntius 16:2; 2 Koríntius 9:⁠7.

      No sta konvensidu di kuma Jeova na kontinua motiva korson di kilis ku misti ‘dal gloria ku se rikesa’ na apoia tarbaju di prega Renu, asin si vontadi na pudi fasidu. — Ditus 3:⁠9.

      •  Ke ku ta diferensia no organizason ku utrus riliẑion?

      •  Kuma ku ofertas vuluntariu ta usadu?

  • Kuma ku Salons di Renu ta kumpudu i pabia di ke?
    Ba Kin ku Sta na Fasi Vontadi di Jeova Aos?
    • LISON 25

      Kuma ku Salons di Renu ta kumpudu i pabia di ke?

      Vuluntarius di konstruson di Salons di Renu na Bolivia

      Bolivia

      Un Salon di Renu na Nijeria antis di sedu renovadu
      Un Salon di Renu na Nijeria dipus di sedu renovadu

      Nijeria, antis i dipus

      Obra di konstruson di Salon di Renu na Taiti

      Taiti

      Suma ki propi nomi Salon di Renu misti mostra, nsinu prinsipal di Biblia ku ta konsideradu la, ta konsentra na Renu di Deus — tema di pregason di Jesus. — Lukas 8:⁠1.

      I sentrus di adorason di bardadi na kumunidadi. I nes kau ku pregason di bon noba di Renu ta organizadu. (Mateus 24:14) Salons di Renu ta diferenti na tamañu ku stilu, ma tudu i simplis idifisius, i manga delis ta usadu pa mas di un kongregason. Na anus resenti no kumpu milyaris di nobu Salons di Renu (un media di sinku kada dia) pa kumpaña omentu di publikadoris ku kongregasons. Kuma kes pudi sedu? — Mateus 19:26.

      E ta kumpudu ku ofertas ku ta fasidu pa konstruson di Salons di Renu. E ofertas ta mandadu pa skritoriu di filial, asin diñeru pudi sta dispunivel pa kongregasons ku pirsisa di kumpu o repara se Salon di Renu.

      E ta kumpudu pa vuluntarius di diferentis formasons ku ka ta pagadu. Na manga di teras i organizadu Grupus di Konstruson di Salon di Renu. Ekipas di ajudantis ku vuluntarius ta bai di un kongregason pa utru dentru di ki tera, te mesmu na zonas lunju, pa juda kongregasons lokal kumpu se Salons di Renu. Na utru teras, Tustumuñas di Jeova kualifikadu ta disignadu pa supervisiona kunstruson ku renovason di Salons di Renu dentru di un reẑion disignadu. I bardadi kuma manga di tarbajaduris profisional di ki reẑion ta bin juda na tudu kaus di konstruson, ma membrus di kongregason lokal ta forma parti mas garandi di vuluntarius pa tarbaja. Spiritu di Jeova ku tudu sforsu sinseru di si povu ta torna es tudu pusivel. — Salmu 127:1; Kolosensis 3:​23.

      •  Ke ku manda no lugaris di adorason ta comadu Salons di Renu?

      •  Kuma ki pusivel kumpu Salons di Renu na mundu ntidu?

Publikasons na Kriol di Gine-Bisau (2000-2025)
Sai
Entra
  • Kriol di Gine-Bisau
  • Manda pa utru algin
  • Preferensias
  • Copyright © 2025 Watch Tower Bible and Tract Society of Pennsylvania
  • Termus di Usu
  • Pulitika di Privasidadi
  • Normas di Privasidadi
  • JW.ORG
  • Entra
Manda pa utru algin