STUDU 12

Papia ku sintimentu i empatia

1 Tesalonisensis 2:7, 8

RUSUMU: Papia ku sintimentu di bardadi. i mostra kilis ku na sukutau kuma bu ta preokupa ku elis.

Pensa na kilis ku na sukutau. Pensa na purblemas ke na pasa pa purpara bu korson. Tenta pui bu kabesa na se lugar.
Kuji diritu bu palabras. Buska manera di anima, konsola i fortalisi kilis ku na sukutau. Ivita spresons ku pudi pui elis paña raiba sin nesesidadi, i ka bu papia mal di kilis ki ka ta adora Jeova o di ke ke ta fia nel.
Mostra interesi. Ku un ton di vos suavi i ẑestus apropriadu, mostra kilis ku na sukutau kuma, na bardadi, bu ta preokupa ku elis. Kuida ku manera ku bu na fasi bu rostu; fasi sempri un surizu.

Ka bu forsa o izaẑera na mostra emosons. Ora ku bu na lei spresa so emosons ku sta na pasaẑen ku bu na lei, ma ka bu fasi pa jintis presta atenson mas na bo. Ka bu distaka konsuantis [ku sedu letras suma b, c, d] pabia kila na fasi pa bu diskursu sedu mortu, ma distaka vogal [ku sedu letras suma a, e, i] pa ton di bu vos sai ku sintimentu.