No orasons tene balur garandi pa Jeova

Orasons ku Jeova ta seta i suma ceru sabi di insensu ku ta kemadu sempri si dianti na templu. (Sal 141:2) Ora ku no konta no Pape ku sta na seu di kuma no amal i no gardisil, i falal aserka di no purblemas ku diseẑus, no ta mostra di kuma no da balur pa amisadi ku no tene ku el. Na bardadi, Jeova ta oja orasons kurtu ku ta fasidu na no runions suma parti importanti di no adorason. Ma, na no orasons pesual, Jeova dibi di sta kontenti dimas ora ku no kontal ke propi ku no sta na pensa i sinti, i pasa mas tempu na papia ku el! — Dit 15:8.

JUBI VIDEO ORASON SEDU IMPORTANTI PA MI, I DIPUS RUSPUNDI ES PURGUNTAS:

• Kal privileẑius ku ermon Johnson teneba?

• Kuma ku orasons di ermon Johnson mostra di kuma i konfia na Jeova?

• Ke ku bu aprindi di spriensia di ermon Johnson?