NO VIDA KRISTON
Fortalisi bu fe na Palabra di Deus
Palabra di Deus pudi muda no vida. (Eb 4:12) Ma, pa pudi benefisia di si orientason ku konsiju, no pirsisa di fia di kuma i “palabra di Deus”. (1 Tes 2:13) Kuma ku no pudi fortalisi no fe na Biblia?
Lei un parti di Biblia kada dia. Ora ku bu na lei, jubi prova di kuma Jeova ki Dunu di Biblia. Pur isemplu, jubi konsiju ku sta na livru di Ditus i nota kuma ku si jiresa bali pa no tempu. — Dit 13:20; 14:30.
Kumsa un programa di studu. Buska kunsi diritu ke ku ta prova di kuma Deus ku nspira Biblia. Na Gia di Piskisa pa Tustumuñas di Jeova, jubi bas di asuntu “Biblia”, i dipus “nspiradu pa Deus.” Bu pudi tambi fortalisi bu fe di kuma mensaẑen di Biblia ka mudadu, ora ku bu studa informason ku sta na Apendisi A3 di Tradução do Novo Mundo.
JUBI VIDEO PABIA KU NO TENE FE . . . NA PALABRA DI DEUS, I DIPUS RUSPUNDI ES PURGUNTAS:
Kuma ku mura di templu ku diskubridu na Karnak, Ejitu, konfirma bardadi ku sta na Palabra di Deus?
Kuma ku no sibi di kuma mensaẑen di Biblia ka mudadu?
Manera ku Biblia kontinua te na no tempu, kuma ku kila mostrau di kuma i Palabra di Deus? — Lei Isaias 40:8.