LISON 24
Kal ki bardadi aserka di anjus?
Jeova misti pa no aprindi aserka di si familia ku sta na seu. Anjus fasi parti des familia, e comadu di “fijus di Deus”. (Kumsada 6:2; Jo 38:7) Ke ku Biblia fala aserka di anjus? Ke ku anjus ta fasi? Sera ki tudu anjus fasi parti di familia di Deus?
1. Ba kin ki anjus?
Jeova kumpu anjus antis di i kumpu Tera. Suma Jeova, no ka pudi oja elis, elis i spiritu, e ta vivi na seu. (Ebreus 1:14) I ten milyons di anjus i kada un diferenti di si kumpañer. (Apokalipsi 5:11) E “ta obdisi ordis [di Jeova] ku si palabra.” (Salmu 103:20) Na tempus antigu, utrora Jeova ta manda si anjus pa konta si mensaẑen pa juda i salba si povu. Aos, anjus ta orienta kristons pa jintis ku misti aprindi aserka di Deus.
2. Kin ki Satanas ku si dimonius?
Alguns anjus ka kontinua fiel pa Jeova. Purmeru anju ku rebela “comadu diabu ku Satanas, ku ta ngana tudu mundu.” (Apokalipsi 12:9) Satanas misti manda riba di utrus, pa kila i ngana Adon ku Eva, i mas tardi utrus anjus junta kel na disobdisi Jeova. Es anjus ku rebela comadu di dimonius. Jeova serka elis di seu pa Tera, i e na bin kabadu kel. — Lei Apokalipsi 12:9, 12.
3. Kuma ku Satanas ku dimonius ta tenta ngananu?
Satanas ku dimonius ta ngana manga di jinti atraves di dimonismu o spiritismu, ku sedu mau pratika di tenta papia ku spiritus. Pur izemplu, alguns jintis ta konsulta kilis ku ta studa strelas pa sibi di futuru, diviñaduris, pauterus, kuranderus ku futserus. Utrus ta buska tratamentu di saudi ku sta ligadu ku spiritismu. Jintis tambi ta nganadu na fia di kuma e pudi papia ku kilis ku muri. Ma Jeova avisanu: “Ka bo bai buska diviñaduris nin kilis ku ta konsulta spiritus di jintis ku muri.” (Sirmonias 19:31) I danu es avisu pa proteẑinu kontra Satanas ku dimonius. Elis i inimigus di Deus i e misti fasinu mal.
APRINDI MAS
Aprindi aserka di bon kusas ku anjus ta fasi, pirigu di spiritismu, i di kuma ku no pudi proteẑi no kabesa kontra Satanas ku dimonius.
4. Anjus ta juda jintis aprindi aserka di Jeova
Anjus di Deus ka ta prega jintis diretamenti. En ves di kila, e pudi orienta servus di Deus pa jintis ku misti aprindi aserka del. Lei Apokalipsi 14:6, 7, i dipus bo kombersa aserka des purguntas:
Ke ku manda no pirsisa di ajuda di anjus pa prega?
Sera ki i ka ta nkoraẑau di sibi di kuma anjus pudi orientau pa jintis ku misti obi mensaẑen ku sta na Biblia? Pabia?
5. Nega spiritismu
Satanas ku dimonius i inimigus di Jeova. Elis tambi i no inimigus. Lei Lukas 9:38-42, dipus bo kombersa aserka des purgunta:
Ke ku dimonius ta fasi jintis?
No ka misti pa dimonius kontrola no vida. Lei Ripitison di Lei 18:10-12, dipus bo kombersa aserka des purguntas:
Di kal maneras ku dimonius ta tenta kontrolanu i papia ku nos? Kal pratikas ku mas ta ojadu na zona ku bu mora?
Pa bo, sera ki i normal manera ku Jeova tujinu nvolvi na pratikas ligadu ku spiritismu? Pabia?
Mostra VIDEO, dipus bo kombersa aserka des purguntas:
Sera ki bu pensa di kuma mesiñu ku Palmira mara si fiju pudi fasi mal? Pabia ku bu pensa sin?
Ke ku Palmira pirsisa di fasi pa proteẑi kontra dimonius?
Kristons di bardadi sempri ta sta kontra dimonius. Lei Atus 19:19 ku 1 Koríntius 10:21, dipus bo kombersa aserka des purgunta:
Ke ku manda i importanti kaba ku tudu kusa ku sta ligadu ku spiritismu?
6. Bu pudi ngaña gera kontra Satanas ku si dimonius
Satanas ki ŝef di dimonius. Ma anjus fiel ta orientadu pa Ŝef di anjus Migel, utru nomi di Jesus. Kal puder ku Migel tene? Lei Apokalipsi 12:7-9, dipus bo kombersa aserka des purguntas:
Kin ku mas tene puder, Migel ku si anjus o Satanas ku si dimonius?
Bu pensa kuma sigiduris di Jesus pirsisa di medi Satanas ku si dimonius?
Bu pudi ngaña gera kontra Satanas ku si dimonius. Lei Tiagu 4:7, dipus bo kombersa aserka des purgunta:
Kuma ku bu pudi proteẑi bu kabesa kontra Satanas ku dimonius?
ALGUNS JINTIS TA FALA: “I ka ten nada di mal juga video gaimi o jubi filmis aserka di spiritismu. I so pa divirti.”
Ke ku manda es manera di pensa i pirigosu?
RUSUMU
Anjus fiel ta judanu. Satanas ku si dimonius i inimigus di Jeova, e ta usa spiritismu pa ngana jintis.
Rekapitulason
Kuma ku anjus di Jeova ta juda jintis aprindi aserka del?
Kin ki Satanas ku si dimonius?
Ke ku manda no ka dibi di toka nada ku sta ligadu ku spiritismu?
TENE MAS INFORMASON
Jubi provas ku ta mostra di kuma Jesus i arkanju Migel.
Jubi prova ku ta mostra di kuma Diabu i ka un simplis mal ku sta dentru di nos.
Diskubri kuma ku Satanas ta usa spiritismu pa ngana jintis.
“Bardadi aserka di maẑia ku futis” (Kamiñu pa vida ku ka ta kaba, parti 5)