Kin ku Jesus seduba?

Jeova manda Jesus pa tera. 1 Jon 4:9

Si no misti kontenta Jeova no dibi di sukuta utru algin importanti. Manga di tempu antis di Jeova kumpu Adon, i kumpu un anju puderosu na seu.

Ku tempu, Jeova mandal pa i padidu na Belen pa un virẑen di nomi Maria. Mininu daduba nomi di Jesus. — Jon 6:38.

Suma omi na tera, Jesus kopiaba di manera perfeitu kualidadis di Deus. El i seduba bon, amorosu, tambi i ta pertu jintis. Sin medu, i ta sinaba utrus bardadi aserka di Jeova.

Jesus fasiba bon kusas ma e odialba. 1 Pedru 2:21-24

Ŝefis riliẑiosu odiaba Jesus pabia i ta fasiba jintis oja se nsinamentus falsu ku se mau manera.

Jesus tambi kuraba duentis i lantandaba kilis ku muri.

Ŝefis riliẑiosu konvensi guvernantis Romanu pa e suta Jesus i pa matal.