Tema di Biblia

Edison mprimidu

I Jeova Deus ku ten diritu di guverna. Si manera di guverna i minjor. Si intenson pa Tera ku pekaduris ka na maina.

Adon ku Eva na Jardin di Eden, serpenti sta pertu delis

Dipus di 4026 AEK

“Serpenti” disafia diritu di Jeova guverna ku si manera di guverna. Jeova purmiti lantanda un “fiju” ku na masa Serpenti, ku sedu Satanas. (Kumsada 3:1-5, 15, NM) Ma Jeova disa inda pa pekaduris guverna bas di influensia di Satanas.

1943 AEK

Jeova konta Abraon di kuma “fiju” purmitidu na bin di si jorson. — Kumsada 22:18, NM.

Dipus 1070 AEK.

Jeova garanti Rei Davi ku si fiju Salomon di kuma “fiju” purmitidu na bin di se familia. — 2 Samuel 7:12, 16; 1 Reis 9:3-5; Isaias 9:6, 7.

29 EK

Jeova identifika Jesus suma “fiju” purmitidu, Erderu di tronu di Davi. — Gálatas 3:16; Lukas 1:31-33; 3:21, 22.

33 EK

Serpenti ku sedu Satanas murdi “fiju” purmitidu pa manera ki pui Jesus matadu. Jeova resusita Jesus pa un vida na seu. I seta balur di vida perfeitu di Jesus, kila pirmiti pa i ten purdon di pekadu i yabri opurtunidadi pa pekaduris mperfeitu tene vida ku ka ta kaba, ku Adon pirdi. — Kumsada 3:15; Atus 2:32-36; 1 Koríntius 15:21, 22.

Serpenti, Satanas, oca i na fercadu pa Tera suma ki faladu na Apokalipsi

1914 EK o puku dipus

Jesus ferca serpenti, Satanas, pa Tera, nunde ki na fika pa puku tempu. — Apokalipsi 12:7-9, 12.

Jesus sintadu na si tronu na seu i na rena riba di Tera suma ki faladu na Apokalisi

Futuru

Jesus na prindi Satanas pa 1.000 anu dipus i na masal na kabesa, es signifika i na kaba kel. Intenson ku Deus teneba pa Tera ku pekaduris na kumpri, si nomi na limpadu di tudu susidadi, i si manera di guverna ka na disafiadu mas. — Apokalipsi 20:1-3, 10; 21:3, 4.