LISON 22
Kuma ku bu pudi konta utrus bon noba?
Nkuantu bu sta na aprindi bardadis ku sta na Biblia, talves bu pudi fala: ‘Tudu jintis dibi di obi es!’ Es i bardadi, tudu jintis pirsisa di obi es bon noba! Ma, talves bu pudi ka sta avontadi pa konta utrus kusas ku bu sta na aprindi. Gosi no na bai jubi kuma ku bu pudi vensi es sintimentu, i konta utrus ku kontentamentu bon noba ku sta na Biblia.
1. Kuma ku bu pudi konta jintis ku bu kunsi kusas ku bu aprindi ja?
Disipulus di Jesus fala: “Anos no ka pudi disa di fala kusa ku no oja, ku no obi.” (Atus 4:20) E da balur garandi pa bardadi i e misti konta tudu jintis el. Sera ki bu ta sinti suma elis? Si asin ku bu ta sinti, buska opurtunidadi di papia ku rispitu pa bu familia, bu amigus aserka di ke ku bu aprindi. — Lei Kolosensis 4:6.
Kusas ku bu pudi fasi pa kumsa
Ora ku bu na papia ku bu familia, bu pudi kumsa un kombersa basiadu na Biblia i fala sin: “N aprindi un kusa interesanti es semana.”
Mostra un testu di Biblia nkoraẑanti pa un amigu ku sta duenti o preokupadu.
Si bu kolega di tarbaju puntau kuma ku bu pasa bu fin di semana kontal un kusa ku bu aprindi di bu studu di Biblia o di runion na kongregason.
Mostra bu amigus site jw.org.
Kumbida utrus pa e mati bu studu di Biblia, o mostra elis kuma ke pudi pidi un studu di Biblia na jw.org.
2. Ke ku manda prega juntu ku kongregason i un objetivu ku bali pena yangasa?
Disipulus di Jesus ka konta bon noba so pa jintis ke kunsi. Jesus “manda elis dus dus pa e bai dianti pa tudu prasa” pa prega. (Lukas 10:1) Es tarbaju di pregason organizadu da manga di jinti opurtunidadi di obi bon noba. Prega juntu da tambi disipulus mas kontentamentu. (Lukas 10:17) Sera ki bu pudi tambi fiksa objetivu di prega juntu ku kongregason?
APRINDI MAS
Jubi kuma ku bu pudi sta mas avontadi i tene kontentamentu na konta utrus bon noba.
3. Jeova na sta ku bo
Alguns ku misti kumsa prega pudi ka sta avontadi aserka di kuma ku jintis na oja elis, o reason ke na tene.
Sera ki bu ta sta avontadi di konta utrus ke ku bu na aprindi? Pabia ku bu ta sta avontadi, o pabia ku bu ka ta sta avontadi?
Mostra VIDEO, dipus bo kombersa aserka des purgunta:
Kuma ku es jovens Tustumuñas di Jeova vensi se medu?
Lei Isaias 41:10, dipus bo kombersa aserka des purgunta:
Ora ku bu tene medu di prega, kuma ku orason pudi judau?
Sera ki bu sibiba kuma?
Manga di Tustumuñas di Jeova ciga ja di fala nunka e ka na bai konta utrus bon noba. Pur izemplu, Sergey ka teneba konfiansa na si kabesa tambi i teneba difikuldadi di papia ku utrus. Ma i studa Biblia. I fala sin: “Apesar di ña medu, N kumsa ku konta utrus ke ku N sta na aprindi. N fika surprendidu di oja kuma, konta utrus ke ku Biblia fala aumenta ña konfiansa. Tambi papia ku utrus aserka di ke ku N aprindi fortalisi ña fe.”
4. Mostra rispitu
Ora ku bu na konta utrus bon noba, ka bu pensa so na ke ku bu na konta, ma tambi kuma ku bu na kontal. Lei 2 Timótiu 2:24 ku 1 Pedru 3:15, dipus bo kombersa aserka des purguntas:
Kuma ku bu pudi pui es versikulu na pratika ora ku bu na papia ku utrus aserka di Biblia?
Alguns di membrus di bu familia o amigus pudi ka konkorda ku bo. Ke ku bu pudi fasi? Ke ku bu ka dibi di fasi?
Ke ku manda i mas minjor fasi elis purguntas ku rispitu, en ves di konta elis ke ke dibi di fia nel?
5. Konta bon noba ta da kontentamentu
Jeova da Jesus tarbaju di konta bon noba. Kuma ku Jesus oja es tarbaju ku Jeova dal? Lei Jon 4:34, dipus bo kombersa aserka des purguntas:
Kume un bon kumida ta pirmitinu tene vida tambi i ta danu kontentamentu. Ke ku manda Jesus kompara fasi vontadi di Deus, ku sedu prega bon noba, ku kume kumida?
Kal kontentamentu ku bu pensa kuma no pudi tene di konta bon noba?
Suẑestons
Duranti runion di metadi di semana, jubi kuma ku bu pudi kumsa kombersa.
Papia ku algin ku ta studa Biblia ku bo, pa i kontau ke ku bu pudi fasi, pa sedu studanti na runion di metadi di semana. Disignason di studantis pudi judau sta mas purparadu pa konta utrus ke ku bu sta na aprindi.
Usa parti “Alguns Jintis ta Fala” o “Algin Pudi Punta” ku sta nes livru pa nsaia kuma ku bu pudi ruspundi purguntas ku kustuma fasidu i reasons negativu ku kustuma ojadu.
ALGIN PUDI PUNTA: “Kuma des kansera di vida?”
Kuma ku bu pudi usa es opurtunidadi pa kontal ke ku bu aprindi di bu studu di Biblia?
RUSUMU
Konta bon noba pa utrus ta da kontentamentu, i kumsa fasi es i ka difisil suma ku bu pudi pensa.
Rekapitulason
Pabia ku no dibi di konta utrus bon noba?
Kuma ku bu pudi fasil ku rispitu?
Kuma ku bu pudi sta mas avontadi pa prega?
TENE MAS INFORMASON
Aprindi kuatru bon maneras ku pudi judau konta bon noba.
“Sera ki bu sta pruntu pa sedu piskadur di omis?” (Sintinela di setembru di 2020)
Jubi kuma ku izemplus ku sta na Biblia pudi danu koraẑen di konta bon noba, mesmu si no sedu joven.
Diskubri kuma ku bu pudi pabia aserka di Biblia, ku un membru di bu familia ku ka kunsi inda Jeova.