Sedu pioneru

No ta usa ben no inerẑia ora ku no fiksa objetivu pa fasi mas pa Jeova. (1 Kor 9:26) Tempu ku sobra pa es mundu ka ciu, fiksa objetivu ta judanu usa no tempu ku jiresa. (Ef 5:15, 16) Na kada anu, anu di sirvisu ta kumsa 1 di Setembru te 31 di Agustu, i un opurtunidadi di fiksa nobu objetivus. Duranti bo adorason na familia, bo pudi kombersa aserka di objetivus ku bo pudi fiksa pa nobu anu di sirvisu. Pa juda bos, es Manual pa Runion tene artigus ku fala di diferentis objetivu ku bo pudi pensa nel i ora aserka del. — Tiagu 1:5.

Pur isemplu, sera ki familia pudi tarbaja juntu, pa juda pelu menus un algin pa i sedu pioneru regular? Si bu ka tene sertesa di kuma bu na kompleta bu ora, papia ku alguns pionerus ku sta na mesmu situason ku bo. (Dit 15:22) Talves, bu pudi te mesmu fasi un pioneru purgunta duranti bo adorason na familia. Dipus skirbi diferentis programas ku bu pudi yangasa. Si bu seduba pioneru jubi si bu situason na pirmitiu kumsa mas.

Sera ki alguns membru di bu familia pudi sedu pioneru ausiliar pa un mis o manga di misis? Si bu ka tene manga di forsa, bu pudi sedu pioneru ausiliar si bu ta prega un bokadu kada dia. Si bu tene puku tempu pa prega dia di semana, pabia bu ta tarbaja tempu kompletu o bu ta bai skola, talves bu pudi kuji un mis ku tene feriadu o ku tene sinku fin di semana. Skirbi na kalendariu tempu ku bu misti sedu pioneru ausiliar, i dipus skirbi un programa. — Dit 21:5.

JUBI VIDEO SEDU UN KORAẐOSU . . . PIONERU, I DIPUS RUSPUNDI ES PURGUNTA:

• Ke ku spiriensia di irma Aamand ta nsinanu, aserka di kuma ku Jeova ta ama i kuida di kilis ku fasi sakrifisius pa sedu pioneru?