Nota pa leitoris

No kiridu leitor

Es Sintinela, tene sinku studu ku na fala des asuntus ku sta ligadu ku n̈utru:

• Na purmeru studu, no na fala di kuma ku Jeova ama jintis, i ke ki fasi pa judanu luta kontra pekadu pa pudi kontental.

• Na sugundu studu, no na fala di ke ku un algin dibi di fasi pa ripindi i kuma ku Jeova ta juda jintis ripindi.

• Terseru studu na splika kuma ku Jeova misti pa kongregason di Korintu, trata un omi ku fasi pekadu gravi i ku ka ripindi.

• Na kuartu studu, no na oja kuma ku ansions ta juda kilis ku fasi un pekadu gravi.

• Na kintu studu, no na oja kuma ku ansions ku utrus na kongregason, pudi kontinua mostra amor ku miserikordia pa un algin ku tiradu di kongregason.