Kuma di lembra di testus di Biblia

Sera ki bu ciga ja di tene difikuldadi di lembra di un testu di Biblia ku bu gosta del? I pudi sedu un testu ku ta animau, ku ta judau para tene mau pensamentu o ku bu misti mostra un algin. (Sal 119:​11, 111) Jubi alguns ideias ku pudi judau lembra di testus di Biblia.

• Usa etiketa di aplikativu JW Library^®. Kria etiketa “Testus di Biblia ku N gosta del” i guarda nes parti kualker testu ku bu misti bin lembra del.

• Pui testus nunde ku bu pudi ojal nel. Skirbi na un folia pikininu versikulu ku bu misti lembra del, i pul na un kau ku bu na ba ta ojal sempri. Alguns jintis ta pul na speliu, utrus ta pul na porta di ẑilera. I ten inda utrus ku ta tira foto di testu i e ta usal suma foto pa ekran di komputador o di telemovel.

• Fasi papeliñus i ba ta usal. Skirbi ke ku testu fala na un ladu, i na ki utru ladu skirbi ki testu. Dipus, jubi testu na un ladu i tenta lembra ke ki fala, o lei ke ku skirbidu na un ladu i tenta lembra i kal testu.