Taita Diosta cazungapuca ¿imatati rrana canchi?

Bibliata liyishaca, Diosguan parlacushca cuentami can. 2 Timoteo 3:16

Taita Diosca guaquin jaricunata utiliceshami, paipu yuyicunata shuc alaja libropi escribichirca. Chi libroca Bibliami. Bibliapica achca, alaja yuyicunami tiyan. Chi alaja yuyicunata yachachunmi Taita Diosca munan.

Dios cuentaca ni pi na yachanchu. Paillami ñucunchimu ima alli cashcata alli yachan. Shinaca, Diosta cazushami alli yuyicunata japishun (Proverbios 1:5).

Taita Diosca tuqui gentecuna Bibliata liyichunmi munan. Chimundami Bibliaca achca shimicunapi tiyan.

Taita Diosta cazusha nishaca, Bibliata liyina, alli intindinami canchi.

Gentecunaca mundo enteropimi Taita Diosta cazunata yachacun. Mateo 28:19

Testigo de Jehovacunami, Bibliata alli intidichun ayudi pudin.

Paicunami Diosmunda mana llullacunata mundo enteropi yachachin.

Testigo de Jehovacunapu tandanacuicunamu rrishami, Taita Diosmunda mas yachi pudingui. Diosmunda yachachishaca, paicunaca na cullquita mañanchu.