PARTE 9

¿Imaurati cai allpapi alli causi tiyanga?

Cunun rricushca llaquicunaca, Diospu gobierno tuqui allpapi alli causita ña apamugrishcatami rricuchin. Lucas 21:10, 11; 2 Timoteo 3:1-5

Tucuri funllacunapica caicunami rricurina carca: guerracuna, unguicuna, yariquicuna, taitamamacunata na cazuccuna, familia ucupi peleacuna, cullquimunda apostaccuna

Ñaupaitimi Bibliaca ña güillarca, achca llaquicuna tiyagrishcata. Cununmi chi llaquicunaca tiyan. Bibliaca nircami, guaguacunaca taitamamacunata na cazungachu, gentecunashi manchanai millicunami canga. Cullqui solopi yuyangacuna, paicunapu munita rrasha causangacuna nisha.

Ashtaguanshi jatun terremotocuna, guerracuna, manchanai milli unguicunami tiyanga. Gentecunashi yariquiguanmi guañungacuna nisha, Bibliaca güillarca. Tuqui chi llaquicunatami cunun funllacuna rricucunchi.

Shuc Testigo de Jehova Diospu gobiernomunda shuc jarimu güillacun

Jesusca nircami, Diospu gobierno ima alli cosascunata rragrishcataca, mundo enteropi yachachingacuna nisha (Mateo 24:14).

Diospu gobiernomi tuqui mana alli cosascunata, milli gentecunata tucuchinga. 2 Pedro 3:13

Diospu funllapi milli gentecunata tucuchin, jipaca Diablota paipu mana alli angelcunatashi tucuchin

Tuqui milli gentecunataca, Jehova Diosca ñallami tucuchinga.

Diabloshi, paipu mana alli angelcunashi tucuchishcami canga.

Jesusca paipu mandana pushtupi tiyarin, tuqui laya gentecunaca contentomi cancuna

Taita Diosta cazuccunaca, cai allpapi alaja, maravillatami causangacuna. Tuquicunapura apanacusha, juyanacusha, contentomi causangacuna. Paicunaca ña nimata na manchangachu.