• 1 Samuel 15:22
    Mosoj Jallp’api Kausajkunapaj Diospa Palabran

    • 22 Samueltaj kuticherqa: “¿Imataj Jehová Diosta astawan kusichin? ¿Uywa wañuchisqasta qʼolachiychu*+ chayri Jehová Diospa nisqanta kasukuychu? Payta kasukoyqa aswan sumaj uywa wañuchisqasmanta nisqaqa.+ Uyarikuyta yachayqa aswan sumaj carnero wirasta jaywanamanta nisqaqa.+

  • Isaías 1:11
    Mosoj Jallp’api Kausajkunapaj Diospa Palabran

    • 11 Jehová Diosqa nin: “Qhasillata chay chhika ofrendasniykichejta jaywashawankichej.+

      Qʼala amisqaña kani qʼolachina ofrenda carnerosniykichejwan,*+ wirayachisqa uywaspa wirasninkuwanpis,+

      manaña sonqoyta kusichinchu ni torillospa+ yawarninku,+ ni corderospata,* nitaj cabraspatapis.+

  • Jeremías 7:22, 23
    Mosoj Jallp’api Kausajkunapaj Diospa Palabran

    • 22 Noqaqa maypachachus Egipto jallpʼamanta ñaupa tatasniykichejta orqhomorqani chaypacha, mana nerqanichu, nitaj imatapis kamacherqanichu qʼolachina ofrendasmanta, nitaj uywa wañuchisqasmantapis.+ 23 Jinapis noqaqa kayta kamacherqani: “Nisqayta kasuwaychej, noqataj Diosniykichej kasaj, qankunataj llajtay kankichej.+ Mayqen ñantachus purinaykichejta kamachisqaykichej chay ñantapuni purinaykichej tiyan, allintaj risonqachej”,+ nispa’.