2 Reyes
22 Josiasqa+ pusaj watitasniyoj karqa rey jina kamachiyta qallarishajtin, Jerusalenpitaj 31 watasta kamacherqa.+ Mamanqa Jedidá sutikorqa, Bozcatmanta+ Adayaj wawan karqa. 2 Josiasqa Jehová Diospa qhawayninpi allin kajta ruwarqa, ñaupa tatan David jina allinta purerqa.+ Josiasqa cheqan ñanmanta ni pañaman ni lloqʼeman wistʼuykorqachu.
3 Rey Josiasqa 18 watastaña kamachisharqa, chaypacha payqa Jehová Diospa wasinman kacharqa uj secretariota, Safán sutiyojta. Safanqa Azaliaspa wawan karqa, Azaliastaj Mesulampa wawan karqa.+ Josiasqa Safanta nerqa: 4 “Kuraj kaj sacerdote* Hilquiasman+ riy. Hilquiasqa tantachun Jehová Diospa wasinman apamunku chay tukuynin qolqeta,+ mayqentachus punkuta qhawajkunaman runas jaywanku chay qolqeta.+ 5 Chay qolqetaqa Jehová Diospa wasinpi trabajosmanta encargadosman jaywachinki, paykunataj trabajadoresman jaywachunku Jehová Diospa wasinpi imaschus arreglana kashan chayta* arreglanankupaj.+ 6 Chay qolqetaqa jaywachunku maderawan llankʼajkunaman, trabajadoresman, albañilesmanpis. Chaywan paykunaqa Diospa wasinta arreglanankupaj rantenqanku maderasta, kʼutusqa rumistawan.+ 7 Paykunaqa de confianza kanku, chayrayku chay japʼisqanku qolqemantaqa mana cuentata mañanachu kanqa”,+ nispa.
8 Chantá kuraj kaj sacerdote Hilquiasqa secretario Safanta+ nerqa: “Jehová Diospa wasinpi Leymanta librota tarini”,+ nispa. Chantá Hilquiasqa Safanman chay librota jaywarqa, Safantaj leej churakorqa.+ 9 Chantá secretario Safanqa reypaman rispa willamorqa: “Kamachisniykeqa Diospa wasinmanta qolqeta tantankuña, Jehová Diospa wasinpi trabajosmanta encargadosmanpis jaywankuña”,+ nispa. 10 Secretario Safanqa reyman nillarqataj: “Sacerdote Hilquiasqa uj librota qowan”,+ nispa. Reypa ñaupaqenpitaj leej churakorqa.
11 Reytaj Leymanta libropi imatachus nisqanta uyarispa ropanta llikʼikorqa.+ 12 Chantá reyqa sacerdote Hilquiasta, Safanpa wawan Ahicamta,+ Micayaj wawan Acborta, secretario Safanta, reypa kamachin Asayatawan, kay jinata kamacherqa: 13 “Rispa Jehová Diosta tapurimuychej noqarayku, kay llajtamanta runasrayku, tukuynin Judá nacionrayku kay tarisqanku libropi imastachus nisqanmanta. Jehová Diosqa allin phiñasqa kashan noqanchejpaj,+ ñaupa tatasninchejqa mana kasukusqankuchu kay libroj nisqanta, paykunaqa imatachus Dios ruwananchejta kamachisqanta mana juntʼasqankuchu”, nispa.
14 Chantá sacerdote Hilquiasqa Ahicamwan, Acborwan, Safanwan, Asayawan khuska rerqanku profetisa+ Huldaman. Huldaqa Salumpa warmin karqa. Salumqa ropa jallchʼana wasimanta cargoyoj karqa, tatanqa Ticvá karqa, Ticvaj tatantaj Harhás karqa. Profetisa Huldaqa Jerusalén llajtapi tiyakoj, mosoj wasis karqa chaynejpi. Chaypitaj reypa kachasqasnenqa Huldawan parlarqanku.+ 15 Huldataj paykunaman nerqa: “Israelpa Diosnin Jehovaqa kayta nin: ‘Kachamusorqachej chay runaman kayta willamuychej: 16 “Jehová Diosqa kayta nin: ‘Kay lugarman, kaypi tiyakojkunamanpis ñakʼariyta apachimusaj, chay libropi tukuy ima nisqanta apachimusaj, mayqentachus Judamanta rey leerqa chayta.+ 17 Paykunaqa saqerpariwanku, jaywanastapis waj diosespaj qʼoshñichinku,+ tukuy ima ruwasqankuwan phiñachiwanku.+ Chayrayku kay lugarpaj phiñakusqayqa nina jina laurarenqa, manataj thasnukonqachu’,+ nispa”. 18 Jehová Diosta tapunaykichejpaj kachamusorqachej chay Judaj reyninmantaj kayta willamuychej: “Uyarerqanki chay palabrasmantaqa Israelpa Diosnin Jehovaqa kayta nin: 19 ‘Qanqa uyarerqanki kay lugarpa contranpi parlasqayta, kaypi tiyakojkunaj contranpi parlasqaytapis, uyarillarqankitaj paykunata desgracia qhatirinanta, runastaj chayta rikuspa sinchʼita mancharikunankuta. Chayta uyarispa sonqoykeqa wawayarqa,* Jehová Diospa ñaupaqenpitaj kʼumuykukorqanki,+ ropaykitapis llikʼikorqanki,+ ñaupaqeypitaj waqarqanki. Chayrayku noqaqa mañakuwasqaykita uyarini, nispa nin Jehová Diosqa. 20 Chayrayku ñaupa tatasniyki jina wañupunki, sepulturapitaj pʼampasqa kanki. Manataj rikunkichu ima ñakʼariykunatachus kay lugarman apachimusaj chayta’, nispa”’”. Reypa kachasnintaj chayta reyman willamorqanku.