NÚMEROS

1 Chantá Jehová Diosqa Moiseswan parlarqa Sinaí chʼin jallpʼapi,+ Dioswan tinkukuna toldopi,+ israelitas Egiptomanta llojsimusqankumanta iskay kaj watapi, iskay kaj killaj ñaupaj pʼunchayninpi.+ Diosqa Moisesman kay jinata nerqa: 2 “Israelitasmanta* tukuy qharista yupaychej,+ ujmanta uj sutisninkuta qhelqaspa, mayqen familiamantachus kasqankuman jina, ñaupa tatasninkoj sutisninman jinataj. 3 Qanwan Aaronwan sutisninkuta qhelqaychej tʼaqa tʼaqasta* veinteyojmanta pataman kajkunata,+ guerraman riyta atinku chay israelitasllata.

4 ”Yanapachikuychejtaj sapa ayllumanta* uj qhariwan, ayllunmanta uma kajwan.+ 5 Kaykuna kanku pikunachus yanapasonqachej chaykunaj sutisnin: Rubén ayllumanta Sedeurpa wawan Elizur.+ 6 Simeón ayllumanta Zurisadaijpa wawan Selumiel.+ 7 Judá ayllumanta Aminadabpa wawan Nahsón.+ 8 Isacar ayllumanta Zuarpa wawan Netanel.+ 9 Zabulón ayllumanta Helonpa wawan Eliab.+ 10 Josejpa wawasninpa ayllusninkumanta: Efraín ayllumanta+ Amihudpa wawan Elisamá. Manasés ayllumantataj Pedahzurpa wawan Gamaliel. 11 Benjamín ayllumanta Guideonijpa wawan Abidán.+ 12 Dan ayllumanta Amisadaijpa wawan Ahiézer.+ 13 Aser ayllumanta Ocranpa wawan Paguiel.+ 14 Gad ayllumanta Deuelpa wawan Eliasaf.+ 15 Neftalí ayllumanta Enanpa wawan Ahirá.+ 16 Chaykuna kanku israelitas ukhumanta ajllasqa kajkuna, tatasninkoj ayllusninkumanta kamachejkuna,+ Israelpi waranqa runasta kamachejkuna”.+

17 Chantá Moiseswan Aaronwanqa, wajyacherqanku chay pikunatachus Dios ajllarqa chaykunata. 18 Iskay kaj killaj ñaupaj pʼunchayninpi tukuy israelitasta tantarqanku veinteyojmanta pataman kajkunata,+ ujmanta uj yupanankupaj, sutisninkutataj qhelqanankupaj mayqen familiamantachus kasqankuman jina, ñaupa tatasninkoj sutisninman jinataj, 19 Moisesman Jehová Dios kamachisqanman jina. Ajinata Moisesqa israelitaspa sutisninkuta qhelqarqa Sinaí chʼin jallpʼapi.+

20 Israelpa kuraj wawan Rubenpa+ mirayninmanta kajkunaj sutisnenqa qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Ujmanta uj yupasqa karqanku, veinteyojmanta pataman, guerraman riyta atej tukuy qharis. 21 Rubén ayllumanta yupasqa kajkunaqa tukuyninpi karqanku 46.500 qharis.

22 Simeonpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Ujmanta uj yupasqa karqanku, veinteyojmanta pataman, guerraman riyta atej tukuy qharis. 23 Simeón ayllumanta yupasqa kajkunaqa tukuyninpi karqanku 59.300 qharis.

24 Gadpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 25 Gad ayllumanta yupasqa kajkunaqa tukuyninpi karqanku 45.650 qharis.

26 Judaj mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 27 Judá ayllumanta yupasqa kajkunaqa tukuyninpi karqanku 74.600 qharis.

28 Isacarpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 29 Isacar ayllumanta yupasqa kajkunaqa tukuyninpi karqanku 54.400 qharis.

30 Zabulonpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 31 Zabulón ayllumanta yupasqa kajkunaqa tukuyninpi karqanku 57.400 qharis.

32 Josejpa mirayninpis, Efrainmanta jamojkunaqa+ qhelqasqa karqanku mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 33 Efraín ayllumanta yupasqa kajkunaqa tukuyninpi karqanku 40.500 qharis.

34 Manasespa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 35 Manasés ayllumanta yupasqa kajkunaqa tukuyninpi karqanku 32.200 qharis.

36 Benjaminpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 37 Benjamín ayllumanta yupasqa kajkunaqa tukuyninpi karqanku 35.400 qharis.

38 Danpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 39 Dan ayllumanta yupasqa kajkunaqa tukuyninpi karqanku 62.700 qharis.

40 Aserpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 41 Aser ayllumanta yupasqa kajkunaqa tukuyninpi karqanku 41.500 qharis.

42 Neftalijpa mirayninmanta kajkunaj+ sutisninpis qhelqasqa karqa mayqen familiamantachus kasqankuman jina, ñaupa tatasninkoj sutisninman jinataj. Veinteyojmanta pataman yupasqa karqanku, guerraman riyta atej tukuy qharis. 43 Neftalí ayllumanta yupasqa kajkunaqa tukuyninpi karqanku 53.400 qharis.

44 Ajinata israelitasta yuparqanku Moiseswan, Aaronwan, Israelmanta 12 kamachejkunawan ima, ayllusninkumanta umas karqanku chay kamachejkunawan. 45 Yuparqankutaj ñaupa tatasninkoj sutisninkuman jina veinteyojmanta pataman, guerraman riyta atej tukuy qharista. 46 Chay yupasqa kajkunaqa tukuyninpi karqanku 603.550 qharis.+

47 Levita* familiastaj+ tukuy aylluntin mana yupasqaschu karqanku chay ujnin aylluswan khuska.+ 48 Jehová Diosqa Moisesman nerqa: 49 “Leví ayllumanta kajkunallata ama yupankichu, ama paykunaj sutisninkuta qhelqankichu chay ujnin israelitaspa sutisninkuta qhelqashaspaqa.+ 50 Levitastaqa churanki trato ruwasqamanta arca nisqa caja kashan chay toldomanta cargoyoj kanankupaj,+ tukuy imasninmantawan.+ Paykuna apanqanku yupaychana toldota, tukuy imasnintawan.+ Chaypi ruwanastapis paykunalla ruwanqanku.+ Chantapis levitasqa tiyakonqanku chay toldoj muyuyninpi.+ 51 Yupaychana toldotaqa mayman apanapajpis levitas phaskaranqanku.+ Maymanpis chayaspataj paykunallataj watejmanta chay toldota armanqanku. Sichus waj runa* chay toldoman qayllaykonqa chayqa, wañuchisqa kanqa.+

52 ”Sapa israelitaqa toldo wasinta* armanqa mayqen campamentopichus* tocan chaypi, maypichus kinsa ayllusniyoj grupon+ tʼaqa tʼaqaspi* kanqa chaypi. 53 Levitasqa toldo wasisninkuta armanqanku trato ruwasqamanta arcayoj yupaychana toldoj muyuyninpi. Ajinamanta ama phiñakuyniy israelitasman jamunanpaj.+ Levitasqa cuentayoj kanqanku* trato ruwasqamanta arcayoj yupaychana toldomanta”,+ nispa.

54 Israelitastaj ruwarqanku imastachus Jehová Dios Moisesman kamacherqa tukuy chayta. Paykunaqa nisqanman jinapuni ruwarqanku.

2 Jehová Diosqa Moisesman Aaronmanpis nerqa: 2 “Israelitasqa jarakonqanku maypichus kinsa ayllusniyoj* gruponku kanqa chaypi.+ Sapa israelitaqa jarakonqa ñaupa tatanpaj señal* churasqa kanqa chay qayllapi. Tukuy israelitasqa jarakonqanku tinkukuna toldo qhawarisqa, chay toldoj muyuynintinpi.

3 ”Este ladopeqa, nisunman inti llojsimuy ladopeqa Judaj campamentonmanta* kinsa ayllusniyoj grupo jarakonqa, tʼaqa tʼaqaspi.* Judá ayllutataj kamachenqa Aminadabpa wawan Nahsón.+ 4 Judá ayllumanta guerraman rinankupaj anotasqa kajkunaqa kanku 74.600 qharis.+ 5 Paykunaj ladonkupitaj Isacar ayllu jarakonqa. Isacar ayllutaqa kamachenqa Zuarpa wawan Netanel.+ 6 Isacar ayllumanta guerraman rinankupaj anotasqa kajkunaqa kanku 54.400 qharis.+ 7 Judá aylloj ujnin ladonpitaj Zabulón ayllu jarakonqa. Zabulón ayllutaqa kamachenqa Helonpa wawan Eliab.+ 8 Zabulón ayllumanta guerraman rinankupaj anotasqa kajkunaqa kanku 57.400 qharis.+

9 ”Judaj campamentonmanta guerraman rinankupaj anotasqa kajkunaqa, tukuyninku kanku 186.400 qharis. Paykuna ñaupajta campamentonkuta oqharenqanku.+

10 ”Sur ladopeqa* Rubenpa campamentonmanta+ kinsa ayllusniyoj grupo jarakonqa, tʼaqa tʼaqaspi.* Rubén ayllutataj kamachenqa Sedeurpa wawan Elizur.+ 11 Rubén ayllumanta guerraman rinankupaj anotasqa kajkunaqa kanku 46.500 qharis.+ 12 Paykunaj ladonkupitaj Simeón ayllu jarakonqa. Simeón ayllutaqa kamachenqa Zurisadaijpa wawan Selumiel.+ 13 Simeón ayllumanta guerraman rinankupaj anotasqa kajkunaqa kanku 59.300 qharis.+ 14 Rubén aylloj ujnin ladonpitaj Gad ayllu jarakonqa. Gad ayllutaqa kamachenqa Reuelpa wawan Eliasaf.+ 15 Gad ayllumanta guerraman rinankupaj anotasqa kajkunaqa kanku 45.650 qharis.+

16 ”Rubenpa campamentonmanta guerraman rinankupaj anotasqa kajkunaqa, tukuyninku kanku 151.450 qharis. Paykunaqa ñaupaj kaj campamentoj qhepanta campamentonkuta oqharenqanku.+

17 ”Tinkukuna toldota astana kajtin,+ levitaspa campamentonkoqa chay ujnin campamentospa chaupinta renqa.

”Ayllusqa purirenqanku imaynatachus jarakunku chay kikin ordenllapitaj,+ turnonkuman jina, kinsa ayllusniyoj gruponkuman jina.

18 ”Inti yaykuy ladopeqa Efrainpa campamentonmanta kinsa ayllusniyoj grupo jarakonqa, tʼaqa tʼaqaspi.* Efraín ayllutataj kamachenqa Amihudpa wawan Elisamá.+ 19 Efraín ayllumanta guerraman rinankupaj anotasqa kajkunaqa kanku 40.500 qharis.+ 20 Paykunaj ladonkupitaj Manasés ayllu jarakonqa.+ Manasés ayllutaqa kamachenqa Pedahzurpa wawan Gamaliel.+ 21 Manasés ayllumanta guerraman rinankupaj anotasqa kajkunaqa kanku 32.200 qharis.+ 22 Efraín aylloj ujnin ladonpitaj Benjamín ayllu jarakonqa. Benjamín ayllutaqa kamachenqa Guideonijpa wawan Abidán.+ 23 Benjamín ayllumanta guerraman rinankupaj anotasqa kajkunaqa kanku 35.400 qharis.+

24 ”Efrainpa campamentonmanta guerraman rinankupaj anotasqa kajkunaqa, tukuyninku kanku 108.100 qharis. Paykunaqa iskay kaj campamentoj qhepanta campamentonkuta oqharenqanku.+

25 ”Norte ladopeqa* Danpa campamentonmanta kinsa ayllusniyoj grupo jarakonqa, tʼaqa tʼaqaspi.* Dan ayllutataj kamachenqa Amisadaijpa wawan Ahiézer.+ 26 Dan ayllumanta guerraman rinankupaj anotasqa kajkunaqa kanku 62.700 qharis.+ 27 Paykunaj ladonkupitaj Aser ayllu jarakonqa. Aser ayllutaqa kamachenqa Ocranpa wawan Paguiel.+ 28 Aser ayllumanta guerraman rinankupaj anotasqa kajkunaqa kanku 41.500 qharis.+ 29 Dan aylloj ujnin ladonpitaj Neftalí ayllu jarakonqa. Neftalí ayllutaqa kamachenqa Enanpa wawan Ahirá.+ 30 Neftalí ayllumanta guerraman rinankupaj anotasqa kajkunaqa kanku 53.400 qharis.+

31 ”Danpa campamentonmanta anotasqa kajkunaqa, tukuyninku kanku 157.600 qharis. Paykunaqa tukuymanta qhepata campamentonkuta oqharenqanku+ kinsa ayllusniyoj gruponkuman jina”.

32 Tukuy chay campamentosmanta guerraman rinankupaj yupasqa israelitasqa anotasqa karqanku ñaupa tatasninkoj sutisninkuman jina. Tukuyninkutaj karqanku 603.550 qharis.+ 33 Levitastaj tukuy aylluntin mana yupasqachu karqanku+ chay ujnin aylluswan khuska,+ Jehová Dios Moisesman kamachisqanman jina. 34 Israelitasqa tukuy chayta ruwarqanku Jehová Dios Moisesman kamachisqanman jina. Paykunaqa jarakoj kanku kinsa ayllusniyoj gruponkuman jina,+ chayman jinallataj campamentonkuta oqharej kanku,+ mayqen familiamantachus kasqankuman jina, ñaupa tatasninkoj sutisninkuman jinataj.

3 Maypachachus Jehová Diosqa Moiseswan Sinaí orqopi parlarqa chaypacha, Aaronpatawan Moisespatawan mirayninku kaykuna karqanku.+ 2 Aaronpa wawasnenqa kaykuna karqanku: Kuraj kajqa Nadab, chantá Abihú,+ Eleazar,+ Itamar ima.+ 3 Chaykuna karqanku Aaronpa wawasnin, ajllasqa sacerdotes,* pikunachus sacerdotes kanankupaj churasqa karqanku chaykuna.+ 4 Nadabwan Abihuwanqa Jehová Diospa ñaupaqenpi wañorqanku, imaraykuchus Jehová Diosman mana jaywananku ninata jaywarqanku+ Sinaí chʼin jallpʼapi. Chantapis paykunajtaqa mana wawasninku karqachu. Eleazarwan+ Itamarwantaj+ tatanku Aaronwan khuska sacerdotesllapuni karqanku.

5 Jehová Diosqa Moisesta nerqa: 6 “Leví aylluta* qayllaykuchiy+ sacerdote Aaronpa ñaupaqenman. Paykunaqa Aaronta yanapachunku.+ 7 Levitasqa tinkukuna toldoj ñaupaqenpi ruwanasninkuta ruwachunku Aaronpaj, tukuy israelitaspajpis, yupaychana toldopaj ruwanasninkuta ruwaspa. 8 Levitasqa tinkukuna toldoj tukuy imasninmanta cuentayoj kachunku.+ Chantapis israelitaspaj ruwanasninkuta ruwachunku, yupaychana toldopaj ruwanasta ruwaspa.+ 9 Levitastaqa Aaronman, wawasninmanwan entreganayki tiyan. Paykunaqa entregasqaña kanku, israelitas ukhumanta paypaj tʼaqasqaña kanku.+ 10 Aaronta wawasnintawan churay sacerdotes kanankupaj. Paykuna sacerdote ruwanasta ruwachunku.+ Diospa toldo wasinman* mana sacerdotechu kaj runa* qayllaykonqa chayqa, wañuchisqa kanqa”,+ nispa.

11 Jehová Diosqa Moisesman parlaspa nillarqataj: 12 “Israelitas ukhumanta levitasta ajllakuni israelitaspa tukuy kuraj wawasninkoj cuentanmanta.+ Chayrayku levitasqa noqajta kanqanku. 13 Tukuy kuraj wawasqa noqajta kanku.+ Maypachachus Egiptopi kuraj wawasta wañucherqani chaypacha,+ noqapaj tʼaqakorqani israelitaspa tukuy kuraj wawasninkuta, jinallataj uywaspa ñaupaj kaj uñasninkutapis.+ Chaykunaqa noqajta kanku. Noqamin Jehová Diosqa kani”, nispa.

14 Jehová Diosqa Sinaí chʼin jallpʼapi Moisesman nillarqataj:+ 15 “Levitasmanta tukuy qharista yupaspa sutisninkuta qhelqay, uj killayojmanta pataman,+ ñaupa tatasninkoj sutisninkuman jina, mayqen familiamantachus kasqankuman jinataj”, nispa. 16 Moisestaj paykunata yupaspa sutisninkuta qhelqarqa Jehová Dios kamachisqanman jina. 17 Levijpa wawasnenqa kaykuna karqanku: Guersón, Cohat, Merarí ima.+

18 Guersonpa wawasnenqa karqanku Libniwan Simeiwan.+ Chay wawasninpa familiasninkupis paykunaj sutisnillankuwantaj rejsisqas karqanku.

19 Cohatpa wawasnenqa karqanku: Amram, Izhar, Hebrón, Uziel ima.+ Chay wawasninpa familiasninkupis paykunaj sutisnillankuwantaj rejsisqas karqanku.

20 Merarijpa wawasnenqa karqanku Mahliwan+ Musiwan.+ Chay wawasninpa familiasninkupis paykunaj sutisnillankuwantaj rejsisqas karqanku.

Chaykuna karqanku levita familias, ñaupa tatasninkoj sutisninkuman jina.

21 Guersonmanta kay familias jamorqanku: libnitas,+ simeítas ima. Chay familias karqanku guersonitas. 22 Paykuna ukhumanta tukuy yupasqa qharisqa uj killayojmanta pataman 7.500 qharis karqanku.+ 23 Guersonita familiasqa toldo wasisninkuta armaj kanku Diosta yupaychana toldoj wasanpi,+ inti yaykuy ladopi. 24 Guersonita familiasta kamachejqa karqa Laelpa wawan Eliasaf. 25 Guersonitasqa Dioswan tinkukuna toldopi cuentayoj karqanku+ Diosta yupaychana toldomanta,+ tukuy qhatanasninmanta,+ toldo punkoj cortinanmanta,+ 26 patioj cortinasninmantawan,+ mayqenchus Diosta yupaychana toldotawan altartawan* muyurej chaymanta, chantá patio punkoj cortinanmanta,+ watanasninmanta, chay ruwaypaj kaj tukuy imasmantawan.

27 Cohatmanta kay familias jamorqanku: amramitas, izharitas, hebronitas, uzielitas ima. Chay familias karqanku cohatitas.+ 28 Paykuna ukhumanta tukuy qharisqa uj killayojmanta pataman 8.600 qharis karqanku. Paykunaqa santo lugarmanta cuentayoj karqanku.+ 29 Cohatita familiasqa toldo wasisninkuta armaj kanku Diosta yupaychana toldoj ujnin ladonpi, sur ladopi.*+ 30 Cohatita familiasta kamachejqa karqa Uzielpa+ wawan Elizafán. 31 Cohatitasqa cuentayoj karqanku arca nisqa cajamanta,+ mesamanta,+ candeleromanta,*+ altaresmanta,+ imaschus santo lugarpi karqa chay imasmanta,+ cortinamanta,+ chay ruwaypaj kaj tukuy imasmantawan.+

32 Levitaspa kuraj kamachejninkoqa karqa sacerdote Aaronpa wawan Eleazar.+ Pay kamachej santo lugarpi ruwanasmanta cuentayoj kajkunata.

33 Merarimanta kay familias jamorqanku: mahlitas, musitas ima. Chay familias karqanku meraritas.+ 34 Paykuna ukhumanta tukuy yupasqa qharisqa uj killayojmanta pataman 6.200 qharis karqanku.+ 35 Merarita familiasta kamachejqa karqa Abihailpa wawan Zuriel. Paykunaqa toldo wasisninkuta armaj kanku Diosta yupaychana toldoj ujnin ladonpi, norte ladopi.*+ 36 Meraritasqa cuentayoj karqanku Diosta yupaychana toldoj marcosninmanta,+ sujetana kʼaspisninmanta,+ machonesninmanta,*+ chukusninmanta, tukuy imasninmanta,+ chay ruwaypaj kaj tukuy imasmantawan.+ 37 Cuentayojllataj karqanku patioj muyuyninpi karqa chay kʼaspismanta, chay kʼaspispa chukusninmanta,+ estacasninmanta, watanasninmantawan.

38 Diosta yupaychana toldoj ñaupaqenpi, inti llojsimuy ladopi, Dioswan tinkukuna toldoj ñaupaqenpi jarakoj kanku Moisés, Aarón, wawasnin ima. Paykunaqa israelitaspa cuentankumanta Diospa toldo wasinta qhawananku karqa. Sichus waj runa* chay toldoman qayllaykoj chayqa wañuchisqa kanan karqa.+

39 Moiseswan Aaronwanqa tukuy levita qharista yuparqanku uj killayojmanta pataman, Jehová Dios kamachisqanman jina. Paykunaqa levitasta yuparqanku mayqen familiamantachus kasqankuman jina. Tukuyninpitaj 22.000 qharis karqanku.

40 Jehová Diosqa Moisesman nerqa: “Israelitaspa tukuy kuraj qhari wawasninkuta yupay uj killayojmanta pataman.+ Paykunata yupaspa sutisninkuta qhelqay. 41 Israelitaspa tukuy kuraj wawasninkoj cuentanmantaqa levitasta noqapaj tʼaqapuway.+ Noqamin Jehová Diosqa kani. Israelitaspa uywasninkoj tukuy ñaupaj kaj uñasninkoj cuentanmantataj levitaspa uywasninkuta noqapaj tʼaqapuway”,+ nispa. 42 Chantá Moisesqa israelitaspa tukuy kuraj wawasninkuta yupaspa sutisninkuta qhelqarqa, Jehová Dios payman kamachisqanman jina. 43 Tukuynin kuraj wawasqa uj killayojmanta pataman tukuyninpi karqanku 22.273 qharis.

44 Jehová Diosqa Moisesman parlaspa nillarqataj: 45 “Israelitaspa tukuy kuraj wawasninkoj cuentanmantaqa levitasta noqapaj tʼaqapuway, israelitaspa uywasninkoj cuentanmantataj levitaspa uywasninkuta tʼaqapuway. Levitasqa noqajta kanqanku. Noqamin Jehová Diosqa kani. 46 Israelitaspa kuraj wawasninkoqa 273 qhariswan aswan ashkha kanku levita qharismanta nisqaqa.+ Chay qharistaqa rantinki,+ 47 sapa ujmanta phishqa siclos* qolqeta tantaspa,+ santo lugarpi mashkhachus uj siclo pesasqanman jina. Sapa sicloqa 12 gramos pesan.*+ 48 Chay 273 qharispa cuentanmanta tantasqa qolqetataj, Aaronman wawasninmanwan jayway”, nispa. 49 Moisestaj chay qolqeta tantarqa, levitasmanta aswan ashkha karqanku chaykunamanta pagakusqanta. 50 Chay 273 qharismanta pagakusqan qolqeta tantasqanqa 1.365 siclos karqa, santo lugarpi mashkhachus uj siclo pesasqanman jina. 51 Chaymantataj Moisesqa chay qolqeta Aaronman, wawasninmanwan jaywarqa, Jehová Dios nisqanman jina, imaynatachus Jehová Dios Moisesman kamacherqa chayman jinapuni.

4 Jehová Diosqa Moisesman, Aaronmanwan parlaspa nerqa: 2 “Levitasmanta cohatitasta yupaychej,+ mayqen familiamantachus kasqankuman jina, ñaupa tatankoj sutinman jinataj. 3 Yupaychejtaj 30 watasniyojmanta+ 50 watasniyojkama kajkunata,+ tinkukuna toldopi ruwanasta ruwanqanku chaykunata.+

4 ”Kaymin tinkukuna toldopi cohatitaspa ruwanasninkoqa.+ Chayqa may santomin. 5 Israelitas puririnanku kajtin, Aaronwan wawasninwanqa yupaychana toldoman yaykuspa tʼaqaj cortinata uraykuchenqanku,+ chaywantaj qhataykonqanku trato ruwasqamanta arca nisqa cajata.*+ 6 Chaypa patanmantaj qhataykonqanku foca* qaramanta ruwasqa qhatanawan. Chaypa patanmantaj qhataykullanqankutaj azul telawan. Chaymantataj apana kʼaspisninta+ churaykonqanku.

7 ”Diospa ñaupaqenpi kaj nisqa tʼantayoj mesatapis+ azul telawan qhataykonqanku. Chay patanmantaj churanqanku platosta, vasosta, fuentesta, vino ofrendapaj yurustapis.+ Sapa kuti jaywakun chay tʼantaqa+ chay patapi kanan tiyan. 8 Chay patanmantaj qhataykonqanku puka telawan. Chaypa patanmantaj qhataykonqanku foca qaramanta ruwasqa qhatanawan. Chaymantataj wantuna kʼaspisninta+ churaykonqanku. 9 Chantaqa candelerota*+ azul telawan qhataykonqanku, jinallataj mecherosninta,+ tenazasninta, brasa apaykachanasninta,+ kʼanchananpaj imaswanchus aceiteta jichʼanku chaykunata ima. 10 Chantataj chay candelerota, tukuy imasnintawan maytʼuykonqanku foca qaramanta ruwasqa qhatanawan, wantuna kʼaspimantaj churanqanku. 11 Chantá oro altartañataj+ azul telawan qhataykonqanku. Chaypa patanmantaj qhataykonqanku foca qaramanta ruwasqa qhatanawan. Chaymantataj wantuna kʼaspisninta+ churaykonqanku. 12 Chantaqa santo lugarpi sirvinankupaj imastachus apaykachayta yachanku chaykunata+ tukuyninta oqharispa azul telaman churanqanku, foca qaramanta ruwasqa qhatanawan qhataykonqanku, wantuna kʼaspimantaj churanqanku.

13 ”Chantá altarmanta ushphata* orqhoytawan,+ kulli telawan* altarta qhataykonqanku. 14 Chay patanmantaj churanqanku altarpi sirvinankupaj apaykachanku tukuy chay imasta: brasa apaykachanasta, trinchesta, palasta, fuentestapis, nisunman altarpa tukuy imasninta.+ Patanmantaj qhataykonqanku foca qaramanta ruwasqa qhatanawan, wantuna kʼaspisnintataj+ churaykonqanku.

15 ”Israelitas puririnanku kajtin, Aaronwan wawasninwanqa santo lugarpa tukuy imasninta qhataykonqanku.+ Ajinata qhataykuyta tukojtinkuraj cohatitasqa chay imasta apanankupaj yaykonqanku.+ Chaywanpis santo lugarpa imasnintaqa amapuni llankharenqankuchu, manaqa wañuchisqa kanqanku.+ Cohatitasqa tinkukuna toldopi tukuy chay imasmanta cuentayoj kanqanku.

16 ”Sacerdote Aaronpa wawan Eleazarqa+ cuentayoj kanqa kʼanchachina aceitemanta,+ sumaj qʼapaj inciensomanta,+ sapa día jaywana chʼaki mikhuy ofrendamanta, santo aceitemantawan.+ Pay cuentayoj kanqa yupaychana toldomanta, tukuy imasninmantawan, santo lugarmantawan, tukuy imasninmantawan”.

17 Jehová Diosqa Moisesman, Aaronmanwan nillarqataj: 18 “Qankunaqa ama saqenkichejchu levitas ukhumanta Cohatpa miraynin+ chinkapunanta. 19 Imatachus ruwanaykichejtaqa ruwaychejpuni cohatitas kausanallankupajpuni, amataj wañunankupaj may llimphu imasman qayllaykuspa.+ Aaronwan wawasninwanqa tinkukuna toldoman yaykuspa paykunata kamachenqanku sapa ujninku imatachus ruwanankuta, imastachus apanankutapis. 20 Cohatitasqa yaykuspa amapuni qhawachunkuchu chay llimphu imasta ni uj ratollatapis, manachayqa wañuchisqas kanqanku”,+ nispa.

21 Chantá Jehová Diosqa Moisesta nerqa: 22 “Guersonitasta+ yupay ñaupa tatankoj sutinman jina, mayqen familiamantachus kasqankuman jinataj. 23 Yupay 30 watasniyojmanta 50 watasniyojkama, tinkukuna toldopi ruwanasta ruwanqanku chaykunata. 24 Guersonita familiaspa ruwanasninkoqa kay jina kanqa:+ 25 Paykunaqa apanqanku yupaychana toldoj telasninta,+ tinkukuna toldoj qhatananta, pata qhatananta, patanpi kaj foca qaramanta ruwasqa qhatanata,+ tinkukuna toldo punkoj cortinanta,+ 26 patioj cortinasnintawan,+ mayqenchus yupaychana toldotawan altartawan muyuykushan chayta, chantá patio punkoj cortinanta,+ watanasninta, tukuy imasnintawan, chay ruwaypaj kaj tukuy imastawan. Guersonitasqa chay imasta apanqanku. 27 Aaronwan wawasninwanqa imatachus guersonitas+ ruwanankuta kamachenqanku, imastachus apanankutapis. Qankuna ninkichej imastachus paykuna apanankuta. 28 Guersonita familiasqa chay imasta apanqanku tinkukuna toldomanta.+ Paykunatataj kamachenqa sacerdote Aaronpa wawan Itamar.+

29 ”Meraritastapis+ yupallaytaj mayqen familiamantachus kasqankuman jina, ñaupa tatankoj sutinman jinataj. 30 Anotay 30 watasniyojmanta 50 watasniyojkama, tinkukuna toldopi ruwanasta ruwanqanku chaykunata. 31 Paykunaqa tinkukuna toldomanta kay imasta apanqanku:+ yupaychana toldoj marcosninta,+ sujetana kʼaspisninta,+ machonesninta,*+ chukusninta,+ 32 patiota muyuykushan chay kʼaspista,+ chay kʼaspispa chukusninta,+ estacasninta,+ watanasninta, chay ruwaypaj kaj tukuy imastawan. Sapa ujninkuman qankuna kamachinkichej imastachus apanankuta. 33 Merarita familiasqa+ chay imasta apanqanku tinkukuna toldomanta. Paykunataqa kamachenqa sacerdote Aaronpa wawan Itamar”.+

34 Chantá Moiseswan, Aaronwan, Israelmanta kamachejkunawanqa+ cohatitasta+ yupaspa sutisninkuta qhelqarqanku, mayqen familiamantachus kasqankuman jina, ñaupa tatasninkoj sutisninman jinataj. 35 Yuparqankutaj tukuy pikunachus 30 watasniyojmanta 50 watasniyojkama karqanku chaykunata, Dioswan tinkukuna toldopi ruwanasta ruwananku karqa chaykunata.+ 36 Chay yupasqa kajkunaqa tukuyninpi karqanku 2.750 runas, mayqen familiamantachus kasqankuman jina.+ 37 Chaykuna anotasqa karqanku cohatita familiasmanta, Dioswan tinkukuna toldopi tukuy sirvejkuna. Paykunataqa anotarqanku Moiseswan Aaronwan, Jehová Dios Moisesman kamachisqanman jina.+

38 Guersonitaspis+ anotasqa karqanku mayqen familiamantachus kasqankuman jina, ñaupa tatankoj sutinman jinataj. 39 Anotasqataj karqanku tukuy pikunachus 30 watasniyojmanta 50 watasniyojkama karqanku chaykuna, Dioswan tinkukuna toldopi ruwanasta ruwananku karqa chaykuna. 40 Chay yupasqa kajkunaqa tukuyninpi karqanku 2.630 runas, mayqen familiamantachus kasqankuman jina, ñaupa tatankoj sutinman jinataj.+ 41 Chaykuna anotasqa karqanku guersonita familiasmanta, Dioswan tinkukuna toldopi tukuy sirvejkuna. Paykunataqa Moiseswan Aaronwan anotacherqanku Jehová Dios kamachisqanman jina.+

42 Meraritaspis anotasqa karqanku mayqen familiamantachus kasqankuman jina, ñaupa tatankoj sutinman jinataj. 43 Anotasqataj karqanku 30 watasniyojmanta 50 watasniyojkama, Dioswan tinkukuna toldopi ruwanasta ruwananku karqa chaykuna.+ 44 Chay yupasqa kajkunaqa tukuyninpi karqanku 3.200 runas, mayqen familiamantachus kasqankuman jina.+ 45 Chaykuna anotasqa karqanku merarita familiasmanta, pikunatachus Moiseswan Aaronwan anotarqanku Jehová Dios Moisesman kamachisqanman jina chaykuna.+

46 Moiseswan, Aaronwan, Israelmanta kamachejkunawanqa tukuy chay levitasta anotarqanku, mayqen familiamantachus kasqankuman jina, ñaupa tatasninkoj sutisninman jinataj. 47 Paykunaqa karqanku 30 watasniyojmanta 50 watasniyojkama, tukuyninkuta churarqanku Dioswan tinkukuna toldopi sirvinankupaj, chay toldoj imasnintataj apanankupaj.+ 48 Tukuy chay anotasqa kajkunataj karqanku 8.580 runas.+ 49 Paykunaqa anotasqa karqanku Jehová Dios Moisesman kamachisqanman jina, sapa ujninku imatachus ruwananku kasqanman jina, imatachus apananku kasqanman jinataj. Paykunaqa anotasqa karqanku Jehová Dios Moisesman kamachisqanman jina.

5 Jehová Diosqa Moisesman nillarqataj: 2 “Israelitasman kamachiy campamentomanta* jawaman orqhonankuta lepra onqoyniyoj kajkunata,+ jispʼanankumanta qʼeya surumullanpuni chaykunata+ chayri yawar apaywan onqosqa kajkunata, jinallataj runa wañusqata* llankhasqankurayku chʼichipaj qhawasqa kajkunatapis.+ 3 Campamentomanta jawaman paykunata orqhoychej qharipis kachun, warmipis kachun. Ajinamanta ama chʼichipaj qhawachinankupaj,+ pikunaj chaupinkupichus kashani*+ chaykunaj campamentosninkuta”, nispa. 4 Israelitasqa chay nisqanta kasuspa chay runasta campamentomanta jawaman orqhorqanku. Israelitasqa Jehová Dios Moisesman kamachisqanman jinapuni ruwarqanku.

5 Jehová Diosqa Moisesman nillarqataj: 6 “Israelitasman niy: ‘Sichus uj qharipis chayri uj warmipis Jehová Diospa contranpi juchallikun, waj runaj contranpi ima sajratapis ruwaspa chayqa, juchachasqa kanqa.+ 7 Payqa juchanta rimarichun,*+ chantapis runa masinman kikillantataj kutichipuchun. Chay valorninmantaj sapa phishqamanta ujtawan yapaykuchun.+ 8 Sichus chay pimanchus paganan karqa chay runa wañupun, nitaj qaylla familian kanmanchu payman kutichipunanpaj chayqa, imatachus paganan karqa chaytaqa Jehová Diosman qoponqa, chaytaj sacerdotepaj kanqa. Chaytawan khuskataj uj carnerotawan* apanqa sacerdote chayta Diosman jaywananpaj, ajinamanta juchasnin perdonasqa kananpaj.+

9 ”’Imastachus israelitas Diospaj tʼaqaspa+ sacerdoteman apanku chaykunaqa, sacerdotepaj kanqa.+ 10 Imastachus sapa israelita Diospaj tʼaqaspa sacerdoteman apan chaykunaqa sacerdotepaj kanqa’”.

11 Jehová Diosqa Moisesman nillarqataj: 12 “Israelitasman kayta niy: ‘Sichus uj casada warmi juchallikunman, qosantataj wasanchanman 13 waj qhariwan puñuykuspa, qosantaj mana yachanmanchu,+ manapunitaj yachakunmanchu, chay jinata chʼichichakojtinpis mana testigos kanmanchu sutʼinchanankupaj, nillataj pipis paykunata taripaykunmanchu chayqa, kay jina ruwakonqa: 14 Sichus qosan warminta celaspa waj qhariwan wasanchasqanta yuyanman chayqa, warmin khuchichakojtinpis manapis, 15 qosaqa warminta sacerdoteman pusanqa. Chantapis ofrendata warminrayku apanqa grano* jakʼuta uj kilota jina.* Chay jakʼumantaj ama aceiteta jichʼaykonqachu, nitaj yuraj inciensotapis, imaraykuchus chay ofrendaqa celosakuymanta chʼaki mikhuy ofrenda, juchata yuyarichej chʼaki mikhuy ofrenda.

16 ”’Sacerdoteqa chay warmita qayllaykuchimuspa Jehová Diospa ñaupaqenman sayaykuchenqa.+ 17 Chantá sacerdoteqa uj yuruwan llimphu yakuta wisenqa. Chay yakumantaj jichʼaykonqa yupaychana toldoj pampanmanta uj chhika jallpʼata. 18 Chantá sacerdoteqa chay warmita Jehová Diospa ñaupaqenman sayaykuchispa chujchanta phaskaranqa, makisninmantaj churanqa juchanta yuyarichej chʼaki mikhuy ofrendata, nisunman celosakuymanta chʼaki mikhuy ofrendata.+ Sacerdotetaj makinpi japʼenqa maldicionta apamoj jaya yakuta.+

19 ”’Chaymanta sacerdoteqa chay warmita jurachenqa kay jinata nispa: “Sichus casarasqa kashaspa+ mana waj qhariwan puñuykorqankichu, nitaj waj qhariwan puñuykuspa chʼichichakorqankichu chayqa, kay maldicionta apamoj jaya yakoqa mana imanasonqachu. 20 Sitajchus casarasqa kashaspa waj qhariwan puñuykuspa+ qosaykita wasancharqanki, ajinamantataj chʼichichakorqanki chayqa, kay maldicionqa chayasonqa”, nispa. 21 Chantá sacerdoteqa maldicionta apamoj juramentota ruwachenqa, warmiman kay jinata nispa: “Jehová Diosqa sutiykita oqharichichun wajkunata maldecinankupaj, juramentota ruwanankupajpis. Sichus khuchichakorqankipuni chayqa, Jehová Diosqa mana saqenqachu wawasniyoj kanaykita, wijsaykitataj punkiykuchenqa. 22 Kay maldicionta apamoj yakoqa chʼunchulasniykiman yaykuspa wijsaykita punkiykuchenqa, manataj wawasniyoj kayta atinkiñachu”, nispa. Chayta nejtintaj warmeqa nenqa: “Amén, amén”,* nispa.

23 ”’Sacerdoteqa chay maldicionesta uj libroman qhelqanqa, chay jaya yakuwantaj chay qhelqasqanta mayllanqa. 24 Chantá warmiman chay yakuta ujyachenqa. Chay yakutaj ukhunman yaykuspa wijsanta nanachenqa. 25 Sacerdotetaj celosakuymanta chʼaki mikhuy ofrendata+ warmej makinmanta oqharenqa. Chay ofrendatataj kayman jaqayman kuyuchenqa Jehová Diospa ñaupaqenpi, chaymantaqa altarman qayllaykuchenqa. 26 Chantá sacerdoteqa chay chʼaki mikhuy ofrendamanta uj maki jakʼuta orqhonqa yuyarikuna ofrenda kananpaj, altarpitaj qʼolachenqa.*+ Chayta ruwaytawan chay yakuta warmiman tomachenqa. 27 Chay yakuta tomachejtin, sichus chay warmi waj qhariwan khuchichakuspa qosanta wasancharqa chayqa, maldicionta apamoj yakoqa ukhunman yaykuspa nanachenqa, wijsantaj punkiykonqa, manataj wawasniyoj kayta atenqañachu. Ajinamanta chay warmej sutenqa oqharisqa kanqa runas maldecishajtinku. 28 Sichus chay warmi mana waj qhariwan khuchichakorqachu, manachayqa llimphupaj qhawasqa kakushan chayqa, chay castigoqa mana payman chayanqachu, astawanqa onqoj rikhurispa wawasniyoj kayta atenqa.

29 ”’Chaymin celosakuymanta leyqa,+ uj warmi qosanwan casarasqa kashaspa waj qhariwan puñuykuspa chʼichichakojtinpis 30 chayri qosan qhasi manakajllamanta celaspa waj qhariwan wasanchasqanta yuyajtinpis. Ajina kajtin qosaqa warminta pusanqa Jehová Diospa ñaupaqenman. Chaypitaj sacerdoteqa chay leyman jina ruwanqa. 31 Qhareqa mana juchayojchu kanqa, warmintajrí juchanmanta paganqa’”.

6 Jehová Diosqa Moisesman nillarqataj: 2 “Israelitasman kay jinata niy: ‘Sichus uj qharipis chayri uj warmipis Jehová Diospaj tʼaqasqa nazareo*+ kananta nin chayqa, 3 ama tomachunchu vinota, nitaj ima machachej ujyanatapis. Ama tomachunchu vinomanta ruwasqa vinagreta, nitaj waj machachej ujyanasmanta ruwasqa vinagretapis.+ Ama tomachunchu uvas chʼirwasqata, nitaj mikhuchunchu uvasta, ni uvas kʼisatapis. 4 Nazareo kashaspaqa amapuni mikhuchunchu uvasmanta ima ruwasqatapis, kachun mana poqosqa uvasmanta chayri qarasninmantapis.

5 ”’Nazareo kashaspaqa ama chujchanta kʼutukuchunchu.+ Payqa chujchanta wiñachikunan tiyan Jehová Diospaj tʼaqasqa kasqanta rikuchinanpaj, mashkha tiempopajchus ajina tʼaqasqa kananta nerqa chay tiempo juntʼakunankama. 6 Jehová Diospaj tʼaqasqa kashaspaqa ama runa wañusqaman* qayllaykuchunchu.* 7 Tatan, maman, hermanon chayri hermanan wañupojtinpis amapuni qayllaykuchunchu, ama jinamanta chʼichichakunanpaj.+ Umanpi wiñachikusqan chujchanqa señal kashan Diospaj tʼaqasqa nazareo kasqanmanta.

8 ”’Mashkha tiempopajchus nazareo kananta nisqan juntʼakunankamaqa Jehová Diospaj tʼaqasqallapuni kanan tiyan. 9 Sichus pipis kaymanta jinalla chay nazareoj qayllanpi wañunman,+ Diospaj tʼaqasqa kasqanta rikuchej chujchantataj chʼichipaj qhawachinman chayqa, payqa umanta pʼajlakunan tiyan+ ima pʼunchaychus llimphuchasqa kanqa chay pʼunchay, nisunman qanchis kaj pʼunchay. 10 Pusaj kaj pʼunchaypitaj sacerdoteman apanan tiyan iskay jurkʼutasta chayri iskay paloma irpasta, tinkukuna toldo punkuman. 11 Sacerdoteqa ujnin kajta jaywanqa jucharayku ofrendapaj, ujnintataj qʼolachina* ofrendapaj. Ajinamanta chay runaj juchan perdonasqa kanqa+ wañusqawan* chʼichichakusqanmanta. Chantá chay runaqa chay pʼunchayllataj Diospaj tʼaqakunan tiyan chujchanta watejmanta wiñachikuspa. 12 Payqa watejmanta qallarenqa Jehová Diospaj tʼaqasqa nazareo kayta. Apamonqataj uj watayoj maltón carnerota,* pantasqarayku ofrendapaj. Chaywanpis ñaupaj pʼunchaykunataqa manaña yupanqachu, nazareo kasqanta chʼichichasqanrayku.

13 ”’Kaymin leyqa nazareo runapaj: Nazareo kasqan tiempo juntʼakojtin,+ tinkukuna toldo punkuman renqa. 14 Jehová Diosmantaj apanqa kay ofrendasta: uj watayoj sano maltón carnerota qʼolachina ofrendapaj,+ uj watayoj sano malta ovejata jucharayku ofrendapaj,+ uj sano carnerotawan khuska mikhurikuy ofrendapaj.+ 15 Uj canastapitaj apanqa ñutʼu jakʼumanta aceitewan puñasqa* muyu tʼantasta* mana levadurayojta, mana levadurayoj tortillastawan aceitewan jawisqasta, apallanqataj chʼaki mikhuy ofrendata,+ vino ofrendastapis.+ 16 Sacerdotetaj tukuy chaykunata Jehová Diospa ñaupaqenman qayllaykuchenqa. Ñaupajtaqa Diosman jaywanqa jucharayku ofrendata, qʼolachina ofrendatawan. 17 Sacerdoteqa Jehová Diosman jaywallanqataj khuska mikhurikuy ofrendapaj carnerota, canastapi mana levadurayoj muyu tʼantastawan. Chaytawan khuska jaywallanqataj chʼaki mikhuy ofrendata,+ vino ofrendatapis.

18 ”’Chantá chay nazareo runaqa, umanmanta chujchanta pʼajlakuchun+ tinkukuna toldo punkupi. Chay chujchanta japʼispataj, khuska mikhurikuy ofrendaj uranpi kashan chay ninaman churaykuchun. Chay chujchantaqa wiñachikorqa Diospaj tʼaqasqa nazareo kashaspa. 19 Nazareo kasqanmanta umanpi señalta pʼajlachikojtintaj, sacerdoteqa chay runaj makisninman churanqa carneroj maki palanta yakupi chayasqata,+ chantá canastamanta mana levadurayoj uj muyu tʼantata,* mana levadurayoj uj tortillatawan. 20 Sacerdotetaj chaykunata kayman jaqayman kuyuchenqa kuyuchisqa ofrendata jina Jehová Diospa ñaupaqenpi.+ Chaytaj sacerdotepaj santopaj qhawasqa kanqa, kuyuchisqa ofrenda pecho jina, jaywasqa pierna jina.+ Chantá nazareo karqa chay runaqa vinota tomayta atillanqaña.

21 ”’Sichus uj nazareo runa imatachus qonan kasqanmanta, kapusqanman jina waj ofrendastawan Jehová Diosman qonanta nin chayqa, chay nisqantaqa juntʼananpuni tiyan. Chaymin nazareopaj leyqa’”.+

22 Chantá Jehová Diosqa Moisesman nillarqataj: 23 “Kayta niy Aaronman, wawasninmanwan: ‘Israelitasta bendecishaspaqa+ kay jinata niychej:

24 “Jehová Diosqa bendecisuchun,+ waqaychasuchuntaj.

25 Jehová Diosqa qanwan kʼacha kachun,*+ allin ñawiwantaj qhawasuchun.

26 Jehová Diosqa qanwan kʼacha kachun, sonqo tiyaykuytataj qosuchun”, nispa’.+

27 Paykunaqa israelitasta bendecinankupaj sutiyta oqharichunku,+ noqataj paykunata bendecisaj”,+ nispa.

7 Moisesqa Diosta yupaychana toldota+ armayta tukuytawan aceitewan chʼajchuykorqa,+ Diospajtaj tʼaqaporqa, tukuy imasnintawan, jinallataj altarta, tukuy imasnintapis.+ Moisés chay imasta aceitewan chʼajchusqantawan, Diospajtaj tʼaqapusqantawan,+ 2 Israelmanta kamachejkunaqa+ ofrendasta apamorqanku, sapa ayllumanta* kamachejkuna. Chay ayllusmanta kamachejkunaqa israelitasta yupanamanta cuentayoj karqanku. 3 Paykunaqa Jehová Diosman ofrendasninkuta apamorqanku, sojta qhatasqa carretasta, 12 torostawan. Sapa carretataqa iskay kamachejkuna apamorqanku, sapa torotataj sapa ayllumanta uj kamachej apamorqa. Tukuy chaykunataqa apamorqanku Diosta yupaychana toldoj ñaupaqenman. 4 Jehová Diosqa Moisesta nerqa: 5 “Chay apamusqankuta japʼiy. Chaykunaqa tinkukuna toldoj imasninta apanapaj kanqa. Chaykunataqa levitasman qoy necesitasqankuman jina”, nispa.

6 Moisesqa carretasta torostawan japʼispa levitasman partirarqa. 7 Guersonitasmanqa qorqa iskay carretasta, tawa torostawan necesitasqankuman jina.+ 8 Meraritasmantaj qorqa tawa carretasta, pusaj torostawan necesitasqankuman jina. Guersonitaswan meraritaswan imatachus ruwanankumantaqa cuentayoj karqa sacerdote Aaronpa wawan Itamar.+ 9 Cohatitasmantaj mana imatapis qorqachu, imaraykuchus paykunaqa santo lugarpi+ apaykachakoj imasta hombronkupi apananku karqa.+

10 Kamachejkunaqa waj ofrendastawan apamorqanku maypachachus altarqa Diosman jaywasqa karqa chaypacha,+ ima pʼunchaychus altar aceitewan chʼajchusqa karqa chay pʼunchay. Chay kamachejkuna ofrendasninkuta altarpa ñaupaqenman apajtinkutaj, 11 Jehová Diosqa Moisesman nerqa: “Sapa día sapa ayllumanta uj kamachej jamunan tiyan ofrendan aparisqa altar noqaman jaywasqa kananpaj”, nispa.

12 Ñaupaj kaj pʼunchayqa Judá ayllumanta Aminadabpa wawan Nahsón+ ofrendanta apamorqa. 13 Ofrendanqa karqa qolqe metalmanta uj plato, chaytaj pesarqa 130 siclos,* chantá qolqe metalmanta uj fuente, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 14 Chantá apamullarqataj uj oro copata,* chaytaj pesarqa chunka siclos, chaytaqa inciensoyojta apamorqa. 15 Qʼolachina* ofrendapajqa+ apamorqa uj torillota, uj carnerota,* uj watayoj corderotawan. 16 Jucharayku ofrendapajtaj apamorqa uj chivitota.+ 17 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Aminadabpa+ wawan Nahsonpata.

18 Iskay kaj pʼunchayqa Zuarpa wawan Netanel+ ofrendanta apamorqa. Payqa Isacar ayllumanta kamachej karqa. 19 Netanelpa ofrendanqa karqa qolqe metalmanta uj plato, chaytaj pesarqa 130 siclos, chantá qolqe metalmanta uj fuente, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 20 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 21 Qʼolachina ofrendapajqa+ apamorqa uj torillota, uj carnerota, uj watayoj corderotawan. 22 Jucharayku ofrendapajtaj apamorqa uj chivitota.+ 23 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Zuarpa wawan Netanelpata.

24 Kinsa kaj pʼunchayqa Zabulón ayllumanta kamachej, Helonpa wawan Eliab+ 25 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 26 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 27 Qʼolachina ofrendapajqa+ apamorqa uj torillota, uj carnerota, uj watayoj corderotawan. 28 Jucharayku ofrendapajtaj apamorqa uj chivitota.+ 29 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Helonpa wawan Eliabpata.+

30 Tawa kaj pʼunchayqa Rubén ayllumanta kamachej, Sedeurpa wawan Elizur+ 31 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 32 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 33 Qʼolachina ofrendapajqa+ apamorqa uj torillota, uj carnerota, uj watayoj corderotawan. 34 Jucharayku ofrendapajtaj apamorqa uj chivitota.+ 35 Khuska mikhurikuy ofrendapajtaj+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Sedeurpa wawan Elizurpata.+

36 Phishqa kaj pʼunchayqa Simeón ayllumanta kamachej, Zurisadaijpa wawan Selumiel+ 37 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 38 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 39 Qʼolachina ofrendapajqa+ apamorqa uj torillota, uj carnerota, uj watayoj corderotawan. 40 Jucharayku ofrendapajtaj apamorqa uj chivitota.+ 41 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Zurisadaijpa wawan Selumielpata.+

42 Sojta kaj pʼunchayqa Gad ayllumanta kamachej, Deuelpa wawan Eliasaf+ 43 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 44 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 45 Qʼolachina ofrendapajqa+ apamorqa uj torillota, uj carnerota, uj watayoj corderotawan. 46 Jucharayku ofrendapajtaj apamorqa uj chivitota.+ 47 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Deuelpa wawan Eliasafpata.+

48 Qanchis kaj pʼunchayqa Efraín ayllumanta kamachej, Amihudpa wawan Elisamá+ 49 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 50 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 51 Qʼolachina ofrendapajqa+ apamorqa uj torillota, uj carnerota, uj watayoj corderotawan. 52 Jucharayku ofrendapajtaj apamorqa uj chivitota.+ 53 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Amihudpa wawan Elisamajpata.+

54 Pusaj kaj pʼunchayqa Manasés ayllumanta kamachej, Pedahzurpa wawan Gamaliel+ 55 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 56 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 57 Qʼolachina ofrendapajqa+ apamorqa uj torillota, uj carnerota, uj watayoj corderotawan. 58 Jucharayku ofrendapajtaj apamorqa uj chivitota.+ 59 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Pedahzurpa wawan Gamalielpata.+

60 Jisqʼon kaj pʼunchayqa Benjamín ayllumanta kamachej,+ Guideonijpa wawan Abidán+ 61 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 62 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 63 Qʼolachina ofrendapajqa+ apamorqa uj torillota, uj carnerota, uj watayoj corderotawan. 64 Jucharayku ofrendapajtaj apamorqa uj chivitota+ 65 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Guideonijpa wawan Abidanpata.+

66 Chunka kaj pʼunchayqa Dan ayllumanta kamachej, Amisadaijpa wawan Ahiézer+ 67 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 68 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 69 Qʼolachina ofrendapajqa+ apamorqa uj torillota, uj carnerota, uj watayoj corderotawan. 70 Jucharayku ofrendapajtaj apamorqa uj chivitota.+ 71 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Amisadaijpa wawan Ahiezerpata.+

72 Chunka ujniyoj pʼunchayqa Aser ayllumanta kamachej, Ocranpa wawan Paguiel+ 73 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 74 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 75 Qʼolachina ofrendapajqa+ apamorqa uj torillota, uj carnerota, uj watayoj corderotawan. 76 Jucharayku ofrendapajtaj apamorqa uj chivitota.+ 77 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Ocranpa wawan Paguielpata.+

78 Chunka iskayniyoj pʼunchayqa Neftalí ayllumanta kamachej, Enanpa wawan Ahirá+ 79 ofrendanta apamorqa, qolqe metalmanta uj platota, chaytaj pesarqa 130 siclos, chantá qolqe metalmanta uj fuenteta, chaytaj pesarqa 70 siclos, santo lugarpi mashkhachus uj siclo pesasqanman jina.+ Chay iskayninpeqa juntʼata apamorqa aceitewan chajrusqa ñutʼu jakʼuta, chʼaki mikhuy ofrendapaj.+ 80 Chantá apamullarqataj uj oro copata, chaytaj pesarqa chunka siclos, chaytaqa inciensoyojta apamorqa. 81 Qʼolachina ofrendapajqa+ apamorqa uj torillota, uj carnerota, uj watayoj corderotawan. 82 Jucharayku ofrendapajtaj apamorqa uj chivitota.+ 83 Khuska mikhurikuy ofrendapajqa+ apamorqa iskay torosta, phishqa carnerosta, phishqa chivosta, uj watayoj phishqa corderostawan. Chay ofrendas karqanku Enanpa wawan Ahirajpata.+

84 Israelmanta kamachejkunaqa chay ofrendasta apamorqanku altar Diosman jaywasqa kashajtin,+ altarqa chay pʼunchay aceitewan chʼajchusqa karqa. Chay apamusqankoqa karqa qolqe metalmanta 12 platos, qolqe metalmanta 12 fuentes, 12 oro copas ima.+ 85 Sapa platoqa pesarqa 130 siclos, sapa fuentetaj pesarqa 70 siclos. Chay qolqe metalmanta platoswan, fuenteswanqa tukuyninpi pesarqanku 2.400 siclos, santo lugarpi mashkhachus uj siclo pesasqanman jina.+ 86 Inciensoyoj 12 oro copasqa sapa uj pesarqa chunka siclos, santo lugarpi mashkhachus uj siclo pesasqanman jina. Chay oro copasqa tukuyninpi pesarqanku 120 siclos. 87 Qʼolachina ofrendapaj tukuynin uywasqa karqanku 12 torillos, 12 carneros, uj watayojkama 12 corderos, chʼaki mikhuy ofrendasnintin. Jucharayku ofrendapajtaj karqa 12 chivitos. 88 Khuska mikhurikuy ofrendapajtaj, tukuynin uywasqa karqanku 24 toros, 60 carneros, 60 chivos, uj watayojkama 60 corderos ima. Chay ofrendasta jaywarqanku altar Diosman jaywasqa kashajtin,+ aceitewan chʼajchusqa kasqantawan.+

89 Moisesqa tinkukuna toldoman Dioswan parlaj+ yaykojtin, Diospa parlamusqanta uyarej. Diosqa parlamoj trato ruwasqan arca nisqa cajaj* tapan patamanta,+ iskay querubinespa*+ chaupinkumanta. Diosqa ajinata Moiseswan parlaj.

8 Jehová Diosqa Moisesman nerqa: 2 “Aaronman kayta niy: ‘Candeleroj* qanchis mecherosninta japʼichispaqa, ñaupaqen ladoman kʼanchananpaj jinapuni churanki’,+ nispa”. 3 Aarontaj ajinata ruwarqa: Payqa candeleroj+ mecherosninta japʼiracherqa ñaupaqen ladoman kʼanchananpaj jina, Jehová Dios Moisesman kamachisqanman jina. 4 Chay candeleroqa oromanta karqa, chaupi kʼaspinmantapacha tʼikasninkama martillowan takasqa.+ Candeleroqa ruwasqa karqa Jehová Dios Moisesman mosqoypi jina rikuchisqanman jina.+

5 Jehová Diosqa Moisesman nillarqataj: 6 “Levitasta israelitas ukhumanta tʼaqay, paykunatataj llimphuchay.+ 7 Kay jinata paykunata llimphuchanki: Paykunaman chʼajchuykunki juchata llimphuchaj yakuwan. Paykunataj navajawan umankuta pʼajlakuchunku, cuerponkupi tukuy pelosninkutapis rasurakuchunku, ropasninkutapis tʼajsakuchunku.+ Ajinamanta llimphupaj qhawasqa kanqanku. 8 Chantá paykunaqa uj torillota+ aysamuchunku, apamullachunkutaj aceitewan chajrusqa ñutʼu jakʼuta, chʼaki mikhuy ofrendapaj.+ Qanpis uj torillota aysamullankitaj jucharayku ofrendapaj.+ 9 Chantataj levitasta qayllaykuchimunki tinkukuna toldoj ñaupaqenman, chantapis tukuynin israelitasta tantachimunki.+ 10 Levitasta Jehová Diospa ñaupaqenman qayllaykuchejtiyki, israelitasqa makisninkuta churachunku levitaspa umasninkuman.+ 11 Aarontaj levitasta jaywanqa kuyuchisqa ofrendata jina Jehová Diospa ñaupaqenpi,+ israelitaspa sutinkupi. Chaymantaraj levitasqa Jehová Diospaj ruwanasninkuta ruwayta qallarenqanku.+

12 ”Chantá levitasñataj torillospa umasninkuman makisninkuta churanqanku.+ Chantataj chay torillosqa Jehová Diosman jaywasqa kanqa, ujnenqa jucharayku ofrendapaj, ujnintaj qʼolachina* ofrendapaj, ajinamanta levitas perdonta tarinankupaj.+ 13 Levitastaqa sayachinki Aaronpa ñaupaqenpi, wawasninpa ñaupaqenpiwan. Jehová Diosmantaj paykunata jaywanki kuyuchisqa ofrendata jina. 14 Ajinata levitastaqa tʼaqapuwanki israelitas ukhumanta, noqajta kanankupaj.+ 15 Chantá levitasqa tinkukuna toldopi ruwanasta ruwanqanku. Ajinata levitasta llimphuchanki llimphupaj qhawasqa kanankupaj, paykunatataj jaywawanki kuyuchisqa ofrendata jina. 16 Paykunaqa entregasqaña kanku, israelitas ukhumanta noqapaj tʼaqasqaña kanku. Noqa paykunata ajllakuni israelitaspa tukuy kuraj wawasninkoj cuentanmanta.+ 17 Israelitaspa tukuy kuraj wawasninkoqa noqajta kanku, uywasninkoj ñaupaj kaj uñasninkupis noqajta kanku.+ Maypachachus Egiptopi tukuy kuraj wawasta wañucherqani chaypacha, noqa paykunata tʼaqakorqani.+ 18 Levitasta ajllakuni israelitaspa tukuy kuraj wawasninkoj cuentanmanta. 19 Levitasqa israelitas ukhumanta entregasqa kanqanku Aaronta, wawasnintawan sirvinankupaj, israelitaspa cuentanmanta tinkukuna toldopi ruwanasta ruwanankupaj,+ sacerdotestataj yanapanankupaj israelitas perdonta tarinankupaj. Ajinamanta israelitasqa santo lugarman mana qayllaykonqankuchu, nitaj ima castigopis paykunaman chayanqachu”.+

20 Moiseswan, Aaronwan, tukuy israelitaswanqa chay tukuyta juntʼarqanku Jehová Dios levitasmanta Moisesman kamachisqanman jina. 21 Levitasqa llimphuchakorqanku, ropasninkutapis tʼajsakorqanku.+ Chantataj Aaronqa paykunata kuyuchisqa ofrendata jina jaywarqa Jehová Diospa ñaupaqenpi.+ Chantá Aaronqa uj ofrendata jaywarqa levitas juchasninkumanta perdonta tarinankupaj, ajinamanta llimphuchasqa kanankupaj.+ 22 Chaymantataj levitasqa Dioswan tinkukuna toldopi imachus ruwana kajta ruwayta qallarerqanku. Chaytataj Aaronwan wawasninwan ruwacherqanku. Jehová Dios Moisesman levitasmanta kamachisqanman jina paykunawan ruwarqanku.

23 Chantá Jehová Diosqa Moisesman nerqa: 24 “Kayqa levitaspaj kanqa: Levita qharisqa 25 watasniyojmanta pataman tinkukuna toldopi imatachus ruwanankuta ruwayta qallarenqanku. 25 Cincuentayojmanta patamantaj chay ruwanasmanta llojsiponqanku, manaña chay ruwanasta ruwanqankuchu. 26 Paykunaqa hermanosninkuta yanapayta atinku, pikunachus tinkukuna toldopi ruwanasninkuta ruwanku chaykunata, chaywanpis manaña chaypi llankʼanankupunichu kanqa. Chayta ruwanki levitaswan ruwanasninkuwanpis”,+ nispa.

9 Israelitas Egiptomanta llojsimusqankumanta iskay kaj wataj ñaupaj killanpi,+ Jehová Diosqa Sinaí chʼin jallpʼapi Moisesman kay jinata nerqa: 2 “Israelitasqa Pascua Fiestata+ ruwachunku maychus fechanpi.+ 3 Pascuataqa ruwankichej maychus fechanpi, kay killaj 14 pʼunchayninpi ña chʼisiyaykushajtinña.* Chaytaqa ruwankichej ima kamachiykunachus Pascuata ruwanapaj tiyan chayman jina, imaynatachus ruwakunan tiyan ajinata”,+ nispa.

4 Chantá Moisesqa israelitasman nerqa Pascua Fiestata ruwanankuta. 5 Israelitastaj Pascua Fiestata ruwarqanku ñaupaj kaj killaj 14 pʼunchayninpi ña chʼisiyaykushajtinña,* Sinaí chʼin jallpʼapi. Paykunaqa ruwarqanku Jehová Dios Moisesman kamachisqanman jina.

6 Wakin qharisqa chʼichipaj qhawasqa kasharqanku wañusqata llankhasqankurayku.+ Chayrayku paykunaqa chay pʼunchay Pascuata mana ruwayta aterqankuchu. Jinapi paykunaqa chay diapacha rerqanku Moiseswan Aaronwan parlamoj.+ 7 Chayaspataj Moisesman nerqanku: “Wañusqata llankhasqaykurayku chʼichipaj qhawasqa kashayku. ¿Kunanqa manachu atiykuman maychus fechanpi ofrendata Jehová Diosman jaywayta israelitaswan khuska?”,+ nispa. 8 Moisestaj paykunata nerqa: “Kaypi suyariwaychej, Jehová Diosta tapurimusaj, imatachus qankunamanta niwanqa”,+ nispa.

9 Chantá Jehová Diosqa Moisesman nerqa: 10 “Israelitasman kay jinata niy: ‘Sichus qankunamanta mayqellanpis, chayri mirayniykichejpis wañusqata llankhasqanrayku chʼichipaj qhawasqa kanman,+ chayri karuman rinman chayqa, chay runaqa Jehová Diospaj Pascuata ruwananpuni tiyan. 11 Ruwachuntaj iskay kaj killaj+ 14 pʼunchayninpi, ña chʼisiyaykushajtinña.* Chay pʼunchay cordero* aychata mikhuchun mana levadurayoj tʼantatawan, jaya qhorastawan.+ 12 Qʼayantinpajqa ama puchuchichunchu,+ nitaj chay corderoj tullusnintapis pʼakichunchu.+ Pascuataqa ruwachun ima kamachiykunachus tiyan chayman jina. 13 Sichus uj runa llimphupaj qhawasqa kashaspa chayri wasillanpi kashaspa Pascuata mana ruwanchu chayqa, chay runaqa wañuchisqa kanqa,+ maychus fechanpi ofrendata Jehová Diosman mana jaywasqanrayku. Chay runaqa juchanmanta paganqa.

14 ”’Sichus uj forastero qankunawan tiyakun chayqa, paypis Jehová Diospaj Pascuata ruwanallantaj tiyan.+ Paypis ruwanan tiyan ima kamachiykunachus Pascuapaj tiyan chayman jina, imaynatachus ruwakunan tiyan ajinata.+ Kikin kamachiyllataj kanqa qankunapaj, forasterospajpis’”.+

15 Ima pʼunchaychus Diosta yupaychana toldo armasqa karqa chay pʼunchayqa,+ phuyoqa chay toldo pataman tiyaykorqa, maypichus Diospa trato ruwasqan arca nisqa kasharqa chay toldoman. Chʼisiyaykuymantapachataj uj nina lauray jina kʼancharqa Diosta yupaychana toldo patapi sutʼiyamunankama.+ 16 Ajinallapuni karqa chay toldopi: Pʼunchayqa chay toldo patapi phuyu kaj, tutantaj uj nina lauray jina kʼanchaj.+ 17 Chay toldo patamanta phuyu oqharikojtintaj israelitasqa chay ratopacha purirej kanku.+ Maypichus phuyu sayaj chaypitaj jarakoj kanku.+ 18 Jehová Dios puririnankuta kamachejtin israelitasqa purirej kanku, Jehová Dios jarakunankuta kamachejtintaj jarakoj kanku.+ Diosta yupaychana toldo patapi phuyu qhepakojtenqa paykunapis pachanpi qhepakoj kanku. 19 Sichus chay phuyu Diosta yupaychana toldo patapi ashkha pʼunchaykunata kaj chayqa, israelitasqa Jehová Diosta kasukuspa mana purirejchu kanku.+ 20 Wakin kutispi chay phuyoqa pisi pʼunchaykunallata Diosta yupaychana toldo patapi kaj. Israelitasqa Jehová Dios jarakunankuta kamachejtin jarakoj kanku, Jehová Dios puririnankuta kamachejtintaj purirej kanku. 21 Wakin kutispeqa chʼisiyaykuymanta sutʼiyamunankamalla chay phuyu toldo patapi qhepakoj, qʼayantintaj tutamanta oqharikoj. Jina kajtin, israelitasqa puririllajtaj kanku. Pʼunchaypis kachun tutapis kachun, phuyu oqharikojtenqa paykunapis puririllajtaj kanku.+ 22 Sichus iskay pʼunchayta, uj killata chayri aswan unayta Diosta yupaychana toldo patapi phuyu qhepakoj chayqa, israelitaspis chaypi qhepakoj kanku, paykunaqa mana purirejchu kanku. Maypachachus chay phuyu oqharikoj chaypacha, paykunapis puririllajtaj kanku. 23 Israelitasqa Jehová Dios jarakunankuta kamachejtin jarakoj kanku, Jehová Dios puririnankuta kamachejtintaj purirej kanku. Paykunaqa Jehová Diosta kasukoj kanku imatachus Jehová Dios Moisesman kamacherqa tukuy chayta.

10 Chantá Jehová Diosqa Moisesta nerqa: 2 “Iskay cornetasta+ qolqe metalmanta ruwakuy, martillowan takaspa. Chaykunaqa kanqa israelitasta tantachimunapaj, jinallataj campamentosninkuta* oqharinankupajpis. 3 Sichus chay iskaynin cornetas waqanqa chayqa, tukuynin israelitas ñaupaqeykiman tantakamonqanku, tinkukuna toldo punkuman.+ 4 Sichus uj cornetalla waqanqa chaytaj, kamachejkunalla ñaupaqeykiman tantakamonqanku, Israelpi waranqa runasta kamachejkunalla.+

5 ”Cornetas ñañumantataj rakhumantataj waqamojtinku, inti llojsimuy ladopi kashanku chay kinsa ayllus*+ purirenqanku. 6 Cornetas watejmanta ñañumantataj rakhumantataj waqamojtinku, sur ladopi* kashanku chay kinsa ayllusñataj+ purirenqanku. Ajinata cornetasta waqachenqanku sapa tʼaqa puririnanpaj.

7 ”Israelitasta tantachimunaykichejpajqa cornetasta+ waj jinatañataj waqachinkichej. 8 Chay cornetastaqa waqachenqanku+ Aaronpa wawasnin sacerdotes. Cornetasta imaynatachus waqachinamanta leyqa qankunapaj, mirayniykichejpajpis unay wataspaj kanqa.

9 ”Sichus jallpʼaykichejpi kashajtiykichej enemigosniykichej qankunawan maqanakoj jamonqanku chayqa, cornetasta waqachinkichej maqanakoj rinaykichejpaj.+ Jehová Diosniykichejtaj qankunamanta yuyarikusonqachej, enemigosniykichejmantataj salvasonqachej.

10 ”Maypachachus kusikunaykichej kajtinpis,+ fiestasta ruwashaspa+ chayri killa qallarikuytapis, cornetasta waqachinkichej qʼolachina* ofrendasta+ jaywashaspa, khuska mikhurikuy ofrendasta+ jaywashaspa ima. Ajinamanta Diosniykichej qankunamanta yuyarikusonqachej. Noqamin Jehová Diosniykichej kani”.+

11 Iskay kaj watamanta iskay kaj killaj 20 pʼunchayninpi,+ phuyu oqharikorqa Diosta yupaychana toldo patamanta,+ maypichus Diospa trato ruwasqan arca nisqa caja kasharqa chaymanta. 12 Israelitastaj Sinaí chʼin jallpʼamanta purirerqanku, ima ordenpichus puririnanku karqa chay ordenpi.+ Phuyutaj sayarqa Parán chʼin jallpʼapi.+ 13 Chay kuti israelitasqa ñaupaj kutirayku purirerqanku Jehová Dios Moisesman kamachisqanman jina.+

14 Ñaupajtaqa purirerqa Judá aylloj campamentonmanta kinsa ayllusniyoj grupo, tʼaqa tʼaqaspi.* Aminadabpa wawan Nahsontaj+ tʼaqanta kamachisharqa. 15 Isacar ayllumanta tʼaqata kamachejqa karqa Zuarpa wawan Netanel.+ 16 Zabulón ayllumanta tʼaqata kamachejqa karqa Helonpa wawan Eliab.+

17 Diosta yupaychana toldo phaskarasqa kajtin,+ guersonitaswan+ meraritaswan+ purirerqanku. Paykunaqa Diosta yupaychana toldota apanankupaj cuentayoj karqanku.

18 Paykunaj qhepankutataj Rubenpa campamentonmanta kinsa ayllusniyoj grupoñataj purirerqa tʼaqa tʼaqaspi.* Sedeurpa wawan Elizurtaj+ tʼaqanta kamachisharqa. 19 Simeón ayllumanta tʼaqata kamachejqa karqa Zurisadaijpa wawan Selumiel.+ 20 Gad ayllumanta tʼaqata kamachejqa karqa Deuelpa wawan Eliasaf.+

21 Paykunaj qhepankutataj cohatitas purirerqanku, santo lugarpa imasninta apaspa.+ Paykuna chayanankupajqa, ñapis Diosta yupaychana toldoqa armasqaña kanan karqa.

22 Paykunaj qhepankutataj Efraín aylloj campamentonmanta kinsa ayllusniyoj grupoñataj purirerqa tʼaqa tʼaqaspi.* Amihudpa wawan Elisamataj+ tʼaqanta kamachisharqa. 23 Manasés ayllumanta tʼaqata kamachejqa karqa Pedahzurpa wawan Gamaliel.+ 24 Benjamín ayllumanta tʼaqata kamachejqa karqa Guideonijpa wawan Abidán.+

25 Paykunaj qhepankutataj Dan aylloj campamentonmanta kinsa ayllusniyoj grupoñataj purirerqa tʼaqa tʼaqaspi.* Paykunaqa tukuymanta qhepata rerqanku chay ujnin campamentosta jarkʼanankupaj. Amisadaijpa wawan Ahiezertaj+ tʼaqanta kamachisharqa. 26 Aser ayllumanta tʼaqata kamachejqa karqa Ocranpa wawan Paguiel.+ 27 Neftalí ayllumanta tʼaqata kamachejqa karqa Enanpa wawan Ahirá.+ 28 Israelitasqa chay ordenpi sapa kuti purirej kanku, tʼaqa tʼaqaspi.*+

29 Chantá Moisesqa Hobabwan parlarqa. Hobabqa madianita Reuelpa*+ wawan karqa, Reueltaj Moisespa suegron karqa. Hobabmantaj nerqa: “Jehová Dios ‘qosqaykichej’ niwayku chay jallpʼaman rishayku.+ Qanpis noqaykuwan riy ari,+ qanwan kʼachas kasqayku. Jehová Diosqa israelitasman sumaj imasta qonanta nin”,+ nispa. 30 Hobabtajrí Moisesman nerqa: “Mana, noqaqa kutipunay tiyan llajtayman, familiay kashan chayman”, nispa. 31 Moisestaj nerqa: “Ama jina kaspa ama saqerpariwaykuchu ari. Qan sumajta rejsinki kay chʼin jallpʼaspi maynejpichus jarakunaykuta. Chayrayku qan pusawayku ari. 32 Sichus noqaykuwan rinki chayqa,+ allin imasta Jehová Dios qowasqayku chayta qanpis japʼillankitaj”, nispa.

33 Ajinamanta israelitasqa Jehová Diospa orqonmanta+ purirerqanku, rerqankutaj kinsa día puriyta. Jehová Diospa trato ruwasqan arca nisqa cajaqa,+ chay kinsa diasta ñaupaqenkuta rerqa, maypichus samarikunankuta maskʼaspa.+ 34 Jarakorqanku chaymanta purirejtinku, Jehová Diospa phuyonqa+ pʼunchay paykunaj patankupi kasharqa.

35 Arca nisqa cajata sapa puririchejtinku Moisesqa nej: “Jehová Diosníy, sayarikuspa+ enemigosniykita chʼeqerachiy,* chejnisojkunata ñaupaqeykimanta ayqerachiy”, nispa. 36 Chay arca sayajtintaj Moisesqa nej: “Jehová Diosníy, kutimuy mana yupay atina waranqa waranqa israelitasman”,+ nispa.

11 Uj pacha israelitasqa Jehová Diospa ñaupaqenpi manchayta quejakuyta qallarerqanku. Jehová Diostaj chayta uyarispa sinchʼita phiñakorqa, paykunaj patankumantaj Jehová Diosqa ninata apachimorqa. Chay ninataj paykunamanta wakinta ruphaykorqa campamentomanta* jawapi. 2 Chantá runas Moisesman qhaparikojtinku, Moisesqa Jehová Diosmanta mañakorqa,+ ninataj wañuporqa. 3 Chayrayku chay lugartaqa suticharqanku Taberá* nispa, chaypi Jehová Dios ninata paykunaman apachimusqanrayku.+

4 Israelitas ukhupeqa waj llajtayoj ashkha runas*+ karqanku. Paykunataj waj mikhunasmanta wañurisharqanku,+ israelitaspis watejmanta waqayta qallarerqanku, nerqankutaj: “¿Pitaj kunan aychata mikhuchiwasqaykuri?+ 5 Egiptopeqa qhasilla pescadosta mikhoj kayku. Mikhullajtaj kayku pepinosta, sandiasta, puerrosta, cebollasta, ajosta ima.+ 6 Kaypitajrí qʼalata llauchhuyapushayku. Ni imapis kaypeqa kanchu, maná nisqa mikhunalla tiyan”,+ nispa.

7 Maná+ nisqa mikhunaqa culantro* mujitus jina+ karqa, colornintaj karqa sachʼa waqay jina. 8 Sabornenqa karqa aceiteyoj miskʼi tʼantapis kanman jina. Runasqa llojsispa pampasmanta pallakamoj kanku. Chantá maki molinospi jakʼoj kanku chayri maranpi kutaj kanku. Jinaspataj mankaspi chayachej kanku chayri muyu tʼantasta ruwakoj kanku.+ 9 Campamento pataman chʼisisnin chhulla urmamojtin, maná nisqa mikhunapis urmamullajtaj.+

10 Moisesqa uyarerqa tukuy runas waqashasqankuta. Sapa familia, sapa runapis toldo wasin* punkupi waqasharqa. Jehová Diostaj chaymanta sinchʼita phiñakorqa,+ Moisesmanpis manallataj allinchu rijchʼarqa. 11 Chantá Moisesqa Jehová Diosman nerqa: “¿Imaraykutaj kay kamachiykita kay jinata llakichinkiri? ¿Imatataj ruwarqani mana allinpaj qhawanawaykipajri? ¿Imajtintaj kay tukuynin runasta qhawanaypaj churawankiri, mana atinaypaj jina kashajtinri?+ 12 ¿Noqachu kay tukuy runaspa mamanku kani imatajri? ¿Noqachu paykunata nacechikorqani, ‘makiykipi ichurikuy* imaynatachus uj kamachi* ñuñoj wawata ichurikun ajinata’ nispa ninawaykipaj, may jallpʼatachus ñaupa tatasninkuman qonaykita jurarqanki chayman pusanaypaj?+ 13 ¿Maymantataj aychata apamusaj kay chhika runasta mikhuchinaypajri? Paykunaqa noqallata waqaspa nishawanku: ‘Aychata qowayku mikhunaykupaj’, nispa. 14 Mana sapallayqa kay runasta qhawayta atinichu, anchapuni noqapajqa.+ 15 Sichus ajinallatapuni ruwawanki chayqa, ama jina kaspa wañuchikapullawayña ari.+ Sichus allin ñawiwan qhawawanki chayqa, amaña ima llakiytapis rikuchiwaychu”, nispa.

16 Jehová Diostaj Moisesman kuticherqa: “Israelpi kurajkunamanta 70 qharista tantapuway, pikunatachus qan churawaj israelitaspa kurajkunasninku, kamachejkunasninkutaj kanankupaj chaykunata.*+ Paykunatataj pusay tinkukuna toldoman, chaypitaj suyawaychej. 17 Noqataj chayman uraykamuspa+ qanwan parlasaj.+ Chantaqa qanpi kaj espíritu santoymanta+ paykunamanpis qollasajtaj. Paykunataj kay runasta qhawayta yanapasonqanku, mana atikunanpaj jina kashajtinpis. Ajinamanta manaña sapallaykichu chayta ruwanki.+ 18 Qantaj tukuy runasman ninki: ‘Qʼayapaj llimphuchakuychej.+ Qʼayaqa aychata mikhunkichej, imaraykuchus Jehová Diosqa waqasqaykichejta uyarin,+ kay nisqaykichejtapis: “¿Pitaj aychata qowasunchej mikhunanchejpajri? Egiptopeqa aswan allinta kausakusharqanchej”,+ nispa. Jehová Diosqa aychata qosonqachej mikhunaykichejpaj.+ 19 Aychataqa mikhunkichej mana uj diallatachu, nitaj iskay diallatachu, nitaj phishqa diasllatachu, nitaj chunka diasllatachu, nitaj 20 diasllatachu. 20 Manachayqa uj killa juntʼata mikhunkichej, senqasniykichejmanta llojsiramunankama, millachikunaykichejkamataj.+ Qankunaqa Jehová Diosta qhesachankichej, qankuna ukhupi kashajtin. Chantapis paypa ñaupaqenpi waqashankichej, nishankichejtaj: “¿Imapajtaj Egiptomanta llojsimorqanchejri?”,+ nispa’”.

21 Moisestajrí Diosman nerqa: “Noqawan rejkunaqa 600.000 qharis*+ kanku. Chaywanpis qan nishanki: ‘Uj killa juntʼata mikhunankupaj paykunaman aychata qosaj’, nispa. 22 Tropa ovejasta, tropa wakasta ñakʼajtiypis,* ¿chaywan sajsakunkumanchu? Mar qochamanta tukuynin pescadosta japʼejtiypis, ¿chaywan sajsakunkumanchu?”, nispa.

23 Jehová Diostaj Moisesman nerqa: “¿Manachu Jehová Diosqa chayta ruwayta atinman?+ Kunanmá rikunki parlasqayta juntʼasajchus manachus chayta”, nispa.

24 Moisestaj llojsiytawan runasman willamorqa imatachus Jehová Dios payman nisqanta. Chantá israelitas ukhumanta 70 kurajkunata tantachispa toldoj muyuyninman sayaracherqa.+ 25 Jehová Diostaj chayman uj phuyupi uraykamuspa+ Moiseswan parlarqa.+ Moisespi kasharqa chay espíritu santonmantataj+ 70 kurajkunamanpis qollarqataj, sapa ujninkuman. Chay espíritu paykunaman chayajtintaj, chay kutilla profetas jina* parlayta qallarerqanku.*+

26 Jinapis iskayqa campamentollapi qhepakorqanku. Paykunaqa karqanku Eldadwan Medadwan. Paykuna toldoman mana rejtinkupis chay espíritu santoqa paykunamanpis chayallarqataj, paykunaj sutisninku chay ujkunajtawan khuska qhelqasqa kasqanrayku. Jinapi paykunaqa profetas jina campamentopi parlayta qallarerqanku. 27 Uj joventaj Moisesman willaj correrqa: “Eldadwan Medadwanqa profetas jina campamentopi parlashanku”, nispa. 28 Chantá Nunpa wawan Josueqa,+ pichus jovenmantapacha Moisespa yanapajnin karqa, Moisesman nerqa: “Wiraqochi Moisés, niy ari ama jinata ruwanankuta”,+ nispa. 29 Moisestajrí payman kuticherqa: “¿Noqamantachu llakikushanki? Ama llakikuychu. Noqaqa munayman Jehová Diospa tukuy israelita wawasnin profetas kanankuta, tukuyninkumantaj Jehová Diosqa espíritu santonta qonanta”, nispa. 30 Chay qhepatataj Moisesqa Israelmanta kurajkunawan khuska campamentoman kutiporqanku.

31 Chaypacha ujllata Jehová Diosqa wayrachimorqa, chay wayrataj ashkha yuthusta* mar qochamanta apamorqa. Chaykunataj israelitaspa campamentonkoj muyuyninman juntʼaykamorqanku,+ ujnin ladonmanqa uj día puriyman jina, ujnin ladonmanpis uj día puriyman jinallataj, tukuy campamentoj muyuyninman. Chay yuthusqa montonakorqanku uj metrota jina,* patan patanpi. 32 Jinapi runasqa chay yuthusta japʼillarqankupuni tukuy chay diantin, tutantin, qʼayantinpis. Aswan pisita japʼej runaqa chunka wirkhisman juntʼachinapaj jina* japʼerqa. Jinamanta runasqa chay japʼisqanku yuthu aychasta campamentoj muyuyninman chʼakirachikorqanku. 33 Chay aycha simillankupiraj kashajtin, niraj khamuyta tukushajtinku, Jehová Diosqa paykunapaj sinchʼita phiñakorqa. Chayraykutaj Jehová Diosqa may chhika runasta wañucherqa.+

34 Chayrayku chay cheqata suticharqanku Quibrot-Hataavá*+ nispa, imaraykuchus chaypi pʼamparqanku mikhunallapi yuyajkunata.+ 35 Chantá israelitasqa chay Quibrot-Hataavamanta Hazerotman rerqanku, Hazerotpitaj qhepakorqanku.+

12 Uj kuti Miriamwan Aaronwanqa Moisespa contranta rimayta qallarerqanku, Cus llajtayoj warmiwan casarakusqanrayku.+ 2 Paykunaqa nisharqanku: “¿Jehová Diosqa Moisesllawanchu parlan? ¿Manachu noqaykuwanpis parlallantaj?”,+ nispa. Jehová Diostaj chay nisqankuta uyarisharqa.+ 3 Moisesqa aswan llampʼu sonqoyoj+ karqa kay jallpʼa patapi tukuy runasmanta nisqaqa.

4 Chayllapi Jehová Diosqa Moisesman, Aaronman, Miriamman ima nerqa: “Kinsantiykichej riychej tinkukuna toldoman”, nispa. Jinata nejtintaj kinsantinku rerqanku. 5 Jehová Diostaj chhoqo phuyupi uraykamuspa+ chay toldo punkupi sayaykorqa. Chantataj Aarontawan Miriamtawan wajyarqa, paykunataj qayllaykorqanku. 6 Diostaj paykunata nerqa: “Ama jina kaspa imatachus nisqayta uyariwaychej. Sichus qankuna ukhupi Jehová Diospa profetan kanman chayqa, paywanqa uj mosqoypi jina+ rejsichikuyman, mosqoypitaj paywan parlayman.+ 7 Kamachiy Moiseswanrí mana jinatachu parlani. Makinman churani tukuy israelita wawasniyta.*+ 8 Paywanqa uyapura* parlani,+ sumaj sutʼitataj, mana imata pakaspa. Noqa Jehová Diosqa payman rikhurini. ¿Imaraykutaj kunan kamachiy Moisespa contranta rimayta mana manchachikunkichejchuri?”, nispa.

9 Chantá Jehová Diosqa paykunapaj mayta phiñakuspa riporqa. 10 Phuyupis toldo patamanta oqharikorqa. Miriamtaj lepra onqoyniyoj rikhurerqa, chay lepraqa ritʼi jina yurajpacha karqa.+ Aarón Miriamta qhawarinanpajtaj, Miriamqa lepra onqoywan juntʼaña kasharqa.+ 11 Aarontaj chay rato Moisesta nerqa: “Ay wiraqochíy. Ama jina kaspa, ama kay juchaykurayku castigawaykuchu ari. Noqaykoqa wampumanta kay jinata juchallikuyku. 12 Ama jina kaspa, ama saqeychu ari Miriamqa wañusqa nacekoj wawaj qʼetayasqa aychan jina kananta”, nispa. 13 Chantá Moisesqa qhaparikuspa Jehová Diosmanta mañakorqa: “Diosníy, ama jina kaspa sanoyachillay ari, sanoyachillay ari”, nispa.+

14 Jehová Diostaj Moisesman kuticherqa: “Sichus Miriamta tatan uyanman thoqaykunman karqa chayqa, qanchis diasta pʼenqaywan kanman karqa. Chayrayku Miriamta qanchis diasta campamentomanta* jawaman+ wijchʼuychej.* Chaymantaraj campamentoman kutiykamuchun”, nispa. 15 Chayrayku Miriamqa qanchis diasta campamentomanta jawaman wijchʼusqa karqa.+ Chaykamataj israelitasqa mana maymanpis purirerqankuchu, Míriam campamentoman kutiykamunankama. 16 Chantá israelitasqa Hazerotmanta+ purirerqanku, Parán chʼin jallpʼapitaj+ toldo wasisninkuta* armarqanku.

13 Jehová Diosqa Moisesman nerqa: 2 “Qharista kachay Canaán jallpʼata qhawamunankupaj,* mayqentachus israelitasman qosaj chay jallpʼata. Sapa ayllumanta* uj qharita kachaychej, ayllunkupi kurajkuna+ kanku chaykunamanta ujta”,+ nispa.

3 Chayrayku Moisesqa qharista kacharqa Parán chʼin jallpʼamanta,+ Jehová Dios kamachisqanman jina. Chay qharisqa Israelmanta uma kajkuna karqanku. 4 Sutisninkutaj kaykuna karqa: Rubén ayllumanta Zacurpa wawan Samúa. 5 Simeón ayllumanta Horijpa wawan Safat. 6 Judá ayllumanta Jefunejpa wawan Caleb.+ 7 Isacar ayllumanta Josejpa wawan Igal. 8 Efraín ayllumanta Nunpa wawan Hosea.+ 9 Benjamín ayllumanta Rafujpa wawan Paltí. 10 Zabulón ayllumanta Sodijpa wawan Gadiel. 11 José+ ayllumanta nisunman Manasés*+ ayllumanta Susijpa wawan Gaddí. 12 Dan ayllumanta Guemalijpa wawan Amiel. 13 Aser ayllumanta Miguelpa wawan Setur. 14 Neftalí ayllumanta Vofsijpa wawan Nahbí. 15 Gad ayllumanta Makijpa wawan Gueuel ima. 16 Chay qharista Moisesqa kacharqa Canaán jallpʼata qhawamunankupaj. Moisesqa Josué*+ sutita churarqa Nunpa wawan Hoseaman.

17 Moisesqa chay qharista Canaán jallpʼata qhawamunankupaj kachashaspa nerqa: “Neguebman wichariychej, chaymantataj orqosman wicharinkichej.+ 18 Chaymanta qhawankichej imaynachus chay jallpʼas kasqankuta,+ chaypi tiyakoj runaspis kallpasapaschus kanku manachus chayta, chantá ashkhachus pisillachus tiyakunku chaytapis. 19 Qhawallankichejtaj chay jallpʼas sumajchus kanku manachus chayta, tiyakushanku chay llajtasninkupis perqaswan muyurisqachus kanku manachus chayta. 20 Qhawallankichejtaj jallpʼasninkupi sumajtachus poqon manachus chayta,+ sachʼasninkupis kanchus manachus chayta. Ama manchachikuychejchu.+ Chay jallpʼaspi imachus poqon chaymantapis uj chhikata apamunkichej”, nispa. Chay tiempoqa karqa ñaupaj kaj uvas poqosqaña kashajtin.+

21 Jinamanta chay qharisqa wicharispa chay jallpʼasta qhawamorqanku Zin nisqa chʼin jallpʼamantapacha+ Rehob+ cheqakama, Lebó-Hamat+ qayllakama.* 22 Neguebman wichariytawan Hebrón+ llajtaman chayarqanku. Chaypeqa tiyakusharqanku Ahimán, Sesái, Talmái+ ima, paykunaqa Anacpa miraynin+ karqanku. Hebrón llajtaqa ruwasqa kasqa Egiptopi Zoan llajtamanta qanchis watas ñaupajta. 23 Chaymantaqa Escol mayuman*+ chayarqanku, chaypitaj kʼutorqanku uj uva sachʼaj ramanta, uvas chhullchuyojta.* Chaytataj kʼaspiman warkhuykuspa iskay ukhu aparqanku. Chantá apallarqankutaj uj mashkha granadasta, higostawan.+ 24 Chay cheqata Escol* mayu+ nispa suticharqanku, israelitas chaypi uvas chhullchuta kʼutusqankurayku.

25 Chay rejkunaqa 40 pʼunchaykunamanta+ kutimorqanku, chay jallpʼata qhawamusqankumanta. 26 Kutimorqanku Parán chʼin jallpʼaman, Cadesman.+ Chaypi suyasharqanku Moiseswan Aaronwan tukuy israelitaswan ima. Chantá israelitasman willarqanku imatachus rikusqankuta, rikucherqankutaj chay jallpʼaspi poqojta. 27 Moisesmantaj kay jinata willarqanku: “Noqaykoqa maymanchus kachawarqayku chay jallpʼaman chayarqayku. Chay jallpʼapeqa ciertopuni lechewan miskʼiwan jinantin kasqa.+ Kay jinata chay jallpʼaspeqa poqoj kasqa.+ 28 Chaywanpis chaypi tiyakoj runasqa manchay kallpasapas kasqanku, llajtasninkupis jatuchaj kasqa, perqaswan sumaj muyuykusqa. Chaypi rikuyku Anacpa mirayninmanta runasta.+ 29 Négueb+ cheqaspeqa amalequitas+ tiyakushanku, orqos chaynejpitaj tiyakushanku hititas, jebuseos,+ amorreos+ ima. Cananeostaj+ tiyakushanku mar qocha chaynejpi,+ Jordán qayllapi”, nispa.

30 Calebtajrí Moisespa ñaupaqenpi kasharqanku chay israelitas ama manchachikunankupaj kay jinata nerqa: “Kunanpacha wicharispa chay jallpʼasta japʼikanpunanchej tiyan. Noqanchejqa paykunata atipayta atinchej”,+ nispa. 31 Calebwan khuska rejkunatajrí kuticherqanku: “Mana. Mana atipasunmanchu chay runastaqa. Paykunaqa noqanchejmanta aswan kallpayoj kanku”,+ nispa. 32 Chay jallpʼasmantataj mana allin kajta israelitasman willallarqankupuni:+ “Qhawamorqayku chay jallpʼasman rispaqa wañusunchej. Chaypi tiyakoj runasqa may jatuchachaj kanku.+ 33 Chaypi rikuyku nefilimkunata, Anacpa wawasninta,+ paykunaqa nefilimkunaj miraynin kanku. Noqaykoqa paykunaj qayllankupi saltamontes jina juchʼuysitus kayku, paykunapis juchʼuysitusta jina qhawariwayku”, nispa.

14 Chay imasta uyariytawan tukuy israelitasqa mayta chʼajwarqanku, tukuy chay tutantintaj jatunmanta waqarqanku.+ 2 Chantá tukuy israelitas Moisespa contranta, Aaronpa contrantawan thutuyta qallarerqanku,+ tukuyninku paykunapaj rimarqanku: “Allin kanman karqa Egiptopi wañunanchej chayri chʼin jallpʼapipis wañunanchej. 3 ¿Imapajtaj Jehová Dios kay jallpʼasman pusamuwanchejri? ¿Espadawan wañuchisqas kananchejpajchu pusamuwanchej?+ Warmisninchejta, wawasninchejtapis presosta apakaponqanku.+ ¿Manachu aswan allin kanman Egiptoman kutipunanchej?”,+ nispa. 4 Paykunapurataj ninakusharqanku: “Uj kamachejta ajllakunachej, Egiptomantaj kutipunachej”,+ nispa.

5 Chayta uyarispa Moiseswan Aaronwanqa, chaypi tantasqa kasharqanku chay israelitaspa ñaupaqenpi pampakama kʼumuykukorqanku. 6 Nunpa wawan Josuewan,+ Jefunejpa wawan Calebwantaj,+ pikunachus jallpʼasta qhawaj rerqanku chaykuna, ropasninkuta llikʼirakorqanku. 7 Tukuy israelitasmantaj nerqanku: “Qhawamorqayku chay jallpʼasqa may sumajpuni.+ 8 Sichus Jehová Dios allin ñawiwan qhawawanchej chayqa, chay jallpʼasman pusaykuwasunchej, chay jallpʼastataj qowasunchej. Chay jallpʼaspeqa lechewan miskʼiwan jinantin tiyan.+ 9 Chayrayku ama Jehová Diospa contranta oqharikuychejchu, amataj manchachikuychejchu chay jallpʼaspi tiyakoj runasta.+ Paykunataqa imata jina atipasunchej.* Paykunaman kutikojqa manaña pipis kanchu, noqanchejwanrí Jehová Dios kashan.+ Chayrayku ama paykunata manchachikuychejchu”, nispa.

10 Chayta uyarispa tukuy israelitasqa paykunata rumiswan chʼanqaykuyta munarqanku.+ Jinallapitaj Jehová Diospa jatun kayninpa kʼanchaynin rikhurerqa Dioswan tinkukuna toldo patapi, tukuy israelitas rikunankuta.+

11 Chantá Jehová Diosqa Moisesta nerqa: “¿Maykʼajkamataj kay runasqa pisipaj qhawawanqankuri?+ ¿Paykunaj chaupinkupi milagrosta ruwashajtiypis maykʼajkamataj mana creewanqankuchuri?+ 12 Paykunataqa wañuchej onqoywan castigasaj, chinkarparichisajtaj. Qanmantataj uj jatun nacionta ruwasaj paykunamanta aswan atiyniyojta”,+ nispa.

13 Moisestajrí Jehová Diosman nerqa: “Qanqa kay israelitasta atiyniykiwan Egiptomanta orqhomorqanki. Sichus chayta ruwawaj chayqa egipciosqa chayta yachanqanku,+ 14 Canaán jallpʼaspi tiyakojkunamantaj willanqanku. Paykunapis yachanku qan Jehová Dios, israelitaspa chaupinkupi kasqaykita,+ paykunawantaj uyapura rikuchikusqaykita.+ Qanmin Jehová Diosqa kanki, phuyuykipis paykunaj patankupi kashan. Pʼunchayqa ñaupaqenkuta uj chhoqo phuyupi rinki, tutantaj uj chhoqo ninapi.+ 15 Sichus ujllapi* kay tukuy israelitasta wañurachinki chayqa, may rejsisqa kasqaykita uyarej nacionesqa nenqankuchá ari: 16 ‘Jehová Diosqa israelitasta mana chayachiyta atinchu juraspa qonanta nerqa chay jallpʼasman. Chayrayku chʼin jallpʼaspi paykunata wañurachin’,+ nispa. 17 Chayrayku kunanqa Jehová Diosníy, ama jina kaspa atiyniyki may jatun kasqanta rikuchiy ari, nisqaykiman jina. Qan nerqanki: 18 ‘Jehová Diosqa pacienciayoj,* may jina munakuyniyoj,*+ perdonantaj runaspa pantasqasninkuta, mana kasukuspa ruwasqankutapis. Payqa mana qhawakullanchu juchayoj runataqa, manachayqa tataspa juchasninkumantaqa wawasninkuta castigan, jinallataj allchhisninkuta, allchhisninkoj wawasninkutapis’,+ nispa. 19 Ama jina kaspa, may jatun munakuyniyoj kasqaykirayku kay runaspa juchasninkuta perdonay ari, imaynatachus Egiptomantapacha kunankama perdonarqanki ajinata”,+ nispa.

20 Chantá Jehová Diosqa nerqa: “Paykunata perdonani chay niwasqaykiman jina.+ 21 Chay tukuywanpis kausayniyrayku jurani, Jehová Diospa jatun kayninpa kʼanchaynenqa jallpʼantinman juntʼaykonqa.+ 22 Paykunaqa jatun kayniyta rikushaspapis, Egiptopi chantá chʼin jallpʼapi milagrosta ruwasqayta rikushaspapis,+ chunkasta* pruebaman churawanku,+ nitaj nisqayta uyariwankuchu.+ Paykunamantaqa ni ujpis 23 ni jaykʼaj rikonqachu tatasninkuman juraspa qonayta nerqani chay jallpʼastaqa. Pisipaj qhawawajkunaqa manapuni rikonqankuchu chay jallpʼastaqa.+ 24 Kamachiy Calebtajrí+ mana paykuna jinachu karqa, tukuy sonqowan kasukullawarqapuni. Chayrayku qhawamoj rerqa chay jallpʼasman payta pusaykusaj, mirayninpis chay jallpʼasta japʼikaponqa.+ 25 Ura pampaspeqa amalequitaswan cananeoswan+ tiyakushanku. Chayrayku qankunaqa qʼayapacha kutiriychej chʼin jallpʼaman, Puka mar ñanninta”,+ nispa.

26 Chantá Jehová Diosqa Moisestawan Aarontawan nerqa: 27 “¿Maykʼajkamataj kay sajra israelitas contrayta thutonqankuri?+ Uyarini paykuna contrayta thutusqankuta.+ 28 Paykunaman niychej: ‘Jehová Diosqa nin: “Kausayniyrayku jurani: Chay nisqaykichejman jina ruwasqaykichej.+ 29 Tukuy pikunachus contrayta thutojkuna, 20 watasniyojmanta pataman yupasqa kajkuna, kay chʼin jallpʼapi wañunkichej,+ ayasniykichejtaj* chaypi wijchʼurayanqanku.+ 30 Tiyakunaykichejpaj juraspa* qonayta nerqani chay jallpʼasmanqa,+ ni mayqenniykichej yaykunkichejchu. Chaymanqa yaykonqanku Jefunejpa wawan Calebwan, Nunpa wawan Josuellawan.+

31 ”’”Presos apasqa kanankuta nerqankichej chay wawasniykichejta+ chay jallpʼasman pusaykusaj. Mana munasqaykichej jallpʼastaqa paykuna rikonqanku.+ 32 Qankunaj ayasniykichejtaj* kay chʼin jallpʼapi wijchʼurayanqanku. 33 Wawasniykichejqa 40 watasta+ uywasniykichejta kay chʼin jallpʼaspi michenqanku. Wawasniykichej paganqanku contraypi juchallikusqaykichejmanta,* kay chʼin jallpʼaspi wañuspa tukukunaykichejkama.+ 34 Qankunaqa jallpʼasta qhawamorqankichej 40 pʼunchaykunapi,+ ajinallatataj 40 watasta+ juchasniykichejmanta pagankichej, sapa pʼunchaymanta uj watata. Ajinamanta qankunaqa yachankichej imaynachus contrayta oqharikuy kasqanta.*

35 ”’”Noqa Jehová Dios chayta nini. Ajinata ruwasaj kay sajra israelitasta, contraypi oqharikunankupaj tantakunku chaykunata. Paykunaqa kay chʼin jallpʼapi tukukonqanku, chaypitaj wañonqanku.+ 36 Pikunatachus Moisés kacharqa jallpʼasta qhawamunankupaj chaykunaqa, chay jallpʼasmanta mana allin imasta willaspa israelitasta contranpi thutucherqanku.+ 37 Chay jallpʼasmanta mana allin imasta willajkunaqa castigasqas kanqanku, Jehová Diospa ñaupaqenpitaj wañonqanku.+ 38 Chay jallpʼasta qhawamojkunamanta Nunpa wawan Josuewan, Jefunejpa wawan Calebllawan kausashaj qhepakonqanku”’”.+

39 Moisés chayta tukuy israelitasman willajtin, paykunaqa maytapuni llakikorqanku. 40 Qʼayantintaj israelitasqa tutamanta jatarispa, orqos pataman wicharinayarqanku. Ninakorqankutaj: “Kunanqa Jehová Dios qonawanchejta nerqa chay jallpʼasman risunchej. Noqanchejqa Diospa contranta juchallerqanchej”,+ nispa. 41 Moisestajrí paykunata nerqa: “¿Imaraykutaj Jehová Diospa kamachisqanta pʼakishankichejri? Imatachus ruwayta yuyashankichej chaypeqa mana allinchu risonqachej. 42 Ama wichariychejchu. Jehová Diosqa mana qankunawanchu kashan, enemigosniykichejtaj atipasonqachej.+ 43 Amalequitaswan cananeoswanqa chaypi suyashasunkichej qankunawan maqanakunankupaj.+ Qankunataqa espadawan atipasonqachej. Jehová Diosta mana kasusqaykichejrayku Jehová Diosqa manaña qankunawanchu kashan”,+ nispa.

44 Chay jinata Moisés nishajtinpis, israelitasqa mana kasuspa chay orqos pataman wicharerqankupuni.+ Jehová Diospa trato ruwasqan arca nisqa cajataj mana campamentomanta* kuyurerqachu, nitaj Moisespis paykunawan rerqachu.+ 45 Chantá chay orqospi tiyakoj amalequitas, cananeospis israelitaswan maqanakoj uraykamorqanku. Israelitasta atipaykuspataj, Hormakama qhatiykorqanku.+

15 Jehová Diosqa Moisesman nillarqataj: 2 “Israelitasman kay jinata niy: ‘Tiyakunaykichejpaj qosqaykichej chay jallpʼaman yaykuspañaqa,+ 3 Jehová Diosman apamuyta atinkichej wakasniykichejmanta, ovejasniykichejmanta, chayri cabrasniykichejmanta ninapi qʼolachina* ofrenda kananpaj, ima munayta qʼaparispa Jehová Diospa sonqonta tiyaykuchinanpaj,+ qʼolachina ofrendapis+ kachun chayri waj ofrendapis kachun, kanman ruwasaj nisqaykichejta juntʼanaykichejpaj, chayri aparimusqaykichej ofrenda,+ chayri fiestasniykichejpi+ qosqaykichej ofrenda. 4 Pichus ofrendanta apamojqa, Jehová Diosman apamullachuntaj sumaj ñutʼu jakʼuta+ uj kilota jina,* casi uj litro* aceitewan chajrusqata, chʼaki mikhuy ofrendapaj. 5 Qʼolachina ofrendapaj+ chayri cordero* ofrendapajpis apamunkichej casi uj litro* vino ofrendata. 6 Uj carnerota* apamunkichej chayqa, chaypaj apamunkichej sumaj ñutʼu jakʼuta iskay kilosta jina,* uj litro kuraj* aceitewan chajrusqata, chʼaki mikhuy ofrendapaj. 7 Chantá apamullankichejtaj uj litro kuraj* vino ofrendata, ima munayta qʼaparispa Jehová Diospa sonqonta tiyaykuchinanpaj.

8 ”’Sichus Jehová Diosman uj torota apamunkichej qʼolachina ofrendapaj,+ chayri ruwasaj nisqaykichejta juntʼanaykichejpaj ofrendapaj,+ chayri khuska mikhurikuy ofrendapaj+ chayqa, 9 chay torotawan khuska apamunkichej sumaj ñutʼu jakʼuta kinsa kilos khuskanniyojta jina,* casi iskay litros* aceitewan chajrusqata, chʼaki mikhuy ofrendapaj.+ 10 Chantá apamullankichejtaj casi iskay litros* vino ofrendata,+ ninapi qʼolachina ofrendata jina, ima munayta qʼaparispa Jehová Diospa sonqonta tiyaykuchinanpaj. 11 Ajinata ruwankichej sapa torowan, sapa carnerowan, sapa corderowan, sapa chivowanpis. 12 Mashkha uywasta jaywawajtiykichejpis, ajinata ruwankichej sapa uywawan. 13 Ajinata tukuy israelitasqa apamunanku tiyan ninapi qʼolachina ofrendata, ima munayta qʼaparispa Jehová Diospa sonqonta tiyaykuchinanpaj.

14 ”’Sichus qankunawan tiyakoj forastero chayri qankuna ukhupi unaytaña tiyakoj forasteropis, ninapi qʼolachina ofrendata apamonqa, ima munayta qʼaparispa Jehová Diospa sonqonta tiyaykuchinanpaj chayqa, paypis qankuna jinallataj ruwachun.+ 15 Qankuna israelitaspaj, jinallataj qankunawan tiyakoj forasterospajpis uj leylla kanqa. Chay leytaj unay wataspaj kanqa qankunapaj mirayniykichejpajwan. Jehová Diospa ñaupaqenpeqa forasterospis, qankunapis uj rejlla kankichej.+ 16 Uj leylla, uj kamachiyllataj kanqa qankunapaj, jinallataj qankunawan tiyakoj forasterospajpis’”.

17 Jehová Diosqa Moisesman nillarqataj: 18 “Israelitasman kay jinata niy: ‘Ima jallpʼamanchus pusashaykichej chayman yaykuspaqa, 19 chay jallpʼapi poqojta* mikhunkichej.+ Chaywanpis chay poqoymantaqa Jehová Diosman ofrendata qonkichej. 20 Ñaupaj kaj chhama chhamalla kutasqa jakʼumanta+ ofrendata apamunkichej muyu tʼantasta* ruwaspa. Chaytaqa Diosman jaywankichej imaynatachus eraykichejmanta* ofrendata jaywankichej ajinata. 21 Ñaupaj kaj chhama chhamalla kutasqa jakʼumantaqa Jehová Diosman ofrendata qonkichejpuni, mirayniykichejpis kikillantataj ruwanqanku.

22 ”’Ichapis nacionnintin pantaspa, mana juntʼawajchejchu kay kamachiykunata mayqenkunatachus Jehová Dios Moisesman kamacherqa chayta, 23 nisunman imatachus Jehová Moisesnejta kamachisorqachej chayta. Chay kamachiykunaqa kashan qankunapis mirayniykichejpis juntʼanaykichejpaj, Jehová Dios chay kamachiykunata qosorqachej chay pʼunchaymantapacha. 24 Sichus mana reparakuspalla nacionnintin pantawajchej chayqa, tukuy nacionnintin uj torillota apamunkichej qʼolachina ofrendapaj, ima munayta qʼaparispa Jehová Diospa sonqonta tiyaykuchinanpaj. Chay torillotawan apamullankichejtaj chʼaki mikhuy ofrendata, vino ofrendatawan, imaynatachus ruwana kasqanman jina.+ Chantá apamullankichejtaj uj chivitota jucharayku ofrendapaj.+ 25 Sacerdotetaj chay ofrendasta jaywanqa tukuynin israelitas juchaykichejmanta perdonta tarinaykichejpaj, juchaykichejtaj perdonasqa kanqa.+ Qankunaqa mana reparakuspalla pantarqankichej, pantasqaykichejmantataj ofrendata Jehová Diospa ñaupaqenman apamorqankichej, Jehová Diospaj ninapi qʼolachina ofrendata, jucharayku ofrendatawan. 26 Ajinamanta tukuynin israelitas perdonasqa kankichej, jinallataj qankuna ukhupi tiyakoj forasterospis, tukuyniykichej mana reparakuspalla pantasqaykichejrayku.

27 ”’Sichus uj runa mana cuentata qokuspalla juchallikun chayqa, uj watayoj cabritata apamuchun jucharayku ofrendapaj.+ 28 Sacerdotetaj chay cabritata jaywanqa chay runa juchanmanta perdonta tarinanpaj. Payqa pantaspa, mana cuentata qokuspalla Jehová Diospa ñaupaqenpi juchallikorqa. Perdonta tarinanpajqa sacerdote chay cabritata jaywanqa, juchantaj perdonasqa kanqa.+ 29 Chay kikin leyllapuni kanqa israelitaspaj, paykuna ukhupi tiyakoj forasterospajpis, mana cuentata qokuspalla juchallikojtinku.+

30 ”’Sichus uj runa juchallikun jucha kasqanta yachashaspa chayqa,+ israelitapis kachun chayri forasteropis kachun, Jehová Diospa contranta rimashan. Chayrayku chay runaqa wañuchisqa kanqa. 31 Chay runaqa Jehová Diospa nisqanta pisipaj qhawan, kamachisqantataj pʼakin. Chayrayku chay runaqa wañuchisqapuni kanqa,+ juchanmantataj paganqa’”.+

32 Chʼin jallpʼapi kashaspa israelitasqa, uj runata tarerqanku samarikuna pʼunchaypi llantʼata pallashajta.+ 33 Pikunachus llantʼata pallashajta tarerqanku chaykunaqa, chay runata pusarqanku Moisesman, Aaronman, tukuy israelitasmanwan. 34 Paykunataj chay runata wisqʼaykorqanku,+ imaraykuchus manaraj leypi sutʼita nikorqachu imatachus chay runata ruwanankuta.

35 Jehová Diostaj Moisesman nerqa: “Chay runaqa wañuchisqapuni kanan tiyan.+ Tukuynin israelitas campamentomanta* jawaman orqhospa rumiswan chʼanqaykuchunku”,+ nispa. 36 Jinapi tukuynin israelitasqa chay runata campamentomanta jawaman orqhospa, chaypi rumiswan chʼanqaykuspa wañucherqanku, Jehová Dios Moisesman kamachisqanman jina.

37 Jehová Diosqa Moisesman kayta nillarqataj: 38 “Israelitasman niy ropasninkoj ura kantusninman waychʼasta* churanankuta, mirayninkupis kikillantataj ruwanankuta. Ropasninkoj ura kantusninpa patitanmantaj azul qʼaytuta siraykuchunku muyurisqata.+ 39 Paykunaman niy: ‘Ropasniykichejpa kantusninman chay waychʼasta churankichej, chayta qhawarispa Jehová Diospa tukuy kamachiykunasninta yuyarikunaykichejpaj, jinamanta chaykunata juntʼanaykichejpaj.+ Ama sonqoykichejpa munasqallantaqa ruwankichejchu, nitaj ñawiykichejpa rikusqallantaqa, chayqa waj dioseswan qhenchachakuyman apashasunkichej.*+ 40 Chay waychʼasqa tukuy kamachiykunasniyta yuyarichisonqachej, ajinamanta chaykunata juntʼankichej, Diosniykichejpa ñaupaqenpitaj llimphus kankichej.+ 41 Noqamin Jehová Diosniykichej kani. Noqa Egiptomanta orqhomorqaykichej Diosniykichej kanaypaj.+ Noqamin Jehová Diosniykichejqa kani’”.+

16 Uj levita karqa Coré+ sutiyoj, payqa ujchaykukorqa Datanwan, Abiramwan, Onwan ima. Coreqa Levijpa mirayninmanta karqa. Levijpa wawanqa+ karqa Cohat,+ Cohatpa wawantaj karqa Izhar,+ Izharpa wawantaj karqa Coré. Datanwan, Abiramwan, Onwan imaqa karqanku Rubenpa+ mirayninmanta. Datanwan Abiramwantaj karqanku Eliabpa wawasnin,+ Ontaj Pelezpa wawan karqa. 2 Paykunaqa Moisespa contranta oqharikorqanku 250 israelitaswan khuska. Chay runasqa karqanku Israelmanta kamachejkuna, israelitas ukhupi ajllasqa kajkuna, may rejsisqa runastaj. 3 Paykunaqa tukuyninku tantaykukorqanku.+ Moisesman, Aaronman ima rispataj nimorqanku: “Kaykamalla qankunawanqa. Tukuynin israelitasqa Diospaj tʼaqasqa kanku,+ Jehová Diostaj paykuna ukhupi kashan.+ ¿Imaraykutaj qankuna Jehová Diospa wawasnin israelitaspa patanpi churakushankichejri?”, nispa.

4 Moisesqa chayta uyariytawan qonqoriykukuspa pampakama kʼumuykukorqa. 5 Chaymantataj Coreman, Coré parte kajkunaman ima nerqa: “Qʼaya paqarin Jehová Diosqa nenqa pichus paypata kasqanta,+ pichus paypaj tʼaqasqa kasqanta, pitajchus payman qayllaykunanta.+ Pitachus pay ajllakonqa,+ chaymin payman qayllaykonqa. 6 Qankunataj kayta qʼaya ruwaychej: Corepis, Coré parte kajkunapis+ brasa apaykachanasta+ apakamuychej. 7 Chaykunamantaj ninata, inciensotawan churankichej Jehová Diospa ñaupaqenpi. Pitachus Jehová Dios ajllanqa chaymin paypaj tʼaqasqa kanqa.+ Levitas,+ qankunaqa anchañataj kankichej”, nispa.

8 Chaymantataj Moisesqa Coreman nerqa: “Ama jina kaspa, uyariwaychej levitas. 9 Israelpa Diosnin Jehovaqa qankunata ajllakusunkichej tukuy israelitas ukhumanta,+ paymantaj qayllaykojta saqesunkichej. Payqa churasunkichej yupaychana toldonpi sirvinaykichejpaj, israelitastapis sirvinaykichejpaj.+ ¿Qankunapajqa pisichu chayqa? 10 Coré, ¿qanpajqa pisichu qantawan hermanosniyki levitastawan payman qayllaykojta saqesusqaykichejqa? ¿Kunanqa sacerdotesñatajchu kayta munashankichej?+ 11 Qanwan, qan parte kajkunawanqa Jehová Diospa contranpi tantasqa kashankichej. ¿Pitaj Aarón kasqa paypa contranta thutunaykichejpajri?”,+ nispa.

12 Chantá Moisesqa wajyachimorqa Eliabpa wawasnin Datanta, Abiramtawan.+ Paykunataj nimorqanku: “Mana jamusqaykuchu. 13 ¿Qanpajqa pisichu kasqa lechewan miskʼiwan jinantin tiyan chay jallpʼamanta orqhomuwasqaykoqa kay chʼin jallpʼapi wañuchinawaykupaj?+ ¿Kunanqa tukuy imapichu autoridadniyku kayta munanki?* 14 Qanqa manaraj pusaykuwaykuchu lechewan miskʼiwan jinantin tiyan chay jallpʼamanqa,+ nitaj jallpʼasta, ni uva huertastapis qowaykuchu herenciayku kananpaj. ¿Chay runas ciego runas jina qhatisunankutachu munanki?* Mana jamusqaykuchu”, nispa.

15 Chayta uyarispa Moisesqa maytapuni phiñakorqa, Jehová Diosmantaj nerqa: “Ama chʼaki mikhuy ofrendankuta japʼikuychu. Noqaqa paykunamanta ni uj burrollankutapis qhechunichu, nitaj ima sajratapis ruwanichu ni mayqenninkuta”,+ nispa.

16 Chantá Moisesqa Coreman nerqa: “Qʼaya Jehová Diospa ñaupaqenman qayllaykuy, qan parte kajkunawan khuska, qanpis, paykunapis, Aaronpis. 17 Sapa ujninku brasa apaykachanankuta apakamuchunku, chaymantaj inciensota churaykuchunku. Jinaspataj Jehová Diospa ñaupaqenman qayllaykuchunku brasa apaykachanasninkuwan. Qan parte kajkunaqa 250 brasa apaykachanasta apamonqanku. Chantá qanpis, Aaronpis brasa apaykachanaykichejta apakamullankichejtaj”, nispa. 18 Ajinapi sapa ujninku brasa apaykachanasninkuta apamorqanku. Chaymantaj ninata, inciensotawan churaykorqanku. Chantá Dioswan tinkukuna toldo punkupi sayarqanku Moiseswan Aaronwan khuska. 19 Coreqa pay parte kajkunata+ Dioswan tinkukuna toldo punkuman tantaykorqa. Tantaykusqantawantaj Jehovaj jatun kayninpa kʼanchaynin tukuy israelitasman rikhurimorqa.+

20 Jehová Diostaj Moisesta, Aarontawan nerqa: 21 “Kay runasmanta karunchakuychej. Paykunataqa uj ñawi chʼirmiypi chinkarparichisaj”,+ nispa. 22 Chayta uyarispa paykunaqa qonqoriykukuspa pampakama kʼumuykukorqanku, nerqankutaj: “Diosníy, tukuy runasman kausayta qoj Dios,+ ¿uj runaj juchanraykuchu tukuy israelitaspaj phiñakunki?”,+ nispa.

23 Jehová Diostaj Moisesta nerqa: 24 “Tukuy israelitasman niy: ‘Karunchakuychej Corejpa, Datanpa, Abirampa toldo wasisninkumanta’,*+ nispa”.

25 Chantá Moisesqa sayarispa Israelmanta kurajkunawan+ khuska rerqa, maypichus Datanwan Abiramwan kasharqanku chayman. 26 Israelitasmantaj nerqa: “Ama jina kaspa, karunchakuychej kay sajra runaspa toldo wasisninkumanta, ama paykunaj imasninkuta llankhaychejchu, ama qankunapis paykunaj juchankurayku chinkachisqa kanaykichejpaj”, nispa. 27 Chayta uyarispa paykunaqa chay ratopacha karunchakorqanku Corejpa, Datanpa, chantá Abirampa toldo wasisninkumanta. Datanwan Abiramwantaj toldo wasisninkumanta llojsimuspa, toldonku punkupi sayaykorqanku, warmisninkuwan, wawasninkuwan, uña wawasninkuwan ima.

28 Chaymanta Moisesqa nerqa: “Kunanqa kaypi yachankichej kay tukuy imasta ruwanaypajqa Jehová Dios kachamuwasqanta, manataj noqallamantachu ruwasqayta: 29 Sichus kay runas, imaynatachus runas wañunallankuta wañunku ajinata wañonqanku, castigonkutaj tukuy runaspata jinalla kanqa chayqa, chaypi yachakonqa mana Jehová Dioschu kachamuwasqanta.+ 30 Sitajchus Jehová Dios mana jaykʼaj rikusqaykichejta ruwaspa jallpʼaj siminta kicharenqa, jallpʼataj paykunata tukuy imasninkutawan khuska oqoykonqa, kausashajtaj Sepulturaman* chinkaykonqanku chayqa, chaypi yachankichej Jehovata pisipaj qhawasqaykichejta”, nispa.

31 Moisés parlayta tukusqantawan, chay runaspa chakinku uramanta jallpʼa ujllata kicharikorqa.+ 32 Ajinamanta jallpʼaqa siminta kicharispa paykunata oqoykorqa, wasinkupi kajkunatawan, jinallataj Coré+ parte kajkunata, tukuy imasninkutawan. 33 Ajinata paykunaqa Sepulturaman* kausashaj chinkaykorqanku, paykuna parte kajkunawan khuska. Jallpʼataj wisqʼaykukorqa, ajinamanta israelitaspa chaupinkumanta chinkachisqa karqanku.+ 34 Paykunaj qhaparisqankuta uyarispa, chay qayllapi muyurisqa kasharqanku chay israelitasqa mancharikuspa ayqekorqanku: “Noqanchejtawan jallpʼaqa oqoykuwasunchej”, nispa. 35 Chantataj Jehová Diosqa ninata apachimorqa.+ Chay ninataj chay 250 runasta ruphaykuspa wañuracherqa, pikunachus inciensota jaywasharqanku chaykunata.+

36 Chantá Jehová Diosqa Moisesta nerqa: 37 “Sacerdote Aaronpa wawan Eleazarta niy, nina ukhumanta orqhomunanta brasa apaykachanasta,+ imaraykuchus chaykunaqa Diospaj tʼaqasqa kanku. Chantá nillaytaj nina brasasta karuman choqamunanta. 38 Juchallikusqankurayku wañorqanku chay runaspa brasa apaykachanasninkoqa Diospaj tʼaqasqa kanku, imaraykuchus chaykunataqa Jehová Diospa ñaupaqenman apamorqanku. Chayrayku chay brasa apaykachanasninkoqa sillpʼa latasman jina tukuchisqa kachunku, altarta forraykunapaj.+ Chaytaj israelitaspaj uj señal kanqa”,+ nispa. 39 Chantá sacerdote Eleazarqa, ninawan ruphasqa wañurarqanku chay runaspa brasa apaykachanasninkuta oqharerqa, cobremanta ruwasqa karqanku chaykunata. Chaykunatataj takaspa sillpʼayacherqa altarta forranapaj, 40 imaynatachus Jehová Dios Moisesman kamacherqa chayman jina. Chayqa karqa uj señal israelitas yuyarikunankupaj, Aaronpa mirayninmanta kajlla Jehová Diospa ñaupaqenpi inciensota qʼoshñichiyta atisqanta, manataj waj runaqa.+ Chantapis yuyarikunankupaj mana Coré jinachu kananku kasqanta, nitaj Coré parte kajkuna jinachu.+

41 Qʼayantinpacha tukuy israelitasqa Moisespa contranta, Aaronpa contrantawan thutuyta qallarerqanku:+ “Qankuna wañurachinkichej Jehová Diospa israelita wawasninta”, nispa. 42 Israelitas tantaykukuspa Moisespa contranpi Aaronpa contranpiwan rimashajtinku, Dioswan tinkukuna toldo ladota qhawarerqanku, rikorqankutaj chay toldo patapi phuyuta. Chantá Jehovaj jatun kayninpa kʼanchaynin rikhuriyta qallarerqa.+

43 Moiseswan Aaronwantaj Dioswan tinkukuna toldoj ñaupaqenman rerqanku.+ 44 Chaypitaj Jehová Diosqa Moisesman nerqa: 45 “Karunchakuychej kay israelitasmanta, paykunataqa uj ñawi chʼirmiypi chinkarparichisaj”,+ nispa. Chayta uyarispa paykunaqa qonqoriykukuspa pampakama kʼumuykukorqanku.+ 46 Chantá Moisesqa Aaronta nerqa: “Brasa apaykachanata apamuy. Chaymantaj churaykuy altarpi kashan chay nina brasasta,+ patanmantaj inciensota jichʼaykuy. Chayta oqhariykukuspataj usqhayta riy israelitas kashanku chayman, juchankumantataj perdonta tarimuy.+ Jehová Diosqa sinchʼi phiñasqa kashan. Wañuchej onqoyqa qallarinña”, nispa. 47 Aaronqa Moisés nisqanman jina brasa apaykachanata oqhariykukuytawan, usqhayllata correrqa israelitas kasharqanku chayman. Chayananpajqa israelitas ukhupi wañuchej onqoy qallarisqaña. Chantá Aaronqa brasa apaykachanaman inciensota jichʼaykorqa israelitaspa juchankumanta perdonta tarinanpaj. 48 Chaymantataj Aaronqa sayaykorqa wañusqaswan kausashajkunawan kasharqanku chay chaupipi. Ajinapitaj wañuchej onqoyqa sayaporqa. 49 Chay wañuchej onqoywan wañojkunaqa tukuyninku karqanku 14.700 runas. Corej juchanrayku wañojkunataj wajlla karqanku. 50 Aaronqa chay wañuchej onqoy sayajtinña, Moisés kasharqa chayman kuterqa, Dioswan tinkukuna toldo punkuman.

17 Jehová Diosqa Moisesman nerqa: 2 “Israelitasman niy sapa ayllumanta* kurajkuna+ tojnunkuta apamunankuta, sapa ayllumanta uj tojnuta apamuchunku. Tukuyninpi kanqa 12 tojnus. Sapa ujpa tojnunmanqa sutisninkuta qhelqay. 3 Leví ayllumanta tojnumanqa Aaronpa sutinta qhelqay. Sapa ayllumanta uma kajpataqa uj tojnu kanqa. 4 Chay tojnustataj churamuy tinkukuna toldoman, trato ruwasqamanta arca nisqa cajaj ñaupaqenman,+ maypichus noqa rikhuriykichejpuni chayman.+ 5 Noqataj ajllasqay runaj+ tojnunta chaypi tʼikarichisaj. Ajinamanta sayachisaj israelitaspa thutusqankuta. Paykunaqa thutushanku noqaj contraypi,+ jinallataj qankunaj contraykichejpipis”,+ nispa.

6 Moisestaj israelitaswan parlarqa, tukuy kurajkunataj tojnunkuta jaywarqanku. Sapa ayllumanta kurajkunaqa uj tojnuta jaywarqanku, ajinapi 12 tojnus karqa. Aaronpa tojnunpis chayllapitaj kasharqa. 7 Chantá Moisesqa chay tojnusta Jehová Diospa ñaupaqenman churamorqa, maypichus Diospa trato ruwasqan arca kasharqa chay toldoman.

8 Qʼayantintaj Moisesqa yaykorqa maypichus Diospa trato ruwasqan arca kasharqa chay toldoman. Chaypitaj rikorqa Leví ayllumanta Aaronpa tojnunta tʼikarishajta. Tojnonqa kasharqa mukʼusniyoj,* tʼikasniyoj, sumaj poqosqa almendrasniyoj ima. 9 Chantá Moisesqa chay tojnusta Jehová Diospa ñaupaqenmanta orqhomuspa, tukuy israelitasman rikucherqa. Paykunataj chay tojnusta sumajta qhawaykuytawan, sapa ujninku tojnunkuta oqharikaporqanku.

10 Chaymanta Jehová Diosqa Moisesta nerqa: “Aaronpa tojnunta ujtawan churaykamuy+ trato ruwasqamanta arca nisqa cajaj ñaupaqenman. Chay tojnoqa uj señal kanqa+ contraypi oqharikoj runaspaj.+ Chaytaqa ruway amaña contraypi thutunankupaj, ajinamanta ama wañunankupaj”, nispa. 11 Moisestaj chay ratopacha Jehová Diospa kamachisqanman jina ruwarqa. Payqa maychus nisqanman jinapuni ruwarqa.

12 Chantá israelitasqa Moisesman nerqanku: “Kunanqa wañusqayku, wañusqaykupuni, tukuyniyku wañusqayku. 13 Pichus Jehová Diosta yupaychana toldoman qayllaykojqa wañonqa.+ ¿Kunanqa tukuychu ajinata wañusqayku imatajri?”,+ nispa.

18 Chantá Jehová Diosqa Aaronman nerqa: “Qanwan, wawasniykiwan, mirayniykimanta kajkunawan ima cuentata qonkichej santo lugarpa contranta pipis juchallejtin.+ Sichus sacerdote ruwanasniykichejmanta kamachiykunata pʼakinkichej chayqa, qanwan wawasnillaykiwantaj cuentata qonkichej.+ 2 Chantapis Leví ayllumanta* hermanosniykita, nisunman ñaupa tataykej ayllunmanta kajkunata pusamuy, paykuna qanwan khuska trabajanankupaj,+ jinallataj qanta, wawasniykitawan yanapasunaykichejpaj trato ruwasqamanta arca kashan chay toldoj ñaupaqenpi.+ 3 Paykunaqa ruwanqanku imatachus paykunaman kamachisqaykita, jinallataj toldo wasipi ruwanastapis.+ Jinapis ama qayllaykuchunkuchu santo lugarpa imasninman, nillataj altarmanpis. Ajinamanta ama wañunankupaj, nitaj qankunapis wañunaykichejpaj.+ 4 Paykunaqa qanta yanapasonqanku tinkukuna toldopi llankʼayninkuta juntʼaspa, jinallataj chay toldopi ruwanasta ruwaspa. Sacerdote ruwanasta ruwashajtiykichejqa, pichus mana sacerdotechu kajqa* ama qankunaman qayllaykamuchunchu.+ 5 Qankunalla sacerdote ruwanasta ruwankichej santo lugarpi,+ jinallataj altarpipis.+ Ajinamanta amaña israelitaspa contranpi astawan phiñakunaypaj.+ 6 Noqaqa hermanosniykichej levitasta israelitas ukhumanta ajllani qankunajta kanankupaj.+ Paykunaqa Jehová Diosman entregasqa kanku, tinkukuna toldopi ruwanasta ruwanankupaj.+ 7 Qanwan wawasniykiwan cuentayoj kankichej sacerdote ruwanasmanta, altarpi, jinallataj cortina wasapi kashan chay imasmantapis.+ Chay ruwanastaqa qankuna ruwankichej.+ Qankunaman qopuykichej sacerdote ruwanasta. Toldo wasiman mana sacerdotechu kaj runa* chimpaykonqa chayqa, wañuchisqa kanqa”,+ nispa.

8 Jehová Diosqa Aaronman nillarqataj: “Qan cuentayoj kanki noqaman apamuwanku chay ofrendasmanta.+ Ima ofrendastachus israelitas noqaman apamuwanku chaykunamantaqa qanman, wawasniykimanpis uj chhikata qoykichej. Chaytaj qankunapaj tʼaqasqallapuni kanqa.+ 9 Ninapi qʼolachina* may llimphuchasqa ofrendasmantaqa kaykuna qanpaj kanqa: israelitaspa apamusqanku chʼaki mikhuy ofrendasninku,+ jucharayku ofrendasninku,+ pantasqarayku ofrendasninkupis,+ mayqenkunatachus noqaman apamuwanku chaykuna. Chay llimphuchasqa ofrendasqa qanpaj, wawasniykipajwan kanqa. 10 Chaytaqa uj santo lugarpi mikhunkichej.+ Qankuna ukhumanta tukuy qharis chayta mikhunkichej. Chaytaqa Diospaj tʼaqasqata jina qhawanki.+ 11 Kaykunapis qanllapajtaj kanqa: israelitaspa apamusqanku ofrendas,+ kuyuchisqa ofrendaspis.+ Chaykunataqa qanman qoyki, jinallataj qhari wawasniykiman, warmi wawasniykimanpis. Chaytaj qankunaman qosqallapuni kanqa.+ Chaytaqa wasiykipi tukuy llimphu kajkuna mikhonqanku.+

12 ”Qanman qollaykitaj israelitas ñaupaj kaj poqochisqankumanta+ Jehová Diosman apamusqankumanta aswan sumaj aceiteta, aswan sumaj mosoj vinota, aswan sumaj trigota* ima.+ 13 Jallpʼasninkoj ñaupaj kaj poqoyninmanta Jehová Diosman apamusqankoqa qanpaj kanqa.+ Chaytaqa wasiykipi tukuy llimphu kajkuna mikhonqanku.

14 ”Imatachus israelitas Diosman wiñaypaj qopunku chay imasqa qanpaj kanqa.+

15 ”Israelitas Jehová Diosman apamonqanku chay tukuy kuraj wawasninkoqa qanpaj kanqa, jinallataj uywasninkoj ñaupaj kaj uñasninkupis.+ Chaywanpis kuraj kaj wawasninkumantaqa qolqeta pagachunku,+ mana llimphupaj qhawasqa uywasninkoj ñaupaj kaj uñasninkoj cuentanmantataj waj uywata qochunku.+ 16 Uj killayojmanta pataman kuraj kaj wawasmantaqa kacharichina preciota pagachunku phishqa siclos* qolqeta.+ Chaytaj kanan tiyan santo lugarpi mashkhachus uj siclo pesasqanman jina. Sapa sicloqa 12 gramos pesan.* 17 Wakaspata, ovejaspata, cabraspata ñaupaj kaj orqo uñasnillankumanta ama waj uywata qochunkuchu.+ Chaykunaqa Diospaj tʼaqasqaña kanku. Chay uywaspa yawarninkuwanqa altarta chʼajchunki,+ wirasninkutataj qʼolachinki ninapi qʼolachina ofrendata jina, ima munayta qʼaparispa Jehová Diospa sonqonta tiyaykuchinanpaj.+ 18 Aychasnintaj qanpaj kanqa, imaynatachus kuyuchisqa ofrenda pecho aycha, paña piernapis qanpaj ajina.+ 19 Israelitas llimphuchasqa ofrendasta Jehová Diosman jaywasqankutapis+ qanman qollaykitaj, jinallataj qhari wawasniykiman, warmi wawasniykimanpis. Chaytaj qankunaman qosqallapuni kanqa.+ Kay tratoqa kachi trato* nisqa, unay wataspaj. Chaytaqa Jehová Diosmin qanwan ruwan, jinallataj mirayniykiwanpis”.

20 Jehová Diosqa Aaronman nillarqataj: “Qanqa mana ima herenciatapis japʼinkichu israelitaspa jallpʼasninku ukhupi, jallpʼaykeqa ni uj chhikallanpis kanqachu paykuna ukhupi.+ Noqa qanpata kani, israelitas ukhupi noqa herenciayki kani.+

21 ”Israelitas poqochisqankumanta sapa chunkamanta ujta apamusqankutaqa levitasman qoni+ herencianku kananpaj. Chaytaj pagonku jina kanqa tinkukuna toldopi ruwanasta ruwasqankumanta, chaypi llankʼasqankumanta. 22 Israelitasqa tinkukuna toldoman manaña qayllaykunankuchu tiyan. Chayman qayllaykuspaqa juchallikonqanku, wañonqankutaj. 23 Levitaslla tinkukuna toldopi ruwanasta ruwanqanku. Paykuna cuentata qonqanku santo lugarpa contranpi israelitas juchallikojtinku.+ Levitasqa mana ima herenciatapis japʼenqankuchu israelitas ukhupi.+ Chaytaj uj ley kanqa unay wataspaj, paykunapaj mirayninkupajpis. 24 Levitasmanqa herenciankupaj qoni israelitas sapa chunkamanta ujta apamusqankuta, Jehová Diospaj apamunku chay imasta. Chayrayku nini: ‘Levitasqa mana ima herenciatapis japʼenqankuchu israelitas ukhupi’,+ nispa”.

25 Chantá Jehová Diosqa Moisesman nerqa: 26 “Levitasman niy: ‘Qankunaqa japʼinkichej sapa chunkamanta ujta israelitas qosqankuta. Chayta qoykichej herenciaykichej kananpaj.+ Qankunataj chaymanta sapa chunkamanta ujta Jehová Diosman qollankichejtaj.+ 27 Chay qosqaykichejqa qhawasqa kanqa eraykichejmantapis* trigota apamushawajchej jina+ chayri ashkha vinotawan ashkha aceitetawan ruwasqaykichejmantapis apamushawajchej jina. 28 Ajinamanta qankunapis Jehová Diosman qollankichejtaj sapa chunkamanta ujta, israelitas apamusqankuta japʼisqaykichejmanta. Jehová Diospata kajtataj sacerdote Aaronman qonkichej. 29 Ima ofrendatapis Jehová Diosman qospaqa japʼisqaykichejmanta aswan sumajnin kajta qonkichej.+ Chayqa santo kanqa’.

30 ”Chantá paykunaman nillankitaj: ‘Qankuna levitas, imatachus japʼisqaykichejmanta aswan sumajnin kaj ofrendata qonkichej chayqa, eraykichejmantapis trigota apamushawajchej jina kanqa chayri vinotawan aceitetawan ruwasqaykichejmantapis apamushawajchej jina kanqa. 31 Chaytaqa qankuna, wasiykichejpi kajkunapis mayllapipis mikhunkichej, imaraykuchus chayqa tinkukuna toldopi ruwanasta ruwasqaykichejmanta pagoykichej.+ 32 Imastachus japʼisqaykichejmanta manachus aswan sumajnin kajta qonkichej chayqa, juchallinkichej. Israelitas apamonqanku chay llimphuchasqa imastaqa ama chʼichichankichejchu, manachayqa wañunkichej’”.+

19 Jehová Diosqa Moisesman, Aaronmanwan nillarqataj: 2 “Noqa Jehová Dios kay leyta qoni: ‘Israelitasman niychej qankunaman apamunankuta uj puka wakata sano kajta, mana iman imanasqata,+ manaraj umanman yugo chayajta. 3 Chay wakataqa sacerdote Eleazarman qonkichej, paytaj campamentomanta* jawaman aysanqa. Chaypitaj paypa ñaupaqenpi ñakʼanqanku.* 4 Chantá sacerdote Eleazarqa dedonta chay wakaj yawarninman chhapuykonqa. Chay yawarwantaj tinkukuna toldo punku ladoman qanchis kutita chʼajchonqa.+ 5 Chaymantataj chay wakaqa sacerdote qhawashajtin qʼolachisqa* kanqa: qaran, aychasnin, yawarnin, akasnin ima.+ 6 Chantá sacerdoteqa cedro kʼaspita, hisopo qhorata,+ puka qʼaytutawan oqharispa, waka qʼolashan chay ninaman wijchʼuykonqa. 7 Chaymanta sacerdoteqa ropasninta tʼajsakonqa, yakuwantaj bañakonqa. Chaymantaraj campamentoman yaykuponqa. Chaywanpis chʼisiyaykunankama chʼichipaj qhawasqa kanqa.

8 ”’Chay wakata qʼolachejpis ropasninta tʼajsakonqa, yakuwantaj bañakonqa. Paypis chʼisiyaykunankama chʼichipaj qhawasqallataj kanqa.

9 ”’Chantá uj llimphupaj qhawasqa runa, qʼolachisqa wakaj ushphanta oqharenqa,+ chaytataj uj llimphu lugarman churanqa campamentomanta jawapi. Chay ushphataqa israelitas jallchʼanqanku llimphuchana yakuta wakichinankupaj.+ Chay wakaqa jucharayku ofrenda. 10 Qʼolachisqa wakaj ushphanta oqharejqa ropasninta tʼajsakonqa, chʼisiyaykunankamataj chʼichipaj qhawasqa kanqa.

”’Chaytaj uj ley kanqa unay wataspaj, israelitaspaj, jinallataj paykuna ukhupi tiyakoj forasterospajpis.+ 11 Pillapis runa wañusqata llankharejqa, qanchis diasta chʼichipaj qhawasqa kanqa.+ 12 Chay runaqa chay llimphuchana yakuwan kinsa kaj pʼunchaypi llimphuchakonqa, ajinamanta qanchis kaj pʼunchaypi llimphupaj qhawasqa kanqa. Sichus kinsa kaj pʼunchaypi mana llimphuchakonqachu chayqa, qanchis kaj pʼunchaypeqa mana llimphupajchu qhawasqa kanqa. 13 Pichus runa wañusqata* llojchirin, manataj llimphuchakunchu chayqa, Jehová Diospa yupaychana toldonta chʼichichan.+ Chayrayku chay runaqa wañuchisqa kanqa.*+ Chay runaqa chʼichipaj qhawasqa kanqa, llimphuchana yakuwan+ mana chʼajchusqa kasqanrayku.

14 ”’Uj toldo wasi* ukhupi pillapis wañojtenqa kay ley kanqa: Pichus chay toldo ukhuman yaykoj, chay ukhupiña kajpis, qanchis diasta chʼichipaj qhawasqa kanqa. 15 Chay toldo ukhupi imallapis taparasqa mana tapan watasqa kajqa, chʼichillapajtaj qhawasqa kanqa.+ 16 Pillapis campamentomanta jawapi kashaspa espadawan wañuchisqa runata, uj ayata,* runa tulluta chayri sepulturata llankharejqa, qanchis diasta chʼichipaj qhawasqa kanqa.+ 17 Chay chʼichipaj qhawasqa runa llimphuchasqa kananpajqa, uj fuenteman churanqanku jucharayku qʼolachisqa ofrendaj ushphanta. Chaymantaj juturimanta orqhosqa yakuta jichʼaykonqanku. 18 Chantataj uj llimphupaj qhawasqa runa,+ hisopo qhorata+ chay yakuman chhapuykuspa chʼajchonqa toldota, chaypi kaj tukuy imasta, jinallataj chay ukhupi karqanku chay runastapis. Chantá chʼajchullanqataj pichus runa tulluta, espadawan wañuchisqa runata, ayata* chayri sepulturata llojchirejta. 19 Chaymantataj chay llimphupaj qhawasqa runaqa, chay yakuwan chʼajchonqa chʼichipaj qhawasqa runata, ujtaqa kinsa kaj pʼunchaypi, ujtataj qanchis kaj pʼunchaypi. Chay qanchis kaj pʼunchaypitaj+ chay runata juchanmanta llimphuchanqa. Chantá chay chʼichipaj qhawasqa runaqa ropasninta tʼajsakonqa, yakuwantaj bañakonqa, chʼisiyaykuytataj llimphupaj qhawasqa kanqa.

20 ”’Sichus chay chʼichipaj qhawasqa runa mana llimphuchakonqachu chayqa, wañuchisqa kanqa,*+ Jehová Diospa toldo wasinta chʼichichasqanrayku. Payqa llimphuchana yakuwan mana chʼajchusqa kasqanrayku chʼichipaj qhawasqa kanqa.

21 ”’Paykunapaj kay ley kanqa unay wataspaj: Pichus llimphuchana yakuwan+ chʼajchojqa ropasninta tʼajsakunan tiyan. Pillapis chay llimphuchana yakuta tʼojpirejqa chʼichipaj qhawasqa kanqa chʼisiyaykunankama. 22 Chʼichipaj qhawasqa runa imastachus llankharin chay imasqa, chʼichipaj qhawasqallataj kanqa. Chay imasta llankharej runapis chʼichipaj qhawasqallataj kanqa chʼisiyaykunankama’”.+

20 Wata qallarikuy killapi tukuynin israelitasqa, Zin nisqa chʼin jallpʼaman chayarqanku, Cadespitaj qhepakorqanku.+ Miriamqa chaypi wañuporqa,+ chayllapitaj pʼamparqankupis.

2 Chaypi israelitaspaj mana yaku kasqanrayku,+ paykunaqa Moisespa contranpi, Aaronpa contranpiwan tantaykukorqanku. 3 Paykunaqa Moiseswan siminakuspa+ nerqanku: “Allin kanman karqa hermanosniyku israelitaswan khuska wañunayku, paykuna Jehová Diospa ñaupaqenpi wañushajtinku. 4 ¿Imapajtaj Jehová Diospa israelita wawasninta kay chʼin jallpʼaman pusamunkichejri? ¿Animalesniykuwan khuska wañunaykupajchu pusamuwayku?+ 5 ¿Imapajtaj Egiptomanta orqhomuwayku kay jina millay lugarmanri?+ Kaypeqa mana imatapis tarpunapaj jinachu, mana kanchu higos, ni uva sachʼaspis, nitaj granadaspis. Kaypeqa ni yakullapis kanchu tomanaykupaj”,+ nispa. 6 Chantá Moiseswan Aaronwanqa israelitaspa ñaupaqenkumanta jatarispa, Dioswan tinkukuna toldo punkuman rerqanku. Chaypitaj qonqoriykukuspa pampakama kʼumuykukorqanku. Jinallapi Jehovaj jatun kayninpa kʼanchaynin paykunaman rikhurimorqa.+

7 Chaypi Jehová Diosqa Moisesman nerqa: 8 “Kunanqa tojnuykita oqharispa, qanwan hermanoyki Aaronwan tukuy israelitasta tantachimuychej. Paykuna rikushajtinkutaj chhankata parlapayaychej, chaymanta yaku phullchimunanpaj. Chay chhankamanta yakuta orqhonki paykunaman tomachinaykipaj, jinallataj animalesninkumanpis”,+ nispa.

9 Moisesqa Jehová Diospa ñaupaqenmanta tojnunta oqharerqa+ Dios kamachisqanman jina. 10 Chantá Moiseswan Aaronwanqa israelitasta tantachimorqanku chhankaj ñaupaqenman. Chaypitaj Moisesqa paykunata nerqa: “Uyariwaychej kunanqa, mana kasukoj runas. ¿Kay chhankamantachu tomanaykichejpaj yakuta orqhonaykuta munashankichej?”,+ nispa. 11 Chayta niytawan Moisesqa makinta oqharispa iskay kutita chhankata tojnunwan wajtarqa, ashkha yakutaj phullchimorqa. Israelitastaj chay yakuta tomarqanku, jinallataj animalesninkupis.+

12 Jehová Diostaj Moisestawan Aarontawan nerqa: “Mana noqapi creesqaykichejrayku, nitaj israelitaspa ñaupaqenkupi jatunchawasqaykichejrayku, mana qankunachu israelitastaqa pusaykunkichej ima jallpʼatachus paykunaman qosaj chayman”,+ nispa. 13 Chaymin kashan Meribá* yakus,+ maypichus israelitas Jehová Dioswan siminakorqanku chay. Chaypi Diosqa sutinta jatuncharqa paykuna ukhupi.

14 Chantá Moisesqa Cadesmantapacha willajkunata kacharqa, Edommanta reyman+ nimunankupaj: “Hermanosniyki israelitasqa+ kayta nichimusunku: ‘Qan allinta yachanki ima llakiykunapichus rikukusqaykuta. 15 Ñaupa tatasniykoqa Egiptoman riporqanku.+ Chaypi noqaykoqa may chhika watasta* tiyakorqayku.+ Egipciosqa mayta sufrichiwarqayku, jinallataj ñaupa tatasniykutapis.+ 16 Ajinapi Jehová Diosmanta yanapata mañakorqayku,+ paytaj mañakusqaykuta uyariwarqayku. Chantá angelninta kachamuspa+ Egiptomanta orqhomuwarqayku. Kunantaj Cadés llajtapi kashayku, jallpʼaykiwan tinkuypi. 17 Ama jina kaspa, jallpʼaykita pasarichiwayku ari. Mana chajrasniyki chaupitachu, nitaj uva huertasniyki chaupitachu pasasqayku, nillataj pozosniykimantapis yakuta tomasqaykuchu. Reypa Ñanninta cheqanta pasasqayku, ni pañaman ni lloqʼeman wistʼuykuspa, jallpʼasniykita pasanaykukama’,+ nispa”.

18 Edommanta reytajrí nerqa: “Mana jallpʼasniykuta pasankichejchu. Jamunkichejchus chayqa, espadawan llojsimusaj qankunawan tinkoj”, nispa. 19 Israelitastaj kuticherqanku: “Jatun ñanninta cheqanta pasapusqayku. Sichus noqaykupis animalesniykupis yakusniykita tomasqayku chayqa, pagapusqayku.+ Jallpʼaykita pasarillayta munayku”,+ nispa. 20 Edommanta reytajrí nerqa: “Mana pasankichejchu”,+ nispa. Chaymantataj Edommanta reyqa paykunawan tinkoj llojsimorqa, may ashkha runaswan, sumaj atiyniyoj ejercitowan ima. 21 Ajinata Edommanta reyqa mana saqerqachu israelitas jallpʼanta pasanankuta. Chayrayku israelitasqa waj ñanta riporqanku.+

22 Tukuy israelitasqa Cadesmanta puririspa, Hor orqoman chayarqanku.+ 23 Jehová Diostaj chay orqopi, Edom jallpʼa kantupi Moisesman, Aaronmanwan nerqa: 24 “Aaronqa wañuponqa,+ ñaupa tatasnin jinataj pʼampasqa kanqa. Payqa mana yaykonqachu israelitasman qosaj chay jallpʼaman, imaraykuchus iskayniykichej mana kasuwarqankichejchu Meribá yakusmanta kamacherqaykichej chayta.+ 25 Qanqa Moisés, pusay Aaronta wawan Eleazartawan Hor orqoman. 26 Aaronmanta sacerdote ropasninta lluchʼuspa,+ wawan Eleazarman+ churaykuy. Aarontaj chaypi wañuponqa”, nispa.

27 Moisesqa Jehová Dios kamachisqanman jina ruwarqa. Paykunaqa Hor orqoman wicharerqanku tukuy israelitas qhawashajtinku. 28 Chaypitaj Moisesqa Aaronmanta sacerdote ropasninta lluchʼuspa, wawan Eleazarman churaykorqa. Chantá Aaronqa chay orqo patapi wañuporqa.+ Moiseswan Eleazarwantaj chay orqomanta uraykanporqanku. 29 Israelitasqa Aarón wañupusqanta yachaspa, tukuyninku mayta Aaronmanta waqarqanku 30 diastapuni.+

21 Arad+ llajtamanta cananeo reyqa, Neguebpi tiyakushaspa uyarerqa israelitas Atarim ñanta jamushasqankuta. Chayrayku payqa israelitaswan maqanakoj rispa, paykunamanta wakinta presosta apakaporqa. 2 Israelitastaj juraspa Jehová Diosman nerqanku: “Sichus kay runasta makisniykuman jaywaykuwasqayku chayqa, tukuy llajtasninkuta chinkarparichisqayku”, nispa. 3 Jehová Diostaj chay mañakusqankuta uyarispa, cananeosta israelitaspa makisninkuman jaywaykorqa. Israelitastaj paykunata wañuracherqanku, llajtasninkutapis chinkarparicherqanku. Chayrayku chay cheqataqa suticharqanku Hormá*+ nispa.

4 Israelitasqa Hor orqomanta+ puririspa Puka mar ñanninta rerqanku, Edom jallpʼata muyuykamunankupaj.+ Jinata rishaspataj saykʼuporqanku. 5 Chayraykutaj Diospa contranta, Moisespa contrantawan kutin kutita rimarqanku:+ “¿Imapajtaj Egiptomanta orqhomuwaykuri? ¿Kay chʼin jallpʼapi wañunaykupajchu pusamuwayku imatajri? Kaypeqa ni mikhunapis, ni yakupis kanchu.+ Kay millay tʼantapis amisqataña amiwayku”,+ nispa. 6 Jehová Diostaj venenoyoj phiña katarista israelitasman apachimorqa. Chay kataristaj paykunata khanirarqanku, chay jinapi ashkha israelitas wañurarqanku.+

7 Chayrayku israelitasqa Moisesman rispa kayta nimorqanku: “Noqaykoqa Jehová Diospa contranta rimaspa, qanpa contraykitawan rimaspa juchalliyku.+ Jehová Diosmanta mañapuwayku ari, kay katarista noqaykumanta chinkachinanpaj”, nispa. Moisestaj israelitaspaj Diosmanta mañaporqa.+ 8 Chantá Jehová Diosqa Moisesman nerqa: “Kay venenoyoj katarisman rijchʼakojta uj katarita ruway. Chaytataj uj jatun kʼaspiman warkhuykuy. Pipis katariwan khanichikuspaqa chay warkhusqa katarita qhawachun, jinamanta kausanallanpajpuni”, nispa. 9 Moisestaj chay ratopacha cobremanta katarita ruwaspa,+ uj jatun kʼaspiman warkhuykorqa.+ Pillapis katariwan khanichikojqa chay cobre katarita qhawaspa mana wañojchu.+

10 Israelitasqa chaymanta puririspa, Obotpi jarakorqanku.+ 11 Obotmanta puririspataj, Iyé-Abarim nisqa lugarpi jarakorqanku,+ chʼin jallpʼapi. Chay chʼin jallpʼaqa inti llojsimuy ladopi kashan, chaymantataj Moabqa rikukunña. 12 Chaymanta puririspataj Zered mayupi* jarakorqanku.+ 13 Chaymanta puririspataj Arnón mayu cheqapi jarakorqanku,+ mayqenchus chʼin jallpʼapi tarikun chaypi. Chay chʼin jallpʼaqa qallarin amorreospa jallpʼankoj kantunmantapacha. Arnón mayoqa Moab jallpʼaj linden,* tʼaqashantaj Moab jallpʼata, amorreospa jallpʼankumanta. 14 Chayrayku Jehová Diospa Guerrasninmanta Libropeqa parlan “Sufapi kaj Vaheb lugarmanta, Arnón mayusmanta,* 15 uray mayusmantawan, mayqenkunachus Ar chaynejkama chayan, Moab jallpʼaj kantusnintataj rishan chaykunamanta”.

16 Chaymantataj Beerman rerqanku. Chay pozo chaypi Jehová Diosqa Moisesman nerqa: “Israelitasta tantachiy, noqataj paykunaman yakuta qosaj”, nispa.

17 Chaypacha israelitasqa kay takiyta takerqanku:

“Pozo, yakuta phullchichimuy. Pozopaj uj takiyta takiriychej.

Chantá israelitasqa chay chʼin jallpʼamanta Mataná nisqakama rerqanku. 19 Matanamantaqa rerqanku Nahalielman, Nahalielmantataj rerqanku Bamotman.+ 20 Bamotmantataj rerqanku Moab jallpʼapi+ kashan chay wayqʼoman, Pisgá loma patakama,+ maymantachus Jesimón* rikukun chayman.+

21 Israelitasqa runasta kacharqanku amorreospa reyninku Sehonman kayta nimunankupaj:+ 22 “Jallpʼaykita pasarichiwayku ari. Mana chajrasniyki chaupitachu, nitaj uva huertasniyki chaupitachu pasasqayku, nillataj pozosniykimantapis yakuta tomasqaykuchu. Noqaykoqa Reypa Ñanninta cheqanta pasasqayku, jallpʼasniykita pasanaykukama”,+ nispa. 23 Sehontajrí mana saqerqachu israelitas jallpʼanta pasanankuta. Manachayqa tukuy ejercitonta tantaykuspa chʼin jallpʼaman llojserqa israelitaswan maqanakamoj. Jahazman chayaspataj israelitaswan maqanakuyta qallarerqa.+ 24 Israelitastajrí Sehonta espadawan atipaykorqanku,+ jallpʼasnintapis japʼikaporqanku+ Arnonmantapacha+ Jabockama,+ ammonitas tiyakunku chay qayllakama. Jazer llajtamanta+ aswan jaqaymantaj manaña rerqankuchu, imaraykuchus Jazerqa ammonitaspa jallpʼankoj+ kantusninpiña kashan.

25 Ajinata israelitasqa amorreospa+ tukuy chay llajtasninkuta japʼikapuspa chaypi tiyakorqanku, Hesbón llajtapi, muyuyninpi kaj tukuy ranchosninpiwan. 26 Hesbón llajtaqa amorreospa reyninku Sehonpa llajtan karqa. Sehonqa ñaupajta Moabmanta reywan maqanakuspa, tukuy jallpʼasninta qhechusqa Arnón mayukama. 27 Chayrayku runasqa burlakuspa kay jinata niyta yachanku:

“Hesbonman jamuychej.

Sehonpa llajtan ruwasqa kachun, sumaj sayachisqataj kachun.

28 Hesbonmanta nina llojsimun, Sehonpa ranchonmanta lauray llojsimun.

Chay ninataj ruphaykun Moabmanta Ar llajtata, Arnón mayoj loma patasninpi kaj kamachejkunata.

29 Ay qanmanta Moab. Kemosta yupaychajkuna,+ chinkachisqa kankichej.

Payqa qhari wawasninta ayqechin, warmi wawasnintataj presosta apachin amorreospa reyninku Sehonwan.

30 Paykunata flechaykunachej.

Hesbonqa chinkachisqa kanqa Dibonkama.+

Chʼinpachata saqerparinachej Nofahkama.

Ninaqa ruphaykonqa Medebakama”,+ nispa.

31 Ajinamanta israelitasqa amorreospa jallpʼasninkupi tiyakuyta qallarerqanku. 32 Chantá Moisesqa wakin runasta kacharqa Jazer llajtata+ qhawamunankupaj. Israelitasqa chay llajtata japʼikaporqanku, jinallataj muyuyninpi kaj ranchosnintapis, chaypi tiyakoj amorreostapis chaymanta qharqorqanku. 33 Chaymanta israelitasqa wicharerqanku Basán Ñanninta. Basanmanta rey Ogtaj+ tukuy ejercitonwan rerqa israelitaswan Edreipi+ maqanakamoj. 34 Jehová Diostaj Moisesta nerqa: “Ama paytaqa manchachikuychu.+ Noqa payta makisniykiman jaywaykusaj, jinallataj tukuy ejercitonta, tukuy jallpʼasnintapis.+ Imaynatachus Hesbonpi tiyakoj amorreospa reyninku Sehonta ruwarqanki, ajinallatataj paytapis ruwanki”,+ nispa. 35 Ajinata israelitasqa wañucherqanku Ogta, wawasninta, tukuy ejercitontawan. Ni pita kausashajta saqerqankuchu,+ jallpʼasnintapis tukuyninta japʼikaporqanku.+

22 Israelitasqa chaymanta rispallapuni Moab chʼin pampaspi toldo wasisninkuta* armarqanku. Chayqa kashan Jericó chimpapi, Jordán mayu qayllapi.+ 2 Ziporpa wawan Balacqa+ yacharqa imatachus israelitas amorreosta ruwasqankuta. 3 Moabitaspis mayta mancharikorqanku israelitas may chhika kasqankumanta. Paykunaqa israelitasta rikuspa manchariywan wañusharqankuña.+ 4 Chayrayku moabitasqa Madianmanta kurajkunaman nerqanku:+ “Kay chhika runasqa qʼalatachá jallpʼanchejta tukuchenqanku, imaynatachus uj toro pastota tukuchin ajinata”, nispa.

Chaypacha Moabpeqa Ziporpa wawan Balac rey kasharqa. 5 Paytaj Beorpa wawan Balaamman+ runasta kacharqa. Balaamqa tiyakusharqa llajtan Petorpi, chaytaj kashan Éufrates mayu qayllapi. Balacqa kayta Balaamman nichimorqa: “Egiptomanta may chhika runas llojsimunku, paykunaqa tukuy kay jallpʼasman juntʼaykamunku,+ ñaupaqeypitaj tiyakushanku. 6 Kunanqa jamuy ari kay runasta maldecipunawaykipaj.+ Paykunaqa noqamanta aswan atiyniyoj kanku. Ichapis paykunata atipayman, kay jallpʼasmantataj qharqoyman. Noqa allinta yachani qan pitapis bendicejtiykeqa bendecisqa kasqanta, maldicejtiykitaj maldecisqa kasqanta”, nispa.

7 Moabmanta kurajkunawan Madianmanta kurajkunawanqa qolqe aparisqa rerqanku adivinasqanmanta paganankupaj. Ajinata paykunaqa Balaampaman rerqanku.+ Chayaspataj payman willarqanku imatachus Balac nisqanta. 8 Balaamtaj paykunaman nerqa: “Kunan chʼisi kaypi puñukuychej. Noqataj qʼaya nisqaykichej imatachus Jehová Dios niwanqa chayta”, nispa. Ajinapi Moabmanta kuraj kamachejkunaqa chay chʼisi Balaampajpi puñukorqanku.

9 Chantá Diosqa Balaamman nerqa:+ “¿Pikunataj kanku qanwan kashanku chay runasri?”, nispa. 10 Balaamtaj Diosman* kuticherqa: “Kay runastaqa kachamusqa Moabmanta Ziporpa wawan rey Balac, kayta willanawankupaj: 11 ‘Egiptomanta may chhika runas llojsimuspa, tukuy kay jallpʼasman juntʼaykamushanku. Kunanqa jamuy ari kay runasta maldecipunawaykipaj.+ Ichapis paykunawan maqanakuspa kaymanta paykunata qharqoyman’, nispa”. 12 Diostajrí Balaamman nerqa: “Ama chay runaswan riychu. Ama israelitasta maldecinkichu, imaraykuchus paykunataqa noqa bendecini”,+ nispa.

13 Qʼayantintaj Balaamqa tutamanta jatarispa Balacpa kachasqan kuraj kamachejkunata nerqa: “Nacionniykichejman kutipuychej. Jehová Diosqa mana munanchu qankunawan rinayta”, nispa. 14 Moabmanta kuraj kamachejkunataj kutipuspa Balacman willamorqanku: “Balaamqa mana munanchu noqaykuwan jamuyta”, nispa.

15 Balactajrí watejmanta waj kuraj kamachejkunatañataj kacharqa. Paykunaqa aswan ashkha karqanku, aswan jatunpaj qhawasqastaj ñaupajta kachasqasninmanta nisqaqa. 16 Paykunataj Balaamman rispa willamorqanku: “Ziporpa wawan Balacqa kayta nimusunki: ‘Ama jina kaspa jamuwaypuni ari, ama mana niwaychu. 17 Noqaqa imatachus munanki chayta qosqayki, imatachus mañawanki chayta ruwapusqayki. Chayrayku jamullay ari, kay runasta maldecipuway’, nispa”. 18 Balaamtajrí Balacpa kamachisninman kuticherqa: “Sichus Balac wasinta qolqewan orowan juntʼata qowanman chaypis, noqaqa manapuni ni juchʼuytapis ni jatuntapis ruwaymanchu Jehová Diosniypa kamachiwasqanta pʼakispaqa.+ 19 Ama jina kaspa, qankunapis kunan chʼisi kaypi qheparikuychej ari. Noqataj Jehová Diosta waturisaj, imatawanchus niwanqa”,+ nispa.

20 Diostaj chay chʼisi Balaamman nerqa: “Sichus chay runas qanta wajyasoj jamunku chayqa, paykunawan rillay. Jinapis imatachá noqa nisqayki chayllata parlanki”,+ nispa. 21 Balaamqa qʼayantin tutamanta jatarikuspa china burronta caronaykuytawan* Moabmanta kuraj kamachejkunawan rerqa.+

22 Balaamqa burronpi montasqa risharqa, iskay kamachisninta pusariykukuspa. Diostajrí mayta phiñakorqa Balaam rishasqanmanta. Chayrayku Jehová Diospa angelnenqa ñanpi sayaykorqa payta jarkʼananpaj. 23 Balaampa burrontaj rikorqa Jehová Diospa angelninta, espada oqharisqa ñanpi sayashajta. Chayrayku ñanmanta llojsinayarqa. Balaamtajrí ñanman kutiykuchimunanpaj burronta seqʼoyta qallarerqa. 24 Chantá Jehová Diospa angelnenqa, uva huertas chaupinta rej kʼullku ñanpiñataj sayaykorqa. Chay ñanqa puraj ladonpi rumi perqayoj karqa. 25 Burrotaj Jehová Diospa angelninta rikorqa, perqaman kʼaskaykuspataj Balaampa chakinta perqaman ñitʼiykorqa. Chayrayku Balaamqa watejmanta burronta seqʼoyta qallarerqa.

26 Jehová Diospa angelnintaj aswan ñaupajman rispa uj kʼullku ñanpiñataj sayaykorqa. Chay ñanmantaqa mana karqachu ni pañaman ni lloqʼeman llojsinapaj. 27 Burroqa Jehová Diospa angelninta rikuytawan pachanpi lastʼarparqa.* Balaamtaj mayta phiñakuspa burronta tojnunwan seqʼollarqapuni. 28 Chantá Jehová Diosqa burrota parlaricherqa.*+ Burrotaj Balaamta nerqa: “¿Imanarqaykitaj noqa qanta kay kinsa kutitaña seqʼonawaykipajri?”,+ nispa. 29 Balaamtaj burronman kuticherqa: “Qanqa sonsopis kayman jina burlakushawanki. Sichus makiypi uj espada kanman chayqa, kunitan wañuchiykiman”, nispa. 30 Burrotaj Balaamman nerqa: “Noqaqa qanpa burroyki kani, qanqa unaymantapachaña noqapi purinki. ¿Maykʼajllapis noqaqa ajinata ruwajchu kayki?”, nispa. Balaamtaj kuticherqa: “Mana”, nispa. 31 Chantá Jehová Diosqa Balaampa ñawisninta kicharerqa.+ Balaamtaj rikorqa Jehová Diospa angelnin ñanpi espada oqharisqa sayashajta. Rikuspataj chay ratopacha qonqoriykukuspa pampakama kʼumuykukorqa.

32 Jehová Diospa angelnintaj Balaamta nerqa: “¿Ima nispataj burroykita kay kinsa kutita seqʼonkiri? Noqamin qanta jarkʼasoj llojsimuni. Rishasqaykeqa mana munasqayman jinachu.+ 33 Burroykeqa noqata rikuwaspa kinsa kutita ñaupaqeymanta ladeakorqa.+ Sichus ñaupaqeymanta mana ladeakunman karqa chayqa, qantaqa wañuchiykimanña karqa, burrollaykita mana wañuchiymanchu karqa”, nispa. 34 Balaamtaj Jehová Diospa angelninman nerqa: “Noqaqa juchallikuni. Mana yacharqanichu ñanpi sayaykuspa jarkʼashawasqaykita. Sichus kay rishasqay qanpaj mana allinchu chayqa, kaymanta kutiripusaj”, nispa. 35 Jehová Diospa angelnintajrí Balaamman nerqa: “Rillay chay runaswan. Chaywanpis imatachus noqa nisqayki chayllata parlanki”, nispa. Ajinamanta Balaamqa rillarqapuni Balacpa kachasqan kuraj kamachejkunawan.

36 Balaam jamushasqanta yachaytawan Balacqa usqhayllata rerqa payta taripaj Moabpi kaj ujnin llajtaman. Chay llajtaqa kashan Arnón kantupi, Moab jallpʼaj tukukuyninpi. 37 Taripaspataj Balacqa Balaamman nerqa: “Chay jinata wajyachimuyki. ¿Imaraykutaj mana jamuwarqankichuri? ¿Manachu yuyarqanki jamojtiykeqa imatachus munasqaykita qosunayta?”,+ nispa. 38 Balaamtajrí Balacman kuticherqa: “Pero kaypiña kaneqa. Chaywanpis mana munasqaytachu imatapis parlasaj. Imatachus Dios niwanqa chayllata parlasaj”,+ nispa.

39 Chaymanta Balaamqa Balacwan rerqa Quiryat-Huzotman. 40 Chaypitaj Balacqa wakasta, ovejasta ima ñakʼarqa.* Chay aychamanta wakintataj Balaamman qorqa, paywan kasharqanku chay kuraj kamachejkunamanwan. 41 Qʼayantin paqarintaj Balacqa Balaamta pusarqa Bamot-Baalman. Chay patamanta Balaamqa tukuy israelitasta rikorqa.+

23 Chantá Balaamqa Balacman nerqa: “Kaypi ruway qanchis altaresta,+ wakichipuwaytaj qanchis torosta, qanchis carnerostawan”,* nispa. 2 Balactaj chay ratopacha ruwarqa Balaampa nisqanta. Chantá Balacwan Balaamwanqa uj torotawan uj carnerotawan qʼolacherqanku* sapa altarpi.+ 3 Chaymanta Balaamqa Balacta nerqa: “Kayllapi quedakuy, qʼolachina ofrendayki chaypi. Noqataj jaqayman risaj. Ichapis Jehová Diosqa noqaman rikhuriwanqa. Kutimuspataj willasqayki imatachus niwanqa chayta”, nispa. Chaymanta Balaamqa wicharerqa uj qʼara lomaman.

4 Chaypitaj Diosqa Balaamman rikhurerqa.+ Balaamtaj Diosman nerqa: “Qanchis altaresta ruwani fila filallata, sapa uj altarpitaj qʼolachini uj torotawan uj carnerotawan”, nispa. 5 Jehová Diostaj Balaampa siminman churarqa imatachus ninanta,+ nerqataj: “Kutispa, Balacman nimuy imatachus nishayki chayta”, nispa. 6 Balaamtaj kutispa, Balacta tariparqa qʼolachina ofrendan chaypi sayashajta, Moabmanta tukuy kuraj kamachejkunatawan khuska. 7 Chaymanta Balaamqa, Diospa nisqasninta sutʼinchayta qallarerqa:+

 8 ¿Ima nispataj maldeciyman kasqa pikunatachus Dios mana maldecinchu chaykunatari?

¿Ima nispataj juchachayman kasqa pikunatachus Jehová Dios mana juchachanchu chaykunatari?+

 9 Chhanka patamantapacha paykunata rikuni.

Loma patasmantapacha paykunata qhawashani.

Paykunaqa sapallanku tiyakushanku.+

Paykunaqa waj nacionesmanta waj jina kasqankuta ninku.+

10 ¿Pitaj Jacobpa mirayninta yupayta atinmanri? Paykunaqa tʼiyu jina may chhika kanku.+

¿Pitaj yupayta atinman Israelpa khuskanninpa khuskannillantapisri?

11 Chantá Balacqa Balaamta nerqa: “¿Imatataj kayta ruwawankiri? Noqaqa pusachimorqayki enemigosniyta maldecipunawaykipaj. Qantajrí paykunata bendeciykunkiraj”,+ nispa. 12 Balaamtaj kuticherqa: “¿Manachu noqaqa nerqayki imatachus Jehová Dios simiyman churanqa chayllata parlasaj nispa?”+

13 Balactajrí payman nerqa: “Ama jina kaspa, waj cheqamanñataj rina ari. Chaymantaqa wakillanta rikunki, mana tukuyninkutachu. Chaymantapacha maldecipuwanki chay runasta”,+ nispa. 14 Ajinamanta Balaacqa Balaamta pusarqa Zofim cheqaman, Pisgá loma pataman.+ Chaypitaj qanchis altaresta ruwaspa, sapa ujninpi qʼolacherqa uj torotawan uj carnerotawan.+ 15 Chantá Balaamqa Balacta nerqa: “Kayllapi quedakuy, qʼolachina ofrendayki chaypi. Chaykamataj jaqayman risaj Dioswan parlamoj”, nispa. 16 Jehová Diosqa Balaamman rikhurispa, siminman churarqa imatachus ninanta,+ nerqataj: “Kutispa, Balacman nimuy imatachus nishayki chayta”, nispa. 17 Balaamqa kutispa Balacta tariparqa qʼolachina ofrendan chaypi sayashajta, Moabmanta kuraj kamachejkunatawan khuska. Balactaj payta taporqa: “¿Ima nisunkitaj Jehová Diosri?”, nispa. 18 Balaamtaj Diospa nisqasninta sutʼinchayta qallarerqa:+

“Balac jatarikuy, uyariytaj.

Ziporpa wawan Balac, uyariway.

19 Diosqa mana runachu llullasta parlananpajqa.+

Nitaj runaj wawanchu nisqanmanta wajta ruwananpajqa.*+

Imatapis nin chayqa, ¿manachu juntʼanqa?

Parlan chaypis, ¿manachu ruwanqa?+

20 Noqaqa bendecinaypaj jamuni.

Dios bendecin+ chayqa, mana chaytaqa qʼewiymanchu.+

21 Payqa mana saqenchu Jacobta layqachinankuta.

Mana saqenchu Israel ima llakiypipis rikhurinanta.

Jehová Diosninkoqa paykunawan kashan.+

Paykunaqa jatunmanta qhaparinku Diosqa reyniyku nispa.

22 Diosqa paykunata Egiptomanta orqhomorqa.+

Payqa kʼita toroj wajrasnin jina may atiyniyoj paykunata yanapananpaj.+

23 Jacobta layqaswan* maldecichejtinkupis, mana imananchu.+

Adivinaspa Israelta ima qhatirinanta nejtinkupis, qhasilla.+

Kunanqa Jacobmanta, Israelmantawan ninkuman:

‘Qhawariychej imatachus Dios ruwasqanta’, nispa.

24 Kay runasqa uj león jina sayarenqanku.

25 Chaymanta Balacqa Balaamta nerqa: “Sichus kay runasta manapuni maldeciyta atinkichu chayqa, amallataj bendeciychu ari”, nispa. 26 Balaamtaj Balacman kuticherqa: “¿Manachu nerqayki ‘noqaqa Jehová Diospa niwasqallanta ruwasaj’ nispa?”.+

27 Balactajrí Balaamman nerqa: “Ama jina kaspa, wajnejmanñataj rina ari. Ichapis Diospajqa* allin kanqa chaymantapacha kay runasta maldecipunawayki”,+ nispa. 28 Ajinapi Balacqa Balaamta pusarqa Peor loma pataman, maymantachus Jesimón* rikukun chayman.+ 29 Chantá Balaamqa Balacta nerqa: “Kaypi ruwapuway qanchis altaresta, wakichipuwaytaj qanchis torosta, qanchis carnerostawan”,+ nispa. 30 Balactaj Balaampa nisqanta ruwarqa, sapa altarpi qʼolacherqa uj torotawan uj carnerotawan.

24 Balaamqa repararqa Jehová Diosqa israelitasta bendeciytapuni munasqanta.* Chayrayku Balaamqa manaña adivinacionpi señalesta maskʼamoj rerqachu.+ Astawanpis kutirikuspa chʼin jallpʼata qhawarerqa. 2 Rikorqataj israelitasta aylluspi* tʼaqasqata.+ Diospa espirituntaj Balaamman jamorqa.+ 3 Chantá payqa Diospa nisqasninta kay jinata sutʼinchayta qallarerqa:+

 5 Jacob, toldo wasisniykeqa* may kʼachitus kanku.

Israel, tiyakuna toldosniykeqa may kʼachitus kanku.+

 7 Yakoqa iskaynin baldesninmanta sutʼumullanpuni,*

mujonqa* ashkha yakus chaypi tarpusqa.+

 8 Diosqa payta Egiptomanta orqhomorqa.

Payqa kʼita toroj wajrasnin jina may atiyniyoj paykunata yanapananpaj.

 9 Israelqa uj león jina wateqan, uj león jinataj winkurikunpis.*

¿Pitaj chanta uj leonta toreaspa jatarichinmanri?

10 Balactaj maytapuni Balaampaj phiñarikorqa. May phiñasqataj makisninta laqʼarakuspa Balaamta nerqa: “Noqaqa enemigosniyta maldecinaykipaj pusachimorqayki,+ qantajrí kay kinsa kutistaña paykunata bendecinki. 11 Kunanqa ripuy kaymanta. Noqaqa imatachus munasqaykita qoyta munarqayki,+ Jehová Diostajrí mana saqesunkichu chayta japʼinaykita”, nispa.

12 Balaamtaj Balacman kuticherqa: “Noqaqa kachamuwasqayki runasman nerqani: 13 ‘Sichus Balac wasinta qolqewan orowan juntʼata qowanman chaypis, noqaqa mana Jehová Diosniypa kamachiwasqanta pʼakisajchu, nitaj allin kajta, mana allin kajtapis noqallamantaqa ruwasajchu. Noqaqa Jehová Diospa niwasqallanta parlasaj’,+ nispa. 14 Kunanqa nacionniyman ripusaj. Chaywanpis niraj ripushaspa willasqayki imatachus kay nación qhepaman* nacionniykita ruwananta”, nispa. 15 Chantá Balaamqa Diospa nisqasninta sutʼinchayta qallarerqa:+

17 Noqa payta rikusaj, chaywanpis mana kunanchu.

Noqa payta qhawasaj, chaywanpis mana kunanpachachu.

19 Jacobmanta uj atipaj runa llojsenqa.+

Paytaj tukuchenqa pikunachus llajta thuñisqa kajtin mana wañonqankuchu chaykunata”, nispa.

20 Chaymanta Balaamqa Amalecta qhawarispa Diospa nisqanta sutʼincharqa:

21 Chantá Balaamqa quenitastañataj qhawarispa+ Diospa nisqanta sutʼinchallarqataj:

“Wasiykipeqa ni imamanta manchachikunkichu, wasiykeqa chhanka patapi kashan.

22 Quenitastaqa* pichá ruphaykuchenqa.

Mana unayñachu faltan Asiria paykunata presosta apakapunanpaj”, nispa.

23 Chaymanta Balaamqa Diospa nisqanta sutʼinchallarqataj:

“¿Pitaj kausayta atinman kay imasta Dios ruwashajtinri?

24 Kitim+ mar qocha kantusmanta barcos jamonqanku.

Jinapis payqa chinkachisqallataj kanqa”, nispa.

25 Chantá Balaamqa+ sayariytawan riporqa. Balacpis ñanninta ripullarqataj.

25 Israelitas Sitimpi tiyakushajtinku,+ israelita qharisqa Moabmanta warmiswan puñuykuyta qallarerqanku.+ 2 Chay warmistaj paykunata inkitarqanku diosesninkuman ofrendasta jaywasharqanku chayman.+ Israelitastaj chay diosesman jaywasqa ofrendasta mikhorqanku, chay diosesninkumantaj kʼumuykukorqanku.+ 3 Ajinamanta israelitasqa paykunawan khuska Baal Peor nisqa diosta yupaycharqanku,+ Jehová Diostaj israelitaspaj mayta phiñakorqa. 4 Chantá Jehová Diosqa Moisesman nerqa: “Chay runaspa cabecillasninkuta tantachimuy, paykunata wañuchispataj warkhuykuy Jehová Diospa ñaupaqenpi, chaytaqa pʼunchay ruway. Ajinamanta Jehová Diosqa manaña israelitaspaj phiñakonqañachu”, nispa. 5 Moisestaj israelitaspa juecesninkuman+ nerqa: “Sapa ujniykichej wañuchiychej, pikunachus Baal Peor nisqa diosta yupaychamoj rerqanku chaykunata”,+ nispa.

6 Chaypachallataj uj israelitaqa uj madianita warmita campamentoman* pusamorqa,+ Moisés rikunanta, jinallataj tukuy israelitas rikunankuta. Chaytaqa ruwarqa tukuy israelitas Dioswan tinkukuna toldo punkupi waqashajtinku. 7 Chayta rikuspa Eleazarpa wawan Finehasqa,+ sacerdote Aaronpa allchhenqa, israelitas tantasqa kasharqanku chaymanta usqhayllata llojserqa, uj tʼojsina lanza aparisqa. 8 Chay israelita qharej qhepanta toldo wasiman* yaykuspataj, chaypi iskayninkuta lanzawan tʼojsispa wañucherqa, chay israelita qharita, chay warmitapis partesninpi tʼojsispa. Jinallapi israelitasta wañuchej onqoyqa chinkaporqa.+ 9 Chay wañuchej onqoywanqa 24.000 israelitas wañorqanku.+

10 Chantá Jehová Diosqa Moisesman nerqa: 11 “Eleazarpa wawan Finehasqa,+ sacerdote Aaronpa allchhenqa, israelitaspaj phiñasqa kasqayta tiyaykuchin. Payqa mana saqerqachu noqata wasanchanawankuta.+ Chayrayku israelitastaqa mana chinkarparichinichu. Noqaqa munani noqallata yupaychanawankuta.+ 12 Kunanqa Finehasman niy, noqa paywan allinyakuy tratota ruwasqayta. 13 Chay tratotaj unay wataspaj kanqa, paypaj, jinallataj mirayninpajpis sacerdotes kanankupaj.+ Payqa mana saqerqachu Diosninta wasanchanankuta.+ Chayta ruwaspa payqa israelitaspaj perdonta tarerqa”, nispa.

14 Madianita warmiwan khuska wañuchisqa karqa chay israelitaj sutenqa karqa Zimrí, payqa Salujpa wawan karqa. Zimriqa simeonitas ayllu* ukhupi kurajkunamanta ujnin karqa. 15 Chay madianita warmej sutenqa karqa Cozbí. Payqa Zurpa+ warmi wawan karqa. Zurtaj Madianpi+ ujnin ayllumanta kuraj karqa.

16 Chantá Jehová Diosqa Moisesman nillarqataj: 17 “Madianitaswan maqanakamuychej, wañuchimuychejtaj.+ 18 Paykunaqa imaymana engañoswan ñakʼarichisorqachej Baal Peor nisqa diosta yupaychachispa,+ chantá Madianmanta ujnin kuraj kajpa warmi wawan Cozbij juchanrayku. Cozbiqa wañuchisqa karqa+ wañuchej onqoy karqa chay pʼunchay, israelitas Baal Peorta yupaychasqankurayku”,+ nispa.

26 Chay wañuchej onqoy pasasqantawan,+ Jehová Diosqa Moisestawan sacerdote Aaronpa wawan Eleazartawan nerqa: 2 “Tukuynin israelitasta yupaychej, ñaupa tatasninkoj sutisninman jina, veinteyojmanta pataman. Yupaychej pikunachus guerraman riyta atinku chay israelitasta”,+ nispa. 3 Chayrayku Moiseswan sacerdote Eleazarwanqa+ kay jinata israelitasman nerqanku Moab chʼin pampaspi,+ Jordán qayllapi, Jericó chimpapi:+ 4 “Yupaychej veinteyojmanta pataman kajkunata, Jehová Dios Moisesman kamachisqanman jina”,+ nispa.

Egiptomanta llojsimoj israelitasqa kaykuna karqanku: 5 Israelpa kuraj wawan Rubenpa+ wawasninmanta miraj familias:+ Hanokmanta jamoj hanokitas, Palumanta jamoj paluitas, 6 Hezronmanta jamoj hezronitas, Carmimanta jamoj carmitas ima. 7 Chaykuna karqanku rubenita familias. Tukuynin yupasqa kajkunaqa karqanku 43.730 qharis.+

8 Palujpa wawanqa Eliab karqa. 9 Eliabpa wawasnenqa karqanku Nemuel, Datán, Abiram ima. Datanwan Abiramwanqa israelitas ukhupi ajllasqa kajkuna karqanku. Paykunataj Coré parte kajkunawan+ khuska oqharikorqanku Moisespa contranta,+ Aaronpa contrantawan, maypachachus Jehová Diospa contranpi oqharikorqanku chaypacha.+

10 Chantá jallpʼaqa siminta kicharispa paykunata oqoykorqa. Coretajrí pay parte kajkunawan khuska wañorqa, maypachachus 250 runasta nina ruphaykuspa wañuracherqa chaypacha.+ Imachus paykunata pasasqanqa, wajkuna mana kikinta ruwanankupaj karqa.+ 11 Chaywanpis Corejpa wawasnenqa mana wañorqankuchu.+

12 Simeonpa+ wawasninmanta miraj familiasqa kaykuna karqanku: Nemuelmanta jamoj nemuelitas, Jaminmanta jamoj jaminitas, Jakinmanta jamoj jakinitas, 13 Zerahmanta jamoj zerahítas, Shaulmanta jamoj shaulitas ima. 14 Chaykuna karqanku simeonita familias, 22.200 qharis.+

15 Gadpa+ wawasninmanta miraj familiasqa kaykuna karqanku: Zefonmanta jamoj zefonitas, Haguimanta jamoj haguitas, Sunimanta jamoj sunitas, 16 Oznimanta jamoj oznitas, Erimanta jamoj eritas, 17 Arodmanta jamoj aroditas, Arelimanta jamoj arelitas ima. 18 Chaykuna karqanku Gadpa wawasninmanta miraj familias. Tukuynin yupasqa kajkunaqa karqanku 40.500 qharis.+

19 Judajpa+ wawasnenqa karqanku Erwan Onanwan.+ Chaywanpis paykunaqa Canaán jallpʼapiña wañorqanku.+ 20 Judajpa chay waj wawasninmanta miraj familiastaj kaykuna karqanku: Selamanta+ jamoj selanitas, Perezmanta+ jamoj perezitas, Zerahmanta+ jamoj zerahítas ima. 21 Perezpa wawasninmanta miraj familiasqa karqanku Hezronmanta+ jamoj hezronitas, Hamulmanta+ jamoj hamulitas ima. 22 Chaykuna karqanku Judamanta miraj familias. Tukuynin yupasqa kajkunaqa karqanku 76.500 qharis.+

23 Isacarpa+ wawasninmanta miraj familiasqa kaykuna karqanku: Tolamanta+ jamoj tolaítas, Puvamanta jamoj punitas, 24 Jasubmanta jamoj jasubitas, Simronmanta jamoj simronitas ima. 25 Chaykuna karqanku Isacarmanta miraj familias. Tukuynin yupasqa kajkunaqa karqanku 64.300 qharis.+

26 Zabulonpa+ wawasninmanta miraj familiasqa kaykuna karqanku: Seredmanta jamoj sereditas, Elonmanta jamoj elonitas, Jahleelmanta jamoj jahleelitas ima. 27 Chaykuna karqanku zabulonita familias. Tukuynin yupasqa kajkunaqa karqanku 60.500 qharis.+

28 Josejpa+ miraynenqa karqa Manasés aylluwan* Efraín+ aylluwan. 29 Manasesmanta+ miraj familiasqa karqanku Makirmanta+ jamoj makiritas. Makirpa wawanqa Galaad+ karqa. Galaadmantaqa jamorqanku galaaditas. 30 Galaadpa wawasninmanta miraj familiastaj kaykuna karqanku: Yezermanta jamoj yezeritas, Helecmanta jamoj helequitas, 31 Asrielmanta jamoj asrielitas, Sichemmanta* jamoj sichemitas, 32 Semidamanta jamoj semidaítas, Hefermanta jamoj heferitas ima. 33 Heferpa wawan Zelofehadpataqa mana qhari wawasnin kaporqachu, warmi wawasnillan kaporqa.+ Zelofehadpa warmi wawasnenqa+ karqanku Mahlá, Noá, Hoglá, Milcá, Tirzá ima. 34 Chaykuna karqanku Manasesmanta miraj familias. Tukuynin yupasqa kajkunaqa karqanku 52.700 qharis.+

35 Efrainpa+ wawasninmanta miraj familiasqa kaykuna karqanku: Sutelahmanta+ jamoj sutelahítas, Bekermanta jamoj bekeritas, Tahanmanta jamoj tahanitas ima. 36 Sutelahj wawanqa Erán karqa, Eranmantataj eranitas familia karqanku. 37 Chaykuna karqanku Efrainpa wawasninmanta miraj familias. Tukuynin yupasqa kajkunaqa karqanku 32.500 qharis.+ Tukuy chaykuna karqanku Josejpa wawasninmanta miraj familias.

38 Benjaminpa+ wawasninmanta miraj familiasqa kaykuna karqanku: Belamanta+ jamoj belaítas, Asbelmanta jamoj asbelitas, Ahirammanta jamoj ahiramitas, 39 Sefufammanta jamoj sufamitas, Hufammanta jamoj hufamitas ima. 40 Belaj wawasnenqa karqanku Ardwan Naamanwan.+ Paykunamanta jamoj familiastaj karqanku arditaswan naamitaswan. 41 Chaykuna karqanku Benjaminpa wawasninmanta miraj familias. Tukuynin yupasqa kajkunaqa karqanku 45.600 qharis.+

42 Danmanta+ miraj familiasqa karqanku Suhammanta jamoj suhamitas. Chaykuna karqanku Danpa mirayninmanta familias. 43 Suhamitas familiasmanta tukuynin yupasqa kajkunaqa karqanku 64.400 qharis.+

44 Aserpa+ wawasninmanta miraj familiasqa kaykuna karqanku: Imnamanta jamoj imnitas, Isvimanta jamoj isvitas, Beriasmanta jamoj beritas ima. 45 Beriaspa wawasninmanta familiastaj karqanku Hebermanta jamoj heberitas, Malkielmanta jamoj malkielitas ima. 46 Aserpa warmi wawanqa sutikorqa Sérah. 47 Chaykuna karqanku Aserpa wawasninmanta miraj familias. Tukuynin yupasqa kajkunaqa karqanku 53.400 qharis.+

48 Neftalijpa+ wawasninmanta miraj familiasqa kaykuna karqanku: Jahzeelmanta jamoj jahzeelitas, Gunimanta jamoj gunitas, 49 Jezermanta jamoj jezeritas, Silemmanta jamoj silemitas ima. 50 Chaykuna karqanku Neftalijpa mirayninmanta familias, 45.400 qharis.+

51 Tukuynin yupasqa israelitasqa karqanku 601.730 qharis.+

52 Chaymantataj Jehová Diosqa Moisesta nerqa: 53 “Jallpʼaqa paykunaman partirasqa kanqa herencianku kananpaj, chay yupasqapi mashkha sutischus qhelqasqa kasqanman jina.+ 54 Ashkha kajkunamanqa jatun jallpʼata qonki, pisilla kajkunamantaj juchʼuy jallpʼallata qonki.+ Sapa aylloqa jallpʼata japʼenqa mashkhachus yupasqa kasqankuman jina. 55 Jallpʼataqa partiranki suerteta* choqaspa.+ Sapa familiaqa ayllunman tocasqan jallpʼamanta herenciata japʼenqa. 56 Ashkha kajkunapaj, pisilla kajkunapajpis herencia jallpʼankoqa suerteta choqaspa yachakonqa”, nispa.

57 Levitasmanta+ yupasqa familiasqa kaykuna karqanku: Guersonmanta jamoj guersonitas, Cohatmanta+ jamoj cohatitas, Merarimanta jamoj meraritas ima. 58 Kaykuna karqanku levita familias: libnitas,+ hebronitas,+ mahlitas,+ musitas,+ coreítas+ ima.

Cohatqa Amrampa+ tatan karqa. 59 Amrampa warmenqa sutikorqa Jokébed.+ Payqa Levijpa wawan karqa, nacekorqataj Leví Egiptollapiraj kashajtin. Amrampatawan Jokebedpatawan qhari wawasninkoqa Aaronwan Moiseswan karqanku, warmi wawankutaj Míriam+ karqa. 60 Aaronpa wawasnintaj karqanku Nadab, Abihú, Eleazar, Itamar ima.+ 61 Nadabwan Abihuwanqa wañorqanku mana jaywananku ninata Jehová Diosman jaywasqankurayku.+

62 Uj killayojmanta pataman yupasqa levitasqa 23.000 qharis karqanku.+ Paykunaqa mana tukuynin israelitaswan khuskachu yupasqa karqanku,+ imaraykuchus levitasqa mana ima herenciatapis japʼinankuchu karqa israelitas ukhupi.+

63 Tukuy chay israelitasta yuparqanku Moiseswan sacerdote Eleazarwan, Moab chʼin pampaspi, Jordán qayllapi, Jericó chimpapi. 64 Sinaí chʼin jallpʼapi Moiseswan sacerdote Aaronwan yuparqanku chay israelitasmantaqa, ni ujpis karqañachu Moiseswan Eleazarwan yupasharqanku chay kutipajqa.+ 65 Paykunamanta Jehová Diosqa nisqa: “Paykunaqa chʼin jallpʼapi tukuyninku wañonqanku”,+ nispa. Chayrayku paykunamantaqa manaña ujpis karqachu. Jefunejpa wawan Calebwan Nunpa wawan Josuellawanña kausakusharqanku.+

27 Chantá Zelofehadpa warmi wawasnin+ qayllaykamorqanku. Sutisninkoqa karqa Mahlá, Noá, Hoglá, Milcá, Tirzá ima. Zelofehadqa Heferpa wawan karqa, Manasesmanta miraj familiasmanta. Hefertaj Galaadpa wawan karqa, Galaadtaj Makirpa wawan karqa, Makirtaj Manasespa wawan karqa, Manasestaj Josejpa wawan karqa. 2 Ajinata Zelofehadpa warmi wawasnenqa qayllaykorqanku Moisesman, sacerdote Eleazarman, kurajkunaman,+ tukuy israelitasmanwan Dioswan tinkukuna toldo punkupi, nerqankutaj: 3 “Tataykoqa chʼin jallpʼapi wañuporqa. Chaywanpis mana Coré parte kajkunawan+ khuskachu karqa Jehová Diospa contranpi oqharikushajtinku. Payqa kikin juchanrayku wañuporqa, nitaj qhari wawasnin kaporqachu. 4 ¿Imaraykutaj tataykoj sutin chinkachisqa kanman familian ukhumanta mana qhari wawan kasqanraykullari? Noqaykumanpis jallpʼata qowayku ari, tataykoj hermanosnin ukhupi”, nispa. 5 Moisestaj chay warmispa mañakusqankuta Jehová Diosman willarqa.+

6 Jehová Diostaj Moisesman nerqa: 7 “Zelofehadpa warmi wawasnenqa cheqallanta parlashanku. Paykunaman jallpʼata qollay, ajinamanta tatankoj hermanosnin ukhupi herencianku kananpaj. Tatanku japʼinan karqa chay jallpʼata paykunaman qoy herenciankupaj.+ 8 Chantapis israelitasman niy: ‘Sichus uj runa mana qhari wawasniyoj wañupun chayqa, paypa herenciantaqa pasachinkichej warmi wawasninman. 9 Sichus warmi wawasninpis mana kanchu chayqa, herenciantaqa hermanosninman qopunkichej. 10 Sichus hermanosninpis mana kanchu chayqa, herenciantaqa tatanpa hermanosninman qopunkichej. 11 Sichus tatanpa hermanosninpis manallataj kanchu chayqa, herenciantaqa qopunkichej familianmanta aswan qaylla parientenman, paytaj chay herenciata japʼikaponqa. Kay kamachisqaqa uj ley kanqa israelitaspaj, Jehová Dios Moisesman kamachisqanman jina’, nispa”.

12 Chantá Jehová Diosqa Moisesta nillarqataj: “Wichariy Abarim orqoman,+ chaymanta rikunki israelitasman qosaj chay jallpʼata.+ 13 Chayta rikuytawan, qanpis hermanoyki Aarón jina wañupunki.+ 14 Israelitas Zin nisqa chʼin jallpʼapi noqawan siminakushajtinku, qankunaqa mana kamachisqayta kasuwarqankichejchu, nitaj israelitaspa ñaupaqenkupi jatunchawarqankichejchu, maypachachus yakuta phullchichimorqani chaypacha.+ Chayqa kashan Cadespi+ Meribá yakus,+ Zin nisqa chʼin jallpʼapi”,+ nispa.

15 Chantá Moisesqa Jehová Diosman nerqa: 16 “Jehová Diosníy, tukuy runasman kausayta qoj Dios, uj runata churay ari, israelitasmanta cuentayoj kananpaj. 17 Pay kamachejninku kanqa tukuy imapi, paykunata pusanqataj pusamonqataj. Ajinamanta Jehová Diosníy, israelita wawasniyki ama mana michejniyoj ovejas jina kanankupaj”, nispa. 18 Jehová Diostaj Moisesman nerqa: “Nunpa wawan Josueta pusamuy. Payqa kamachinanpaj wakichisqaña. Paypa umanman makiykita churay.+ 19 Chantá sayaykuchiy sacerdote Eleazarpa ñaupaqenman, tukuynin israelitaspa ñaupaqenkumanwan. Paykuna rikushajtinku kamachej kananpaj churay.+ 20 Payman autoridadniykimanta* uj chhikanta qoy.+ Ajinamanta tukuynin israelitas payta uyarinankupaj.+ 21 Josueqa renqa sacerdote Eleazarman, paytaj Urimta*+ orqhospa Jehová Diosta tapuponqa, ajinamanta imatachus Dios nisqanta yachananpaj. Josuewan tukuy israelitaswanqa paypa kamachisqanta ruwanqanku”, nispa.

22 Chantá Moisesqa Jehová Dios kamachisqanman jina ruwarqa. Josueta pusarqa sacerdote Eleazarpa ñaupaqenman, tukuy israelitaspa ñaupaqenkumanwan. 23 Chaypitaj makisninta umanman churaspa kamachej kananpaj churarqa,+ Jehová Dios Moisesman nisqanman jina.+

28 Chantá Jehová Diosqa Moisesta nerqa: 2 “Israelitasman kamachiy: ‘Apamuwankichejpuni ofrendayta, tʼantayta. Ninapi qʼolachina* ofrendasniytaqa, ima munayta qʼaparispa sonqoyta tiyaykuchinku chay ofrendasniytaqa maychus fechasninpi jaywawankichej’,+ nispa.

3 ”Chantá paykunaman nillaytaj: ‘Jehová Diosman apamunkichej kay ninapi qʼolachina ofrendata: Sapa día apamunkichej uj watayoj iskay sano corderosta qʼolachina ofrendapaj.+ 4 Ujnin corderotaqa tutamanta jaywankichej, ujnintataj ña chʼisiyaykushajtinña.*+ 5 Chaykunatawan khuska jaywankichej chʼaki mikhuy ofrendata. Sapa ujpajqa kanqa uj kilo jina* sumaj ñutʼu jakʼu, casi uj litro* aceitewan chajrusqa.+ 6 Chayqa sapa día qʼolachina ofrenda,+ ima munayta qʼaparispa Diospa sonqonta tiyaykuchinanpaj. Chayqa Jehová Diospaj ninapi qʼolachina ofrenda. Chayta ruwanataqa Sinaí orqopi kamachikorqa. 7 Sapa corderotaqa Diosman jaywankichej casi uj litro* vino ofrendatawan.+ Chay vinotaqa jichʼankichej santo lugarpi, chayqa Jehová Diospaj vino ofrenda. 8 Chay ujnin corderotataj jaywankichej ña chʼisiyaykushajtinña.* Chaytaqa chʼaki mikhuy ofrendatawan vino ofrendatawan jaywankichej, imaynatachus tutamanta jaywarqankichej ajinata. Chaymin ninapi qʼolachina ofrendaqa, ima munayta qʼaparispa Jehová Diospa sonqonta tiyaykuchinanpaj.+

9 ”’Samarikuna pʼunchaypitajrí+ Diosman jaywankichej uj watayoj iskay sano corderosta. Chʼaki mikhuy ofrendapajtaj jaywankichej aceitewan chajrusqa sumaj ñutʼu jakʼuta, iskay kilosta jina.* Chaytawan khuska jaywallankichejtaj vino ofrendata. 10 Chaymin kashan samarikuna pʼunchaypaj qʼolachina ofrendaqa. Chayqa wajlla kanqa sapa día qʼolachina ofrendamanta nisqaqa, mayqentachus vino ofrendatawan jaywakun chaymanta.+

11 ”’Sapa killa* qallarikuytaqa Jehová Diospaj qʼolachina ofrendata jina apamunkichej iskay torillosta, uj carnerota,* uj watayoj sano qanchis corderostawan.+ 12 Sapa toropajqa chʼaki mikhuy ofrendata+ apamunkichej, aceitewan chajrusqa sumaj ñutʼu jakʼuta, kinsa kilos khuskanniyojta jina.* Carneropajpis+ chʼaki mikhuy ofrendata apamullankichejtaj, aceitewan chajrusqa sumaj ñutʼu jakʼuta, iskay kilosta jina. 13 Sapa corderopajpis chʼaki mikhuy ofrendata apamullankichejtaj, aceitewan chajrusqa sumaj ñutʼu jakʼuta, uj kilota jina. Chaymin qʼolachina ofrendaqa, ima munayta qʼaparispa Diospa sonqonta tiyaykuchinanpaj.+ Chayqa Jehová Diospaj ninapi qʼolachina ofrenda kanqa. 14 Vino ofrendasninkutaj sapa toropajqa kanqa casi iskay litros,*+ carneropajtaj uj litro kuraj,*+ sapa corderopajtaj casi uj litro.*+ Chaymin kashan sapa killapaj qʼolachina ofrendaqa, chaytataj sapa killa watantinta Diosman jaywankichej. 15 Chantapis uj chivito Jehová Diosman jaywasqa kanqa jucharayku ofrendapaj. Chayqa wajlla kanqa sapa día qʼolachina ofrendamanta nisqaqa, mayqentachus vino ofrendatawan jaywakun chaymanta.

16 ”’Chantá ñaupaj killaj 14 pʼunchayninpeqa Jehová Diospa Pascua Fiestan kanqa.+ 17 Chay killallapitaj 15 pʼunchayninpi, waj fiesta kallanqataj. Chaypeqa qanchis diasta mana levadurayoj tʼantata mikhunkichej.+ 18 Ñaupaj kaj pʼunchaypeqa Diosta yupaychanaykichejpaj tantakunkichej, amataj ima sinchʼi trabajotapis ruwankichejchu. 19 Jehová Diospaj ninapi qʼolachina ofrendapajqa apamunkichej iskay torillosta, uj carnerota, uj watayoj qanchis corderosta ima. Chay uywasqa mana imanasqas kananku tiyan.+ 20 Chay uywastawan khuska jaywanapaj apamunkichej chʼaki mikhuy ofrendata, aceitewan chajrusqa sumaj ñutʼu jakʼuta.+ Sapa toropajqa kanqa kinsa kilos khuskanniyoj jina, carneropajtaj kanqa iskay kilos jina, 21 qanchis corderospajtaj, sapa ujpaj kanqa uj kilo jina. 22 Chantá jucharayku ofrendapajqa uj chivota apamunkichej, ajinamanta perdonta tarinaykichejpaj. 23 Chaykunataqa wajllata jaywankichej tutamanta qʼolachina ofrendamanta nisqaqa, mayqentachus sapa día jaywankichej chaymanta. 24 Chaykunataqa mikhunata jina* jaywankichej qanchis diasta, imaynatachus ñaupaj kaj pʼunchaypi jaywankichej ajinata. Chayqa ninapi qʼolachina ofrenda, ima munayta qʼaparispa Jehová Diospa sonqonta tiyaykuchinanpaj. Chayqa jaywasqa kanqa sapa día qʼolachina ofrendawan khuska, mayqentachus vino ofrendatawan jaywakun chaywan khuska. 25 Qanchis kaj pʼunchaypitaj Diosta yupaychanaykichejpaj tantakullankichejtaj,+ amataj ima sinchʼi trabajotapis ruwankichejchu.+

26 ”’Chantá Semanas Fiestaykichejpi+ Diosta yupaychanaykichejpaj tantakullankichejtaj, ñaupaj kaj poqoy fiestapi+ mosoj trigota Jehová Diosman jaywankichej chay pʼunchay.+ Chay diaqa ama ima sinchʼi trabajotapis ruwankichejchu.+ 27 Qʼolachina ofrendapajtaj apamunkichej iskay torillosta, uj carnerota, uj watayoj qanchis corderostawan, ima munayta qʼaparispa Jehová Diospa sonqonta tiyaykuchinanpaj.+ 28 Chay uywastawan khuska jaywanapaj apamullankichejtaj chʼaki mikhuy ofrendata, aceitewan chajrusqa sumaj ñutʼu jakʼuta. Sapa toropajqa kanqa kinsa kilos khuskanniyoj jina, carneropajtaj kanqa iskay kilos jina, 29 qanchis corderospajtaj, sapa ujpaj kanqa uj kilo jina. 30 Chantá uj chivitota apamullankichejtaj, chayta jaywaspa perdonta tarinaykichejpaj.+ 31 Chaykunaqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendantawan jaywakun chaymanta. Sano uywasta jaywankichej,+ vino ofrendasninkutawan khuska.

29 ”’Qanchis kaj killaj ñaupaj pʼunchayninpi, Diosta yupaychanaykichejpaj tantakunkichej, amataj ima sinchʼi trabajotapis ruwankichejchu.+ Chay pʼunchayqa cornetata waqachina pʼunchay.+ 2 Qʼolachina* ofrendata jina apamunkichej uj torillota, uj carnerota,* uj watayoj qanchis corderostawan, ima munayta qʼaparispa Jehová Diospa sonqonta tiyaykuchinanpaj. Chay uywasqa mana imanasqas kananku tiyan. 3 Chay uywastawan khuska jaywanapaj apamunkichej chʼaki mikhuy ofrendankuta, aceitewan chajrusqa sumaj ñutʼu jakʼuta. Toropajqa kanqa kinsa kilos khuskanniyoj jina,* carneropajtaj kanqa iskay kilos jina,* 4 qanchis corderospajtaj, sapa ujpaj kanqa uj kilo jina.* 5 Chantá jucharayku ofrendapajqa uj maltón chivitota apamunkichej, chayta jaywaspa perdonta tarinaykichejpaj. 6 Chayqa wajlla kanqa sapa killa qʼolachina ofrendamanta nisqaqa, jinallataj sapa día qʼolachina ofrendamanta nisqapis, mayqenkunatachus chʼaki mikhuy ofrendankutawan+ vino ofrendasninkutawan+ jaywakun chaykunamanta, imaynatachus ruwana kasqanman jina. Chayqa ninapi qʼolachina ofrenda kanqa, ima munayta qʼaparispa Jehová Diospa sonqonta tiyaykuchinanpaj.

7 ”’Chay qanchis killaj chunka kaj pʼunchayninpitaj Diosta yupaychanaykichejpaj tantakunkichej.+ Chay pʼunchayqa juchasniykichejrayku llakisqa kasqaykichejta rikuchinkichej,* amataj ima sinchʼi trabajotapis ruwankichejchu.+ 8 Jehová Diospaj qʼolachina ofrendata jina apamunkichej uj torillota, uj carnerota, uj watayoj qanchis corderostawan, ima munayta qʼaparispa sonqonta tiyaykuchinanpaj. Chay uywasqa mana imanasqas kananku tiyan.+ 9 Chay uywastawan khuska jaywanapaj apamunkichej chʼaki mikhuy ofrendankuta, aceitewan chajrusqa sumaj ñutʼu jakʼuta. Toropajqa kanqa kinsa kilos khuskanniyoj jina, carneropajtaj kanqa iskay kilos jina, 10 qanchis corderospajtaj, sapa ujpaj kanqa uj kilo jina. 11 Chantá jucharayku ofrendapajqa+ uj maltón chivitota apamunkichej. Chayqa wajlla kanqa perdonta tarinapaj jucharayku ofrendamanta nisqaqa, jinallataj sapa día qʼolachina ofrendamanta nisqapis, mayqentachus chʼaki mikhuy ofrendatawan jaywankichej chaymanta. Chaykunataqa jaywankichej vino ofrendastawan khuska.

12 ”’Chay qanchis killaj 15 pʼunchayninpitaj Diosta yupaychanaykichejpaj tantakullankichejtaj, amataj ima sinchʼi trabajotapis ruwankichejchu. Qanchis días juntʼata Jehová Diospaj fiestata ruwankichej.+ 13 Qʼolachina ofrendata jina apamunkichej 13 torillosta, iskay carnerosta, uj watayoj 14 corderostawan. Chayqa kanqa ninapi qʼolachina ofrenda,+ ima munayta qʼaparispa Jehová Diospa sonqonta tiyaykuchinanpaj. Chay uywasqa mana imanasqas kananku tiyan.+ 14 Chay uywastawan khuska jaywanapaj apamunkichej chʼaki mikhuy ofrendankuta, aceitewan chajrusqa sumaj ñutʼu jakʼuta. Chay 13 torospajqa sapa ujpaj kanqa kinsa kilos khuskanniyoj jina, iskay carnerospajtaj sapa ujpaj kanqa iskay kilos jina, 15 chay 14 corderospajtaj, sapa ujpaj kanqa uj kilo jina. 16 Chantá jucharayku ofrendapajqa uj maltón chivitota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendatawan jaywankichej chaymanta.+

17 ”’Iskay kaj pʼunchaypitaj apamunkichej 12 torillosta, iskay carnerosta, uj watayoj 14 corderostawan. Chay uywasqa sanos kananku tiyan.+ 18 Chay torosta, chay carnerosta, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 19 Chantá jucharayku ofrendapajqa uj maltón chivitota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendantawan jaywankichej chaymanta. Chaykunataqa jaywankichej vino ofrendasninkutawan khuska.+

20 ”’Kinsa kaj pʼunchaypitaj apamunkichej 11 torosta, iskay carnerosta, uj watayoj 14 corderostawan. Chay uywasqa sanos kananku tiyan.+ 21 Chay torosta, chay carnerosta, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 22 Chantá jucharayku ofrendapajqa uj chivota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendatawan jaywankichej chaymanta.+

23 ”’Tawa kaj pʼunchaypitaj apamunkichej chunka torosta, iskay carnerosta, uj watayoj 14 corderostawan. Chay uywasqa mana imanasqas kananku tiyan.+ 24 Chay torosta, chay carnerosta, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 25 Chantá jucharayku ofrendapajqa uj maltón chivitota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendatawan jaywankichej chaymanta.+

26 ”’Phishqa kaj pʼunchaypitaj apamunkichej jisqʼon torosta, iskay carnerosta, uj watayoj 14 corderostawan. Chay uywasqa sanos kananku tiyan.+ 27 Chay torosta, chay carnerosta, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 28 Chantá jucharayku ofrendapajqa uj chivota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendatawan jaywankichej chaymanta.+

29 ”’Sojta kaj pʼunchaypitaj apamunkichej pusaj torosta, iskay carnerosta, uj watayoj 14 corderostawan. Chay uywasqa sanos kananku tiyan.+ 30 Chay torosta, chay carnerosta, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 31 Chantá jucharayku ofrendapajqa uj chivota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendastawan jaywankichej chaymanta.+

32 ”’Qanchis kaj pʼunchaypitaj apamunkichej qanchis torosta, iskay carnerosta, uj watayoj 14 corderostawan. Chay uywasqa sanos kananku tiyan.+ 33 Chay torosta, chay carnerosta, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 34 Chantá jucharayku ofrendapajqa uj chivota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendatawan jaywankichej chaymanta.+

35 ”’Pusaj kaj pʼunchaypitaj uj sumaj tantakuyta ruwankichej, amataj ima sinchʼi trabajotapis ruwankichejchu.+ 36 Qʼolachina ofrendata jina apamunkichej uj torota, uj carnerota, uj watayoj qanchis corderostawan. Chayqa kanqa ninapi qʼolachina ofrenda, ima munayta qʼaparispa Jehová Diospa sonqonta tiyaykuchinanpaj. Chay uywasqa sanos kananku tiyan.+ 37 Chay torota, chay carnerota, chay corderostapis jaywankichej chʼaki mikhuy ofrendatawan vino ofrendastawan khuska, mashkha uywaschus kasqankuman jina, imaynatachus ruwana kasqanman jina. 38 Chantá jucharayku ofrendapajqa uj chivota apamunkichej. Chayqa wajlla kanqa sapa día qʼolachina ofrendamanta nisqaqa, mayqentachus chʼaki mikhuy ofrendatawan vino ofrendatawan jaywankichej chaymanta.+

39 ”’Tukuy chaykunataqa Jehová Diosman jaywankichej fiestasniykichejpi.+ Chaykunaqa wajlla kanqa ruwasaj nisqaykichej ofrendasniykichejmanta+ nisqaqa, jinallataj aparimusqaykichej ofrendasniykichejmantapis,+ mayqenkunachus kanku qʼolachina ofrendasniykichej,+ chʼaki mikhuy ofrendasniykichej,+ vino ofrendasniykichej,+ khuska mikhurikuy ofrendasniykichej+ ima’”. 40 Chantá Moisesqa tukuy chayta israelitasman willarqa, Jehová Dios payman kamachisqanman jina.

30 Chantá Moisesqa Israel ayllusta* kamachejkunaman+ nerqa: “Jehová Diosqa kayta kamachin: 2 Sichus uj qhari Jehová Diosman juraspa nin imatapis ruwananta+ chayri juraspa nin+ imamantapis waqaychakunanta chayqa, chay nisqantaqa juntʼanan tiyan.+ Payqa ruwananpuni tiyan imatachus ruwasaj nisqanta.+

3 ”Sichus uj sipas tatanpa wasinpi tiyakushaspallaraj, Jehová Diosman juraspa nin imatapis ruwananta chayri imamantapis waqaychakunanta, 4 tatantaj chay ruwasaj nisqanta yachaspa mana imatapis ninchu chayqa, chay sipasqa juntʼanan tiyan imastachus ruwasaj nisqanta chayri imasmantachus waqaychakunanta nisqanta. 5 Sitajchus tatan imastachus ruwasaj nisqanta yachaspa chayri imasmantachus waqaychakunanta nisqanta yachaspa mana munanchu ruwananta chayqa, chay nisqantaqa manaña juntʼananchu tiyan. Jehová Diostaj chay sipasta perdonanqa, tatan mana ruwananta munasqanrayku.+

6 ”Sichus chay sipas imatapis ruwasaj nisqanmantaña chayri mana allinta piensarikuspalla imatapis ruwasaj nisqanmantaña casarakun, 7 qosantaj chayta yachasqan día mana imatapis ninchu chayqa, chay warmeqa juntʼanan tiyan imatachus ruwasaj nisqanta chayri imamantachus waqaychakunanta nisqanta. 8 Sitajchus qosan chayta yachasqan día mana ruwananta munanchu chayqa, chay warmeqa manaña juntʼananchu tiyan chay ruwasaj nisqanta chayri mana allinta piensarikuspalla imatapis ruwasaj nisqanta.+ Jehová Diostaj payta perdonanqa.

9 ”Sichus uj viuda warmi chayri uj divorciasqa warmi juraspa nin imatapis ruwananta chayqa, juntʼananpuni tiyan chay ruwasaj nisqanta.

10 ”Sichus uj casarasqa warmi qosanpa wasinpi kashaspa juraspa nin imatapis ruwananta chayri imamantapis waqaychakunanta, 11 qosantaj chayta yachaytawan mana imatapis ninchu, nitaj jarkʼanchu chayqa, chay warmeqa juntʼanan tiyan imatachus ruwasaj nisqanta chayri imamantachus waqaychakunanta nisqanta. 12 Sitajchus qosan imatachus ruwasaj nisqanta yachaspa chayri juraspa imamantapis waqaychakunanta nisqanta yachaspa, chay yachasqan día mana munanchu ruwananta chayqa, warmenqa imatachus ruwasaj nisqanta manaña juntʼananchu tiyan.+ Jehová Diostaj chay warmita perdonanqa, qosan mana ruwananta munasqanrayku. 13 Qosanqa imatachus warmin ruwasaj nisqanta yachaspa chayri juraspa imamantapis waqaychakunanta nisqanta yachaspa, niyta atin warmin ruwananta chayri mana ruwanantapis. 14 Sichus qosan chayta yachaspa mana imatapis ninchu, diastaj pasapunman paytaj chʼinllapuni kanman chayqa, payqa saqeshan warmin juntʼananta imatachus ruwasaj nisqanta chayri imamantachus waqaychakunanta nisqanta. Chayta yachasqan día mana imatapis nisqanrayku, qosanqa warminta saqeshan imatachus ruwasaj nisqanta juntʼananta. 15 Sichus qosan yachasqan diamanta qhepataña mana ruwananta nin chayqa, pay apanqa warminpa juchanta”,+ nispa.

16 Chay imasta Jehová Diosqa Moisesman kamacherqa uj qosamanta warminmantawan, jinallataj uj tatamanta wasinpi tiyakoj sipas wawanmantawan.

31 Chantá Jehová Diosqa Moisesta nerqa: 2 “Madianitas imatachus israelitasta ruwasqankumanta+ vengakamuy.+ Chay qhepatataj wañupunki”,+ nispa.

3 Chantá Moisesqa israelitasman nerqa: “Qankuna ukhumanta runasta wakichiychej madianitaswan maqanakoj rinankupaj, ajinamanta Jehová Diospa sutinpi madianitasmanta vengakunaykichejpaj. 4 Sapa ayllumanta* 1.000 israelitasta guerraman kachaychej”, nispa. 5 Ajinapi waranqa waranqa israelitas ukhumanta,+ 12.000 soldadosta guerraman rinankupaj wakicherqanku, sapa ayllumanta 1.000 israelitasta.

6 Chantá Moisesqa sapa ayllumanta 1.000 israelitasta guerraman kacharqa, Eleazarpa wawan sacerdote Finehastawan khuska.+ Finehasqa soldadoswan rerqa, makinpitaj aparqa Diospaj tʼaqasqa imasta, maqanakupaj waqachina cornetastawan.+ 7 Paykunaqa madianitaswan maqanakamorqanku, Jehová Dios Moisesman kamachisqanman jina. Chaypitaj tukuynin qharista wañuracherqanku. 8 Wañuchillarqankutaj Madianmanta phishqa reyesta: Evita, Requemta, Zurta, Hurta, Rebata ima. Chantapis espadawan wañucherqanku Beorpa wawan Balaamta.+ 9 Chaywanpis israelitasqa Madianmanta warmista, wawasta ima presosta apakaporqanku. Chantapis madianitaspa tukuy animalesninkuta, tukuy imasninkutawan japʼikaporqanku. 10 Madianitas tiyakorqanku chay tukuynin llajtasninkutataj ninawan ruphaykucherqanku, jinallataj tukuynin campamentosninkutapis.* 11 Paykunaqa tukuy ima qhechusqankuta apakaporqanku, runasta, uywasta ima. 12 Chantá chay presosta, chay tukuy ima qhechusqankutawan aparqanku Moisesman, sacerdote Eleazarman, israelitasmanwan. Chaykunataqa aparqanku campamento qayllaman, mayqenchus kasharqa Moab chʼin pampaspi,+ Jordán qayllapi, Jericó chimpapi chayman.

13 Moiseswan, sacerdote Eleazarwan, Israelmanta tukuynin kamachejkunawantaj, paykunata taripaj rerqanku campamentomanta jawaman. 14 Moisesqa mayta phiñakorqa guerramanta kutimoj kurajkunapaj, pikunachus soldadosta kamachejkuna karqanku chaykunapaj. Wakenqa 1.000 soldadosta kamachejkuna karqanku, wakintaj 100 soldadosta kamachejkuna. 15 Paykunamantaj nerqa: “¿Ima nispataj warmista mana wañuchinkichejchuri? 16 Kay warmisqa Balaampa nisqanta uyarispa israelitasta inkitarqanku Jehová Diosta wasanchanankupaj,+ Baal Peor nisqa diostataj+ yupaychanankupaj. Chayrayku wañuchej onqoy jamorqa Jehová Diospa wawasnin israelitasman.+ 17 Kunanqa wañuchiychej tukuy qhari wawasta, jinallataj qhariwan puñuykorqankuña chay warmistapis. 18 Jinapis ama wañuchiychejchu manaraj qhariwan puñuykoj sipaskunataqa.+ 19 Chaymantataj campamentomanta jawapi qanchis diasta kankichej. Kinsa kaj pʼunchaypi, qanchis kaj pʼunchaypipis llimphuchakunkichej,+ tukuy pikunachus runata* wañuchejkuna, jinallataj wañusqata llojchejkunapis.+ Apamorqankichej chay presospis llimphuchakullachunkutaj. 20 Chantá tukuy ropasta, qaramanta ruwasqa imasta, cabra pelomanta* ruwasqa imasta, kʼullumanta ruwasqa imastapis llimphuchaychej”, nispa.

21 Chaymanta sacerdote Eleazarqa guerraman rej soldadosman nerqa: “Kay leyta Jehová Diosqa Moisesman qorqa: 22 ‘Orota, qolqeta, cobreta, fierrota, estañota, plomota,* 23 imaschá ninapi mana ruphanchu chaykunata, ninaman churaspa llimphuchaychej. Chaykunataqa llimphuchana yakuwanpis llimphuchallaychejtaj.+ Imastachá nina ruphan chaykunatataj yakullawan mayllaychej. 24 Qanchis kaj pʼunchaypitaj ropasniykichejta tʼajsakunkichej, llimphuchasqataj kankichej. Chaymantaraj campamentoman yaykumunkichej’,+ nispa”.

25 Chantá Jehová Diosqa Moisesta nerqa: 26 “Qanwan, sacerdote Eleazarwan, israelitasmanta familiaspi uma kajkunawan ima, yupaychej imastachus guerraman rejkuna apamusqankuta, warmista, uywasta ima. 27 Chay apamusqankutaqa iskayman tʼaqanki. Khuskanqa guerraman rej soldadospaj kanqa, khuskantaj chay ujnin israelitaspaj kanqa.+ 28 Guerraman rej soldadosman tocasqanmantaqa, Jehová Diospaj tʼaqapunki sapa phishqa pachajmanta ujta,* warmismanta, wakasmanta, burrosmanta, ovejasmanta ima. 29 Chaytaqa soldadosman khuskan tocasqanmanta tʼaqanki, sacerdote Eleazarmantaj qonki Jehová Diospaj kananpaj.+ 30 Israelitasman khuskan tocasqanmantataj, sapa phishqa chunkamanta ujta tʼaqanki, warmismanta, wakasmanta, burrosmanta, ovejasmanta, ima uywaschá kan chaykunamantawan. Chaykunatataj levitasman qonki,+ pikunachus Jehová Diosta yupaychana toldo wasipi ruwanasta ruwanku chaykunaman”,+ nispa.

31 Moiseswan sacerdote Eleazarwantaj tukuy chayta ruwarqanku, Jehová Dios Moisesman kamachisqanman jina. 32 Guerraman rej soldadospa qhechumusqankoqa tukuyninpi karqa* 675.000 ovejas, 33 chantá 72.000 wakas, 34 chantá 61.000 burros. 35 Mana qhariwan puñuykoj warmistaj+ 32.000 karqanku. 36 Guerraman rej soldadosman khuskan tocajqa karqa 337.500 ovejas. 37 Chay ovejasmanta Jehová Diospaj tʼaqasqa kajtaj 675 ovejas karqa. 38 Paykunaman tocallarqataj 36.000 wakas. Chaykunamantaqa Jehová Diospaj tʼaqarqanku 72 wakasta. 39 Chantá 30.500 burrosmanta Jehová Diospaj tʼaqarqanku 61 burrosta. 40 Warmistaj 16.000 karqanku. Chaykunamantaqa Jehová Diospaj tʼaqarqanku 32 warmista. 41 Moisesqa Jehová Diospaj tukuy chay tʼaqasqa kajta sacerdote Eleazarman qorqa,+ Jehová Dios payman kamachisqanman jina.

42 Guerraman rej soldadosman tocasqanmanta Moisés israelitaspaj khuskanta tʼaqasqantaj 43 karqa 337.500 ovejas, 44 chantá 36.000 wakas, 45 chantá 30.500 burros. 46 Warmistaj 16.000 karqanku. 47 Chantá Moisesqa israelitasman tocarqa chay khuskanmanta tʼaqarqa sapa phishqa chunkamanta ujta, warmismanta, uywasmanta ima. Chaytataj levitasman qorqa,+ pikunachus Jehová Diosta yupaychana toldo wasipi ruwanasta ruwanku chaykunaman.+ Chaytaqa ruwarqa Jehová Dios payman kamachisqanman jina.

48 Chantá tropa soldadosta kamachejkunaqa, nisunman 1.000 soldadosta kamachejkuna,+ 100 soldadosta kamachejkuna ima, Moisesman chimpaykorqanku, 49 nerqankutaj: “Noqayku kamachisniykeqa cuentaykupi kaj soldadosta yupayku, pikunachus guerraman rerqanku chaykunata, nitaj ujpis faltanchu.+ 50 Kunanqa sapa ujniyku imastachus apamorqayku chaymanta Jehová Diosman jaywasqayku ari, oromanta ruwasqa imasta, chakiman churakuna cadenasta, manillasta, sellana anillosta, aretesta, waj kʼachanchanastawan. Chaywan Jehová Diospa ñaupaqenpi perdonta tarinaykupaj”, nispa.

51 Moiseswan sacerdote Eleazarwanqa tukuy chay orota japʼerqanku, nisunman tukuy chay kʼachanchanasta. 52 Waranqa soldadosta kamachejkuna, chantá 100 soldadosta kamachejkuna Jehová Diosman jaywanankupaj orota apamusqankoqa, tukuynin pesarqa 16.750 siclos.* 53 Guerraman rej soldados sapa ujninku chay imasta apakamusqanku. 54 Moiseswan sacerdote Eleazarwanqa tukuy chay orota japʼerqanku, mayqentachus 1.000 soldadosta kamachejkuna, 100 soldadosta kamachejkuna ima apamorqanku chayta. Chaytataj apaykorqanku Dioswan tinkukuna toldoman, ajinamanta israelitas yuyarikunankupaj imatachus Jehová Dios paykunarayku ruwasqanta.*

32 Rubenpa mirayninmanta kajkuna,+ Gadpa mirayninmanta kajkunapis+ ashkha uywasniyoj karqanku. Paykunaqa repararqanku Jazer+ jallpʼaswan Galaad jallpʼaswanqa, uywasta michinapaj sumaj kasqanta. 2 Chayrayku Rubenpa mirayninmanta kajkuna, Gadpa mirayninmanta kajkunapis Moisesman, sacerdote Eleazarman, israelitasmanta kamachejkunaman ima chimpaspa nerqanku: 3 “Atarot, Dibón, Jazer, Nimrá, Hesbón,+ Elealé, Sebam, Nebo,+ Beón ima,+ 4 mayqenkunatachus israelitas Jehová Diospa yanapayninwan qhechorqanchej chay jallpʼasqa,+ uywasta michinapaj sumaj kanku. Noqayku kamachisniykitaj ashkha uywasniyoj kayku”,+ nispa. 5 Chantá nillarqankutaj: “Sichus qanman allin rijchʼasunki chayqa, noqayku kamachisniykiman chay jallpʼasta qowayku ari. Amañataj Jordán mayuta chimpachiwaykuchu ari”, nispa.

6 Moisestajrí Gadpa mirayninmanta kajkunaman, Rubenpa mirayninmanta kajkunamanpis nerqa: “Hermanosniykichej maqanakoj rinankukama, ¿kayllapiñachu qhepakuyta munashankichej? 7 ¿Imaraykutaj israelitasta iskayrayachishankichej Jehová Dios paykunaman qonanpuni kashan chay jallpʼaman mana chimpanankupajri? 8 Tatasniykichejpis kikillantataj ruwarqanku jallpʼasta qhawamunankupaj Cadés-Barneamanta kacharqani chaypacha.+ 9 Paykunaqa Escol mayuman*+ rispa chay jallpʼasta qhawamorqanku. Kutimuspataj israelitasta iskayrayacherqanku, ima jallpʼatachus Jehová Dios paykunaman qonanta nerqa chayman ama yaykunankupaj.+ 10 Chayrayku Jehová Diosqa chay pʼunchay mayta phiñakorqa, juraspataj nerqa:+ 11 ‘Egiptomanta llojsimojkunamanta veinteyojmanta pataman kajkunaqa, mana rikonqankuchu ima jallpʼatachus+ Abrahanman, Isaacman, Jacobman ima juraspa qonayta nerqani chayta.+ Imaraykuchus paykunaqa mana tukuy nisqayta kasuwarqankuchu. 12 Quenizita Jefunejpa wawan Calebwan,+ Nunpa wawan Josuellawan+ chay jallpʼataqa rikonqanku, Jehová Diosta tukuy sonqo kasukusqankurayku’,+ nispa. 13 Chayrayku Jehová Diosqa chay israelitaspaj mayta phiñakorqa, chʼin jallpʼapitaj paykunata 40 watasta puriykachacherqa,+ Jehová Diospa ñaupaqenpi mana allinta ruwasqankurayku tukuyninku wañuranankukama.+ 14 Kunanqa qankunañataj chay juchasapa tatasniykichej jina ruwayta munaspa, Jehová Diosta astawan phiñachiyta munashankichej israelitaspa contranpi. 15 Sichus qankuna nisqallaykichejta ruwankichej chayqa, payqa watejmanta israelitasta chʼin jallpʼaspi saqerparenqa. Chantá qankuna juchayoj kankichej tukuy israelitas wañunankupaj”, nispa.

16 Chaymanta paykunaqa Moisesman qayllaykuspa nerqanku: “Uywasniykupaj kaypi rumi kanchasta* perqakullasqayku ari, wawasniykupajpis llajtasta ruwapusqayku. 17 Wakichisqallapunitaj kasqayku maqanakupaj,+ israelitaspa ñaupaqenkutataj risqayku japʼikunanku kashan chay jallpʼaman chayachinaykukama. Chaykamataj wawasniykoqa sumaj jarkʼachasqa llajtaspi qhepakonqanku, kay llajtayojkunamanta sumaj jarkʼasqas. 18 Noqaykoqa mana wasisniykuman kutinpusqaykuchu sapa israelita jallpʼata japʼikunankama.+ 19 Kay inti llojsimuy ladopiña jallpʼata japʼispaqa, manaña ima jallpʼatapis japʼisqaykuchu Jordán chimpapeqa, nitaj aswan jaqaypipis”,+ nispa.

20 Moisestaj paykunaman kuticherqa: “Qankunaqa kaytaraj ruwankichej: Jehová Dios nisqanman jina maqanakuman rinkichej.+ 21 Sapa ujniykichej Jordán mayuta chimpaspa Jehová Diospa sutinpi maqanakamunkichej, paytaj enemigosninta ñaupaqenmanta wijchʼonqa.+ 22 Jehová Diospa yanapayninwan maqanakamunkichej, chay jallpʼaspi tiyakojkunata atipanaykichejkama.+ Sichus chayta ruwankichej chayqa, recién kutinpunkichej,+ ajinamanta mana juchayojchu kankichej Jehová Diospa ñaupaqenpi, israelitaspa ñaupaqenkupipis. Chantaraj kay jallpʼataqa Jehová Dios qankunaman qosonqachej.+ 23 Sichus chayta mana ruwankichejchu chayqa, Jehová Diospa contranpi juchallikunkichej, chay juchaykichejmantataj cuentata qonkichej. 24 Kunanqa wawasniykichejpaj llajtasta ruwakullaychej, uywasniykichejpajpis kanchasta perqakullaychej.+ Jinapis maqanakamusqayku nishankichej chaytaqa juntʼankichejpuni”, nispa.

25 Chantá Gadpa mirayninmanta kajkunawan Rubenpa mirayninmanta kajkunawanqa, Moisesta nerqanku: “Wiraqochíy, kay kamachisniykeqa imatachus kamachishawayku chayta ruwasqaykupuni. 26 Wawasniyku, warmisniyku, tukuy uywasniykupis Galaadpi ruwakusqayku chay llajtaspi qhepakonqanku.+ 27 Noqayku kamachisniykitajrí chimpasqayku. Tukuyniykutaj Jehová Diospa ñaupaqenpi maqanakamusqayku,+ imaynatachus qan wiraqochíy kamachishawayku ajinata”, nispa.

28 Chaymanta Moisesqa uj kamachiyta qorqa sacerdote Eleazarman, Nunpa wawan Josueman, israelita ayllusmanta* familiaspi uma kajkunaman ima. 29 Moisesqa paykunaman kay jinata kamacherqa: “Sichus Gadpa mirayninmanta kajkuna, Rubenpa mirayninmanta kajkunapis Jordán mayuta qankunawan khuska chimpaspa, Jehová Diospa ñaupaqenpi maqanakamonqanku chay jallpʼasta japʼikapunaykichejkama chayqa, Galaad jallpʼata paykunaman qopunkichej, chaypi tiyakunankupaj.+ 30 Sichus mana qankunawan chimpanqankuchu maqanakamoj chayqa, paykunaqa qankunawan khuska jallpʼata Canaanpi japʼikonqanku”, nispa.

31 Chayta uyarispa Gadpa mirayninmanta kajkunawan Rubenpa mirayninmanta kajkunawan kuticherqanku: “Kay kamachisniykeqa Jehová Diospa nisqanta ruwasqayku. 32 Jehová Diospa ñaupaqenta Canaán jallpʼaman chimpaspa maqanakamusqayku.+ Chaywanpis jallpʼataqa Jordán mayoj kay ladonpi japʼikusqayku”, nispa. 33 Ajinamanta Moisesqa jallpʼasta qorqa Gadpa mirayninmanta kajkunaman, Rubenpa mirayninmanta kajkunaman,+ Manasespa khuskan ayllunman+ ima. Manasesqa Josejpa wawan karqa. Paykunamanqa qorqa amorreospa reyninku Sehonpa kamachiyninpi karqa chay jallpʼasta,+ Basanmanta rey Ogpa kamachiyninpi karqa chay jallpʼastawan.+ Tukuy chay jallpʼasta, llajtasninta, muyuyninpi kaj llajtastawan paykunaman qorqa.

34 Gadpa mirayninmanta kajkunaqa watejmanta ruwarqanku kay llajtasta: Dibonta,+ Atarotta,+ Aroerta,+ 35 Atrot-Sofanta, Jazerta,+ Jogbehata,+ 36 Bet-Nimrata,+ Bet-Haranta+ ima. Chaykunaqa jarkʼachasqa llajtas karqanku. Uywasninkupajpis rumi kanchasta perqarqanku. 37 Rubenpa mirayninmanta kajkunataj watejmanta ruwarqanku kay llajtasta: Hesbonta,+ Elealeta,+ Quiryataimta,+ 38 Nebota,+ Baal-Meonta+ ima. Chay llajtasmantaj waj sutista churarqanku. Chantapis ruwallarqankutaj Sibmá llajtata. Chay ruwasqanku llajtasmantaj waj sutista churarqanku.

39 Manasespa wawan Makirpa mirayninmanta kajkunaqa,+ Galaadpi tiyakoj amorreosta qharqospa chay jallpʼasta paykunamanta qhechorqanku. 40 Chaymantataj Moisesqa chay Galaad jallpʼasta Manasespa wawan Makirpa mirayninmanta kajkunaman qoporqa. Ajinamanta paykunaqa chaypi tiyakorqanku.+ 41 Manasés ayllumanta Jairpis Galaad jallpʼaspi toldosniyoj* ranchosta amorreosmanta qhechumorqa, chaykunatataj suticharqa Havot-Jaír*+ nispa. 42 Nobahtaj Quenat llajtata qhechuspa japʼikaporqa, muyuyninpi kaj ranchostawan. Chay llajtatataj kikin Nóbah sutillanwantaj suticharqa.

33 Kaykuna karqanku israelitaspa jarakusqasninku, Egiptomanta llojsimusqankumantapacha. Israelitasqa llojsimorqanku+ mayqen tʼaqamantachus kasqankuman jina.*+ Paykunataqa Moiseswan Aaronwan pusarqanku.+ 2 Moisesqa qhelqarqa maykunapichus israelitas jarakusqankuta, Jehová Dios kamachisqanman jina. Kaykunataj karqanku chay jarakusqasninku, maymantachus purirerqanku, maymanchus chayarqanku chaykunaj sutisnin:+ 3 Israelitasqa Ramesesmanta+ purirerqanku ñaupaj kaj killaj 15 pʼunchayninpi,+ Pascua pʼunchaypa qʼayantin.+ Paykunaqa mana manchachikuspa llojserqanku tukuy egipciospa rikunankuta. 4 Chaykamataj egipciosqa tukuy kuraj wawasninkuta pʼampasharqanku, pikunatachus Jehová Dios wañurachisqa chaykunata.+ Chantapis Jehová Diosqa egipciospa diosesninkuta castigarqa.+

5 Israelitasqa Ramesés jallpʼamanta llojsispa Sucotpi jarakorqanku.+ 6 Sucotmanta puririspataj Ezampi jarakorqanku,+ chʼin jallpʼa kantupi. 7 Ezammanta puririspataj Pihahirotman kutirerqanku, Baal-Zefón chimpaman,+ Migdol qayllapitaj jarakorqanku.+ 8 Pihahirotmanta puririspataj mar qocha chaupinta+ chʼin jallpʼaman+ chimparqanku. Chaymantataj kinsa día puriyta Ezam+ chʼin jallpʼanta riytawan, Marapi jarakorqanku.+

9 Chantá Maramanta puririspa Elimman chayarqanku. Chaypeqa karqa 12 yaku juturis, 70 palmera sachʼas+ ima, chayrayku chaypi jarakorqanku. 10 Elimmanta puririspataj Puka mar chaynejpi jarakorqanku. 11 Puka marmanta puririspataj Sin nisqa chʼin jallpʼapi jarakorqanku.+ 12 Sin nisqa chʼin jallpʼamanta puririspataj Dofcapi jarakorqanku. 13 Dofcamanta puririspataj Aluspi jarakorqanku. 14 Alusmanta puririspataj Refidimpi jarakorqanku.+ Chaypeqa mana yaku karqachu tomanankupaj. 15 Refidimmanta puririspataj Sinaí chʼin jallpʼapi jarakorqanku.+

16 Sinaí chʼin jallpʼamanta puririspataj Quibrot-Hataavapi+ jarakorqanku. 17 Quibrot-Hataavamanta puririspataj Hazerotpi+ jarakorqanku. 18 Hazerotmanta puririspataj Ritmapi jarakorqanku. 19 Ritmamanta puririspataj Rimón-Perezpi jarakorqanku. 20 Rimón-Perezmanta puririspataj Libnapi jarakorqanku. 21 Libnamanta puririspataj Risapi jarakorqanku. 22 Risamanta puririspataj Quehelatapi jarakorqanku. 23 Quehelatamanta puririspataj Séfer orqopi jarakorqanku.

24 Séfer orqomanta puririspataj Haradapi jarakorqanku. 25 Haradamanta puririspataj Maquelotpi jarakorqanku. 26 Maquelotmanta puririspataj+ Tahatpi jarakorqanku. 27 Tahatmanta puririspataj Tarepi jarakorqanku. 28 Taremanta puririspataj Mitcapi jarakorqanku. 29 Mitcamanta puririspataj Hasmonapi jarakorqanku. 30 Hasmonamanta puririspataj Moserotpi jarakorqanku. 31 Moserotmanta puririspataj Bene-Jaacanpi+ jarakorqanku. 32 Bene-Jaacanmanta puririspataj Hor-Haguidgadpi jarakorqanku. 33 Hor-Haguidgadmanta puririspataj Jotbatapi+ jarakorqanku. 34 Jotbatamanta puririspataj Abronapi jarakorqanku. 35 Abronamanta puririspataj Ezión-Gueberpi+ jarakorqanku. 36 Ezión-Guebermanta puririspataj Cadespi jarakorqanku, Zin nisqa chʼin jallpʼapi.+

37 Chantá Cadesmanta puririspa Hor orqopi+ jarakorqanku, Edom jallpʼawan tinkuypi. 38 Sacerdote Aaronqa, chay Hor orqoman wicharerqa Jehová Dios kamachisqanman jina. Chaypitaj wañuporqa israelitas Egiptomanta llojsimusqankumanta 40 watapi, phishqa kaj killaj ñaupaj pʼunchayninpi.+ 39 Aaronqa chay Hor orqopi wañuporqa 123 watasniyoj kashaspa.

40 Chaypacha Arad+ llajtamanta cananeo reyqa Neguebpi tiyakusharqa, Canaán jallpʼapi. Payqa uyarerqa israelitas jamushasqankuta.

41 Chay qhepata israelitasqa Hor orqomanta+ puririytawan Zalmonapi jarakorqanku. 42 Zalmonamanta puririspataj Punonpi jarakorqanku. 43 Punonmanta puririspataj Obotpi jarakorqanku.+ 44 Obotmanta puririspataj Iyé-Abarimpi jarakorqanku, Moab jallpʼawan+ tinkuypi. 45 Iyimmanta puririspataj Dibón-Gadpi+ jarakorqanku. 46 Dibón-Gadmanta puririspataj Almón-Diblataimpi jarakorqanku. 47 Almón-Diblataimmanta puririspataj Abarim orqospi+ jarakorqanku, Nebo+ chimpapi. 48 Abarim orqosmanta puririspataj Moab chʼin pampaspi jarakorqanku, Jordán mayu qayllapi, Jericó chimpapi.+ 49 Israelitasqa jarakorqanku Jordán mayu kantupi, Bet-Jesimotmanta Abel-Sitimkama.+ Chayqa kashan Moab chʼin pampaspi.

50 Jehová Diosqa Moab chʼin pampaspi Jordán mayu qayllapi, Jericó chimpapi Moisesman nerqa: 51 “Israelitasman kayta niy: ‘Jordán mayuta chimpaspa Canaán jallpʼaman yaykuychej.+ 52 Chayman yaykuspataj tukuy chaypi tiyakojkunata ñaupaqeykichejmanta qharqonkichej. Chantapis phirirankichej tukuynin yupaychana rumisninkuta,+ metalmanta santosninkutapis.*+ Phirillankichejtaj maypichus santosninkuta yupaychanku chay pata lugarestapis.+ 53 Chay jallpʼasta japʼikapuspa chaypi tiyakunkichej. Noqamin chay jallpʼasta qankunaman qosqaykichej chaypi tiyakunaykichejpaj.+ 54 Chay jallpʼastaqa tukuy familias partinakunkichej suerteta* choqaspa.+ Ashkha kajkunamanqa jatun jallpʼata qonkichej, pisilla kajkunamantaj juchʼuy jallpʼallata qonkichej.+ Sapa ujqa jallpʼata japʼikonqa maymanchus suerte chayanqa chayman jina. Jallpʼataqa japʼikunkichej mayqen ayllumantachus* tatasniykichej kasqankuman jina.+

55 ”’Sichus qankuna chay runasta chay jallpʼasmanta mana qharqonkichejchu chayqa,+ chaypi qhepakojkunaqa ñawisniykichejpi qʼopa jina kanqanku, khishka jinataj cuerpoykichejta* tʼojsisonqachej. Paykunaqa chay jallpʼaspi tiyakushajtiykichej llakichisonqachej.+ 56 Chantá noqaqa qankunata ruwasqaykichej imatachá chay jallpʼaspi tiyakojkunata ruwayta yuyarqani chayta’,+ nispa”.

34 Jehová Diosqa Moisesman nillarqataj: 2 “Israelitasman kayta kamachiy: ‘Canaán jallpʼaman+ chayaspaqa chay jallpʼasta herenciapaj japʼikapunkichej. Chay jallpʼaspa lindesnenqa* kaykuna kanqa:+

3 ”’Sur ladoman* lindeqa kanqa Zin nisqa chʼin jallpʼamantapacha. Chayqa kashan Edomwan tinkuypi. Chay lindeqa qallarenqa inti llojsimuy ladopi, Kachi qochaj* ura kantunmantapacha.+ 4 Chaymanta linkʼuykuspataj* Acrabim wichaykama+ chayanqa. Chantá Zin nisqa chʼin jallpʼanta pasaspa, Cadés-Barneaj+ sur ladonkama chayanqa. Chaymantataj Hazar-Addarninta+ rillanqapuni Azmonkama. 5 Azmonmanta linkʼuykuspataj chay lindeqa rillanqapuni Egipto mayunta* Jatun markama.*+

6 ”’Inti yaykuy ladoman lindeqa Jatun mar* kantunta renqa. Chay mar kanqa inti yaykuy ladoman jallpʼaykichejpa lindenqa.+

7 ”’Norte ladoman* lindeqa kanqa Jatun marmanta Hor orqokama. 8 Chay Hor orqomantataj rillanqapuni Lebó-Hamatkama.*+ Chaymanta rispallapunitaj chayanqa Zedadkama.+ 9 Chay lindeqa rillanqapuni Zifronkama, tukukonqataj Hazar-Enanpi.+ Chaymin kanqa norte ladoman lindeykichejqa.

10 ”’Inti llojsimuy ladoman lindeqa kanqa Hazar-Enanmanta Sefamkama. 11 Sefammantataj renqa Riblakama. Chayqa kashan Ainpa inti llojsimuynin ladopi. Chaymanta uraykuspataj pasanqa Kinéret qochaj*+ lomasninta, inti llojsimuy ladonta. 12 Chay lindeqa rillanqapuni Jordán mayunta Kachi qochaj+ tukukuyninkama. Chaymin jallpʼasniykichejpa+ lindesnin kanqa’”.

13 Chantá Moisesqa israelitasman kayta kamacherqa: “Chay jallpʼastaqa partinakunkichej suerteta* choqaspa.+ Chayta Jehová Diosqa nerqa jisqʼon ayllus* khuskanniyojman qonanta. 14 Rubén ayllumanta kajkunaqa jallpʼata japʼikunkuña, jinallataj Gad ayllumanta kajkunapis, Manasespa khuskan ayllunpis.+ 15 Chay iskay ayllus khuskanniyojqa, jallpʼata herenciankupaj japʼikunkuña Jordán mayoj inti llojsimuynin ladopi, Jericó chimpapi”,+ nispa.

16 Chaymanta Jehová Diosqa Moisesta nerqa: 17 “Chay jallpʼastaqa partisonqachej sacerdote Eleazarwan,+ Nunpa wawan Josuewan.+ 18 Qankunaqa sapa ayllumanta uj kurajta ajllankichej jallpʼata partiypi yanapakunanpaj.+ 19 Kay runasta ajllankichej: Judá ayllumanta+ Jefunejpa wawan Calebta,+ 20 Simeón ayllumanta+ Amihudpa wawan Semuelta, 21 Benjamín ayllumanta+ Kislonpa wawan Elidadta, 22 Dan ayllumanta+ Joglijpa wawan Buquita. 23 Josejpa wawan+ Manasés ayllumantataj+ ajllankichej Efodpa wawan Hanielta. 24 Josejpa ujnin wawan Efraín ayllumantataj+ ajllankichej Siftanpa wawan Quemuelta. 25 Ajllallankichejtaj Zabulón ayllumanta+ Parnacpa wawan Elizafanta, 26 Isacar ayllumanta+ Azanpa wawan Paltielta, 27 Aser ayllumanta+ Selomijpa wawan Ahihudta, 28 Neftalí ayllumanta+ Amihudpa wawan Pedahelta ima”, nispa. 29 Chay runasman Jehová Diosqa kamacherqa Canaán jallpʼata israelitasman partinankuta.+

35 Jehová Diosqa Moab chʼin pampaspi, Jordán mayu qayllapi,+ Jericó chimpapi Moisesman nerqa: 2 “Israelitasman niy ima jallpʼastachus japʼikonqanku chay jallpʼaspi levitasman llajtasta qonankuta, chaypi tiyakunankupaj.+ Chantapis qollachunkutaj chay llajtaspa muyuyninpi pasto jallpʼasta.+ 3 Levitasqa chay llajtaspi tiyakonqanku, chay pasto jallpʼaspitaj uywasninkuta michenqanku, waj animalesninkupis chaypi kanqanku. 4 Levitasman qonkichej chay llajtaspa muyuyninpi pasto jallpʼasqa, llajta perqamanta jawaman 445 metros kanqa.* 5 Chay pasto jallpʼasqa sapa ladoman chhikachajkama kanqanku 890 metroskama, inti llojsimuy ladoman, sur ladoman,* inti yaykuy ladoman, norte ladomanpis,* llajtaj kantun muyurisqa.

6 ”Levitasman qonkichej chay llajtasmanta sojtaqa pakakuna llajtas+ kanqanku. Chay llajtasmanqa runata wañuchejkuna ayqekonqanku.+ Chantá levitasman qollankichejtaj waj 42 llajtastawan. 7 Levitasmanqa tukuyninpi qonkichej 48 llajtasta, pasto jallpʼasninkutawan.+ 8 Chay llajtastaqa qonkichej israelitas japʼikusqanku jallpʼaspi.+ Jatuchaj ayllus* kajkunamantaqa aswan ashkha llajtasta qonkichej, juchʼuy aylluslla kajkunamantataj pisi llajtasllata qonkichej.+ Sapa aylloqa llajtasta levitasman qonkichej may chhikanchus jallpʼaykichej kasqanman jina”, nispa.

9 Chantá Jehová Diosqa Moisesta nillarqataj: 10 “Israelitasman kayta niy: ‘Qankunaqa Jordán mayuta chimpankichej Canaán jallpʼaman.+ 11 Wakin llajtasta ajllankichej pakakuna llajtas kanankupaj. Chay llajtasqa chayayta atinapaj jinalla kananku tiyan. Chaymanqa ayqenqa pichus mana munaspalla runata wañuchej.+ 12 Chaypi payqa pakakonqa wañojpa vengakojnin*+ ama payta wañuchinanpaj. Ajinamanta chay runaqa mana wañuchisqachu kanqa juezkuna juzganankukama.*+ 13 Levitasman qonkichej chay llajtasmanta sojtaqa, pakakuna llajtas kanqanku. 14 Kinsa pakakuna llajtasqa kanqanku Jordán mayumanta kay ladopi,+ kinsa pakakuna llajtastaj Canaán jallpʼapi.+ 15 Chay sojta llajtaspi pakakuyta atenqanku israelitas, forasteros,+ israelitaswan tiyakoj forasteros ima. Chayman pakakoj ayqenqanku mana munaspalla runata wañuchejkuna.+

16 ”’Sichus pillapis runa masinta ima fierrowanpis maqaykun, chay runataj wañun chayqa, chay runaqa runa wañuchi. Chayrayku paypis wañuchisqallataj kanan tiyan.+ 17 Sichus pipis wañuchinanpaj jina rumiwan runa masinta chʼanqaykun, chay runataj wañun chayqa, chay runaqa runa wañuchi. Chayrayku wañuchisqallataj kanan tiyan. 18 Sichus pillapis wañuchinanpaj jina ima kʼulluwanpis runa masinta wajtarpan, chay runataj wañun chayqa, chay runaqa runa wañuchi. Chayrayku wañuchisqallataj kanan tiyan.

19 ”’Runata wañuchejtaqa, chay wañojpa vengakojnin taripaspa wañuchenqa. 20 Sichus pipis runa masinta chejnikusqanrayku maymanpis tanqaykun, chayri wañuchiytapuni munaspa* imawanpis chʼanqaykun,+ 21 manachayrí chejnikuspa sajmarpan, chay runataj wañun chayqa, chayta ruwaj runaqa wañuchisqa kanan tiyan, runa wañuchi kasqanrayku. Paytaqa wañojpa vengakojnin taripaspa wañuchenqa.

22 ”’Sichus pipis mana yuyaspalla, nitaj chejnikuspalla runa masinta maymanpis tanqaykun, chayri mana wañuchiyta munaspalla* imawanpis chʼanqaykun,+ 23 manachayrí mana rikuspalla rumiwan kachaykun, nitaj enemigonchu karqa, nitaj imanaytapis munarqachu, chay runataj wañun chayqa, 24 chay runata wañuchejwan, wañojpa vengakojninwanqa juezkunaman rinanku tiyan, paykuna kay kamachiykunaman jina ruwanankupaj.+ 25 Ajinamanta juezkunaqa chay runata libranqanku wañojpa vengakojnin wañuchinanmanta. Paytataj kutichenqanku pakakuna llajtaman, maymanchus ayqekorqa chayman. Paytaj chaypi tiyakonqa, santo aceitewan jichʼasqa karqa chay kuraj kaj sacerdote* wañupunankama.+

26 ”’Sichus chay runa pakakuna llajtaj lindesninmanta* llojsinman, 27 wañojpa vengakojnintaj llajtamanta jawapi taripaspa payta wañuchinman chayqa, chay vengakojqa mana juchayojchu kanqa wañuchisqanmanta. 28 Chayrayku chay runaqa mana llojsinanchu tiyan pakakuna llajtamanta, kuraj kaj sacerdote wañupunankama. Kuraj kaj sacerdote wañupojtintaj jallpʼanman kutipuyta atenqa.+ 29 Maypichá tiyakunkichej chaypi pitapis juzgashaspaqa kay leyesman jina ruwankichej. Mirayniykichejpa mirayninpis kikillantataj ruwanqanku.

30 ”’Sichus pillapis uj runata wañuchin chayqa, testigos kanan tiyan chay runa wañuchisqallataj kananpaj.+ Uj testigolla kajtintajrí+ chay runaqa mana wañuchisqachu kanqa. 31 Runata wañuchejpa kausayninmantaqa, ama ima qolqetapis japʼinkichejchu ama wañuchisqa kananpajqa. Chay runaqa wañuchisqapuni kanan tiyan.+ 32 Pakakuna llajtaman ayqekojmantapis amallataj qolqeta japʼinkichejchu, llajtanman kutipunanpaj pagayta munajtenqa. Payqa chay pakakuna llajtapi kanqa kuraj kaj sacerdote wañupunankama.

33 ”’Ama tiyakunkichej chay jallpʼasta chʼichichankichejchu runata wañuchispa. Runata wañucheyqa jallpʼata chʼichichan.+ Jallpʼataj runata wañuchisqamanta mana llimphuchasqa kayta atinchu.* Llimphuchasqa kananpajqa, pichus runata wañuchejqa wañuchisqallataj kanan tiyan.+ 34 Maypichus tiyakunkichej chay jallpʼastaqa ama chʼichichankichejchu, imaraykuchus noqa Jehová Diosqa qankunawan tiyakushani, noqamin qankuna ukhupi kashani’”.+

36 Galaadpa mirayninmanta uma kajkunaqa qayllakorqanku Moisesman, israelitasmanta kurajkunaman ima. Galaadqa Makirpa+ wawan karqa, Makirtaj Manasespa wawan karqa, Manasestaj Josejpa wawan karqa. 2 Chay uma kajkunaqa qayllaykuspa nerqanku: “Wiraqochíy, Jehová Diosqa kamachisorqa suerteta* choqaspa israelitasman jallpʼasta partinaykita.+ Chantapis wiraqochíy, Jehová Diosqa kamachillasorqataj hermanoyku Zelofehadpa jallpʼasninta warmi wawasninman qopunaykita.+ 3 Kunanqa sichus chay warmi wawasnin waj ayllumanta* israelita qhariswan casarakonqanku chayqa, herencia jallpʼasninkoqa tatasniykoj herencianmanta qhechusqa kanqa. Chay jallpʼasqa mayqen ayllumanta kajkunawanchus casaranqanku chayman pasaponqa. Ajinamanta suertepi chayawarqayku chay jallpʼasqa pisiyaponqa. 4 Israelitaspaj Kacharichina Wata+ chayamojtinpis, chay warmispa herencia jallpʼankoqa, ima ayllumanta kajkunawanchus casarakonqanku chay ayllupaj kaponqa. Ajinamanta chay jallpʼasqa manaña tatasniykoj ayllunpatañachu kanqa”, nispa.

5 Chaymanta Moisesqa israelitasman kamacherqa Jehová Diospa nisqanta: “Josejpa mirayninpa ayllunmanta kajkunaqa maychus kajllata parlashanku. 6 Jehová Diosqa kayta kamachin Zelofehadpa wawasninpaj: ‘Paykunaqa pillawanpis casarakuyta atinku, chaywanpis casarakunanku tiyan tatankoj ayllunmanta kaj qharisllawan. 7 Israelitaspa herencia jallpʼankoqa mana uj ayllumanta waj aylluman pasananchu tiyan. Tukuy israelitasqa ñaupa tatasninkoj ayllunman chayaj jallpʼata japʼinanku tiyan. 8 Israelita ayllus ukhupi sichus uj warmejta herencia jallpʼan tiyapun chayqa, tatanpa ayllunmanta kaj qharillawan casaranan tiyan.+ Ajinamanta israelitas ñaupa tatasninkoj jallpʼasninkuta japʼinallankupajpuni. 9 Herencia jallpʼasqa mana uj ayllumanta waj aylluman pasananchu tiyan. Tukuy israelita ayllusqa paykunalla jallpʼasninkuta japʼinanku tiyan’, nispa”.

10 Zelofehadpa warmi wawasnenqa, Jehová Dios Moisesman kamachisqanman jina ruwarqanku.+ 11 Paykunaqa tatankoj hermanosninpa wawasninkuwan casarakorqanku. Zelofehadpa chay warmi wawasnenqa karqanku Mahlá, Tirzá, Hoglá, Milcá, Noá ima.+ 12 Paykunaqa Josejpa wawan Manasespa familiasninmanta kaj qhariswan casarakorqanku. Ajinamanta herencia jallpʼankoqa tatankoj ayllun ukhullapipuni karqa.

13 Chay kamachiykunata, chay leyestawan Jehová Diosqa Moisesman kamacherqa israelitasman willananpaj, Moab chʼin pampaspi, Jordán mayu qayllapi, Jericó chimpapi.+