ÑAUPAJ KAJ CRÓNICAS

5 Jafetpa qhari wawasnenqa karqanku: Gómer, Magog, Madái, Javán, Tubal,+ Mesec,+ Tirás+ ima.

6 Gomerpa qhari wawasnenqa karqanku: Askenaz, Rifat, Togarmá+ ima.

7 Javanpa qhari wawasnenqa karqanku: Elisá, Tarsis, Kitim, Rodanim ima.

8 Campa qhari wawasnenqa karqanku: Cus,+ Mizraim, Put, Canaán+ ima.

9 Cuspa qhari wawasnenqa karqanku: Sebá,+ Havilá, Sabtá, Raamá,+ Sabtecá ima.

Raamajpa qhari wawasnenqa karqanku Sebawan Dedanwan.+

10 Nemrodpis Cuspa wawallantaj karqa. Nemrodqa+ kay jallpʼapi niraj pipis atiyniyoj kashajtin, may atiyniyoj runaman tukorqa.

11 Mizraimqa Ludimpa+ tatan karqa, chantá Anamimpata, Lehabimpata, Naftuhimpata,+ 12 Patrusimpata,+ Casluhimpata, Caftorimpata+ ima. Filisteosqa+ Casluhimpa mirayninmanta karqanku.

13 Canaanpa kuraj wawanqa Sidón+ karqa, sullkʼantaj Het+ karqa. 14 Canaanpa mirayninmanta jamorqanku: jebuseos,+ amorreos,+ guirgaseos,+ 15 heveos,+ arqueos, sineos, 16 arvadeos,+ zemareos, hamateos ima.

18 Arpaksadqa Selaj+ tatan karqa, Selataj Eberpa tatan karqa.

19 Eberpataqa iskay qhari wawasnin karqa. Ujninpata sutin karqa Péleg,*+ chay tiempopi runas kay jallpʼapi tʼaqanakusqankurayku. Pelegpa hermanontaj Joctán sutikorqa.

20 Joctanqa Almodadpa tatan karqa, chantá Selefpata, Hazarmavetpata, Jerahjpata,+ 21 Hadorampata, Uzalpata, Diclajpata, 22 Obalpata, Abimaelpata, Sebajpata, 23 Ofirpata,+ Havilajpata,+ Jobabpatawan. Chay tukuynin karqanku Joctanpa wawasnin.

28 Abrahanpa wawasnenqa karqanku Isaacwan+ Ismaelwan.+

29 Paykunaj wawasninku kaykuna karqanku: Ismaelpa kuraj wawanqa Nebayot+ karqa, chantá Quedar,+ Adbeel, Mibsam,+ 30 Mismá, Dumá, Masá, Hadad, Temá, 31 Jetur, Nafís, Quedemá ima. Chaykuna Ismaelpa wawasnin karqanku.

32 Abrahanpa tanta warmin* Queturaj+ wawasnenqa karqanku: Zimrán, Jocsán, Medán, Madián,+ Isbac, Súah+ ima.

Jocsanpa wawasnintaj karqanku Sebawan Dedanwan.+

33 Madianpa qhari wawasnenqa karqanku: Efá,+ Éfer, Hanok, Abidá, Eldaá ima.

Tukuy chaykuna karqanku Queturaj wawasnin.

34 Abrahanqa Isaacpa+ tatan karqa. Isaacpa wawasnintaj karqanku Esauwan+ Israelwan.+

35 Esaujpa qhari wawasnenqa karqanku: Elifaz, Reuel, Jeús, Jalam, Coré+ ima.

36 Elifazpa qhari wawasnenqa karqanku: Temán,+ Omar, Zefó, Gatam, Quenaz, Timná, Amalec+ ima.

37 Reuelpa qhari wawasnenqa karqanku: Náhat, Zérah, Samá, Mizá+ ima.

38 Seirpa+ qhari wawasnenqa karqanku: Lotán, Sobal, Zibeón, Aná, Disón, Ézer, Disán+ ima.

39 Lotanpa qhari wawasnenqa karqanku Horiwan Homamwan. Lotanpa hermananqa Timná+ karqa.

40 Sobalpa qhari wawasnenqa karqanku: Alván, Manáhat, Ebal, Sefó, Onam ima.

Zibeonpa qhari wawasnenqa karqanku Ayawan Anawan.+

41 Anaj qhari wawanqa* Disón karqa.

Disonpa qhari wawasnenqa karqanku: Hemdán, Esbán, Itrán, Kerán+ ima.

42 Ezerpa+ qhari wawasnenqa karqanku: Bilhán, Zaaván, Achán* ima.

Disanpa qhari wawasnenqa karqanku Uzwan Aranwan.+

43 Kay reyes Edom+ jallpʼapi gobernarqanku israelitas* manaraj reyesniyoj kashajtinku:+ Beorpa wawan Bela, paypa llajtanqa Dinhabá karqa. 44 Bela wañupojtintaj, Zerahj wawan Jobab gobernarqa. Zerahqa Bozrá+ llajtamanta karqa. 45 Jobab wañupojtintaj, cuentanmanta gobernarqa Husam. Payqa karqa temanitaspa jallpʼankumanta. 46 Husam wañupojtintaj, Bedadpa wawan Hadad gobernarqa. Payqa Moab jallpʼapi madianitasta atiparqa, llajtantaj Avit karqa. 47 Hadad wañupojtintaj, Samlá gobernarqa, payqa Masrecá llajtayoj karqa. 48 Samlá wañupojtintaj Shaúl gobernarqa, payqa karqa Mayu kantupi Rehobot llajtamanta. 49 Shaúl wañupojtintaj, Acborpa wawan Baal-Hanán gobernarqa. 50 Baal-Hanán wañupojtintaj, Hadad gobernarqa. Hadadpa llajtanqa Paú karqa, warmintaj Mehetabel sutikorqa. Warmenqa Matredpa wawan karqa, Mezahabpa allchhintaj. 51 Chantá Hadadqa wañuporqa.

Edom jallpʼasmanta aylluspa* kurajkunasnin kaykuna karqanku: Timná, Alvá, Jetet,+ 52 Oholibamá, Elá, Pinón, 53 Quenaz, Temán, Mibzar, 54 Magdiel, Iram ima. Chaykuna karqanku Edom ayllusmanta kurajkuna.

2 Israelpa+ qhari wawasnenqa kaykuna karqanku: Rubén,+ Simeón,+ Leví,+ Judá,+ Isacar,+ Zabulón,+ 2 Dan,+ José,+ Benjamín,+ Neftalí,+ Gad,+ Aser+ ima.

3 Judaj qhari wawasnenqa karqanku: Er, Onán, Selá ima. Chay kinsa wawasnenqa cananea+ warminpi karqa. Warmenqa Súa sutiyoj runaj wawan karqa. Jehová Diostaj Judajpa kuraj wawan Er imaynatachus kausakusqanta mana allinpajchu qhawarqa, chayrayku wañucherqa.+ 4 Judajtaqa ñojchʼan* Tamarpi+ iskay wawasnin karqa: Pérez,+ Zérah ima. Judaj wawasnenqa tukuyninku phishqa karqanku.

5 Perezpa wawasnenqa karqanku Hezronwan Hamulwan.+

6 Zerahjpa wawasnenqa karqanku: Zimrí, Etán, Hemán, Calcol, Dará ima. Tukuyninku phishqa karqanku.

7 Carmij wawanqa* Achar* karqa. Acharqa Israelman jatun llakiyta* apamorqa.+ Payqa mana kasukorqachu kamachisqankuta, tukuy ima chinkachisqa kananta kamachisqankuta.+

8 Etanpa wawanqa* Azarías karqa.

9 Hezronpa qhari wawasnin kaykuna karqanku: Jerahmeel,+ Ram,+ Kelubái* ima.

10 Ramqa Aminadabpa tatan karqa.+ Aminadabtaj Nahsonpa+ tatan karqa. Nahsonqa Judaj mirayninpa kuraj kamachejnin karqa. 11 Nahsonqa Salmaj+ tatan karqa. Salmataj Boazpa+ tatan karqa. 12 Boazqa Obedpa tatan karqa. Obedtaj Jesejpa+ tatan karqa. 13 Jesejpa kuraj wawanqa Eliab karqa, paypa sullkʼantaj Abinadab+ karqa, kinsa kajtaj Simeá+ karqa, 14 tawa kajtaj Netanel karqa, phishqa kajtaj Radái karqa, 15 sojta kajtaj Ozem karqa, qanchis kajtaj David+ karqa. 16 Paykunaj hermanasninkutaj karqanku Zeruyawan Abigailwan.+ Zeruyaj qhari wawasnintaj kinsa karqanku: Abisái,+ Joab,+ Asahel+ ima. 17 Abigailpa wawanqa Amasá+ karqa. Amasaj tatantaj ismaelita Jéter karqa.

18 Hezronpa wawan Calebqa* wawasniyoj karqa warmin Azubapi, warmin Jeriotpipis. Paypa wawasnin karqanku: Jéser, Sobab, Ardón ima. 19 Azubá wañupojtintaj Calebqa Efratwan+ casarakorqa. Wawankutaj Hur+ sutikorqa. 20 Hurqa Urij tatan karqa, Uritaj Bezalelpa+ tatan karqa.

21 Hezronqa 60 watasniyoj kashaspa Makirpa warmi wawanwan casarakorqa. Makirqa+ Galaadpa+ tatan karqa. Chantá Hezronqa warminwan puñuykorqa, wawankutaj Segub sutikorqa. 22 Segubqa Jairpa+ tatan karqa, paypataqa Galaad jallpʼaspi+ iskay chunka kinsayoj llajtasnin tiyaporqa. 23 Chantá Guesurwan+ Siriawan+ runasmanta qhechorqanku Havot-Jairta,+ Quenatta,+ muyuyninpi kaj ranchostawan, 60 llajtasta qhechorqanku. Chaykuna karqanku Galaadpa tatan Makirpa miraynin.

24 Hezronqa+ Caleb-Efratapi wañuporqa, pay wañupusqantawan warmin Abiasqa Asjurta+ nacechikorqa. Asjurqa Tecoaj+ tatan karqa.

25 Hezronpa kuraj wawanqa Jerahmeel karqa. Jerahmeelpa kuraj wawantaj Ram karqa, chantá Buná, Orén, Ozem, Ahíya ima. 26 Jerahmeelpataqa waj warmin kallarqataj Atará sutiyoj, payqa Onampa maman karqa. 27 Jerahmeelpa kuraj wawanqa Ram karqa. Rampa wawasnenqa karqanku: Maaz, Jamín, Équer ima. 28 Onampa wawasnenqa karqanku Samaiwan Jadawan. Samaij wawasnenqa karqanku Nadabwan Abisurwan. 29 Abisurpa warmenqa Abihail karqa, wawasninkutaj karqanku Ahbanwan Molidwan. 30 Nadabpa wawasnenqa karqanku Seledwan Apaimwan. Seledtaj mana wawayoj wañuporqa. 31 Apaimpa wawanqa* Isí karqa. Isij wawantaj* Sesán karqa. Sesanpa wawantaj* Ahlái karqa. 32 Samaijpa hermanon Jadajpa wawasnenqa karqanku Jeterwan Jonatanwan. Jeterqa mana wawasniyoj wañuporqa. 33 Jonatanpa wawasnin karqanku Pelezwan Zazawan. Chaykuna karqanku Jerahmeelpa miraynin.

34 Sesanpataqa mana qhari wawasnin karqachu, warmi wawasnillan karqa. Sesanpataqa Egiptomanta uj kamachin kallarqataj, Jarhá sutiyoj. 35 Sesantaj ujnin warmi wawanta casaracherqa chay kamachin Jarhawan. Paykunaj wawankutaj Atái karqa. 36 Ataiqa Natanpa tatan karqa. Natanqa Zabadpa tatan karqa. 37 Zabadqa Eflalpa tatan karqa. Eflalqa Obedpa tatan karqa. 38 Obedqa Jehujpa tatan karqa. Jehuqa Azariaspa tatan karqa. 39 Azariasqa Helezpa tatan karqa. Helezqa Eleasaj tatan karqa. 40 Eleasaqa Sismaijpa tatan karqa. Sismaiqa Salumpa tatan karqa. 41 Salumqa Jecamiaspa tatan karqa. Jecamiasqa Elisamajpa tatan karqa.

42 Jerahmeelpa hermanon Calebpa*+ qhari wawasnenqa kaykuna karqanku: kuraj wawanqa Mesá karqa. Mesaqa Zifpa tatan karqa. Chantá Maresaj wawasninpis kallarqankutaj, Maresaqa Hebronpa tatan karqa. 43 Hebronpa qhari wawasnenqa karqanku: Coré, Tapúah, Réquem, Sema ima. 44 Semaqa Rahampa tatan karqa. Rahamqa Jorqueampa tatan karqa. Requemqa Samaijpa tatan karqa. 45 Samaijpa wawanqa Maón karqa. Maonqa Bet-Zurpa+ tatan karqa. 46 Calebpa ujnin tanta warmenqa* Efá karqa, paypa wawasnintaj karqanku: Harán, Mozá, Gazez ima. Haranqa Gazezpa tatan karqa. 47 Jahdaijpa wawasnenqa karqanku: Réguem, Jotán, Guesán, Pélet, Efá, Sáaf ima. 48 Calebpa ujnin tanta warmenqa Maacá karqa, paypa wawasnintaj karqanku Seberwan Tirhanawan. 49 Chantá Maacajta waj wawasnin kallarqataj, ujnenqa karqa Sáaf, payqa Madmanajpa+ tatan karqa. Ujnin wawantaj Sevá karqa, payqa Macbenajta Guibeajtawan+ tatanku karqa. Calebpa+ warmi wawanqa Acsá+ karqa. 50 Chaykuna karqanku Calebpa miraynin.

Efrataj+ kuraj wawanqa Hur+ karqa. Hurpa qhari wawasnintaj kaykuna karqanku: ujnenqa Sobal karqa, payqa Quiryat-Jearimpa+ tatan karqa. 51 Ujnin wawantaj Salmá karqa, payqa Belenpa+ tatan karqa. Ujnin wawantaj Haref karqa, payqa Bet-Gaderpa tatan karqa. 52 Quiryat-Jearimpa tatan Sobalpata wawasnintaj karqanku: Haroé, jinallataj Menuhotpi runasmanta khuskannin. 53 Quiryat-Jearimpa familiasnenqa karqanku itritas,+ putíes, sumatitas, misraítas ima. Paykuna ukhumanta rikhurerqanku zoratitaswan+ estaolitaswan.+ 54 Salmaj wawasnin karqanku Belén,+ netofatitas, Atrot-Bet-Joab, manahatitaspa zoritaspa khuskannin ima. 55 Jabezpi tiyakorqanku chay qhelqerispa familiasninkoqa karqanku: tirateos, simeateos, sucateos ima. Chaykuna karqanku quenitas,+ Hammatpa mirayninmanta kajkuna. Hammatqa Recabpa+ familianpa tatanku karqa.

3 Davidpataqa kay qhari wawasnin Hebronpi+ nacekorqanku: kuraj kaj wawanqa Amnón+ karqa, mamantaj Jezreelmanta Ahinoam+ karqa. Iskay kaj wawanqa Daniel karqa, mamantaj Carmelomanta Abigaíl+ karqa. 2 Kinsa kaj wawanqa Absalón+ karqa, mamantaj Maacá karqa. Maacaqa Guesurmanta rey Talmaijpa wawan karqa. Tawa kaj wawanqa Adonías+ karqa, mamantaj Haguit karqa. 3 Phishqa kaj wawanqa Sefatías karqa, mamantaj Abital karqa. Sojta kaj wawanqa Itream karqa, mamantaj Eglá karqa, Davidpa ujnin warmin. 4 Davidpataqa chay sojta qhari wawasnin Hebronpi nacekorqanku. Davidqa Hebronpi kamacherqa qanchis watasta sojta killastawan. Jerusalenpitaj kamacherqa 33 watasta.+

5 Davidpataqa kay qhari wawasnin Jerusalenpi nacekorqanku:+ Simeá, Sobab, Natán,+ Salomón+ ima. Chay tawa wawasninpa mamankoqa Amielpa wawan Bat-Seba+ karqa. 6 Waj jisqʼon wawasnintaj karqanku: Ibhar, Elisamá, Elifélet, 7 Noga, Néfeg, Jafía, 8 Elisamá, Eliadá, Elifélet ima. 9 Chay tukuynin karqanku Davidpa qhari wawasnin. Chantapis waj wawasnin kallarqataj tanta warmisninpi.* Tamarqa+ chay wawasninpa hermananku karqa.

10 Salomonpa wawanqa Rehoboam+ karqa. Rehoboampa wawanqa Abías+ karqa. Abiaspa wawanqa Asá+ karqa. Asaj wawanqa Jehosafat+ karqa. 11 Jehosafatpa wawanqa Jehoram+ karqa. Jehorampa wawanqa Ocozías+ karqa. Ocoziaspa wawanqa Jehoás+ karqa. 12 Jehoaspa wawanqa Amasías+ karqa. Amasiaspa wawanqa Azarías+ karqa. Azariaspa wawanqa Jotán+ karqa. 13 Jotanpa wawanqa Ajaz*+ karqa. Ajazpa wawanqa Ezequías+ karqa. Ezequiaspa wawanqa Manasés+ karqa. 14 Manasespa wawanqa Amón+ karqa. Amonpa wawanqa Josías+ karqa. 15 Josiaspa qhari wawasnenqa kaykuna karqanku: kuraj wawanqa Johanán karqa, iskay kajtaj Jehoiaquim+ karqa, kinsa kajtaj Sedequías+ karqa, tawa kajtaj Salum karqa. 16 Jehoiaquimpa wawanqa Jeconías+ karqa, Jeconiaspa wawantaj Sedequías karqa. 17 Jeconías preso kashajtin waj wawasnin tiyapullarqataj, chaykunataj karqanku: Sealtiel, 18 Malkiram, Pedaya, Senazar, Jecamías, Hosamá, Nedabías ima. 19 Pedayaj wawasnenqa karqanku Zorobabelwan+ Simeiwan. Zorobabelpa wawasnenqa karqanku Mesulamwan Hananiaswan, paykunaj hermanankutaj Selomit karqa. 20 Zorobabelpataqa waj phishqa wawasnin kapullarqataj, chaykunataj karqanku: Hasubá, Ohel, Berekías, Hasadías, Jusab-Hésed ima. 21 Hananiaspa wawasnenqa karqanku Pelatiaswan Jesayawan. Jesayaj wawanqa* Refayá karqa. Refayaj wawanqa* Arnán karqa. Arnanpa wawanqa* Abdías karqa. Abdiaspa wawanqa* Secanías karqa. 22 Secaniaspa miraynenqa* karqanku Semaya, Semayaj wawasnintaj: Hatús, Igal, Barías, Nearías, Safat ima. Secaniaspa miraynenqa tukuyninku sojta karqanku. 23 Neariaspa qhari wawasnenqa kinsa karqanku: Elioenái, Hizquías, Azricam ima. 24 Elioenaijpa qhari wawasnenqa qanchis karqanku: Hodavías, Eliasib, Pelayá, Acub, Johanán, Delayá, Ananí ima.

4 Judaj qhari wawasnenqa karqanku: Pérez,+ Hezrón,+ Carmí, Hur,+ Sobal+ ima. 2 Sobalpa wawan Reayaqa Jahatpa tatan karqa. Jahattaj Ahumaijta Lahadpatawan tatanku karqa. Chaykuna karqanku zoratitaspa+ familiasninku. 3 Etampa+ tatanpata qhari wawasnenqa kaykuna karqanku: Jezreel, Ismá, Idbás ima. (Paykunaj hermanankutaj Hazelelponí karqa). 4 Penuelqa Guedorpa tatan karqa. Ezerqa Husaj tatan karqa. Chaykuna Hurpa+ wawasnin karqanku. Hurqa Efrataj kuraj wawan karqa, Belenpa+ tatantaj. 5 Tecoaj+ tatan Asjurqa+ iskay warmisniyoj karqa, ujnenqa Helá karqa, ujnintaj Naará karqa. 6 Naaraqa Asjurwan kay wawasniyoj karqanku: Ahuzam, Héfer, Temení, Haahastarí ima. Chaykuna Naaraj wawasnin karqanku. 7 Helaj wawasnintaj karqanku: Zéret, Izhar, Etnán ima. 8 Cozpa wawasnenqa karqanku: Anub, Zobebá, Aharhelpa familiasnin ima. Aharhelqa Harumpa wawan karqa.

9 Jabezqa hermanosninmanta nisqaqa aswan allinpaj qhawasqa karqa. Maman paymanqa Jabez* sutita churarqa, “kay wawataqa nanaywan nacechikuni” nispa. 10 Jabezqa Israelpa Diosninmanta kay jinata mañakorqa: “Diosníy, bendicillaway ari, ashkha jallpʼasniyoj kanaypaj yanapaway ari. Diosníy, ladollaypipuni kay ari, sajra imasmantapis jarkʼakuway ari, ama ima llakiypis qhatirinawanpaj”, nispa. Diostaj chay mañakusqanta qorqa.

11 Suhaj hermanon Kelubqa Mehirpa tatan karqa. Mehirtaj Estonpa tatan karqa. 12 Estonpa wawasnenqa karqanku: Bet-Rafá, Paséah, Tehiná ima. Tehinaqa Ir-Nahaspa tatan karqa. Chaykuna karqanku Recamanta runas. 13 Quenazpa wawasnenqa karqanku Otnielwan Serayawan. Otnielpa+ wawanqa* Hatat karqa. 14 Meonotaiqa Ofraj tatan karqa. Serayaqa Joabpa tatan karqa. Joabtaj Gue-Harasimpa* tatan karqa. Payqa Gue-Harasim sutiyoj karqa, chaypi runas tukuy imata ruwayta yachasqankurayku.

15 Jefunejpa wawan Calebpa+ wawasnenqa karqanku: Iru, Elá, Naam ima. Elaj wawanqa* Quenaz karqa. 16 Jehalelelpa wawasnenqa karqanku: Zif, Zifá, Tiría, Asarel ima. 17 Ezraj wawasnenqa karqanku: Jéter, Méred, Éfer, Jalón ima. Warmenqa* nacechikorqa Miriamta, Samaita, Isbatawan. Isbaqa Estemoaj tatan karqa. 18 (Judía warmenqa nacechikorqa Jeredta, Jeredqa Guedorpa tatan karqa. Chantá nacechikullarqataj Heberta, Heberqa Socojpa tatan karqa. Nacechikullarqataj Jecutielta, Jecutielqa Zanoahjpa tatan karqa). Chaykuna karqanku Bitiaspa wawasnin. Bitiasqa faraonpa* warmi wawan karqa, Meredwantaj casarakorqa.

19 Nahampa hermananqa Hodiaspa warmin karqa, paypa wawasnenqa garmita Queilaj tatasnin karqanku, maacatita Estemoajtawan. 20 Shimonpa wawasnin karqanku: Amnón, Riná, Ben-Hanán, Tilón ima. Isij wawasnenqa karqanku Zohetwan Ben-Zohetwan.

21 Judaj wawan Selajpa+ wawasnenqa karqanku: Er, Erqa Lecaj tatan karqa, chantá Laadá, Laadaqa Maresaj tatan karqa. Chantapis wawasnillantaj karqanku fino telasta ruwaj familias, chaykunaqa Asbeaj mirayninmanta karqanku. 22 Chantá Selaj waj wawasnin karqanku: Joquim, Cozebamanta runas, Joás, Saraf ima, paykunaqa Moabita warmiswan casararqanku, chantá kallarqataj Jasubí-Léhem. Chay listasqa ñaupa qhelqasqaspi kashan.* 23 Paykunaqa mankata ruwajkuna karqanku, Netaimpi Guederapipis tiyakoj kanku. Chaypi tiyakuspa reypaj trabajaj kanku.

24 Simeonpa+ wawasnenqa karqanku: Nemuel, Jamín, Jarib, Zérah, Shaúl+ ima. 25 Shaulqa Salumpa tatan karqa. Salumqa Mibsampa tatan karqa. Mibsamqa Mismajpa tatan karqa. 26 Mismaj wawasnenqa karqanku: wawan Hamuel, wawan Zacur, wawan Simeí ima. 27 Simeijtaqa kaporqa 16 qhari wawasnin, sojta warmi wawasnin. Hermanosnintaj mana ajina ashkha wawasniyojchu karqanku. Nitaj mayqen familiasninkupis Judamanta runas jinaqa ashkha wawasniyojchu karqanku.+ 28 Paykunaqa tiyakorqanku Beer-Sebapi,+ Moladapi,+ Hazar-Sualpi,+ 29 Bilhapi, Ezempi,+ Toladpi, 30 Betuelpi,+ Hormapi,+ Ziclagpi,+ 31 Bet-Marcabotpi, Hazar-Susimpi,+ Bet-Biripi, Saaraimpi ima. Chaykuna llajtasninku karqanku David kamachiyta qallarinan tiempokama.

32 Tiyakorqanku chay lugaresqa karqa: Etam, Ain, Rimón, Token, Asán+ ima, chay phishqa llajtas, 33 jinallataj chay llajtaspa muyuyninpi karqa chay ranchospis, Baalkama. Chay karqa familiasninkuman jina sutisninkumanta listas, jinallataj tiyakusqanku llajtaspis. 34 Chantá Mesobab, Jamlec, Amasiaspa wawan Josá, 35 Joel, Jehú ima. Jehuqa Josibiaspa wawan karqa, Serayaj allchhin, Asielpa wawanpa allchhin. 36 Chantá Elioenái, Jaacoba, Jesohaya, Asaya, Adiel, Jesimiel, Benaya, 37 Zizá ima. Zizaqa Sifij wawan karqa, Alonpa allchhin, Jedayaj wawanpa allchhin, Simrij allchhinpa allchhin, Simriqa Semayaj wawan karqa. 38 Sutisninkumanta oqharikushan chaykunaqa familiasninkumanta kurajkuna karqanku, ñaupa tatasninkoj familiasninkutaj yapakorqanku. 39 Paykunaqa Guedor yaykunaman rerqanku, mayoj inti llojsimuynin ladoman, uywasninkupaj pastota maskʼaspa. 40 Chantá tarerqanku sumaj pastota, ashkha pastota, chay lugarqa jatuchaj jallpʼasniyoj karqa, mana ima chʼajwapis karqachu, allin kausay karqa. Ñaupajtaqa camitas+ chaypi tiyakusqanku. 41 Sutisninkumanta oqharikushan chaykunaqa Judaj reynin Ezequías+ kamachishajtin jamorqanku. Paykunaqa chay camitaspata, chay meunimkunajtawan toldosninkuta* chay lugarmanta chinkacherqanku. Kantumanta wañuracherqanku ni uj puchuyojta. Chantá chaypi paykuna tiyakaporqanku uywasninkupaj ashkha pasto kasqanrayku.

42 Wakin simeonitasqa uj 500 qharis jina Seír orqoman+ riporqanku. Paykunaj ñaupaqenkuta rerqanku Isij wawasnin: Pelatías, Nearías, Refayá, Uziel ima. 43 Paykunaqa puchoj amalequitasta+ wañuracherqanku, chaypitaj kunankama tiyakushanku.

5 Kaykuna kanku Israelpa kuraj wawan Rubenpa+ wawasnin. Rubenqa kuraj wawa karqa, jinapis tatanpa tanta warminwan* puñuykusqanrayku*+ kuraj wawa jina imatachus japʼinan karqa chaytaqa Josejpa wawasninman qorqanku,+ Joseqa Israelpa wawan karqa. Chayrayku Rubenqa familiasninkumanta listaspi mana kuraj wawa jinachu anotasqa kashan. 2 Judaqa+ hermanosnin ukhupi aswan respetasqa karqa, chantapis Judamanta uj kamachej jamun,+ ajinapis kuraj wawa imatachus japʼinan karqa chaytaqa José japʼerqa. 3 Israelpa kuraj wawan Rubenpata qhari wawasnenqa karqanku: Hanok, Palú, Hezrón, Carmí ima.+ 4 Joelpa wawasnenqa karqanku: wawan Semaya, wawan Gog, wawan Simeí, 5 wawan Miqueas, wawan Reayá, wawan Baal, 6 wawan Beerá ima. Beerataqa Asiriamanta Tilgat-Pilnéser+ presota apakaporqa. Beeraqa rubenitaspa kurajninku karqa. 7 Hermanosnenqa familiasninkumanta listasman jina kaykuna karqanku: kamachej Jeiel, Zacarías, 8 Bela ima. Belaqa Azazpa wawan karqa, Azaztaj Semaj wawan karqa, Semataj Joelpa wawan karqa. Belaj tiyakusqan lugarqa Aroermantapacha+ karqa Nebokama, Baal-Meonkama+ ima. 9 Inti llojsimuy ladomantaj jallpʼasnenqa chayarqa chʼin jallpʼaj kantusninkama, Éufrates mayu+ chaynejkama, Galaadpi+ uywasnin manchayta miraykusqanrayku. 10 Saúl rey jina kamachishajtin, paykunaqa hagritaswan guerrapi maqanakuspa atipaykorqanku, paykunaj toldo wasisninkupitaj* tiyakaporqanku chay tukuynin jallpʼaspi, Galaadpa inti llojsimuy ladonpi.

11 Gadpa mirayninmanta kajkunaqa paykunaj ladonkupi tiyakorqanku, Basán jallpʼaspi, Salecá llajtakama.+ 12 Basanpeqa Joel kamachejninku karqa, Safamtaj paypa qhepanpi karqa, chantá Janái, Safat ima. 13 Ñaupa tatasninkoj sutisninkuman jina hermanosninku kaykuna karqanku: Miguel, Mesulam, Seba, Jorái, Jacán, Zía, Éber ima, tukuyninku qanchis karqanku. 14 Chaykuna karqanku Abihailpa wawasnin, Abihailqa Hurij wawan karqa, Huritaj Jaroahj wawan karqa, Jaroahtaj Galaadpa wawan karqa, Galaadtaj Miguelpa wawan karqa, Migueltaj Jesisaij wawan karqa, Jesisaitaj Jahdoj wawan karqa, Jahdotaj Buzpa wawan karqa. 15 Ñaupa tatankoj familianmanta uma kajqa Ahí karqa. Ahiqa Abdielpa wawan karqa, Gunij allchhintaj. 16 Paykunaqa tiyakoj kanku Galaadpi,+ Basanpi,+ muyuyninkupi kaj ranchospi, tukuynin pastosniyoj Sarón jallpʼaspipis, maykamachus chay Sarón jallpʼas karqa chaynejkama. 17 Paykunaqa tukuyninku anotasqa karqanku familiasninkumanta listaman, Judapi rey Jotán+ kamachishajtin, Israelpitaj rey Jeroboán*+ kamachishajtin.

18 Rubenitaspata, gaditaspata, Manasespa khuskan ayllunpatapis* 44.760 wapu soldadosninku kaporqa. Chay soldadosqa escudosniyoj karqanku, espadasniyoj, flechana arcosniyoj* ima. Guerrapajpis wakichisqa karqanku. 19 Paykunaqa maqanakorqanku hagritaswan,+ Jeturwan, Nafiswan,+ Nodabwan ima. 20 Paykunaqa guerrapi kashajtinku Diosmanta yanapata mañakorqanku, Diostaj mañakusqankuta uyarimorqa paypi atienekusqankurayku. Ajinamanta Diosqa paykunata yanaparqa, paykunaj makinkumantaj jaywaykorqa hagritasta, paykunawan khuska kasharqanku chay tukuynin runastapis.+ 21 Uywasninkutapis apakaporqanku 50.000 camellosta, 250.000 ovejasta, 2.000 burrostawan, apakapullarqankutaj 100.000 runasta. 22 Chay maqanakupi ashkha runas wañorqanku, cheqa Dios* chay guerrapi maqanakusqanrayku.+ Chantá paykunaqa chay runaspa jallpʼasninkupi tiyakorqanku presos apasqa karqanku chay pʼunchaykama.+

23 Manasespa khuskan ayllunpa+ miraynenqa tiyakorqanku Basán jallpʼasmantapacha, Baal-Hermonkama, Senirkama, Hermón orqokamataj.+ Paykunaqa manchay ashkhapuni karqanku. 24 Ñaupa tatasninkoj familiasninkumanta umas kajkunaqa kaykuna karqanku: Éfer, Isí, Eliel, Azriel, Jeremías, Hodavías, Jahdiel ima. Paykunaqa wapu soldados karqanku, may rejsisqa runas karqanku, ñaupa tatasninkoj familiasninkumanta umas kajkuna karqanku. 25 Jinapis paykunaqa ñaupa tatasninkoj Diosninpa contranpi juchallikorqanku. Nacionpi karqanku chay runaspa diosesninkuwan qhenchachakorqanku,*+ paykunaj ñaupaqenkumanta Dios chay runasta chinkachishajtinpis. 26 Chayrayku Israelpa Diosnenqa Asiriaj reynin Pulpa sonqonta, nisunman rey Tilgat-Pilneserpa+ sonqonta aysarqa+ presosta apakapunanpaj rubenitasta, gaditasta, Manasespa khuskan aylluntawan. Paykunataqa apakaporqa Halaman, Haborman, Haraman, Gozán mayumanpis.+ Chaypitaj kunankama tiyakushanku.

6 Levij+ wawasnenqa karqanku: Guersón, Cohat,+ Merarí+ ima. 2 Cohatpa wawasnenqa karqanku: Amram, Izhar,+ Hebrón, Uziel+ ima. 3 Amrampa+ wawasnenqa karqanku: Aarón,+ Moisés,+ Míriam+ ima. Aaronpa wawasnenqa karqanku: Nadab, Abihú,+ Eleazar,+ Itamar+ ima. 4 Eleazarqa Finehaspa+ tatan karqa. Finehastaj Abisuaj tatan karqa. 5 Abisuaqa Buquij tatan karqa. Buquiqa Uzij tatan karqa. 6 Uziqa Zerahiaspa tatan karqa. Zerahiasqa Merayotpa tatan karqa. 7 Merayotqa Amariaspa tatan karqa. Amariasqa Ahitubpa+ tatan karqa. 8 Ahitubqa Sadocpa+ tatan karqa. Sadocqa Ahimaazpa+ tatan karqa. 9 Ahimaazqa Azariaspa tatan karqa. Azariasqa Johananpa tatan karqa. 10 Johananqa Azariaspa tatan karqa. Payqa Jerusalenpi sacerdote* karqa Salomón ruwacherqa chay wasipi.

11 Azariasqa Amariaspa tatan karqa. Amariastaj Ahitubpa tatan karqa. 12 Ahitubqa Sadocpa+ tatan karqa. Sadocqa Salumpa tatan karqa. 13 Salumqa Hilquiaspa+ tatan karqa. Hilquiasqa Azariaspa tatan karqa. 14 Azariasqa Serayaj+ tatan karqa. Serayaqa Jehozadacpa+ tatan karqa. 15 Jehozadactaqa presota apakaporqanku, maypachachus Jehová Diosqa Nabucodonosorta kacharqa Judamanta, Jerusalenmantawan runasta apakapunanpaj chaypacha.

16 Levij wawasnenqa karqanku: Guersom,* Cohat, Merarí ima. 17 Guersompa wawasnenqa karqanku Libniwan Simeiwan.+ 18 Cohatpa wawasnenqa karqanku: Amram, Izhar, Hebrón, Uziel ima.+ 19 Merarij wawasnenqa karqanku Mahliwan Musiwan.

Ñaupa tatasninkuman jina kaykuna karqanku levita* familias:+ 20 Guersompa+ wawasnenqa kaykuna karqanku: wawan Libní, wawan Jáhat, wawan Zimá, 21 wawan Joá, wawan Idó, wawan Zérah, wawan Jeatrái ima. 22 Cohatpa wawasnenqa* kaykuna karqanku: wawan Aminadab, wawan Coré,+ wawan Asir, 23 wawan Elcaná, wawan Ebiasaf,+ wawan Asir, 24 wawan Táhat, wawan Uriel, wawan Uzías, wawan Shaúl ima. 25 Elcanaj wawasnenqa karqanku Amasaiwan Ahimotwan. 26 Chay waj Elcanaj wawasnenqa karqanku: wawan Zofái, wawan Náhat, 27 wawan Eliab, wawan Jeroham, wawan Elcaná+ ima. 28 Samuelpa+ wawasnenqa karqanku: kurajqa Joel karqa, sullkʼataj Abías karqa.+ 29 Merarij wawasnenqa* karqanku: Mahlí,+ wawan Libní, wawan Simeí, wawan Uzá, 30 wawan Simeá, wawan Haguías, wawan Asaya ima.

31 Davidqa kay runasta churarqa Jehová Diospa wasinpi takejkunata takichinankupaj, arcata Diospa wasinman apaykusqankumantapacha.+ 32 Paykunaqa takejkunamanta cargoyoj karqanku Diosta yupaychana toldopi, tinkukuna toldopi, Salomón Jerusalenpi Jehová Diospa wasinta ruwayta tukuchanankama.+ Paykunaqa kamachisqa kasqankuman jina ruwanasninkuta ruwarqanku.+ 33 Kaykuna karqanku wawasninkuwan khuska sirvejkuna. Cohatitasmantaqa Hemán+ takiyta yachaj, payqa Joelpa+ wawan karqa, Joelqa Samuelpa wawan karqa. 34 Samuelqa Elcanaj+ wawan karqa, Elcanaqa Jerohampa wawan karqa, Jerohamqa Elielpa wawan karqa, Elielqa Toahj wawan karqa, 35 Toahqa Zufpa wawan karqa, Zufqa Elcanaj wawan karqa, Elcanaqa Mahatpa wawan karqa, Mahatqa Amasaijpa wawan karqa, 36 Amasaiqa Elcanaj wawan karqa, Elcanaqa Joelpa wawan karqa, Joelqa Azariaspa wawan karqa, Azariasqa Sofoniaspa wawan karqa, 37 Sofoniasqa Tahatpa wawan karqa, Tahatqa Asirpa wawan karqa, Asirqa Ebiasafpa wawan karqa, Ebiasafqa Corejpa wawan karqa, 38 Coreqa Izharpa wawan karqa, Izharqa Cohatpa wawan karqa, Cohatqa Levij wawan karqa, Levitaj Israelpa wawan karqa.

39 Paypa paña ladonpeqa hermanon Asaf+ sayasqa karqa. Asafqa Berekiaspa wawan karqa, Berekiasqa Simeaj wawan karqa, 40 Simeaqa Miguelpa wawan karqa, Miguelqa Baaseyaj wawan karqa, Baaseyaqa Malkiyaj wawan karqa, 41 Malkiyaqa Etnij wawan karqa, Etniqa Zerahj wawan karqa, Zerahqa Adayaj wawan karqa, 42 Adayaqa Etanpa wawan karqa, Etanqa Zimajpa wawan karqa, Zimaqa Simeijpa wawan karqa, 43 Simeiqa Jahatpa wawan karqa, Jahatqa Guersompa wawan karqa, Guersomqa Levijpa wawan karqa.

44 Lloqʼe ladonpitaj Merarijpa+ mirayninmanta hermanosnin karqanku. Chaypi kasharqa Etán,+ Etanqa Quisij wawan karqa, Quisiqa Abdij wawan karqa, Abdiqa Malucpa wawan karqa, 45 Malucqa Hasabiaspa wawan karqa, Hasabiasqa Amasiaspa wawan karqa, Amasiasqa Hilquiaspa wawan karqa, 46 Hilquiasqa Amzij wawan karqa, Amziqa Banijpa wawan karqa, Baniqa Semerpa wawan karqa, 47 Semerqa Mahlij wawan karqa, Mahliqa Musij wawan karqa, Musiqa Merarij wawan karqa, Merariqa Levij wawan karqa.

48 Hermanosninku levitastaqa Diosta yupaychana toldopi, cheqa Diospa* wasinpi tukuy imasta ruwaysikunankupaj churarqanku.+ 49 Aaronwan wawasninwanqa+ jaywanasta qʼoshñicherqanku ofrenda qʼolachina* altarpi,*+ incienso qʼoshñichina altarpi+ ima. Ajinata paykunaqa imastachus aswan santo kaj imaswan ruwanankuta juntʼarqanku, Israelpa juchasnin pampachasqa kananpaj.+ Chay imasta ruwarqanku cheqa Diospa kamachin Moisés kamachisqanman jina. 50 Aaronpa miraynenqa kaykuna karqanku:+ wawan Eleazar,+ wawan Finehás, wawan Abisúa, 51 wawan Buquí, wawan Uzí, wawan Zerahías, 52 wawan Merayot, wawan Amarías, wawan Ahitub,+ 53 wawan Sadoc,+ wawan Ahimáaz ima.

54 Kaykuna karqanku ranchosninku, maypichus toldo wasisninkuta* sayacherqanku chay jallpʼas. Suerteta* choqajtinku ñaupajtaqa cohatitaspa familianmanta Aaronpa mirayninman chayarqa. 55 Paykunamantaj qorqanku Judá jallpʼaspi Hebrón+ llajtata, muyuyninpi pasto jallpʼastawan. 56 Chantá llajtaj muyuyninpi kaj ranchosta, jallpʼastapis Jefunejpa wawan Calebman+ qoporqanku. 57 Aaronpa mirayninmantaj qorqanku pakakuna llajtasta,*+ Hebronta,+ Libnata+ pasto jallpʼasnintawan, chantá Jatirta,+ Estemoata pasto jallpʼasnintawan,+ 58 Hilenta pasto jallpʼasnintawan, Debirta+ pasto jallpʼasnintawan, 59 Asanta+ pasto jallpʼasnintawan, Bet-Semesta+ pasto jallpʼasnintawan. 60 Benjamín aylloj* jallpʼasnin ukhupitaj, paykunaman qorqanku Guebata+ pasto jallpʼasnintawan, Alemetta pasto jallpʼasnintawan, Anatotta+ pasto jallpʼasnintawan. Familiasninkupajqa tukuyninpi 13 llajtas karqa.+

61 Chay waj cohatitasmanqa chunka llajtas tocarqa.* Paykunaqa llajtasta japʼerqanku waj aylluspa familiasninku ukhupi, Manasespa khuskan ayllun ukhupiwan.+

62 Guersompa mirayninmanta kajkunamanqa familiasninkuman jina 13 llajtasta qorqanku Isacar ayllu ukhupi, Aser ayllu ukhupi, Neftalí ayllu ukhupi, Basanpi karqa chay Manasés ayllu ukhupipis.+

63 Meraritasmanqa sorteaspa familiasninkuman jina 12 llajtasta qorqanku Rubén ayllu ukhupi, Gad ayllu ukhupi, Zabulón ayllu ukhupipis.+

64 Ajinata israelitasqa levitasman chay llajtasta qorqanku pasto jallpʼasnintawan.+ 65 Chantapis Judá ayllu ukhupi, Simeón ayllu ukhupi, Benjamín ayllu ukhupipis sorteaspa llajtasta qollarqankutaj, chay llajtastaqa sutisninkumanta oqharikun.

66 Wakin cohatita familiaspataqa Efraín ayllu ukhupi tiyakunankupaj llajtasninku kaporqa.+ 67 Paykunamanqa pakakuna llajtasta* qorqanku, Efraín orqospi Sichemta*+ pasto jallpʼasnintawan, Guezerta+ pasto jallpʼasnintawan, 68 Jocmeamta pasto jallpʼasnintawan, Bet-Horonta+ pasto jallpʼasnintawan, 69 Ayalonta+ pasto jallpʼasnintawan, Gat-Rimonta+ pasto jallpʼasnintawan. 70 Wakin cohatita familiastaj Manasespa khuskan ayllunmanta kay llajtasta japʼerqanku: Anerta pasto jallpʼasnintawan, Bileamta pasto jallpʼasnintawan.

71 Guersompa mirayninmantaj Manasespa khuskan ayllun ukhupi kay llajtasta qorqanku: Basanpi Golanta+ pasto jallpʼasnintawan, Astarotta pasto jallpʼasnintawan.+ 72 Isacar ayllu ukhupitaj kay llajtasta qorqanku: Quedesta pasto jallpʼasnintawan, Daberatta+ pasto jallpʼasnintawan,+ 73 Ramotta pasto jallpʼasnintawan, Anemta pasto jallpʼasnintawan. 74 Aser ayllu ukhupitaj kay llajtasta qorqanku: Masalta pasto jallpʼasnintawan, Abdonta pasto jallpʼasnintawan,+ 75 Hucocta pasto jallpʼasnintawan, Rehobta+ pasto jallpʼasnintawan. 76 Neftalí ayllu ukhupitaj kay llajtasta qorqanku: Galileapi+ Quedesta+ pasto jallpʼasnintawan, Hamonta pasto jallpʼasnintawan, Quiryataimta pasto jallpʼasnintawan.

77 Waj meraritasmantaj Zabulón ayllu ukhupi kay llajtasta qorqanku:+ Rimonota pasto jallpʼasnintawan, Taborta pasto jallpʼasnintawan. 78 Chantá Jericó qayllapi, Jordán japʼiypi, Jordán mayoj inti llojsimuy ladonpi, kay llajtasta qorqanku Rubén ayllu ukhupi: chʼinnejpi Bezerta pasto jallpʼasnintawan, Jahazta+ pasto jallpʼasnintawan, 79 Quedemotta+ pasto jallpʼasnintawan, Mefaatta pasto jallpʼasnintawan. 80 Gad ayllu ukhupitaj kay llajtasta qorqanku: Galaadpi Ramotta pasto jallpʼasnintawan, Mahanaimta+ pasto jallpʼasnintawan, 81 Hesbonta+ pasto jallpʼasnintawan, Jazerta+ pasto jallpʼasnintawan.

7 Isacarpa wawasnenqa tawa karqanku: Tolá, Pua, Jasub, Simrón+ ima. 2 Tolaj wawasnenqa karqanku: Uzí, Refayá, Jeriel, Jahmái, Ibsam, Semuel ima, paykuna karqanku familiasninkumanta umas kajkuna. Tolaj miraynin ukhupeqa wapu soldados karqanku. David kamachishajtin paykunaqa 22.600 soldadosña karqanku. 3 Kaykuna karqanku Uzij mirayninmanta* kajkuna: Izrahías, Izrahiaspa wawasninpis: Miguel, Abdías, Joel, Isías ima. Phishqantinku familiasninkumanta umas karqanku. 4 Paykunaj mirayninku ukhupeqa, ñaupa tatasninkoj familiasninkuman jina 36.000 soldados karqanku, guerrapaj wakichisqas. Paykunaqa ajina ashkha karqanku ashkha warmisniyoj, ashkha wawasniyoj kasqankurayku. 5 Paykunaj hermanosnenqa, nisunman Isacarpa tukuynin familiasnenqa wapu soldadosllataj karqanku. Tukuyninku karqanku 87.000 wapu soldados familiasninkumanta listaman jina.+

6 Benjaminpa+ wawasnenqa kinsa karqanku: Bela,+ Béker,+ Jediael+ ima. 7 Belaj wawasnenqa phishqa karqanku: Ezbón, Uzí, Uziel, Jerimot, Irí ima. Paykunaqa familiasninkumanta umas kajkuna karqanku, wapu soldadostaj karqanku. Familiasninkumanta listaspitaj 22.034 karqanku.+ 8 Bekerpa wawasnenqa karqanku: Zemirá, Joás, Eliezer, Elioenái, Omrí, Jeremot, Abías, Anatot, Alémet ima. Tukuyninku Bekerpa wawasnin karqanku. 9 Paykunaj mirayninkumanta listaspeqa, ñaupa tatasninkoj familiasninkumanta uma kajkunaman jina 20.200 wapu soldados karqanku. 10 Jediaelpa+ wawasnenqa karqanku: Bilhán, Bilhanpa wawasninpis: Jeús, Benjamín, Ehúd, Kenaaná, Zetán, Tarsis, Ahisáhar ima. 11 Tukuyninku Jediaelpa wawasnin karqanku, ñaupa tatasninkoj kurajkunasninkuman jinataj 17.200 wapu soldados karqanku, guerraman rinankupaj wakichisqas.

12 Irpa+ miraynenqa karqanku sufam* familias, hupim familias ima.* Husimpa wawasnenqa Aherpa miraynin karqanku.

13 Neftalij+ wawasnenqa kaykuna karqanku: Jahziel, Guní, Jézer, Salum ima. Chaykuna karqanku Bilhaj+ miraynin.*

14 Manasespa+ wawasnenqa kaykuna karqanku: kuraj wawan Asrieltaqa Siriamanta tanta warmin* nacechikorqa. (Chay warmillantaj nacechikorqa Makirta.+ Makirqa Galaadpa tatan karqa. 15 Makirqa Hupimpaj, Sufampaj ima warmista maskʼaporqa, paypa hermanantaj Maacá karqa). Manasespa iskay kaj wawantaj Zelofehad+ karqa. Zelofehadpataqa warmi wawasnillan kaporqa.+ 16 Makirpa warmin Maacaqa qhari wawata nacechikorqa, Peres sutitataj churarqa, hermanontaj Seres sutikorqa. Paypa wawasnenqa karqanku Ulamwan Requemwan. 17 Ulampa wawanqa* Bedán karqa. Chaykuna karqanku Galaadpa wawasnin. Galaadqa Makirpa wawan karqa, Manasespa allchhintaj. 18 Galaadpa hermanantaj Hamoléket karqa. Payqa nacechikorqa Isodta, Abí-Ezerta, Mahlata ima. 19 Semidaj wawasnenqa karqanku: Ahián, Sichem,* Liquí, Aniam ima.

20 Efrainpa+ wawasnenqa kaykuna karqanku: Sutélah,+ wawan Bered, wawan Táhat, wawan Eleadá, wawan Táhat, 21 wawan Zabad, wawan Sutélah, Ézer, Elead ima. Gat+ llajtayoj runasqa paykunaj uywasninkuta suwakoj rerqanku, chaypitaj Ezerta, Eleadtawan wañucherqanku. 22 Tatanku Efrainqa paykunamanta unayta waqarqa, hermanosnintaj jamuspa sonqochaj kanku. 23 Chantá Efrainqa warminwan puñuykorqa, warmintaj onqoj rikhurerqa, chantá qhari wawata nacechikorqa. Efraintaj chay wawanman Berías* sutita churarqa, familian sinchʼi ñakʼariypi kashajtin nacekusqanrayku. 24 Warmi wawantaj Seerá karqa, payqa sayaricherqa Ura Bet-Horonta,+ Pata Bet-Horonta,+ Uzén-Seeratawan. 25 Chantá qhari wawasnin kallarqankutaj: Réfah, Résef, wawan Télah, wawan Tahán, 26 wawan Ladán, wawan Amihud, wawan Elisamá, 27 wawan Nun, wawan Josué*+ ima.

28 Paykunaj tiyakusqanku lugaresqa kaykuna karqanku: Betel+ muyuyninpi ranchosnintin, inti llojsimuy ladopitaj Naarán, inti yaykuy ladopitaj Guézer muyuyninpi ranchosnintin, Sichem muyuyninpi ranchosnintin, Ayyakama* muyuyninpi ranchosnintin. 29 Manasespa miraynin tiyakusharqanku chay ladopitaj Bet-Seán+ karqa muyuyninpi ranchosnintin, Taanac+ muyuyninpi ranchosnintin, Meguidó+ muyuyninpi ranchosnintin, Dor+ muyuyninpi ranchosnintin ima. Chay lugarespi tiyakorqanku Israelpa wawan Josej miraynin.

30 Aserpa wawasnenqa kaykuna karqanku: Imná, Isvá, Isví, Berías+ ima. Paykunaj hermanankutaj Sérah karqa.+ 31 Beriaspa wawasnenqa karqanku Heberwan Malkielwan, Malkielqa Birzayitpa tatan karqa. 32 Heberqa tatanku karqa: Jafletpata, Somerpata, Hotampata ima. Hermanankutaj Súa sutikorqa. 33 Jafletpa wawasnintaj karqanku: Pasac, Bimhal, Asvat ima. Chaykuna karqanku Jafletpa wawasnin. 34 Semerpa* wawasnin karqanku: Ahí, Rohgá, Jehubá, Aram ima. 35 Hermanon Helempa* wawasnintaj karqanku: Zofá, Imná, Seles, Amal ima. 36 Zofajpa wawasnenqa karqanku: Súaj, Harnéfer, Sual, Berí, Imrá, 37 Bézer, Hod, Samá, Silsá, Itrán, Beerá ima. 38 Jeterpa wawasnenqa karqanku: Jefuné, Pispá, Ará ima. 39 Ulaj wawasnenqa karqanku: Ará, Haniel, Rizía ima. 40 Chay tukuyninku karqanku Aserpa wawasnin, familiasninkumanta umas kajkuna, aswan sumajnin wapu soldados, soldadospa capitanesninpa kurajkunasnin. Familiasninkumanta listasman jinataj+ 26.000 soldados karqanku+ guerrapaj wakichisqas.

8 Benjaminpa+ kuraj wawanqa Bela+ karqa, iskay kajtaj Asbel,+ kinsa kajtaj Ahará, 2 tawa kajtaj Nohá, phishqa kajtaj Rafá. 3 Belaj wawasnenqa karqanku: Addar, Guerá,+ Abihud, 4 Abisúa, Naamán, Ahoá, 5 Guerá, Sefufán, Huram ima. 6 Ehudpa wawasnenqa Guebapi+ tiyakoj familiasmanta umas kajkuna karqanku, paykunataqa Manahatman presosta aparqanku. Paykunaqa karqanku: 7 Naamán, Ahíya, Guerá ima. Gueraqa paykunata presosta aparqa, wawasnintaj karqanku Uzawan Ahihudwan. 8 Saharaimpataqa Moab jallpʼaspi wawasnin nacekorqanku, chay jallpʼasmanta runasta qharqosqanmanta qhepaman. Warmisnenqa Husimwan Baarawan karqanku.* 9 Warmin Hodeswantaj kay wawasnin tiyaporqa: Jobab, Zibía, Mesá, Malcam, 10 Jeúz, Sakía, Mirmá ima. Chaykuna wawasnin karqanku, familiasninkumanta umas kajkuna.

11 Warmin Husimpitaj kay wawasnin tiyaporqa Abitub, Elpaal ima. 12 Elpaalpa wawasnenqa kaykuna karqanku: Éber, Misam, Sémed (Semedqa Onó+ llajtata, Lod+ llajtatawan sayaricherqa, muyuyninpi kaj ranchostawan), 13 chantá Berías, Sema ima. Chaykuna karqanku Ayalonpi+ tiyakoj familiasmanta umas kajkuna. Paykunaqa Gatmanta runasta qharqorqanku. 14 Chantá kallarqankutaj Ahió, Sasac, Jeremot, 15 Zebadías, Arad, Éder, 16 Miguel, Ispá, Johá ima, chaykuna karqanku Beriaspa wawasnin. 17 Chantá Zebadías, Mesulam, Hizquí, Héber, 18 Ismerái, Izlías, Jobab ima, chaykuna karqanku Elpaalpa wawasnin. 19 Chantá Jaquim, Zicrí, Zabdí, 20 Elienái, Ziletái, Eliel, 21 Adaya, Berayá, Simrat ima, chaykuna karqanku Simeijpa wawasnin. 22 Chantá Ispán, Éber, Eliel, 23 Abdón, Zicrí, Hanán, 24 Hananías, Elam, Antotiya, 25 Ifdeyá, Penuel ima, chaykuna karqanku Sasacpa wawasnin. 26 Chantá Samserái, Seharías, Atalía, 27 Jaaresías, Elías, Zicrí ima, chaykuna karqanku Jerohampa wawasnin. 28 Mirayninkumanta listasman jinaqa paykuna karqanku familiasninkumanta umas kajkuna. Paykunaqa Jerusalenpi tiyakoj kanku.

29 Gabaonpa tatan Jeielqa Gabaonpi+ tiyakoj, warmintaj Maacá sutikorqa.+ 30 Kuraj wawanqa Abdón karqa, chantá Zur, Quis, Baal, Nadab, 31 Guedor, Ahió, Zéker ima. 32 Miclotqa Simeaj tatan karqa. Paykunaqa tukuyninku Jerusalenpi tiyakoj kanku hermanosninku qayllapi, chay waj hermanosninkuwan khuska.

33 Nerqa+ Quispa tatan karqa. Quisqa Saulpa+ tatan karqa. Saulqa tatanku karqa: Jonatanpata,+ Malki-Suajta,+ Abinadabpata,+ Esbaalpatawan.*+ 34 Jonatanpa wawanqa Merib-Baal*+ karqa. Merib-Baalqa Miqueaspa+ tatan karqa. 35 Miqueaspa wawasnenqa karqanku: Pitón, Mélec, Tarea, Ajaz* ima. 36 Ajazqa Jehoadaj tatan karqa. Jehoadaqa tatanku karqa: Alemetpata, Azmavetpata, Zimrijpatawan. Zimriqa Mozaj tatan karqa. 37 Mozaqa Bineaj tatan karqa. Bineaqa Rafaj tatan karqa. Rafaqa Eleasaj tatan karqa. Eleasaqa Azelpa tatan karqa. 38 Azelqa sojta wawasniyoj karqa, sutisninkutaj kaykuna karqa: Azricam, Bocrú, Ismael, Searías, Abdías, Hanán ima. Chaykuna karqanku Azelpa wawasnin. 39 Hermanon Eshecpa wawasnintaj kaykuna karqanku: kuraj wawanqa Ulam karqa, iskay kajqa Jeús karqa, kinsa kajtaj Elifélet karqa. 40 Ulampa wawasnenqa wapu soldados karqanku, flechana arcowan* sumajta flechayta yachaj kanku.* Paykunaqa ashkha wawasniyoj, ashkha allchhisniyoj karqanku, tukuyninku 150 karqanku. Tukuy chaykuna karqanku Benjaminpa miraynin.

9 Tukuy israelitasqa familiasninkuman jina anotasqa kasharqanku, qhelqasqataj kasharqanku Israelpa Reyesninmanta Libropi. Judamanta runastaj juchasninkurayku Babiloniaman presos apasqa karqanku.+ 2 Ñaupajta llajtasninkuman, jallpʼasninkuman kutinpojkunaqa karqanku wakin israelitas, sacerdotes, levitas, templopi sirvejkunapis.*+ 3 Judaj mirayninmanta,+ Benjaminpa mirayninmanta,+ Efrainpa mirayninmanta, Manasespa mirayninmantapis wakenqa Jerusalenpi tiyakorqanku. Chaykuna karqanku: 4 Utái, Utaiqa Amihudpa wawan karqa, Amihudqa Omrij wawan karqa, Omriqa Imrij wawan karqa, Imriqa Banij wawan karqa. Chaykuna karqanku Perezpa+ miraynin, Perezqa Judajpa wawan karqa. 5 Silonitasmantataj kutimorqanku kuraj wawa Asaya, wawasnintin. 6 Zerahj+ wawasninmantataj kutimorqanku Jeuel, 690 hermanosninkupis.

7 Benjaminpa mirayninmantataj chaypi tiyakorqanku: Salú, Saluqa Mesulampa wawan karqa, Mesulamqa Hodaviaspa wawan karqa, Hodaviasqa Hasenuaj wawan karqa. 8 Chantá Jerohampa wawan Ibneyá, Elá, Elaqa Uzij wawan karqa, Micrij allchhintaj, chantá Mesulam, Mesulamqa Sefatiaspa wawan karqa, Sefatiasqa Reuelpa wawan karqa, Reuelqa Ibniyaj wawan karqa. 9 Hermanosninkutaj ñaupa tatasninkuman jina 956 karqanku, tukuyninku ñaupa tatasninkoj familiasninkumanta umas kajkuna karqanku.

10 Kutinpoj sacerdotesqa karqanku: Jedayá, Jehoiarib, Jakín,+ 11 Azarías, Azariasqa Hilquiaspa wawan karqa, Hilquiasqa Mesulampa wawan karqa, Mesulamqa Sadocpa wawan karqa, Sadocqa Merayotpa wawan karqa, Merayotqa Ahitubpa wawan karqa, payqa cheqa Diospa* wasinpi* kamachej karqa. 12 Chantá Adaya, Adayaqa Jerohampa wawan karqa, Jerohamqa Pasjurpa wawan karqa, Pasjurqa Malkiyaj wawan karqa. Chantá Maasái, Maasaiqa Adielpa wawan karqa, Adielqa Jahzeraj wawan karqa, Jahzeraqa Mesulampa wawan karqa, Mesulamqa Mesilemitpa wawan karqa, Mesilemitqa Imerpa wawan karqa. 13 Chantá paykunaj hermanosninku ima. Paykunaqa ñaupa tatasninkoj familiasninkumanta umas kajkuna karqanku, 1.760 kallpayoj runas, cheqa Diospa wasinpi ruwanasta ruwanankupaj wakichisqas.

14 Kutinpoj levitastaj kaykuna karqanku: Semaya,+ Semayaqa Hasubpa wawan karqa, Hasubqa Azricampa wawan karqa, Azricamqa Hasabiaspa wawan karqa. Paykuna karqanku Merarijpa miraynin. 15 Chantá Bacbacar, Héresh, Galal, Matanías ima. Mataniasqa Micaj wawan karqa, Micaqa Zicrij wawan karqa, Zicriqa Asafpa wawan karqa. 16 Chantá Abdías, Abdiasqa Semayaj wawan karqa, Semayaqa Galalpa wawan karqa, Galalqa Jedutunpa wawan karqa. Chantá Berekías, Berekiasqa Asaj wawan karqa, Asaqa Elcanaj wawan karqa, payqa netofatitaspa+ ranchosninkupi tiyakoj.

17 Punkuta qhawajkunaqa+ karqanku: Salum, Acub, Talmón, Ahimán, hermanonku Salumtaj encargadonku karqa. 18 Payqa chay tiempokama karqa inti llojsimuy ladopi reypa punkunpi.+ Chaykuna karqanku levitaspa campamentosninkumanta punkuta qhawajkuna. 19 Chantá Salum, Salumqa Corej wawan karqa. Coreqa Ebiasafpa wawan karqa, Ebiasafqa Corej wawan karqa, ñaupa tatankoj familianmanta hermanosninkupis, nisunman coreítas, paykunaqa toldoj punkunta* qhawajkunamanta encargados karqanku, tatasninkutaj Jehová Diospa campamentonpa punkunta qhawanamanta encargados karqanku. 20 Unayqa Eleazarpa+ wawan Finehás+ paykunaj kamachejninku karqa. Jehová Diostaj paywan kasharqa. 21 Meselemiaspa wawan Zacariasqa+ tinkukuna toldoj punkunta qhawaj.

22 Punkuta qhawanankupaj ajllasqa kajkunaqa tukuyninku 212 karqanku. Paykunaqa ranchosninkuman tiyakoj riporqanku, ñaupa tatasninkoj familiasninkumanta listasman jina.+ Paykunataqa Davidwan, Diospa sutinpi parlaj+ Samuelwan chay ruwanasman churarqanku de confianza kasqankurayku. 23 Paykunapis wawasninkupis cargoyoj karqanku Jehová Diospa wasi punkusninta+ qhawanankupaj, nisunman toldo wasi punkusta qhawanankupaj. 24 Punkusta qhawajkunaqa tawa ladosninpi karqanku: inti llojsimuy ladopi, inti yaykuy ladopi, norte ladopi, sur ladopipis.*+ 25 Chay ranchospi tiyakoj hermanosninkoqa sapa kuti jamunankupuni karqa qanchis diasta paykunawan khuska sirvej. 26 Punkuta qhawajkuna ukhupeqa tawa kurajkuna* karqanku, de confianza kasqankurayku. Paykunaqa levitas karqanku, cargoyojtaj karqanku cheqa Diospa wasinpi cuartosmanta,* valorniyoj imasta jallchʼanapaj cuartosmantawan.+ 27 Paykunaqa tutantin puestosninkupi kaj kanku cheqa Diospa wasinta tukuy muyuynintinta qhawaspa. Paykunaqa chay qhawana cargoyoj karqanku, llaveta japʼej kanku, sapa paqarintaj wasi punkuta kicharej kanku.

28 Paykunamanta wakenqa cargoyoj karqanku Diosta yupaychanapaj tukuy ima necesitakusqanmanta.+ Paykunaqa sapa kutichimojtinku chay imasta yupaj kanku, orqhomojtinkupis yupallajtaj kanku. 29 Paykunamanta wakintaqa churarqanku Diosta yupaychanapaj chay waj imasmanta cargoyoj kanankupaj, Diospaj tʼaqasqa karqa chay tukuy imasmantawan,+ chantá sumaj ñutʼu jakʼumanta,+ vinomanta,+ aceitemanta,+ yuraj inciensomanta,+ bálsamo aceitemantawan.+ 30 Sacerdotespa wakin wawasninkoqa wakichej kanku bálsamo aceiteta. 31 Levitasmanta ujninku karqa Matitías, coreíta Salumpa kuraj wawan. Matitiasqa de confianza kasqanrayku, cargoyoj karqa imastachus paylaspi chayachej kanku chay imasmanta.+ 32 Cohatitas ukhumanta wakin hermanosninkoqa cargoyoj karqanku sukʼasqa tʼantata*+ sapa samarikuna pʼunchaypi ruwanankupaj.+

33 Kaykuna karqanku takejkuna, paykunaqa levita familiaspi umas kajkuna karqanku temploj cuartosninpi,* manataj waj ruwanasmanta cargosniyojchu kaj kanku, tuta pʼunchay ruwanasnillankuta ruwananku kasqanrayku. 34 Chaykuna karqanku levita familiaspi umas kajkuna, mirayninkuman jina. Paykunaqa Jerusalenpi tiyakoj kanku.

35 Gabaonpa tatan Jeielqa Gabaonpi+ tiyakoj, warmintaj Maacá sutikorqa. 36 Kuraj wawanqa Abdón karqa, chantá Zur, Quis, Baal, Ner, Nadab, 37 Guedor, Ahió, Zacarías, Miclot ima. 38 Miclotqa Simeampa tatan karqa. Paykunaqa tukuyninku Jerusalenpi tiyakoj kanku hermanosninku qayllapi, chay waj hermanosninkuwan khuska. 39 Nerqa+ Quispa tatan karqa. Quisqa Saulpa+ tatan karqa. Saulqa tatanku karqa: Jonatanpata,+ Malki-Suajta,+ Abinadabpata,+ Esbaalpatawan. 40 Jonatanpa wawanqa Merib-Baal+ karqa. Merib-Baalqa Miqueaspa+ tatan karqa. 41 Miqueaspa wawasnenqa karqanku: Pitón, Mélec, Tahrea, Ajaz* ima. 42 Ajazqa Jaraj tatan karqa. Jaraqa tatanku karqa: Alemetpata, Azmavetpata, Zimrijpatawan. Zimriqa Mozaj tatan karqa. 43 Mozaqa Bineaj tatan karqa, wawan Refayajta, wawan Eleasajta, wawan Azelpatawan. 44 Azelqa sojta wawasniyoj karqa, sutisninku karqa: Azricam, Bocrú, Ismael, Searías, Abdías, Hanán ima. Chaykuna karqanku Azelpa wawasnin.

10 Filisteosqa israelitaswan guerrapi tinkusharqanku, israelitastaj filisteosmanta ayqekorqanku. Chaypacha ashkha israelitas Guilboa orqopi+ wañorqanku. 2 Filisteosqa Saulta wawasnintawan manchayta qhatiykorqanku. Chantá Saulpa wawasninta wañucherqanku Jonatanta, Abinadabta, Malki-Suatawan.+ 3 Saultataj sigue qhatiykorqanku. Arcowan* flechaj soldadosqa Saulta rikuytawankama flechaspa japʼirpacherqanku.+ 4 Chantá Saulqa escudonta japʼej soldadonta nerqa: “Espadaykita orqhokuspa pasarpachiway. Mana munanichu chay mana circuncidasqa* runas jamuspa ñakʼarichinawankuta”,*+ nispa. Escudonta japʼej soldadontaj mana chayta ruwayta munarqachu, sinchʼi mancharisqa kasqanrayku. Chantá Saulqa espadanta sayachiytawan patanman wijchʼuykukorqa.+ 5 Chantá escudonta japʼej soldadonqa Saulta wañusqata rikuspa, paypis espadanta sayachiytawan patanman wijchʼuykukuspa wañuchikullarqataj. 6 Ajinata Saulqa kinsa wawasninwan khuska wañorqa, familianmanta tukuy paywan kajkunapis wañullarqankutaj.+ 7 Ura pampaspi kasharqanku chay israelitasqa rikorqanku tukuy ayqekusqankuta, Saulpis wawasninpis wañusqankuta. Chayrayku llajtasninkuta saqespa paykunapis ayqekullarqankutaj. Chantá filisteosqa jamuspa chay llajtaspi tiyakorqanku.

8 Qʼayantintaj filisteosqa wañusqaspa valorniyoj imasninkuta oqharej kuterqanku, chaypitaj Saulpa cuerponta, wawasninpa cuerposnintawan tarerqanku Guilboa orqopi.+ 9 Chantá Saulpa ropanta lluchʼorqanku, umanta qholorqanku, maqanakuna ropantapis orqhollarqankutaj. Chantá uj willayta apacherqanku filisteospa tukuy nacionnintinman, tukuy runasman willanankupaj, santosninkoj templosninkupipis willanankupaj.+ 10 Chantá chay maqanakuna ropanta diosninkoj templonman aparqanku, umantapis diosninku Dagonpa templonman+ warkhuykorqanku.

11 Galaad jallpʼaspi Jabés llajtayojkunaqa+ yacharqanku imatachus filisteos Saulta ruwasqankuta.+ 12 Chayrayku Jabesmanta tukuynin soldados rispa Saulpa cuerponta, wawasninpa cuerposninkutawan apakaporqanku. Jabesman apakaporqanku, chaypitaj tullusninkuta pʼamparqanku, Jabespi+ kaj jatun sachʼa urapi. Chantá qanchis diasta ayunarqanku.

13 Ajinata Saulqa wañorqa Jehová Diosta wasanchasqanrayku, payqa mana Jehová Diosta kasukorqachu.+ Chantapis uj aysirita tapukamoj rerqa,+ 14 Jehová Diosta tapukunanmantaqa. Chayrayku payqa* Saulta wañucherqa, gobiernotapis Jesejpa wawan Davidman qoporqa.+

11 Tiemponmantaj tukuy israelitas Davidwan Hebronpi+ tantakorqanku, nerqankutaj: “Ñaupaqeykipi kashayku, noqaykoqa yawar masisniyki kayku.*+ 2 Qanqa unaymantaña israelitasta guerraspi pusaykachaj kanki,* rey Saúl kamachishajtillanraj.+ Jehová Diosniykitaj nisorqa: ‘Qanmin Israel nacionniytaqa ovejitasta jina michinki, qanmin Israel nacionniytaqa kamachinki’,+ nispa”. 3 Ajinata Israelmanta tukuy kurajkuna Hebronman jamorqanku rey Davidwan parlaj. Davidtaj Hebronpi paykunawan uj tratota ruwarqa Jehová Diospa ñaupaqenpi. Paykunataj Davidta churarqanku* Israelta rey jina kamachinanpaj,+ Samuelnejta Jehová Dios nisqanman jina.+

4 Aswan qhepamantaj Davidwan tukuy israelitaswan khuska Jerusalenman rerqanku, nisunman Jebús+ llajtaman, jebuseos+ tiyakusharqanku chay jallpʼasman. 5 Jebús llajtayoj runastaj burlakuspa Davidta nerqanku: “Ni jaykʼaj kaymanqa yaykumunkichu”,+ nispa. Jinapis Davidqa chay sumaj perqasniyoj Sion+ llajtata atipaspa japʼikaporqa, chaytaj kunanqa Davidpa Llajtan.+ 6 Davidqa nerqa: “Pichus ñaupajta jebuseoswan maqanakoj rejqa, soldadospa comandanten kanqa”, nispa. Zeruyaj wawan Joabtaj+ ñaupajta maqanakoj rerqa, ajinamanta pay comandante karqa. 7 Chantá Davidqa chay sumaj perqasniyoj llajtapi tiyakaporqa, chayrayku runasqa chay llajtata Davidpa Llajtan nispa suticharqanku. 8 Davidqa watejmanta wasista ruwaracherqa tukuynin llajtapi, Lomapi,* jinallataj muyuynintinpi. Joabtaj llajtapi ruwanaraj karqa chay wasista ruwayta tukuchaykorqa. 9 Ajinata Davidqa astawan astawan atiyniyojman tukorqa,+ angelesta kamachej Jehová Diostaj paywan kasharqa.

10 Davidpa wapu soldadosninpa kurajkunasninkoqa kaykuna karqanku. Paykunaqa tukuy israelitaswan khuska Davidman sayasqa karqanku rey jina kamachishajtin, paykunallataj yanaparqanku rey kananpaj, Jehová Dios Israelman nisqanman jina.+ 11 Davidpa wapu soldadosnenqa kaykuna kanku: hacmonitaj wawan Jasobeam,+ payqa kinsa aswan wapu soldadospa kamachejninku karqa.+ Jasobeamqa uj pacha tʼojsina lanzallanwan 300 runasta wañucherqa.+ 12 Paypa qhepantataj ahohíta+ Dodoj wawan Eleazar+ karqa. Payqa chay kinsa wapu soldadosmanta ujnin karqa. 13 Eleazarqa Davidwan karqa Pas-Damimpi,+ maypichus filisteos guerrapi tinkunankupaj tantakorqanku chaypi. Chaypeqa cebada chajra karqa, soldadostaj filisteosmanta ayqekorqanku. 14 Eleazartaj pachanpi sayaykorqa, chay jallpʼasta jarkʼakuspataj maqanakuspa filisteosta wañuracherqa. Ajinamanta Jehová Diosqa tʼukunata atiparqa.*+

15 Soldadospa kinsa chunka kurajkunasninkumanta kinsalla uraykorqanku chhankaman, Adulam cuevapi+ Davidwan tinkunankupaj. Filisteospa soldadosninkutaj Refaím ura pampaspi jarakusharqanku.+ 16 Davidqa cueva ukhupi kasharqa, filisteospa uj tropa soldadosninkutaj Belenpi kasharqanku. 17 Davidtaj kay jinata parlarikorqa: “Belén+ punkupi kashan chay estanquemanta uj chhikan yakitullatapis tomarikuyman”, nispa. 18 Chayta uyarispataj chay kinsa wapu soldadosnenqa a la fuerza filisteospa campamentonkuman* yaykorqanku. Belén punkupi estanquemanta yakuta orqhospataj Davidpaj apamorqanku. Davidtaj mana chay yakuta tomayta munarqachu, pampaman jichʼarqa Jehová Diospa ñaupaqenpi. 19 Nerqataj: “Noqaqa Diosta manchachikuni, ni imarayku kay yakutaqa tomaykuymanchu. Kay runasqa kausayninkuta wañuy pataman churanku, ¿imaynatataj yawarninkuta tomaykuymanri?+ Kay runasqa yakuta apamuspa kausayninkuta wañuy pataman churanku”, nispa. Chayrayku Davidqa mana chay yakuta tomayta munarqachu. Chay imasta ruwarqanku chay kinsa wapu soldadosnin.

20 Joabpa+ hermanon Abisaiqa+ waj kinsa wapu soldadospa kamachejninku karqa. Payqa 300 runasta tʼojsina lanzanwan wañucherqa, chay kinsa wapu soldados jinallataj rejsisqa karqa.+ 21 Gruponpeqa kinsa karqanku, Abisaitaj chay iskay compañerosninmanta aswan wapu karqa, kamachejninkutaj karqa. Chaywanpis mana chay ñaupaj kinsa wapu soldados jinapunichu karqa.

22 Jehoiadaj wawan Benayaqa+ wapu soldado karqa, Cabzeelpitaj+ manchay tʼukuna imasta ruwarqa. Payqa Moabmanta Arielpa iskay wawasninta wañucherqa, uj pʼunchaytaj ritʼimushajtin estanqueman yaykorqa, chaypitaj uj leonta wañucherqa.+ 23 Payqa wañuchillarqataj uj jatun egipcio runata, chay runaqa sayayninman iskay metros 20 centimetrosniyoj karqa.*+ Benayaqa kʼaspillawan chimpaykorqa, egipcio runataj uj tʼojsina lanzata makinpi japʼisharqa, chay tʼojsina lanzanqa awana kʼaspi jinapuni karqa.+ Ajinapis Benayaqa chay egipcio runawan maqanakorqa, tʼojsina lanzanta qhechuspataj chayllawantaj wañucherqa.+ 24 Chay imasta ruwarqa Jehoiadaj wawan Benaya, payqa chay kinsa wapu soldados jinallataj sumaj rejsisqa karqa. 25 Benayaqa chay kinsa chunka soldadosmanta aswan wapu kaspapis, mana chay kinsa wapu soldados jinapunichu karqa.+ Ajinapis Davidqa guardiasninta kamachinanpaj churarqa.

26 Ejércitos ukhupi aswan wapu soldadosqa kaykuna karqanku: Joabpa hermanon Asahel,+ Belenmanta Dodoj wawan Elhanán,+ 27 harorita Samot, pelonita Hélez, 28 tecoíta Iquespa wawan Irá,+ anatotita Abí-Ézer,+ 29 husatita Sibecái,+ ahohíta Ilái, 30 netofatita Maharái,+ netofatita Baanaj wawan Héled,+ 31 benjaminitas+ ukhumanta Guibeamanta Ribaijpa wawan Itái, piratonita Benaya, 32 Gaas+ mayusmanta* Hurái, arbatita Abiel, 33 baharumita Azmávet, saalbonita Eliahbá, 34 guizonita Hasempa wawasnin, hararita Saguejpa wawan Jonatán, 35 hararita Sacarpa wawan Ahiam, Urpa wawan Elifal, 36 mekeratita Héfer, pelonita Ahíya, 37 carmelita Hezró, Ezbaijpa wawan Naarái, 38 Natanpa hermanon Joel, Hagrijpa wawan Mibhar, 39 ammonita Zélec, berotita Naharái, Zeruyajpa wawan Joabpa escudonta apaykachaj soldado, 40 itrita Irá, itrita Gareb, 41 hitita Urías,+ Ahlaijpa wawan Zabad, 42 rubenita Sizajpa wawan Adiná, payqa rubenitaspa ujnin kamachejninku karqa, paywantaj kinsa chunka runas karqanku, 43 chantá Maacajpa wawan Hanán, mitnita Josafat, 44 asteratita Uzía, aroerita Hotampa wawasnin Samawan Jeielwan, 45 Simrijpa wawan Jediael, tizita hermanon Johá, 46 mahavita Eliel, Elnaampa wawasnin Jeribaiwan Josaviaswan, moabita Itmá, 47 Eliel, Obed, mezobaíta Jaasiel ima.

12 Kay runas Davidman ujchaykukorqanku Ziclagpi+ kashajtin, chaypacha Davidqa Quispa wawan Saulmanta ayqeykachakuspa purisharqa.+ Paykunaqa wapu soldadosnin ukhupi karqanku, maqanakuspitaj Davidta yanapaj kanku.+ 2 Paykunaqa flechana arcosniyoj* karqanku, pañawanpis lloqʼewanpis sumajta warakʼayta yachaj kanku,+ flechana arcotapis pañawanpis lloqʼewanpis flechallaj kanku. Chay runasqa Benjamín ayllumanta* karqanku Saulpa hermanosnin.+ 3 Paykunaj kamachejninkoqa Ahiézer karqa Joaswan khuska. Iskayninku guibeatita+ Semaaj wawasnin karqanku. Chantá kashallarqankutaj Azmavetpa+ wawasnin Jezielwan Peletwan. Chantá Beracá, anatotita Jehú, 4 gabaonita+ Ismayá, payqa chay kinsa chunka wapu soldadosmanta ujninku karqa,+ kinsa chunkantinmantataj kamachejninku karqa. Chantá Jeremías, Jahaziel, Johanán, guederatita Jozabad, 5 Eluzái, Jerimot, Bealías, Semarías, harifita Sefatías, 6 Elcaná, Isías, Azarel, Joézer, Jasobeam ima, chaykuna karqanku coreítas.+ 7 Chantá Joelawan Zebadiaswan, paykunaqa Guedormanta Jerohampa wawasnin karqanku.

8 Wakin gaditasqa Davidpa tropasninman ujchaykukorqanku chʼinnejpi pakakushajtin.+ Paykunaqa wapu soldados karqanku, guerrapi maqanakunankupaj sumaj wakichisqas, jatuchaj escudosniyoj, tʼojsina lanzasniyoj karqanku, maqanakunankupajpacha. Paykunaj uyankoqa leonpa uyan jina karqa, orqospi tarukas jinataj manchay ligeros karqanku. 9 Kaykuna kamachejkuna karqanku: ñaupaj kajqa Ézer karqa, iskay kajqa Abdías karqa, kinsa kajqa Eliab karqa, 10 tawa kajqa Mismaná karqa, phishqa kajqa Jeremías karqa, 11 sojta kajqa Atái karqa, qanchis kajqa Eliel karqa, 12 pusaj kajqa Johanán karqa, jisqʼon kajqa Elzabad karqa, 13 chunka kajqa Jeremías karqa, chunka ujniyoj kajtaj Macbanái karqa. 14 Chaykuna karqanku gaditas,+ paykunaqa soldadospa capitanesninku karqanku. Paykunamanta aswan pisi kallpaqa 100 soldadosta atipaj, aswan kallpasapataj 1.000 soldadosta.+ 15 Paykuna ñaupaj kaj killapi Jordán mayuta pasarqanku, yaku mayuta wasariykamushajtin. Chantá uray mayupi tiyakojkunata ayqecherqanku inti llojsimuy ladoman, inti yaykuy ladomanpis.

16 Chantá Benjamín ayllumanta, Judá ayllumantawan wakin runas jamullarqankutaj David pakakusharqa chayman.+ 17 Davidtaj llojsimuspa paykunaj ñaupaqenkupi sayaykuspa nerqa: “Sichus mana maqanakojchu jamunkichej chayqa, sichus yanapawaj jamunkichej chayqa, amigosniy kankichej. Pero sichus wasanchanawaykichejpaj jamushawankichej, enemigosniyman jaywaykunawaykichejpaj, ni ima sajrata ruwashajtillay chayqa, ñaupa tatasninchejpa Diosnin chayta rikuspa justiciata ruwachun”,+ nispa. 18 Chaypacha Diospa espiritun jamorqa+ 30 soldadosta kamachej Amasaiman, Amasaitaj Davidta nerqa:

“David, noqaykoqa qanpata kayku. Jesej wawan David, qanwan kashayku.+

Allin kausay qanpaj kachun,* qanta yanapasojkunapajpis allin kausay kachun.

Diosniyki qanta yanapashasunki”,+ nispa.

Chantá Davidqa paykunata kʼachamanta japʼikorqa, tropa soldadosta kamachinankupajtaj churarqa.

19 Chantá Manasés ayllumanta wakin runasqa Davidpa tropasninman ujchaykukorqanku filisteoswan khuska Saulwan maqanakoj jamushajtin. Jinapis Davidqa mana filisteosta yanaparqachu. Filisteosta kamachejkunaqa+ parlanakuytawan Davidta kachapusqanku, paykunaqa ninakusqanku: “Davidqa señornin Saulman kutikonqa, noqanchejtataj wañuchiwasun”,+ nispa. 20 Manasés ayllumantaqa kay runas Davidpa tropasninman ujchaykukorqanku Ziclagpi kashajtin.+ Paykuna karqanku: Adná, Jozabad, Jediael, Miguel, Jozabad, Elihú, Ziletái ima. Paykuna karqanku Manasés ayllupi waranqa runasta kamachejkuna.+ 21 Paykuna Davidta yanaparqanku suwa tropaswan maqanakushajtin. Chay runasqa tukuyninku kallpasapas, ni imata manchachikoj karqanku.+ Chantá soldadospa capitanesninku kaporqanku. 22 Diamanta día runasqa jamoj kanku Davidta yanapanankupaj,+ ajinamanta Davidpa ejercitonqa* may chhika karqa, Diospa ejerciton jinapuni.+

23 Kay chhika karqanku guerrapaj wakichisqa soldadospa kamachejkunasninku. Paykunaqa Hebronpi+ Davidman ujchaykukorqanku Saulpa gobiernonta payman entreganankupaj, Jehová Dios kamachisqanman jina.+ 24 Judá ayllumantaqa karqanku 6.800 soldados guerrapaj wakichisqa, jatuchaj escudosniyoj, tʼojsina lanzasniyojtaj. 25 Simeonitasmantataj ejercitopi karqanku 7.100 wapu soldados, ni imata manchachikoj soldados.

26 Levitasmantataj 4.600 karqanku. 27 Aaronpa wawasninmanta+ kamachejtaj Jehoiadá+ karqa, paywantaj kasharqanku 3.700 levitas. 28 Chantá kashallarqataj Sadoc,+ payqa wapu joven karqa, ni imata manchachikojchu. Chayllapitaj kasharqanku ñaupa tatasninpa familiasninkumanta 22 umas kajkuna.

29 Benjaminitasmantataj 3.000 karqanku, Saulpa+ hermanosnin. Ñaupajtaqa paykunamanta casi tukuyninku Saulpa familianman kutisqa karqanku. 30 Efraimitasmantataj kasharqanku 20.800 kallpasapa runas, paykunaqa ni imata manchachikojchu kanku, ñaupa tatasninkoj familiasninkupitaj may rejsisqas karqanku.

31 Manasespa khuskan ayllunmantataj 18.000 runas karqanku. Paykunaqa ajllasqa karqanku, jamuspa reyta jina Davidta churanankupaj. 32 Isacarpa ayllunmantaqa 200 kamachejkuna karqanku. Paykunaqa sumajta reparaj kanku imata ruwana tiempochus kasqanta, yachajtaj kanku imatachus Israel nación ruwanan kasqanta. Tukuynin hermanosninkutaj paykunaj mandonkupi kasharqanku. 33 Zabulón ayllumantataj 50.000 runas karqanku ejercitoman yaykunankupajpacha, guerrapi maqanakunankupaj wakichisqas, tukuy imaymana armasniyoj. Paykunaqa Davidman tukuy sonqo sayasqa karqanku. 34 Neftalí ayllumantataj 1.000 kamachejkuna karqanku, paykunawan khuskataj 37.000 runas karqanku jatuchaj escudosniyoj, tʼojsina lanzasniyoj ima. 35 Dan ayllumantataj guerraman yaykojkunaqa 28.600 karqanku. 36 Aser ayllumantataj, pikunachus ejercitopi sirvinankupaj jina, guerramantaj yaykunankupaj jina kajkunaqa 40.000 karqanku.

37 Jordán mayu chimpamantataj,+ rubenitasmanta, gaditasmanta, Manasespa khuskan ayllunmantawan 120.000 soldados karqanku, imaymana armasniyoj. 38 Paykunaqa tukuyninku guerrapi maqanakuyman yachasqa karqanku, guerraspitaj tinkoj kanku. Paykunaqa Hebronman tukuy sonqo jamorqanku Davidta reyta jina churanankupaj, tukuynin Israelta kamachinanpaj. Tukuynin israelitaspis de acuerdo kasharqanku Davidta reyta jina churanankupaj.+ 39 Chaypitaj Davidwan kinsa diasta quedakorqanku mikhuspa, ujyaspa. Hermanosninkoqa tukuy imata paykunapaj wakichipusqanku. 40 Chantapis paykunaj qayllallankupi tiyakojkuna, Isacar ayllupi, Zabulón ayllupi, Neftalí ayllupi tiyakojkunapis jamuspa apamorqanku mikhuykunata burrospi, camellospi, mulaspi, torospi ima. Paykunaqa apamorqanku jakʼuta, qʼapisqa higosta, kʼisasta, vinota, aceitetawan. Chantá apamullarqankutaj ashkha wakasta, ovejastapis, Israelpi manchay kusiy kasqanrayku.

13 Davidqa tapurerqa waranqa runaspa kamachejkunasninkuta, pachaj runaspa kamachejkunasninkuta, tukuynin waj kurajkunatawan.+ 2 Chantá Davidqa Israelmanta tukuy tantasqa runasman nerqa: “Sichus qankunaman allin rijchʼasunkichej chayqa, sitajchus Jehová Diosninchej chayta allinpaj qhawanqa chayqa, tukuynin Israel jallpʼasman uj willayta apachisunchej hermanosninchejman, sacerdotesman, levitasmanpis llajtasninkupi+ pasto jallpʼasnintinman, paykunapis jamuspa noqanchejwan khuska ujchakunankupaj. 3 Diosninchejpa arcanta apakanpunanchejpaj”,+ nispa. Saúl kamachishajtin israelitasqa arcata mana cuidasqankuchu.+ 4 Tukuy tantasqa kajkunataj de acuerdo kasharqanku chayta ruwanankupaj, tukuyninkuman allin rijchʼarqa. 5 Chantá Davidqa tukuynin israelitasta tantacherqa Egipto mayumantapacha* Lebó-Hamatkama,*+ Quiryat-Jearim llajtamanta cheqa Diospa* arcanta apamunankupaj.+

6 Davidwan tukuynin israelitaswanqa khuska Baalá+ llajtaman wicharerqanku, nisunman Judaj japʼiyninpi Quiryat-Jearim llajtaman, chaymantapacha Jehová Diospa* arcanta apamunankupaj. Payqa kamachina tiyananpi tiyasqa kashan querubines* patapi,*+ runastaj chay arca qayllapi Diospa sutinta oqharinku. 7 Chantá cheqa Diospa arcanta uj mosoj carretaman churaspa+ Abinadabpa wasinmanta apamusharqanku. Uzawan Ahiowan chay carretata apamusharqanku.+ 8 Davidwan tukuynin israelitaswanqa cheqa Diospa ñaupaqenpi tukuy sonqo kusirikusharqanku, takirispa, arpasta tocarispa, cuerdasniyoj tocanasta tocarispa, panderetaswan,*+ platilloswan,+ cornetaswan+ ima. 9 Kidón nisqa eraman* chayajtinkutaj torosqa casipuni arcata urmarpacherqanku, Uzataj makinta aysarispa arcata japʼiykorqa. 10 Jehová Diostaj Uzapaj sinchʼitapuni phiñakorqa, wañurpacherqataj makinta aysarispa arcata japʼiykusqanrayku.+ Chaypi Uzaqa Diospa ñaupaqenpi wañorqa.+ 11 Davidtajrí phiñakorqa Jehová Dios Uzapaj sinchʼita phiñakusqanmanta. Chayrayku chay lugartaqa kunankama Pérez-Uzá* sutiwan rejsikun.

12 Davidqa chay pʼunchay cheqa Diosta manchachikuspa nerqa: “¿Imaynatataj cheqa Diospa arcanta tiyakushani chay llajtaman chayachisajri?”,+ nispa. 13 Davidqa mana arcata aparqachu maypichus tiyakusharqa chay llajtaman, nisunman Davidpa Llajtanman. Astawanpis payqa guitita Obed-Edompa wasinman arcata apacherqa. 14 Ajinamanta cheqa Diospa arcanqa Obed-Edompa wasinpi kasharqa kinsa killata, Jehová Diostaj bendicerqa Obed-Edompa familianta, tukuy ima kapusqantapis.+

14 Tiromanta rey Hiramqa+ willajkunata Davidman kachamorqa. Kachamullarqataj albañilesta,* carpinterostawan, cedro maderasta aparisqata Davidpaj wasita ruwapunankupaj.*+ 2 Davidqa sutʼita repararqa Jehová Dios paypa gobiernonta allinta sayachisqanta Israelta rey jina kamachinanpaj.+ Diosqa Israel nacionninrayku+ Davidpa gobiernonta jatunpaj qhawacherqa.

3 Davidqa Jerusalenpi waj warmiswan casarakullarqataj,+ ajinamanta qhari wawasnin, warmi wawasnin astawan yapakorqa.+ 4 Jerusalenpi nacekorqanku chay qhari wawasninpa sutisninkoqa kaykuna karqanku:+ Samúa, Sobab, Natán,+ Salomón,+ 5 Ibhar, Elisúa, Elpélet, 6 Noga, Néfeg, Jafía, 7 Elisamá, Beeliadá, Elifélet ima.

8 Filisteosqa Davidta tukuy Israelta kamachinanpaj+ churasqankuta yachaytawankama, tukuyninku Davidwan maqanakoj jamorqanku.+ Davidtaj chayta yachaytawan paykunawan maqanakoj rillarqataj. 9 Filisteosqa Refaím ura pampasman+ chayaspa chaypi tiyakojkunawan maqanakuyta qallarerqanku. 10 Davidtaj Diosta taporqa: “Diosníy, ¿filisteoswan maqanakoj risajchu? ¿Paykunata makiyman entregaykuwankichu?”, nispa. Jehová Diostaj kuticherqa: “Arí, rillay, paykunataqa makiykiman entregaykusaj”,+ nispa. 11 Chayrayku Davidqa Baal-Perazimman+ rerqa, chaypitaj filisteosta atiparqa. Chantá nerqa: “Cheqa Diosqa* makisniywan enemigosniyta atipaykun, imaynatachus perqata yaku urmachin ajinata”, nispa. Chayrayku chay lugartaqa Baal-Perazimta* suticharqanku. 12 Chaypi filisteosqa santosninkuta saqerparqanku. Chantá Davidqa chay santosta ruphachinankuta kamacherqa, soldadosnintaj ruphaykucherqanku.+

13 Aswan qhepatataj filisteosqa watejmanta chay ura pampaspi+ tiyakojkunawan maqanakorqanku. 14 Davidqa watejmanta Diosta tapukorqa, cheqa Diostaj nerqa: “Ama ñaupaqenkumanta paykunawan maqanakoj riychejchu, astawanqa paykunata muyuykuspa bacá nisqa sachʼas wasapi pakakamuychej. Chantá llojsimuspa paykunawan maqanakunkichej.+ 15 Chay bacá nisqa sachʼas patapi soldadospa marchasqankuta jina uyarispaqa, llojsimuspa paykunawan maqanakunkichej. Cheqa Diosqa ñaupaqeykita llojsenqa filisteospa soldadosninta atipananpaj”,+ nispa. 16 Davidqa cheqa Diospa kamachisqanman jinapuni ruwarqa,+ filisteospa soldadosnintataj atiparqanku Gabaonmantapacha Guezerkama.+ 17 Davidqa tukuy jallpʼaspi rejsisqa karqa, tukuy nacionestaj Davidta manchachikorqanku Jehová Dios yanapasqanrayku.+

15 Davidqa wasista ruwakushallarqapuni Davidpa Llajtanpi, chantá cheqa Diospa* arcanpaj uj lugarta wakicherqa, toldo wasitapis* ruwaporqa.+ 2 Chaypacha Davidqa nerqa: “Ni pi cheqa Diospa arcantaqa apananchu tiyan, manachayqa levitaslla. Jehová Dios levitasta ajllakun Jehovaj arcanta apanankupaj, paytataj sirvinallankupajpuni”,+ nispa. 3 Chantá Davidqa tukuynin israelitasta Jerusalenpi tantacherqa, chay wakichisqan lugarman Jehová Diospa arcanta apamunankupaj.+

4 Davidqa Aaronpa mirayninmanta kajkunata+ levitastawan+ tantacherqa: 5 cohatitasmantaqa tantacherqa kamachejninku Urielta, 120 hermanosnintawan, 6 meraritasmantataj kamachejninku Asayata,+ 220 hermanosnintawan, 7 guersonitasmantataj kamachejninku Joelta,+ 130 hermanosnintawan, 8 Elizafanpa+ mirayninmantataj kamachejninku Semayata, 200 hermanosnintawan, 9 Hebronpa mirayninmantataj kamachejninku Elielta, 80 hermanosnintawan, 10 Uzielpa+ mirayninmantataj kamachejninku Aminadabta, 112 hermanosnintawan. 11 Chantapis Davidqa wajyachillarqataj sacerdote Sadocta,+ Abiatartawan,+ chantá kay levitastawan: Urielta, Asayata, Joelta, Semayata, Elielta, Aminadabtawan. 12 Paykunatataj nerqa: “Qankunaqa levita familiaspi umas kajkuna kankichej. Hermanosniykichejwan khuska llimphuchakuytawan Israelpa Diosnin Jehovaj arcanta apankichej, chay wakichisqay lugarman. 13 Chay ñaupaj kutipi mana qankunachu Diospa arcanta aparqankichej,+ chayrayku Jehová Diosninchejqa noqanchejpaj sinchʼita phiñakorqa.+ Noqanchejqa mana allintachu qhawarikusqanchej imaynatachus arcata apana kasqanta”,+ nispa. 14 Chayrayku sacerdoteswan levitaswanqa, llimphuchakorqanku Israelpa Diosnin Jehovaj arcanta apanankupaj.

15 Chantá levitasqa cheqa Diospa arcanta kʼaspisninmanta+ oqharispa hombrosninkupi aparqanku. Chaytaqa Moisespa kamachisqanman jina ruwarqanku, Jehová Dios nisqanman jinataj. 16 Davidqa levitaspa kamachejkunasninkuta kamacherqa takej hermanosninkuman encarganankuta kusisqa takinankuta, tocanasta tocarispa: cuerdasniyoj tocanasta, arpasta,+ platillostawan.+

17 Levitastaj chayta encargarqanku Joelpa wawan Hemanman,+ hermanosnin ukhumantataj Berekiaspa wawan Asafman,+ merarita hermanosninkumantataj Cusayaj wawan Etanman.+ 18 Paykunawan khuskataj kasharqanku iskay kaj grupomanta hermanosninku:+ Zacarías, Ben, Jaaziel, Semiramot, Jehiel, Uní, Eliab, Benaya, Maaseya, Matitías, Elifelehu, Micneyá, punkuta qhawajkuna Obed-Edomwan Jeielwan ima. 19 Takejkuna Hemán,+ Asaf,+ Etanpis sonachinanku karqa cobre platillosta.+ 20 Chantá Zacarías, Aziel, Semiramot, Jehiel, Uní, Eliab, Maaseya, Benayapis cuerdasniyoj tocanasta tocaj kanku alamot* tonoman jina.+ 21 Chantá Matitías,+ Elifelehu, Micneyá, Obed-Edom, Jeiel, Azaziaspis arpasta tocaj kanku seminit* templeman jina,+ ajinata paykunaqa tocajkunata tocachej kanku. 22 Levitaspa kamachejninku Kenaniasqa+ arcata apanamanta cargoyoj karqa. Payqa imaynatachus apanata sumajta yachaj. 23 Berekiaswan Elcanawanqa Diospa arcanta cuidaj kanku. 24 Sacerdotes Sebanías, Josafat, Netanel, Amasái, Zacarías, Benaya, Eliezerpis cornetasta jatunmanta waqachej kanku cheqa Diospa arcanpa ñaupaqenpi.+ Obed-Edomwan Jehiaswanpis arcata cuidallajtaj kanku.

25 Davidwan, Israelmanta kurajkunawan, sapa waranqa runaspa kamachejkunasninkuwan ima, allin kusisqa rerqanku+ Jehová Diospa trato ruwasqan arcata apamunankupaj Obed-Edompa wasinmanta.+ 26 Cheqa Diosqa levitasta yanaparqa Jehová Diospa trato ruwasqan arcata apanankupaj. Chayrayku paykunaqa qanchis torillosta, qanchis carnerostawan* qʼolacherqanku.*+ 27 Davidqa mana mangasniyoj sumaj telamanta ropayoj kasharqa, arcata apajkuna levitas jina, takejkuna jina, Kenanías jinataj. Kenaniasqa arcata apajkunajta, takejkunajtawan kamachejninku karqa. Chantapis Davidqa linomanta ruwasqa efodniyoj* kasharqa.+ 28 Tukuy israelitasqa Jehová Diospa trato ruwasqan arcata apamorqanku kusiymanta qhaparirispa,+ pututusta, cornetastapis waqarichispa,+ platillosta sonarichispa, cuerdasniyoj tocanasta, arpastapis sinchʼita tocarispa.+

29 Jehová Diospa trato ruwasqan arcata Davidpa Llajtanman+ chayachimojtinkutaj, Saulpa warmi wawan Micalqa+ ventanamanta qhawamusharqa, rikorqataj rey Davidta phinkiykacharispa kusikushasqanta arcata apamusqankumanta. Chayta rikuspa Micalqa sonqonpi Davidta chejnikaporqa.+

16 Davidqa cheqa Diospa* arcanpaj uj toldo wasita* ruwaporqa. Chantá arcata chay toldo wasiman apaykorqanku,+ cheqa Diospa ñaupaqenpitaj qʼolachina* ofrendasta jaywarqanku, khuska mikhurikuy ofrendastapis.+ 2 Chaymanta Davidqa qʼolachina ofrendasta,+ khuska mikhurikuy ofrendastapis+ jaywayta tukuchaytawan, Jehová Diospa sutinpi tukuy runasta bendicerqa. 3 Chantapis tukuy israelitasman, qharismanpis warmismanpis jaywarqa uj muyu tʼantata, palmera poqoykunamanta ruwasqa tʼantata, kʼisasmanta tʼantatawan. 4 Chantá Davidqa wakin levitasta churarqa Jehová Diospa arcanpa ñaupaqenpi sirvinankupaj,+ ajinamanta Israelpa Diosnin Jehovata jatunchanankupaj,* graciasta qonankupaj, yupaychanankupaj ima. 5 Asafqa+ kamachejninku karqa, Zacariastaj iskay kaj kamachejninku karqa. Jeiel, Semiramot, Jehiel, Matitías, Eliab, Benaya, Obed-Edom, Jeiel ima,+ cuerdasniyoj tocanasta, arpastawan tocaj kanku.+ Asafqa platillosta tocaj.+ 6 Sacerdote Benayawan Jahazielwanqa cornetasta waqachejpuni kanku cheqa Diospa trato ruwasqan arcaj ñaupaqenpi.

7 Chay pʼunchay Davidqa uj takiyta wakicherqa Jehová Diosta agradecekunanpaj, kamacherqataj Asafta, hermanosnintawan chay takiyta takinankuta,+ chay takeyqa ñaupaj kaj takiynin karqa. Kaytaj kashan:

8 “Jehová Diosman graciasta qoychej,+ sutinta oqhariychej.

Ruwasqasninta llajtaspi rejsichiychej.+

9 Takipuychej, alabanzasta takipuychej.*+

Tukuynin sumaj ruwasqasninpi tʼukuriychej.*+

10 Diospa santo sutinmanta tukuy sonqo parlaychej.+

Jehová Diosta maskʼajkunaj sonqonku kusisqa kachun.+

11 Jehová Diosta maskʼaychej,+ kallpanta mañakuychej.

Khuyakusunaykichejpaj tuta pʼunchay mañakuychej.+

12 Yuyarikuychej allin tʼukunasta ruwasqanmanta.+

Yuyarikuychej milagrosta ruwasqanta, castigosta apachimusqantapis.

14 Paymin Jehová Diosninchejqa.+

Kamachiykunasnenqa jallpʼantinpi churasqa kashan.+

15 Wiñaypaj yuyarikuychej Diospa trato ruwasqanta.

Nacionninpaj ruwasaj nisqantaqa ama ni jaykʼaj qonqaychejchu.+

19 Chayta nerqa pisillaraj kashajtiykichej.

Allin pisillarajpuni karqankichej, forasteros jinataj purikusharqankichej.+

20 Paykunaqa nacionmanta nación purerqanku.

Uj suyumanta waj suyuman riporqanku.+

21 Diosqa mana saqerqachu ni pi paykunata ñakʼarichinanta.+

23 Tukuy jallpʼantin, Jehová Diospaj takiripuychej.

Sapa pʼunchay wajkunaman willariychej imaynatachus runasta salvasqanta.+

25 Jehová Diosqa jatunmin, paylla jatunchanapaj jina.

Waj dioskunamanta nisqaqa, paylla aswan tʼukunapaj jina.+

26 Waj nacionespa tukuy diosesninkoqa qhasi manakajlla kanku, dioses nisqalla kanku.+

Jehová Diostajrí cielota ruwarqa.+

27 Diospa ñaupaqenpi kashanku jatun atiynin, jatun kayninpis.+

Tiyakun chaymantaqa kallpanpis, kusiyninpis kʼancharimun.+

28 Ayllus,* Jehová Diosta jatunchaychej.

Jehová Diosta jatunchaychej atiyniyoj kasqanrayku, kallpayoj kasqanrayku.+

29 Jehová Diosta jatunchaychej sutin jatunchanapaj jina kasqanrayku.+

Regalota apamuspa ñaupaqenman yaykuychej.+

Llimphu ropasta* churakuspa* Jehová Diospa ñaupaqenpi qonqorikuychej.*+

30 Ñaupaqenpi tukuy jallpʼantin kharkatichun.

Jallpʼaqa sumaj sayachisqa kashan, ni ima kuyurichinmanchu.+

31 Cielosqa kusikuchunku, jallpʼapis kusikullachuntaj.+

Naciones ukhupi kayta willaychej: ‘Jehová Diosqa Reyña’,+ nispa.

32 Mar qochaqa kusiywan sonarichun, mar qochapi tukuy ima kajpis kusikuchun.

Tukuy jallpʼas kusikuchunku, chaypi tukuy ima kajpis kusikuchunku.

34 Jehová Diosman graciasta qoychej, kʼacha kasqanrayku.+

Munakuynenqa* wiñaypaj kallanqapuni.+

35 Niychejtaj: ‘Salvawaj Diosniyku, salvawayku ari.+

Tukuy runastaj “amén”* nerqanku. Jehová Diostataj jatuncharqanku.

37 Chantá Davidqa Asaftawan+ hermanosnintawan Jehová Diospa trato ruwasqan arcaj ñaupaqenpi saqerqa, chay arcaj ñaupaqenpi sirvispa kanankupaj,+ sapa día imatachus ruwana kasqanta ruwanankupaj.+ 38 Saqellarqataj Obed-Edomta, hermanosnintawan khuska, tukuyninku 68 karqanku. Chantá punkuta qhawanankupaj churarqa Jedutunpa wawan Obed-Edomta, Hosatawan. 39 Sacerdote Sadoctaj,+ waj sacerdote hermanosninwan Jehová Diospa toldo wasinpa ñaupaqenpi, Gabaonpa pata lugarninpi+ kasharqanku, 40 ofrenda qʼolachina altarpi Jehová Diosman qʼolachina ofrendasta jaywanankupaj, tutamanta jinallataj tardenpis mana faltayta, chantapis Leypi tukuy ima qhelqasqa kasqanta juntʼanankupaj, mayqentachus Jehová Dios israelitasman qorqa chayta.+ 41 Paykunawantaj kasharqanku Hemán, Jedutún,+ waj ajllasqa runas ima Jehová Diosman graciasta qonankupaj,+ “munakuynin wiñaypaj kasqanrayku”.+ 42 Paykunawanqa kasharqanku Hemanwan+ Jedutunwan, cornetasta waqachinankupaj, platillosta tocanankupaj, mayqen tocanaswanchus cheqa Diosta yupaychaj kanku chaykunatawan tocanankupaj. Jedutunpa+ wawasnintaj punkuta qhawanamanta cargoyoj karqanku. 43 Chantá tukuy runasqa wasisninkuman riporqanku, Davidtaj wasinmanta kajkunata bendecimoj rerqa.

17 Davidqa wasinman* tiyakoj yaykupusqantawan profeta Natanta+ nerqa: “Noqaqa cedro maderasmanta sumaj ruwasqa wasipi tiyarikushani,+ Jehová Diospa trato ruwasqan arcataj telasmanta ruwasqa toldollapi* kashan”,+ nispa. 2 Natantaj Davidta nerqa: “Ruwallay imatachus sonqoyki munasqanta, cheqa Diosqa* qanwan kashan”, nispa.

3 Diostaj chay chʼisipacha Natanta nerqa: 4 “Rispa kamachiy Davidta nimuy: ‘Jehová Diosqa kayta nin: “Tiyakunaypaj wasitaqa mana qanchu ruwapuwanki.+ 5 Egiptomanta Israelta orqhomusqaymantapacha kunankama mana uj wasipichu tiyakuni, manaqa toldo wasisllapi* tiyakuni, uj lugarmanta waj lugarman purisqaypi kani.+ 6 Tukuy israelitaswan kay chhika unayta purini. Paykunapajqa juecesta churarqani, ovejitasta jina paykunata qhawanankupaj. ¿Maykʼajllapis uyarerqankichu chay juecesta nisqayta: ‘Imajtintaj mana wasita ruwapuwankichejchu cedro maderamanta’, nispa?”’.

7 ”Kunanqa kamachiy Davidta nimuy: ‘Angelesta kamachej Jehová Diosqa kayta nin: “Noqa pusamorqayki pasto pampaspi ovejasta michishajtiyki, Israel nacionniyta kamachinaykipaj.+ 8 Mayman rejtiykipis qanllawanpuni kasaj.+ Tukuynin enemigosniykitapis ñaupaqeykimanta chinkachisaj.+ Sutiykitaqa sumaj sutiman tukuchisaj, jallpʼantinpi may rejsisqa kanki, may rejsisqa runas jina.+ 9 Uj lugarta ajllapusaj nacionniy Israelpaj, chayman paykunata tiyakunankupaj pusasaj. Chaypeqa ni pipis paykunata ima nenqachu. Sajra runasqa niña paykunata ñakʼarichenqankuchu ñaupajta jinaqa,+ 10 Israel nacionniypaj juecesta churarqani chay tiempopi jinaqa.+ Tukuynin enemigosniykita atipasaj.+ Astawanpis kayta niyki: ‘Jehová Diosqa wasita ruwapusonqa’,* nispa.

11 ”’”Wañupuspa ñaupa tatasniykiwanña samarikushajtiyki, mirayniykimanta ujnin wawaykitañataj rey kananpaj churasaj,+ gobiernontataj sinchʼita sayachisaj.+ 12 Paymin wasita ruwapuwanqa,+ noqataj paypa kamachina tiyananta wiñaypaj sinchʼita sayachisaj.+ 13 Noqa tatan kasaj, paytaj waway kanqa.+ Paytaqa munakullasajpuni, nitaj saqerparisajchu+ qanmanta ñaupajta rey karqa chayta jinaqa.+ 14 Paytaqa kamachina tiyanaypi wiñaypaj tiyaykuchisaj,+ gobiernonpis mirayninmanta reyespis wiñaypaj kallanqankupuni”,+ nispa’”.

15 Natantaj Davidman willarqa chay tukuy imasta, mosqoypi jina uyarisqantapis.

16 Chayta uyarispa rey Davidqa Jehová Diospa ñaupaqenman rispa tiyaykukorqa nerqataj: “Jehová Diosníy, ¿pitaj noqa kasqani? ¿Imataj familiaypis kasqa chay tukuy imasta ruwapunawaykipajri?+ 17 Diosníy, chay ruwapuwasqayki may tʼukunapaj jinaña kajtinpis, qan nishankiraj kay kamachiykej familianqa unaypaj kanallantapuni.+ Jehová Diosníy, noqatapis qhawashawanki astawan jatunchasqa kanaypaj jinataraj.* 18 Diosníy, qan allinta rejsiwanki.+ Chayrayku, ¿imatawantaj niykiman kay kamachiyki Davidpaj chay imasta ruwapusqaykimantari? 19 Jehová Diosníy, munasqaykiman jina kamachiykirayku chay tukuynin tʼukuna imasta ruwarqanki, jatun kayniykitataj rejsichinki.+ 20 Jehová Diosníy, mana pipis qan jinaqa kanchu,+ qanlla Dios kanki, mana waj kanchu.+ Ninrisniykuwan tukuy ima uyarisqaykoqa chayta reparachiwayku. 21 Diosníy, kay jallpʼa patapi, ¿mayqen naciontaj Israel nacionniyki jinari?+ Cheqa Diosníy, qanmin rispa paykunata kacharichimorqanki nacionniyki kanankupaj.+ Sutiykitapis may rejsisqaman tukucherqanki jatuchaj imasta, tʼukuna imasta ruwaspa,+ maypachachus nacionniykej ñaupaqenmanta nacionesta wijchʼorqanki chaypacha,+ chay nacionniykitaqa Egiptomanta kacharicherqanki. 22 Qanmin nacionniyki Israeltaqa ajllakorqanki wiñaypaj nacionniyki kananpaj.+ Qanmin Jehová Diosníy, Diosninku karqanki.+ 23 Kunanqa Jehová Diosníy, kay kamachiykipaj, familianpajpis imatachus nisqaykeqa juntʼakuchunpuni wiñaypaj, chay nisqaykitaqa ruwaypuni ari.+ 24 Sutiykeqa unaypaj kallachunpuni, wiñaypajtaj jatunchasqa kachun.+ Chaywanqa runaspis nenqanku: ‘Angelesta kamachej Jehovaqa Israelpa Diosnin, paymin Israelpa Diosnenqa’, nispa. Kamachiyki Davidpa familiantaj ñaupaqeykipi wiñaypaj sayachisqa kachun.+ 25 Diosníy, qanmin niwanki ‘wasita ruwapusqayki’* nispa. Chayrayku kay kamachiykeqa ajinata tukuy sonqo mañakusunki. 26 Jehová Diosníy, qanmin cheqa Diosqa kanki. Kay kamachiykimantaj kay allin imasta ruwapunaykita ninki. 27 Chayrayku Diosníy, kay kamachiykej familianta bendecillay ari, ñaupaqeykipitaj wiñaypaj kallachunpuni ari. Jehová Diosníy, qanmin kay kamachiykej familiantaqa bendicerqanki, wiñaypajtaj bendecisqa kanqa”.

18 Aswan qhepatataj Davidqa filisteosta atiparqa, filisteostaj paypa mandonpi karqanku.+ Chantá Gat llajtata+ paykunamanta qhechorqa, muyuyninmanta ranchostawan. 2 Chantá Moab+ nacionta atiparqa, moabitastaj Davidpa kamachisninman tukuporqanku, impuestotapis payman pagaj kanku.+

3 Davidqa Hamat+ qayllapi atiparqa Zobaj+ reynin Hadadezerta.+ Hadadezerqa Éufrates mayuman+ rishasqa chay lugarestawan japʼikanpoj. 4 Davidqa Hadadezermanta qhechorqa mil carretasta, 7 mil caballospi purej soldadosta, 20 mil soldadostawan.+ Carretasta aysaj tukuynin caballostataj chaki ankusninkuta khuchurarqa, pachaj caballosllata mana imanarqachu.+ 5 Damascomanta sirio soldados jamorqanku Zobaj reynin Hadadezerta yanapaj. Davidtaj 22 mil sirio soldadosta wañuracherqa.+ 6 Chantá Davidqa Siriapi Damasco llajtaman tropa soldadosninta churarqa. Siriostaj kamachisnin kaporqanku, impuestotapis payman pagaj kanku. Davidtaqa Jehová Dios yanapaj atipananpaj* mayman rejtinpis.+ 7 Chantapis Davidqa Hadadezerpa soldadosninmanta qhechorqa qorimanta muyu escudosta, Jerusalenmantaj apakaporqa. 8 Chantá Davidqa Hadadezerpa llajtasnin Tibhatmanta, Cunmantawan may chhika cobreta apakaporqa. Chay cobrewan Salomonqa ruwarqa yakuta churanapaj jatun wirkhita,*+ pilaresta, cobremanta tukuy imastawan.+

9 Hamatmanta rey Touqa yacharqa Davidqa Zobaj reynin Hadadezerpa+ tukuynin ejercitonta atipasqanta.+ 10 Chayrayku rey Touqa chay rato wawan Hadoramta kachamorqa rey Davidta tapurinanpaj imaynachus kashasqanta, chantá felicitaykunanpaj rey Hadadezerta maqanakuspa atipasqanmanta (Hadadezerqa ashkha kutista rey Touwan maqanakusqa). Hadoramqa Davidpaj apamorqa tukuy laya* imasta qorimanta, qolqemanta, cobremantapis. 11 Chay apamusqantataj rey Davidqa Jehová Diospaj tʼaqaporqa,+ imaynatachus chay waj nacionesmanta apamusqan qolqeta, qoritapis tʼaqaporqa ajinata. Chaykunataqa apamorqa: Edommanta, Moabmanta, ammonitasmanta,+ filisteosmanta,+ amalequitasmantawan.+

12 Zeruyaj+ wawan Abisaiqa+ 18 mil edomitasta wañuracherqa Kachi mayupi.+ 13 Payqa tropa soldadosta Edom nacionman churarqa, tukuy edomitastaj Davidpa kamachisninman tukuporqanku.+ Davidtaqa Jehová Dios yanapaj atipananpaj* mayman rejtinpis.+ 14 Davidqa tukuynin Israel nacionta kamacherqa,+ tukuynin nacionpaj justiciata, cheqa kajtawan ruwarqa.+ 15 Zeruyaj wawan Joabqa ejercitomanta cargoyoj karqa,+ Ahiludpa wawan Jehosafatqa+ reypa qhelqerin karqa, 16 Ahitubpa wawan Sadocwan Abiatarpa wawan Ahimelecwantaj sacerdotes karqanku, Savsataj secretario karqa. 17 Jehoiadajpa wawan Benayaqa cargoyoj karqa keretitasmanta,+ peletitasmantawan.+ Davidpa wawasnintaj sumaj cargosniyoj karqanku reypa ladonpi.

19 Aswan qhepatataj ammonitaspa reyninku Nahás wañuporqa, wawantaj paypa cuentanmanta rey jina kamachiyta qallarerqa.+ 2 Chayrayku Davidqa nerqa: “Nahasqa noqata khuyakuwarqa,+ chayrayku noqapis wawan Hanunta khuyakullasajtaj”, nispa. Ajinamanta Davidqa Hanunpaman kamachisninta kacharqa tatan wañupusqanmanta sonqocharimunankupaj. Davidpa kamachisnin ammonitaspa+ nacionninkuman chayajtinkutaj, 3 ammonitaspa kuraj kamachejkunasnenqa Hanunta nerqanku: “¿Yuyankichu Davidqa tataykita jatunpaj qhawaspa kamachisninta kachamusqanta qanta sonqochasunankupaj? ¿Nichu kay runasqa wateqajlla jamuwanchej? ¿Nichu nacionninchejta japʼikapuyta munaspalla qhawaykachaj jamunku?”, nispa. 4 Hanuntaj Davidpa kachamusqan runasta japʼispa barbasninkuta* rasurarparqa,+ ropasninkutapis khuskanmanta kʼutorqa siki patasninkukama, chantá kachaporqa. 5 Rey Davidmantaj willarqanku imastachus kamachisninta ruwasqankuta. Chay jina pʼenqayta ruwasqankurayku, Davidqa chay ratopacha runasta kacharqa taripamuspa ninankupaj: “Jericó llajtapi+ quedakuychej barbaykichej wiñanankama, chantá jampullankichej”, nispa.

6 Tiemponmantaj ammonitasqa reparakorqanku Davidwan chejnichikusqankuta.* Chayrayku Hanunwan ammonitaswanqa Mesopotamiamanta,* Aram-Maacamanta, Zobamantawan+ contratarqanku carretasta, caballospi purej soldadostawan, chaypajtaj apacherqanku 34.200 kilos* qolqe metalta. 7 Contratarqankutaj 32.000 carretasta, Maacamanta reyta, soldadosnintapis. Chantá Medebaman+ chayarqanku, chaypitaj toldosninkuta* sayacherqanku. Ammonitaspis llajtasninkumanta llojsimuspa guerrapaj tantakorqanku.

8 Davidtaj chayta yachaspa Joabta+ kacharqa tukuynin soldadostawan, aswan wapu soldadosnintinta.+ 9 Ammonitastaj llojsimuspa maqanakunankupaj listos sayaykorqanku llajtankuman yaykuna punkupi, jamorqanku chay reyestaj waj ladopi sapallanku sayasharqanku pampanejpi.

10 Joabqa rikorqa may chhika soldadosta, ñaupaqenmantataj qhepanmantataj paywan maqanakoj jamushasqankuta. Chayrayku Israelmanta wakin sumaj soldadosta ajllarqa, sayaykucherqataj sirioswan maqanakunankupaj.+ 11 Chay wakin soldadostataj hermanon Abisaijpa+ mandonman* churarqa, maqanakupaj listos kanankupaj, ammonitaswantaj tinkunankupaj. 12 Chantá Abisaita nerqa: “Sichus siriosta+ mana atipayta atisajchu chayqa, jamuspa yanapawanki. Sitajchus ammonitasta mana atipayta atiwajchu chayqa, noqa yanapasqayki. 13 Noqanchejqa nacionninchejrayku, Diosninchejpa llajtasninrayku wapus kananchej tiyan, manataj manchachikunanchejchu tiyan.+ Jehová Diostaj imachus allin rijchʼasqanta ruwanqa”, nispa.

14 Chantá Joabwan soldadosninwanqa kachaykukorqanku sirioswan maqanakoj, siriostaj paymanta ayqekorqanku.+ 15 Ammonitasqa sirio soldados ayqekushasqankuta rikuspa paykunapis Joabpa hermanon Abisaimanta ayqekullarqankutaj, llajtankumantaj yaykuporqanku. Chaymanta Joabqa Jerusalenman kutiporqa.

16 Siriosqa israelitaswan atipachikusqankuta reparaspa, runasta kacharqanku wajyamunankupaj Mayu*+ chaynejpi kasharqanku chay sirio soldadosta. Chay soldadospa kamachejninkoqa Sofac karqa, payqa Hadadezerpa soldadosninpa comandanten karqa.+

17 Davidman chayta willajtinkutaj, Davidqa chay ratopacha Israelmanta tukuynin ejercitonta tantaykuspa Jordán mayuta chimparqa. Chantá chay sirio soldados kasharqanku chaynejman chayaspataj paykunawan maqanakunankupaj sayaykorqanku. Davidqa sirioswan maqanakunanpaj sayaykorqa, siriostaj paywan maqanakorqanku.+ 18 Siriosqa israelitaswan atipachikushasqankuta reparaspa ayqekorqanku. Davidtaj wañucherqa carretaspi purejkunamanta 7.000 soldadosta, chakipi purejkunamantataj 40.000 soldadosta. Wañuchillarqataj chay soldadospa comandanten Sofactapis. 19 Hadadezerpa kamachisnenqa israelitaswan atipachikusqankuta rikuspa,+ chay ratopacha Davidwan uj tratota ruwarqanku manaña maqanakunankupaj, chantá Davidpa kamachisninman tukorqanku.+ Chaymantapacha siriosqa manaña ammonitasta yanapayta munarqankuchu.

20 Wata qallariyta reyesqa ejercitosninkuwan maqanakuman rej kanku. Chaypacha Joabqa+ soldadosninwan maqanakoj llojserqa, ammonitaspa jallpʼasninkutataj japʼikaporqa. Joabqa rispa Rabá+ llajtata soldadosninwan muyuykorqa, Davidtaj Jerusalenllapi quedakorqa.+ Joabqa Rabá llajtawan maqanakuspa llajtantinta tukucherqa.+ 2 Chantá Davidqa Malcampa* umanmanta coronanta orqhorqa, repararqataj chay coronaqa qorimanta kasqanta, 34 kilos* pesasqanta, kʼachitu rumisniyojtaj kasqanta. Chay coronataqa Davidpa umanman churarqanku. Davidqa chay llajtamanta ashkha imasta apakapullarqataj.+ 3 Runastapis chay llajtamanta apakaporqa, paykunatataj churarqa rumista sierraswan kʼutunankupaj, trabajanankupaj+ fierromanta sumaj filochasqa herramientaswan, hachaswanpis. Ajinata David ruwarqa ammonitaspa tukuynin llajtasninkuta. Chantá Davidwan tukuynin soldadosninwan Jerusalenman kutiporqanku.

4 Tiemponmantaj israelitasqa Guezerpi filisteoswan guerrapi tinkorqanku. Chay maqanakupi husatita Sibecaiqa+ Sipaita wañucherqa, Sipaiqa refaimkunaj+ mirayninkumanta karqa, chaypachataj filisteosqa atipachikorqanku.

5 Chantá watejmanta filisteoswan guerra kallarqataj. Chaypacha Jairpa wawan Elhananqa Lahmita wañucherqa, Lahmiqa guitita Goliatpa+ hermanon karqa, paypa tʼojsina lanzantaj awana kʼaspi jinapuni karqa.+

6 Watejmanta guerra kallarqataj Gat+ llajtapi. Chay llajtapitaj uj runa karqa manchay jatunpuni,+ sapa makinpi sojta dedosniyoj, sapa chakinpipis sojta dedosniyoj, tukuyninpi 24 dedosniyoj karqa. Chay runapis refaimkunaj miraynillanmantataj karqa.+ 7 Chay runaqa israelitasta manchayta toreamusharqa+ maqanakuyta munaspa. Chayrayku Simeaj+ wawan Jonatanqa chay runata wañurpacherqa. Simeaqa Davidpa hermanon karqa.

8 Chaykuna karqanku refaimkunaj+ mirayninku Gat llajtapi.+ Paykunataqa Davidwan kamachisninwan wañucherqanku.

21 Chantá Satanasqa* Israelpa contranta oqharikuspa, Davidman yuyayta qorqa Israelpi censota ruwananpaj.+ 2 Ajinamanta Davidqa Joabtawan+ llajtamanta kurajkunatawan nerqa: “Rispa israelitasta yupamuychej Beer-Sebamantapacha Dankama.+ Chantá willawankichej, mashkhachus kasqankuta yachanaypaj”, nispa. 3 Joabtaj nerqa: “Jehová Diosqa nacionninta pachaj jinastawanraj mirachichun. Señorníy, reyníy, ¿nichu israelitasqa señorniypa kamachisninña kanku? Señorníy, ¿imajtintaj israelitasta yupachiyta munashankiri? ¿Imapajtaj israelitasta juchayojta rikhurichiwajri?”, nispa.

4 Jinapis reypa kamachisqanqa aswan atiyniyoj karqa Joabpa nisqanmantaqa. Chayrayku Joabqa rispa tukuynin Israel nacionta purimorqa, chantá Jerusalenman kutimorqa.+ 5 Joabqa Davidman willarqa mashkhatachus censopi qhelqasqankuta. Tukuynin Israelpi kasqanku uj millón cien mil qharis espadasniyoj, Judapitaj kasqanku 470 mil qharis espadasniyoj.+ 6 Reypa nisqanqa Joabman mana allinchu rijchʼarqa.+ Chayrayku Leví aylluta,* Benjamín ayllutapis mana yuparqankuchu.+

7 Davidpa chay ruwasqanqa cheqa Diosta* mayta phiñacherqa, chayrayku Israel nacionta castigarqa. 8 Davidtaj cheqa Diosta nerqa: “Diosníy, chayta ruwaspa noqaqa jatun juchatapuni ruwani.+ Ama jina kaspa kay kamachiykej pantasqanta perdonay ari,+ kaytaqa wampu jinapuni ruwani”,+ nispa. 9 Jehová Diostaj profeta Gadman+ nerqa* Davidman kayta willananta: 10 “Rispa Davidman kayta nimuy: ‘Jehová Diosqa kayta nin: “Kay kinsamanta ujta ajllakuy, mayqentachus ruwasunayta munanki chayta”, nispa’”. 11 Chayrayku Gadqa Davidpaman rispa nerqa: “Jehová Diosqa kayta nin: ‘Ajllakuy, 12 ¿mayqenta munanki? ¿Kinsa wata juntʼata yarqhay+ kanantachu munanki? ¿Enemigosniyki kinsa killata atipaspa espadankuwan japʼichisunankutachu munanki?+ ¿Jehová Dios espadanwan kinsa diasta castigasunaykichejtachu munanki? Kay qhepa kajta ajllakojtiykeqa Jehová Diospa angelnin runasta wañurachenqa+ Israel nacionnintinpi uj wañuchej onqoywan’,+ nispa. Kunanqa allinta piensariy, niwaytaj imatachus nimunayta kachamuwajniyman”, nispa. 13 Davidtaj Gadta nerqa: “Kayqa jatun llakiypuni noqapajqa. Amapuni runaqa castigawachunchu,+ castigaspaqa Jehová Dios castigawachun, payqa manchay jatun khuyakuyniyoj”,+ nispa.

14 Jehová Diostaj wañuchej onqoyta+ Israel nacionman kachaykorqa. Chayrayku Israelpi 70 mil runas wañorqanku.+ 15 Chantapis cheqa Diosqa uj angelta kachamorqa Jerusalén llajtata chinkarparichinanpaj. Chay ángel Jerusalenta chinkarparichinanpajña kashajtintaj, Jehová Diosqa Jerusalenta rikuspa sonqonta nanachikorqa* chay jina ñakʼariyta apachimushasqanmanta.+ Chayrayku ñakʼariyta apamusharqa chay angelta nerqa: “Chaylla kachun.+ Amaña jinaychu”, nispa. Chaypacha Jehová Diospa angelnenqa jebuseo+ Ornanpa eran*+ qayllapi kasharqa.

16 Davidtaj qhawarispa Jehová Diospa angelninta rikorqa cielopi sayashajta,* espadanwantaj Jerusalenta señalashajta.+ Davidwan kurajkunawanqa qhashqa telaswan qhatasqa kasharqanku,+ chay ratopachataj pampakama kʼumuykukorqanku.+ 17 Davidtaj cheqa Diosta nerqa: “Diosníy, kay naciontaqa noqa yupacherqani. Noqa kay juchata ruwani. Noqa pantaykuni.+ Kay ovejitasniykirí, ¿ima juchayojtaj kankuri? Jehová Diosníy, ama jina kaspa noqata castigaway ari, tataypa familianta castigay ari, ama kay nacionniykitaqa castigaychu”,+ nispa.

18 Jehová Diospa angelnintaj Gadta+ kamacherqa Davidman nimunanta, wicharispa Jehová Diospaj uj altarta ruwamunanta, jebuseo Ornanpa eranpi.+ 19 Davidtaj wicharerqa Gad nisqanman jina. Gadqa Jehová Diospa sutinpi parlarqa. 20 Ornanqa eranpi trigota trillasharqa, jinallapi kutirikuspa angelta rikorqa, paywan kasharqanku chay tawa wawasnintaj pakakamorqanku. 21 David Ornanpaman chayajtintaj, Ornanqa Davidta rikuytawan chay ratopacha eramanta llojsimuspa Davidpa ñaupaqenpi pampakama kʼumuykukorqa. 22 Davidtaj Ornanta nerqa: “Kay era jallpʼaykita vendepuway, kaypi Jehová Diospaj uj altarta ruwapunaypaj. Chaywanqa kay nacionmanta castigo chinkarenqa. Noqaqa mashkhachá valen chayta qʼalitunta pagapusqayki”,+ nispa. 23 Ornantaj Davidta nerqa: “Señorníy, japʼikapullay. Señor reyníy, imatachus nisqaykita ruwallay. Kay wakastapis qopusqayki qʼolachina* ofrendasta jina Diosman jaywanaykipaj, kay trillana tablatapis+ llantʼapaj qopusqayki, kay trigopis chʼaki mikhuy ofrendapaj kachun. Chay tukuyninta qopusqayki”, nispa.

24 Rey Davidtaj Ornanta nerqa: “Mana. Noqaqa pagapusqaykipuni mashkhachus valesqanta. Mana qanpaj imasniykita japʼikapuymanchu Jehová Diosman qonaypajqa, nitaj jaywanasta qʼolachiymanchu ni mashkhayta gastakuspaqa”,+ nispa. 25 Chayrayku Davidqa chay jallpʼamanta Ornanman qorita pagaporqa, qanchis kilosta jina.* 26 Chaypitaj Davidqa Jehová Diospaj uj altarta ruwaporqa,+ chaypi jaywanasta qʼolachiporqa, khuska mikhurikuy ofrendastapis jaywarqa, Jehová Diosmantaj qhaparikorqa, Diostaj Davidta uyarispa cielomanta ninata kachaykamorqa+ ofrenda qʼolachina altarman. 27 Jehová Diostaj angelta kamacherqa+ espadanta jallchʼananman churaykunanta. 28 Davidqa jebuseo Ornanpa eranpi Jehová Dios uyarisqanta reparaspa, chaypi jaywanasta jaywallajpuni. 29 Jinapis Jehová Diospa toldonqa, mayqentachus Moisés chʼin pampapi ruwacherqa chay, jinallataj ofrenda qʼolachina altarpis jaqay tiempopeqa Gabaonpa pata lugarninpi kasharqa.+ 30 Davidtaj mana Gabaonman rerqachu Diosta tapukoj. Payqa sinchʼi mancharisqa kasharqa Jehová Diospa angelninpa espadanta rikusqanrayku.

22 Chantá Davidqa nerqa: “Kaypi ruwakonqa Jehová Diospa wasin, cheqa Diospa* wasin. Kayllapitaj ruwakonqa altarpis, chay altarpi Israel nacionqa qʼolachina* ofrendasta jaywanqa”,+ nispa.

2 Chantá Davidqa tantachimorqa Israelpi tiyakusharqanku chay waj llajtayoj runasta.+ Paykunatataj churarqa rumista kʼutunankupaj, rumista chʼeqonankupaj, chay rumiswan cheqa Diospa wasinta ruwanankupaj.+ 3 Chantapis Davidqa may chhika fierrota tantarqa, punkuspaj clavosta ruwanankupaj, tinkuykunapaj japʼichinastawan ruwanankupaj. Tantallarqataj may chhika cobreta, mana pesay atinata.+ 4 Tantallarqataj may chhika cedro maderasta.+ Chay cedro maderastaqa sidonioswan+ tirioswan+ Davidpaj apamorqanku, allin ashkhatapuni. 5 Davidqa nerqa: “Waway Salomonqa jovenllaraj, mana experienciayojchu.+ Jehová Diospa wasenqa sumaj ruwasqa kanan tiyan, imayna sumajchus,+ imayna kʼachituchus+ kasqanta tukuy nacionespi yachanankupaj.+ Chayrayku noqaqa wawaypaj ashkha imasta listota saqepusaj”, nispa. Chayrayku Davidqa niraj wañupushaspa ashkha imasta listotaña saqerqa.

6 Chantapis Davidqa wawan Salomonta wajyaspa, kamacherqa uj wasita ruwananta Israelpa Diosnin Jehovapaj. 7 Davidqa wawan Salomonta nerqa: “Wawáy, noqaqa tukuy sonqoywan uj wasita ruwapuyta munarqani Jehová Diosniypa sutinpaj.+ 8 Jehová Diostaj kayta willachimuwarqa: ‘Qanqa ashkha runaspa yawarninta jichʼarqanki, jatuchaj guerraspitaj maqanakorqanki. Sutiypajqa mana qanchu wasita ruwanki,+ kay jallpʼa patapi ashkha yawarta ñaupaqeypi jichʼasqaykirayku. 9 Uj wawayki tiyapusonqa,+ paytaj sonqo tiyasqa kausakonqa,* paytaqa muyuyninpi kaj enemigosninmanta samarichisaj,+ sutintaj Salomón*+ kanqa. Kamachishajtenqa Israel nacionman allin kausayta apachimusaj, ni ima llakiyniyoj kausayta.+ 10 Paymin sutiypaj uj wasita ruwapuwanqa.+ Payqa waway kanqa, noqataj tatan kasaj.+ Kamachina tiyanantaqa Israelpi sinchʼita sayachisaj wiñaypaj wiñaynintinpaj’, nispa.+

11 ”Kunanqa wawáy, Jehová Diosqa qanwanpuni kachun Jehová Diosniykej wasinta ruwaypi allin risunanpaj, qanmanta parlasqanman jina.+ 12 Israel nacionta kamachinaykipaj churasojtin Jehová Diosqa allin yuyayta, yachaytawan qosuchun+ Jehová Diosniykej leyninta kasukunaykipaj.+ 13 Allinta kasukuy kamachisqasninta,+ juiciopi nisqasnintapis, mayqentachus Jehová Diosqa Moisesta kamacherqa Israel nacionman qonanta chayta.+ Sichus chayta allinta kasukunki chayqa, allin risonqa. Wawáy, kallpachakuy, waputaj kay. Ama manchachikuychu, nitaj kharkatiychu.+ 14 Jehová Diospa wasinta ruwanaykipaj, may jina trabajowan wakichisqata saqeshani tres millones cuatrocientos veinte mil kilos* qorita, treinta y cuatro millones doscientos mil kilos* qolqeta, mana pesay atina may chhika cobreta, jinallataj may chhika fierrotapis.+ Chantá wakichisqataña saqeshani maderasta, rumistapis,+ qantaj chayman yapachillankiña. 15 Trabajadorespis may chhika tiyapusunki: rumita kʼutojkuna, albañiles,+ carpinteros, waj imasmanta sumajta yachaj trabajadorespis.+ 16 Qoripis, qolqepis, cobrepis, fierropis may chhikapuni, mana tanteay atina.+ Wawáy, ruwayta qallariypacha, Jehová Diostaj qanwan kachun”,+ nispa.

17 Chantá Davidqa Israelmanta tukuy kuraj kamachejkunata kamacherqa wawan Salomonta yanapanankuta, nerqataj: 18 “¿Nichu qankunawan Jehová Diosniykichej kashan? ¿Nichu payllataj tukuynejpi allin kausayta qosunkichej?* Paymin kay nacionmanta tukuy runasta makisniyman churarqa. Tukuy nacionnintin Jehová Diospa makinpi kashan, nacionninpa makinpipis. 19 Kunanqa mana iskaychakuspa tukuy sonqoykichejwan, tukuy kausayniykichejwan* Jehová Diosniykichejta maskʼaychej,+ Jehová Diospa templonta ruwaj churakuychej, cheqa Diospa templonta.+ Chantá apamunkichej Jehová Diospa trato ruwasqan arcata, cheqa Diospaj tʼaqasqa imasnintawan,+ Jehová Diospa sutinpaj ruwakonqa chay wasiman”,+ nispa.

23 Davidqa machituña kasharqa, wañupunanpajpis pisillaña faltasharqa. Chaypacha payqa wawan Salomonta churarqa Israel nacionpi rey kananpaj.+ 2 Chantá Davidqa tantachimorqa Israelmanta tukuy kuraj kamachejkunata, sacerdotesta,+ levitastawan.+ 3 Tukuynin levitasta ujmanta uj yuparqanku treintayojmanta pataman,+ tukuyninkutaj 38.000 qharis karqanku. 4 Chaykunamanta 24.000 levitasqa encargados karqanku Jehová Diospa wasin ruwakunanmanta, 6.000 levitastaj autoridades karqanku, jinallataj jueces.+ 5 Chantá 4.000 levitasqa punkusta qhawaj kanku,+ 4.000 levitastaj tocanasta tocaspa Jehová Diosta alabaj kanku.+ Davidqa chay tocanasmanta nerqa: “Noqaqa kay tocanasta ruwani Diosta alabanapaj”, nispa.

6 Chaymanta Davidqa levitasta grupo grupota tʼaqararqa,+ Levijpa wawasninpa mirayninman jina. Levijpa wawasnenqa karqanku: Guersón, Cohat, Merarí ima.+ 7 Guersonpa wawasnenqa karqanku Ladanwan Simeiwan. 8 Ladanpa wawasnenqa kinsa karqanku: Jehiel, payqa kamachej karqa, chantá Zetam, Joel+ ima. 9 Simeijpa wawasnenqa kinsa karqanku: Selomot, Haziel, Harán ima. Chaykuna Ladanpa familiasninmanta umas kajkuna karqanku. 10 Simeijpa wawasnenqa karqanku: Jáhat, Ziná, Jeús, Berías ima. Tawantinku Simeijpa wawasnin karqanku. 11 Jahatqa kamachej karqa, Zizataj iskay kaj kamachej karqa. Jeuswan Beriaswantaj mana ashkha wawasniyojchu kasqankurayku, uj familia jinalla yupasqa karqanku, uj ruwanayojllataj karqanku.

12 Cohatpa wawasnenqa tawa karqanku: Amram, Izhar,+ Hebrón, Uziel+ ima. 13 Amrampa qhari wawasnenqa karqanku Aaronwan+ Moiseswan.+ Aaronta, wawasnintawan churarqanku Aswan Santo Lugarllapipuni sirvinankupaj.+ Jehová Diospa ñaupaqenpi jaywanasta qʼolachinankupaj,* payta sirvinankupaj, sutinpitaj runasta bendecinankupaj wiñaypaj.+ 14 Cheqa Diospa* kamachin Moisespa wawasnintaj, levitaspa ayllunkupi* yupasqa karqanku. 15 Moisespa wawasnenqa karqanku Guersomwan+ Eliezerwan.+ 16 Guersompa wawasninmantaqa Sebuel+ kamachej karqa. 17 Eliezerpa mirayninmantaqa* Rehabías+ kamachej karqa. Eliezerpataqa mana waj wawasnin karqachu, Rehabiaspa wawasnintaj may chhika karqanku. 18 Izharpa+ wawasninmantaqa Selomit+ kamachej karqa. 19 Hebronpa wawasnenqa kaykuna karqanku: Jerías, payqa kamachej karqa, iskay kajtaj Amarías, kinsa kajtaj Jahaziel, tawa kajtaj Jecameam.+ 20 Uzielpa wawasnenqa+ karqanku: Miqueas, payqa kamachej karqa, iskay kaj kamachejtaj Isías karqa.

21 Merarijpa wawasnenqa karqanku Mahliwan Musiwan.+ Mahlijpa wawasnintaj karqanku Eleazarwan Quiswan. 22 Eleazarpataqa wañupunankama mana qhari wawasnin karqachu, warmi wawasnillan karqa. Chayrayku tionku Quispa qhari wawasnenqa paykunawan casarakorqanku. 23 Musijpa wawasnenqa kinsa karqanku: Mahlí, Éder, Jeremot ima.

24 Chaykuna karqanku Levijpa wawasnin, paykunaqa anotasqa kasharqanku ñaupa tatasninkoj familiasninkuman jina, familiasninkumanta umasninkuman jina. Paykunaqa yupasqa kasharqanku, sutisninkupis qhelqasqa kasharqa, Jehová Diospa wasinpitaj sirvej kanku veintenkumantapacha. 25 Davidqa nisqa: “Israelpa Diosnin Jehovaqa nacionninta samarichin,+ payqa Jerusalenpi wiñaypaj tiyakonqa.+ 26 Chantapis levitasqa Diosta yupaychanankupaj niña apaykachanqankuchu yupaychana toldota, nitaj waj imasnintapis”,+ nispa. 27 David kamachisqanman jinataj levitasta yuparqanku veinteyojmanta pataman. 28 Paykunaqa Aaronpa wawasninta yanapaj kanku+ Jehová Diospa wasinpi ruwanaswan. Paykunaqa cargoyoj karqanku patiosmanta,+ comedoresmanta, Diospaj tʼaqasqa imasta llimphuchanamanta, cheqa Diospa wasinpi ima ruwanaschus ruwana karqa chaykunamantawan. 29 Paykunaqa cargoyoj karqanku sukʼasqa tʼantamanta,*+ chʼaki mikhuy ofrendapaj ñutʼu jakʼumanta, mana levadurayoj tortillasmanta,+ paylapi chayasqa tʼantasmanta, aceitewan puñasqa* masamanta,+ tukuy imasta pesanamanta, tukuy imasta midinamantapis. 30 Sapa día tutamanta,+ tardesninpiwan jamunanku karqa Jehová Diosman graciasta qonankupaj, alabanankupajpis.+ 31 Paykunaqa yanapakoj kanku Jehová Diospaj jaywanasta qʼolachina kajtin, samarikuna pʼunchaypi,+ killa rikhuriypi,*+ fiestaspipis,+ leypi qhelqasqa kasqanman jina. Chaytataj Jehová Diospa ñaupaqenpi ruwajpuni kanku. 32 Chantapis Dioswan tinkukuna toldopaj, santo lugarpaj, Aaronpa wawasninpajpis, nisunman hermanosninkupajpis, imastachus ruwananku karqa chaytapis ruwallajtaj kanku Jehová Diospa wasinpi.

24 Aaronpa miraynintaqa grupo grupota tʼaqarqanku. Aaronpa wawasnenqa kaykuna karqanku: Nadab, Abihú,+ Eleazar, Itamar ima.+ 2 Chaywanpis Nadabwan Abihuwanqa tatankumanta ñaupajta wañuporqanku,+ nitaj wawasninkupis karqachu. Eleazarwan+ Itamarwantaj sacerdotesllapuni karqanku. 3 Davidqa Eleazarpa mirayninmanta Sadocwan+ khuska, jinallataj Itamarpa mirayninmanta Ahimelecwan khuska, Aaronpa mirayninta grupo grupota tʼaqarqanku ruwanasninkuta ruwanankupaj. 4 Eleazarpa mirayninmanta familiaspeqa aswan ashkha umas kajkuna karqanku Itamarpa mirayninmanta nisqaqa. Chayrayku chayman jina gruposta tʼaqarqanku: Eleazarpa mirayninpeqa 16 umas kajkuna karqanku ñaupa tatasninkoj familiasninkuman jina, Itamarpa mirayninpitaj 8 umas kajkuna karqanku ñaupa tatasninkoj familiasninkuman jina.

5 Chantapis chay grupostaqa tʼaqarqanku suerteta* choqaspa+ uj grupota waj grupowan khuskata. Chaypeqa kasharqanku santo lugarmanta encargados kajkuna, cheqa Diosta* sirvinamanta encargadospis. Chaykunaqa karqanku Eleazarpa wawasnin, jinallataj Itamarpa wawasninpis. 6 Netanelpa wawan Semayaqa levitaspa secretarionku karqa. Payqa sutisninkuta anotarqa reypa ñaupaqenpi, kuraj kamachejkunaj ñaupaqenkupi, sacerdote Sadocpa+ ñaupaqenpi, Abiatarpa+ wawan Ahimelecpa+ ñaupaqenpi, sacerdotespa familiasninkumanta, levitaspa familiasninkumantawan umas kajkunaj ñaupaqenkupipis. Tukuynin familiasta ujmanta uj ajllarqanku, ujta Eleazarpa mirayninmanta, ujtataj Itamarpa mirayninmanta.

7 Suerteta choqajtinkutaj ñaupajtaqa Jehoiaribman chayarqa, iskay kajtaj Jedayaman, 8 kinsa kajtaj Harimman, tawa kajtaj Seorimman, 9 phishqa kajtaj Malkiyaman, sojta kajtaj Mijaminman, 10 qanchis kajtaj Hacozman, pusaj kajtaj Abiasman,+ 11 jisqʼon kajtaj Jesuaman, chunka kajtaj Secaniasman, 12 chunka ujniyojtaj Eliasibman, chunka iskayniyojtaj Jaquimman, 13 chunka kinsayojtaj Hupaman, chunka tawayojtaj Jesebeabman, 14 chunka phishqayojtaj Bilgaman, chunka sojtayojtaj Imerman, 15 chunka qanchisniyojtaj Hezirman, chunka pusajniyojtaj Hapizezman, 16 chunka jisqʼonniyojtaj Petahiasman, iskay chunkataj Jehezquelman, 17 iskay chunka ujniyojtaj Jakinman, iskay chunka iskayniyojtaj Gamulman, 18 iskay chunka kinsayojtaj Delayaman, iskay chunka tawayojtaj Maaziasman.

19 Jehová Diospa wasinman yaykojtinku chaykuna karqanku turnosninku sirvinankupaj,+ ñaupa tatanku Aarón kamachisqanman jina, Israelpa Diosnin Jehová Aaronman kamachisqanman jina.

20 Chay waj levitasmantataj karqanku: Amrampa+ wawasninmanta Subael,+ Subaelpa wawasninmanta Jehdeyá, 21 Rehabiaspa+ wawasninmantataj Isías, payqa kamachej karqa, 22 izharitasmantataj Selomot,+ Selomotpa wawasninmantataj Jáhat, 23 Hebronpa wawasninmantataj Jerías,+ payqa kamachej karqa, iskay kajtaj Amarías, kinsa kajtaj Jahaziel, tawa kajtaj Jecameam, 24 Uzielpa wawasninmantataj Miqueas, Miqueaspa wawasninmantataj Samir. 25 Miqueaspa hermanonqa Isías karqa, Isiaspa wawasninmantataj Zacarías.

26 Merarij+ wawasnenqa karqanku Mahliwan Musiwan. Jaaziaspa wawasninmantataj Beno, 27 Merarijpa mirayninmantataj: Jaaziaspa wawasnin Beno, Soham, Zacur, Ibrí ima. 28 Mahlij wawasninmantataj Eleazar, paypataqa mana qhari wawasnin kaporqachu.+ 29 Quispa wawasninmantataj Jerahmeel. 30 Musij wawasnintaj karqanku: Mahlí, Éder, Jerimot ima.

Chaykuna karqanku Levijpa wawasnin, ñaupa tatasninkoj familiasninkuman jina. 31 Paykunapis suerteta choqallarqankutaj+ Aaronpa wawasnin jina, nisunman hermanosninku jina, rey Davidpa ñaupaqenpi, Sadocpa ñaupaqenpi, Ahimelecpa ñaupaqenpi, sacerdotespa familiasninkumanta, levitaspa familiasninkumanta umas kajkunaj ñaupaqenkupipis. Kuraj kajpa familianta, sullkʼa kajpa familiantapis uj rejllata qhawarqanku.

25 Chantapis Davidwan templopi sirvejkunamanta encargadoswanqa, wakin runasta ajllarqanku Asafpa wawasninmanta, Hemanpa wawasninmanta, Jedutunpa+ wawasninmantawan. Paykunata ajllarqanku profetas jina parlanankupaj arpasta tocaspa, cuerdasniyoj tocanasta tocaspa,+ platillosta+ tocaspa. Chayta ruwanankupaj ajllasqa kajkunaj sutisninkutaj kay kashan: 2 Asafpa wawasninmantaqa Zacur, José, Netanías, Asarelá ima. Chay wawasninmantaqa Asafllataj encargadonku karqa. Asafqa profeta jina parlaj reypa mandonpi. 3 Chantá Jedutunpa+ wawasninmanta sojta: Guedalías, Zerí, Jesayá, Simeí, Hasabías, Matitías+ ima. Paykunamantaqa tatanku Jedutunllataj encargadonku karqa. Payqa arpata tocaspa profeta jina parlaj Jehová Diosman graciasta qospa, alabaspataj.+ 4 Hemanpa+ wawasninmantataj karqanku: Buquías, Matanías, Uziel, Sebuel, Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir, Mahaziot ima. 5 Tukuyninku Hemanpa wawasnin karqanku. Hemanqa reyman willaj imastachus cheqa Dios* mosqoypi jina willasqanta, Dios jatunchasqa kananpaj. Cheqa Diosqa Hemanman qorqa 14 qhari wawasta, kinsa warmi wawastawan. 6 Tukuyninkumanta tatanku encargadonku karqa Jehová Diospa wasinpi takinankupaj, platillosta tocaspa, cuerdasniyoj tocanasta tocaspa, arpasta tocaspa.+ Ajinata paykunaqa cheqa Diospa wasinpi sirvej kanku.

Asafwan, Jedutunwan, Hemanwanqa reypa mandonpi karqanku.

7 Paykunaqa hermanosninkuwan khuska tukuyninku 288 karqanku. Paykunaqa sumaj yachachisqa karqanku Jehová Diospaj takinankupaj, tukuyninkutaj sumajta yachaj kanku. 8 Chantá suertesta* choqarqanku+ sapa ujninku ima ruwanastachus ruwananku kasqanta yachanankupaj, uj rejta ruwanankupaj sullkʼapis kurajpis kachunku, sumajta yachajpis, recién yachakojpis kachunku.

9 Suertesta choqajtinkutaj ñaupajtaqa Asafpa wawan Joseman+ chayarqa. Iskay kajtaj Guedaliasman+ chayarqa (Guedaliaswan hermanosninwan wawasninwanqa 12 karqanku). 10 Kinsa kajtaj Zacurman+ chayarqa, wawasninman, hermanosninmanpis, tukuyninkutaj 12 karqanku. 11 Tawa kajtaj Izriman chayarqa, wawasninman, hermanosninmanpis, tukuyninku 12 karqanku. 12 Phishqa kajtaj Netaniasman+ chayarqa, wawasninman, hermanosninmanpis, tukuyninku 12 karqanku. 13 Sojta kajtaj Buquiasman chayarqa, wawasninman, hermanosninmanpis, tukuyninku 12 karqanku. 14 Qanchis kajtaj Jesarelaman chayarqa, wawasninman, hermanosninmanpis, tukuyninku 12 karqanku. 15 Pusaj kajtaj Jesayaman chayarqa, wawasninman, hermanosninmanpis, tukuyninku 12 karqanku. 16 Jisqʼon kajtaj Mataniasman chayarqa, wawasninman, hermanosninmanpis, tukuyninku 12 karqanku. 17 Chunka kajtaj Simeiman chayarqa, wawasninman, hermanosninmanpis, tukuyninku 12 karqanku. 18 Chunka ujniyojtaj Azarelman chayarqa, wawasninman, hermanosninmanpis, tukuyninku 12 karqanku. 19 Chunka iskayniyojtaj Hasabiasman chayarqa, wawasninman, hermanosninmanpis, tukuyninku 12 karqanku. 20 Chunka kinsayojtaj Subaelman+ chayarqa, wawasninman, hermanosninmanpis, tukuyninku 12 karqanku. 21 Chunka tawayojtaj Matitiasman chayarqa, wawasninman, hermanosninmanpis, tukuyninku 12 karqanku. 22 Chunka phishqayojtaj Jeremotman chayarqa, wawasninman, hermanosninmanpis, tukuyninku 12 karqanku. 23 Chunka sojtayojtaj Hananiasman chayarqa, wawasninman, hermanosninmanpis, tukuyninku 12 karqanku. 24 Chunka qanchisniyojtaj Josbecasaman chayarqa, wawasninman, hermanosninmanpis, tukuyninku 12 karqanku. 25 Chunka pusajniyojtaj Hananiman chayarqa, wawasninman, hermanosninmanpis, tukuyninku 12 karqanku. 26 Chunka jisqʼonniyojtaj Malotiman chayarqa, wawasninman, hermanosninmanpis, tukuyninku 12 karqanku. 27 Iskay chunkataj Eliataman chayarqa, wawasninman, hermanosninmanpis, tukuyninku 12 karqanku. 28 Iskay chunka ujniyojtaj Hotirman chayarqa, wawasninman, hermanosninmanpis, tukuyninku 12 karqanku. 29 Iskay chunka iskayniyojtaj Guidaltiman+ chayarqa, wawasninman, hermanosninmanpis, tukuyninku 12 karqanku. 30 Iskay chunka kinsayojtaj Mahaziotman+ chayarqa, wawasninman, hermanosninmanpis, tukuyninku 12 karqanku. 31 Iskay chunka tawayojtaj Romamti-Ezerman+ chayarqa, wawasninman, hermanosninmanpis, tukuyninku 12 karqanku.

26 Kaykuna karqanku punkuta qhawajkunaj+ gruposnin: coreitasmantaqa Asafpa mirayninmanta Corejpa wawan Meselemías.+ 2 Meselemiaspa wawasnenqa kaykuna karqanku: kurajqa Zacarías, iskay kajtaj Jediael, kinsa kajtaj Zebadías, tawa kajtaj Jatniel, 3 phishqa kajtaj Elam, sojta kajtaj Jehohanán, qanchis kajtaj Elieho-Enái. 4 Obed-Edompa wawasnenqa kaykuna karqanku: kurajqa Semaya, iskay kajtaj Jehozabad, kinsa kajtaj Joá, tawa kajtaj Sacar, phishqa kajtaj Netanel, 5 sojta kajtaj Amiel, qanchis kajtaj Isacar, pusaj kajtaj Peuletái. Chay wawaswan Diosqa Obed-Edomta bendicerqa.

6 Wawan Semayaj wawasnenqa familianpi umas kajkuna karqanku. Paykunaqa wapus karqanku, ruwanasninkuta ruwanankupajpis wakichisqa karqanku. 7 Semayaj wawasnenqa karqanku: Otní, Refael, Obed, Elzabad ima. Elzabadpa hermanosnintaj karqanku Elihuwan Semakiaswan, paykunapis ruwanasninkuta ruwanankupaj wakichisqa karqanku. 8 Chay tukuyninku karqanku Obed-Edompa mirayninmanta. Paykuna, wawasninku, hermanosninkupis ruwanasninkuta sumajta ruwaj kanku, sirvinankupajtaj wakichisqa kasharqanku. Obed-Edompa familianmantaqa 62 karqanku. 9 Meselemiaspa+ wawasnin, hermanosninpis kallarqataj, paykunaqa 18 karqanku, ruwanasninkutapis sumajta ruwaj kanku. 10 Merarijpa mirayninmanta Hosajtapis wawasnin kallarqataj. Ujnenqa Simrí karqa. Simriqa kamachej karqa, paytaqa tatan churarqa kamachej kananpaj, mana kuraj wawa kashajtinpis. 11 Iskay kajtaj Hilquías karqa, kinsa kajtaj Tebalías, tawa kajtaj Zacarías. Hosajpa wawasnin, hermanosninpis tukuyninku 13 karqanku.

12 Punkuta qhawajkunaj gruposninkumanta kamachej kajkunaqa, hermanosninku jinallataj ruwanasniyoj karqanku Jehová Diospa wasinpi. 13 Chantá suertesta* choqarqanku+ yachanankupaj mayqen punkutachus sapa familia qhawanan kasqanta, juchʼuy familiapis kachun, jatun familiapis kachun. 14 Selemiasman tocarqa inti llojsimuy ladopi kaj punku. Chantá wawan Zacariaspajñataj suerteta choqarqanku, paymanqa norte ladopi* kaj punku tocarqa. Zacariasqa allin yuyaywan yuyaychaj runa karqa. 15 Obed-Edommanqa tocarqa sur ladopi* kaj punku, wawasnintataj+ churarqanku jallchʼana wasista qhawanankupaj. 16 Sufamman* Hosamanpis+ tocarqa inti yaykuy ladopi kaj punku, Saléket Punku qayllapi, wichayta rej jatun ñan chaynejpi. Uj grupoqa waj grupoj ladonpi karqa. 17 Inti llojsimuy ladopi kaj punkupeqa sojta levitas karqanku. Norte lado punkupitaj sapa diapaj tawa levitas karqanku, sur lado punkupitaj sapa diapaj tawa levitas karqanku. Jallchʼana wasispitaj+ iskay iskay karqanku. 18 Inti yaykuy ladopi kaj pilares wasipitaj tawa levitas karqanku, jatun ñan chaynejpi.+ Pilares wasi qayllapitaj iskay levitas karqanku. 19 Chaykuna karqanku punkuta qhawanankupaj grupos, coreitaspa mirayninkumanta, meraritaspa mirayninkumantawan.

20 Levitas ukhumantaqa kashallarqataj Ahíya, payqa cargoyoj karqa cheqa Diospa* wasinpi valorniyoj imasta jallchʼana cuartosmanta, jinallataj Diospaj tʼaqasqa imasta* jallchʼana cuartosmantapis.+ 21 Ladanpa wawasninmantaqa, nisunman Guersonpa mirayninpa wawasninmantaqa, nisunman guersonita Ladanpa familiasninpi umas kajkunamantaqa Jehielí+ karqa. 22 Jehielijpa wawasnenqa Zetamwan hermanon Joelwan karqanku. Paykunaqa cargoyoj karqanku Jehová Diospa wasinpi valorniyoj imasta jallchʼana cuartosmanta.+ 23 Chantá amramitasmanta, izharitasmanta, hebronitasmanta, uzielitasmantaqa+ 24 Sebuel karqa. Payqa Guersompa wawan karqa, Moisespa allchhintaj. Sebuelqa kamachej karqa, jallchʼana wasismantapis cargoyoj karqa. 25 Hermanosnintaj, nisunman Eliezerpa+ mirayninmanta kajkunaqa kaykuna karqanku: Rehabías,+ Jesayá, Joram, Zicrí, Selomot ima. 26 Selomotwan hermanosninwanqa cargoyoj karqanku Diospaj tʼaqasqa imasta jallchʼana cuartosmanta, chay imastaqa Diospaj tʼaqarqanku:+ rey David,+ familiasmanta umas kajkuna,+ waranqa runasta, pachaj runastapis kamachejkuna, ejercitoj comandantesninku ima. 27 Paykunaqa guerraspi qhechumusqankumanta+ wakin imasta Diospaj tʼaqaporqanku,+ Jehová Diospa wasinta allinchanankupaj. 28 Chantapis Diospaj wakin imasta tʼaqallarqankutaj Diospa sutinpi parlaj+ Samuel, Quispa wawan Saúl, Nerpa wawan Abner,+ Zeruyaj+ wawan Joabpis.+ Chay tukuy imasmanta cargoyoj karqanku Selomitwan hermanosninwan, paykunallataj cargoyoj karqanku pipis imallatapis Diospaj tʼaqapusqanmanta.

29 Izharitasmantaqa,+ Kenaniaswan wawasninwan, waj ruwanasta japʼerqanku mana Diospa wasinpichu, paykunaqa Israel nacionpi autoridades, jueces+ ima karqanku.

30 Hebronitasmantaqa,+ Hasabiaswan hermanosninwan 1.700 karqanku. Paykunaqa sumaj wakichisqa karqanku ruwanasninkuta ruwanankupaj, cargoyojtaj karqanku Jordán mayumanta, inti yaykuy ladopi Israelpa jallpʼasninmanta. Paykunaqa cargoyoj karqanku Jehová Diospaj tukuy ima ruwanasmanta, reyta sirvinamantapis. 31 Hebronitasmantaqa, Jeriya+ kamachej karqa hebronitaspa familiasninkuman jina. David 40 watasta rey jina kamachishajtin,+ paykuna ukhupi maskʼaspa Galaadpi, Jazer+ llajtapi tarerqanku sumaj kallpayoj runasta, ruwanasninkuta sumajta juntʼajkunata. 32 Hermanosnenqa 2.700 karqanku, ruwanasninkuta sumajta juntʼaj kanku, familiasninkumantapis umas karqanku. Chayrayku rey Davidqa paykunaj mandonkuman churarqa Rubén ayllumanta* kajkunata, Gad ayllumanta kajkunata, Manasespa khuskan ayllunmanta kajkunatawan. Paykunaqa cargoyoj karqanku cheqa Diospaj tukuy ruwanasmanta, reypaj ruwanasmantawan.

27 Kaykuna kanku israelita grupos, reypa ejercitonpi kajkuna.+ Chay grupospi kasharqanku familiasmanta umas kajkuna, waranqa runasta kamachejkuna, pachaj runasta kamachejkuna,+ chay gruposmanta encargadospis. Sapa grupo uj killata sirvej kanku turnopi tocasqanman jina, ajinata watantinta muyuykoj kanku. Sapa grupopitaj 24.000 israelitas karqanku.

2 Ñaupaj kaj killaqa ñaupaj kaj grupoman tocarqa. Chay grupoj comandantentaj Zabdielpa wawan Jasobeam+ karqa. Gruponpeqa 24.000 israelitas karqanku. 3 Jasobeamqa Perezpa+ mirayninmanta karqa. Payqa kamachejninku karqa ñaupaj kaj killapi sirvej kanku chay grupospa kamachejkunasninkumanta. 4 Iskay kaj killataj iskay kaj grupoman tocarqa. Chay grupomantaqa ahohíta+ Dodái+ comandante karqa, Miclottaj yanapajnin karqa. Gruponpeqa 24.000 israelitas karqanku. 5 Kinsa kaj killataj kinsa kaj grupoman sirvinan tocarqa. Chay grupomanta encargadotaj kuraj sacerdote* Jehoiadaj+ wawan Benaya+ karqa. Gruponpeqa 24.000 israelitas karqanku. 6 Benayaqa kinsa chunka wapu soldadosmanta aswan wapu soldado karqa, chay kinsa chunka soldadospa kamachejninkutaj karqa. Wawan Amizabadtaj paypa gruponmanta encargadollataj karqa. 7 Tawa kaj killataj tawa kaj grupoman tocarqa. Chay grupoj comandantentaj Joabpa+ hermanon Asahel+ karqa. Aswan qhepatataj wawan Zebadiasñataj chay grupoj comandanten karqa. Gruponpeqa 24.000 israelitas karqanku. 8 Phishqa kaj killataj phishqa kaj grupoman tocarqa. Chay grupoj comandantentaj izrahíta Samhut karqa. Gruponpeqa 24.000 israelitas karqanku. 9 Sojta kaj killataj sojta kaj grupoman tocarqa. Chay grupoj comandantentaj tecoíta+ Iquespa wawan Irá+ karqa. Gruponpeqa 24.000 israelitas karqanku. 10 Qanchis kaj killataj qanchis kaj grupoman tocarqa. Chay grupoj comandantentaj pelonita Hélez+ karqa. Payqa Efrainpa mirayninmanta karqa. Gruponpeqa 24.000 israelitas karqanku. 11 Pusaj kaj killataj pusaj kaj grupoman tocarqa. Chay grupoj comandantentaj husatita Sibecái+ karqa. Payqa Zerahjpa mirayninmanta+ karqa. Gruponpeqa 24.000 israelitas karqanku. 12 Jisqʼon kaj killataj jisqʼon kaj grupoman tocarqa. Chay grupoj comandantentaj anatotita+ Abí-Ézer+ karqa. Payqa Benjaminpa mirayninmanta karqa. Gruponpeqa 24.000 israelitas karqanku. 13 Chunka kaj killataj chunka kaj grupoman tocarqa. Chay grupoj comandantentaj netofatita Maharái+ karqa. Payqa Zerahjpa mirayninmanta+ karqa. Gruponpeqa 24.000 israelitas karqanku. 14 Chunka ujniyoj killataj chunka ujniyoj grupoman tocarqa. Chay grupoj comandantentaj piratonita Benaya+ karqa. Payqa Efrainpa mirayninmanta karqa. Gruponpeqa 24.000 israelitas karqanku. 15 Chunka iskayniyoj killataj chunka iskayniyoj grupoman tocarqa. Chay grupoj comandantentaj netofatita Heldái karqa. Payqa Otnielpa mirayninmanta karqa. Gruponpeqa 24.000 israelitas karqanku.

16 Israel ayllusmanta* kamachejkunaqa kaykuna karqanku: Rubén ayllumanta kamachejqa Zicrijpa wawan Eliezer karqa. Simeón ayllumanta kamachejqa Maacajpa wawan Sefatías karqa. 17 Leví ayllumanta kamachejqa Quemuelpa wawan Hasabías karqa. Aaronpa mirayninmanta kamachejqa Sadoc karqa. 18 Judá ayllumanta kamachejqa Davidpa ujnin hermanon Elihú+ karqa. Isacar ayllumanta kamachejqa Miguelpa wawan Omrí karqa. 19 Zabulón ayllumanta kamachejqa Abdiaspa wawan Ismayá karqa. Neftalí ayllumanta kamachejqa Azrielpa wawan Jerimot karqa. 20 Efraín ayllumanta kamachejqa Azaziaspa wawan Hosea karqa. Manasespa khuskan ayllunmanta kamachejqa Pedayaj wawan Joel karqa. 21 Galaadpi kaj Manasespa khuskan ayllunmanta kamachejqa Zacariaspa wawan Idó karqa. Benjamín ayllumanta kamachejqa Abnerpa+ wawan Jaasiel karqa. 22 Dan ayllumanta kamachejqa Jerohampa wawan Azarel karqa. Chaykuna karqanku Israel ayllusmanta kuraj kamachejkuna.

23 Davidqa manaraj veintenkuta juntʼajkunata mana yupacherqachu. Jehová Diosqa ñaupajmantaña nisqa Israel aylloqa cielopi estrellas jina mana yupay atina kanankuta.+ 24 Zeruyaj wawan Joabqa censota ruwaspa israelitasta yupayta qallarerqa, nitaj tukucharqachu. Chay censota ruwasqankurayku Diosqa sinchʼita phiñakorqa Israelpaj,+ chayrayku may chhikachus kasqankoqa mana anotakorqachu rey Davidpa tiemponmanta parlaj qhelqasqapi.

25 Adielpa wawan Azmavetqa cargoyoj karqa reypa wasinpi valorniyoj imasta jallchʼana cuartosmanta.+ Uziaspa wawan Jonatantaj cargoyoj karqa jallchʼana wasismanta. Chay jallchʼana wasisqa kasharqanku campospi, llajtaspi, ranchospi, torrespi ima. 26 Kelubpa wawan Ezriqa encargado karqa campopi chajrata poqochejkunamanta. 27 Ramatita Simeiqa encargado karqa uva huertasmanta. Sifmita Zabditaj encargado karqa vino jallchʼana wasismanta. 28 Guederita Baal-Hananqa encargado karqa olivo sachʼasmanta, Sefelapi+ higo sachʼasmantawan.+ Joasqa encargado karqa aceite jallchʼana wasismanta. 29 Saronita Sitraiqa encargado karqa Sarón+ pampaspi kaj wakasmanta. Adlaijpa wawan Safattaj encargado karqa ura pampaspi kaj wakasmanta. 30 Ismaelita Obilqa encargado karqa camellosta qhawanamanta. Meronotita Jehdeyaqa encargado karqa burrosta* qhawanamanta. 31 Hagrita Jaziztaj encargado karqa ovejasta, cabrasta qhawanamanta. Chaykuna karqanku rey Davidpa kapuyninta qhawaj encargados.

32 Davidpa sobrinon Jonatanqa+ sumaj yachayniyoj runa karqa, reypa yuyaychajnin, secretariontaj. Hacmonijpa wawan Jehieltaj reypa wawasninta qhawanamanta encargado karqa.+ 33 Ahitofelqa+ reypa yuyaychajnin karqa. Arkita Husaitaj+ reypa amigon karqa. 34 Aswan qhepatataj Ahitofelpa cuentanmanta Benayaj+ wawan Jehoiadawan Abiatarwan+ reyta yuyaychaj kanku. Joabtaj+ reypa ejercitonpa comandanten karqa.

28 Davidqa Israelmanta tukuy kuraj kamachejkunata Jerusalenman wajyachimorqa: ayllusmanta* kuraj kamachejkunata, reyta sirvej kanku chay gruposmanta comandantesta,+ waranqa runasta kamachejkunata, pachaj runasta kamachejkunatapis.+ Chantá tantachimullarqataj reypa jinallataj wawasninpa+ kapuyninmanta, uywasninmantawan tukuy encargadosta,+ reypa kuraj kamachisninta, tukuy kallpasapa runasta, ruwanasninkuta juntʼanankupaj wakichisqa karqanku chay runastapis.+ 2 Chantá rey Davidqa sayariytawan paykunata nerqa:

“Hermanosníy, llajta masisníy, uyariwaychej. Noqaqa sonqoypi mayta munarqani Jehová Diospa trato ruwasqan arcapaj uj wasita ruwapuyta, Diosninchejpa chaki sarunan kananpaj, chaypi trato ruwasqan arcan kananpaj.+ Chay wasi ruwakunanpajpis ashkha imastaña alistasharqani.+ 3 Cheqa Diostajrí* niwarqa: ‘Mana qanchu uj wasita sutiypaj ruwanki.+ Qanqa guerraspi maqanakoj runa kanki, ashkha runaspa yawarninta jichʼarqanki’,+ nispa. 4 Ajinapis Israelpa Diosnin Jehovaqa noqata ajllawarqa tataypa familian ukhumanta, Israelpi wiñaypaj rey jina kamachinaypaj.+ Diosqa Judá aylluta ajllarqa kamachinanpaj.+ Judá ayllu ukhumantataj tataypa familianta ajllarqa,+ tataypa wawasnin ukhumantataj noqata ajllawarqa tukuynin Israel nacionta rey jina kamachinaypaj.+ 5 Jehová Diosqa ashkha wawasta qowan,+ chay wawasniy ukhumantataj waway Salomonta+ ajllakun, Jehová Diospa kamachina tiyananman tiyaykuchinanpaj, Israelta kamachinanpaj.+

6 ”Diosqa niwarqa: ‘Wawayki Salomón uj wasita ruwapuwanqa, patiosniytawan. Paytaqa noqa ajllakuni waway kananpaj, noqataj tatan kasaj.+ 7 Sichus tukuy sonqo kasukonqa kamachisqasniyta, juiciopi nisqasniytapis,+ imaynatachus kunanpis kasukushan ajinata chayqa, gobiernonta sinchʼita sayachisaj wiñaypaj kamachinanpaj’,+ nispa. 8 Chayrayku kunanqa tukuy Israelpa rikunanta, Jehová Diospa nacionninpa* rikunanta, Diosninchejpa uyarinanta kayta nisqaykichej: Tukuy atisqaykichejta kallpachakuychej, Jehová Diosniykichejpa kamachisqasninta allinta rejsinaykichejpaj, allintataj kasukunaykichejpaj. Ajinamanta kay sumaj jallpʼapi tiyakunallaykichejpajpuni,+ qankunamanta qhepata jamoj wawasniykichejmantaj herenciata jina wiñaypaj saqepunaykichejpaj.

9 ”Qantajrí waway Salomón, tataykej Diosninta allinta rejsiy, tukuy sonqotaj payta sirviy,+ may kusisqa payta sirviy. Jehová Diosqa runaspa sonqonkuta allinta qhawaykun,+ yachantaj imachus sonqonkupi kasqanta, imaspichus piensasqankutapis.+ Wawáy, sichus Diosta maskʼanki chayqa, payqa tarichikusonqa.+ Sitajchus paymanta qonqapunki chayqa, payqa wiñaypaj qonqapusonqa.+ 10 Wawáy, Jehová Diosqa qanta ajllasunki wasinta ruwapunaykipaj, templon kananpaj. Chayrayku wapu kay, ruwaytataj qallariypacha”, nispa.

11 Chantá Davidqa wawan Salomonman planosta jaywarqa:+ temploj torrenmanta,+ cuartosninmanta, jallchʼana cuartosninmanta, pata cuartosninmanta, ukhu cuartosninmanta, perdonta tarina cuartomantapis.*+ 12 Davidqa wawan Salomonman jaywarqa planosta, mayqentachus Dios espiritunwan Davidman rejsicherqa chay tukuyninta. Chay planospi kasharqa Jehová Diospa wasi patiosnin,+ muyuyninpi kaj tukuynin comedores, chantá cheqa Diospa wasinpi valorniyoj imasta jallchʼana cuartos, Diospaj tʼaqasqa imasta jallchʼana cuartospis.+ 13 Chantá Davidqa kamachiykunata qorqa sacerdote grupospaj,+ levita grupospajpis, jinallataj Jehová Diospa wasinpi ima ruwanaschus ruwana kasqanmanta, Jehová Diospa wasinpi imaswanchus Diosta yupaychaj kanku chaykunamantapis. 14 Nillarqataj may chhika qorichus yaykunanta qori imasta ruwanankupaj, chay imasta Diosta yupaychaypi oqharinankupaj. Nillarqataj may chhika qolqe metalchus yaykunanta qolqe metal imasta ruwanankupaj, chay imasta Diosta yupaychaypi oqharinankupaj. 15 Davidqa nillarqataj mashkhachus pesananta sapa qori candelero,*+ qori mecherosnintin. Nillarqataj mashkhachus pesananta sapa qolqe metal candelero, qolqe metal mecherosnintin. 16 Chantá nillarqataj may chhika qorichus yaykunanta sukʼasqa tʼantasta* churanapaj mesasman.+ Nillarqataj may chhika qolqe metalchus yaykunanta qolqe metalmanta mesasman. 17 Chantá nillarqataj may chhika chʼuwachasqa qorichus yaykunan kasqanta trinchesman, fuentesman, yurusman ima. Nillarqataj may chhika qorichus yaykunanta sapa juchʼuy fuentesman,+ may chhika qolqe metalchus yaykunantapis sapa juchʼuy fuentesman. 18 Chantá Davidqa nillarqataj may chhika chʼuwachasqa qorichus yaykunan kasqanta incienso qʼoshñichina altarman,+ Diospa carretanpa rijchʼayninmanpis,+ nisunman lijrasnin* kicharisqa qori querubinesman,*+ Jehová Diospa trato ruwasqan arcata lijrasninkuwan llanthuykoj querubinesman. 19 Davidtaj nerqa: “Jehová Dios yanapawarqa,* yachaytataj qowarqa chay planomanta+ tukuy imitata qhelqasqata churanaypaj”,+ nispa.

20 Chantá Davidqa wawan Salomonman nerqa: “Wawáy, kallpachakuy, waputaj kay, ruwayta qallariypacha. Ama manchachikuychu, nitaj kharkatiychu, Jehová Diosneyqa qanwan kashan.+ Payqa mana qonqasonqachu, nitaj saqerparisonqachu,+ qanwanpuni kanqa Jehová Diospa wasin tukuchakunankama. 21 Kaypi kashanku sacerdote grupos,+ levita grupospis,+ cheqa Diospa wasinpi ruwanasta ruwanankupaj. Kallantaj tukuy sonqo llankʼayta munaj runas, tukuy laya* ruwanasta ruwanankupaj sumaj wakichisqas.+ Kallantaj kuraj kamachejkuna,+ jinallataj tukuy nacionnintinmanta runaspis, paykunaqa kamachisqaykita kasusonqanku”, nispa.

29 Chantá rey Davidqa tukuynin tantasqa israelitasman nerqa: “Diosqa waway Salomonta ajllakun,+ wawayqa jovenllaraj, mana experienciayoj.+ Ruwanaqa may chhika kashan. Temploqa* Jehová Diospaj,+ mana runaspajchu. 2 Mana michʼakuspa ashkha imasta alistarqani Diosniypa wasinpaj. Noqaqa qorita tantarqani, qori imasta ruwanankupaj. Qolqe metalta tantarqani, qolqe metal imasta ruwanankupaj. Cobreta tantarqani cobre imasta ruwanankupaj. Fierrota tantarqani fierro imasta ruwanankupaj.+ Maderata tantarqani+ maderamanta ashkha imasta ruwanankupaj. Tantallarqanitaj ónice rumista, kʼachitu rumista mezclawan japʼichinankupaj, kʼachanchanapaj tukuy color rumisitusta, tukuy laya* valorniyoj rumista, may chhika alabastro rumistapis. 3 Chantapis Diosniypa wasinta munakusqayrayku,+ qoshallanitaj waqaychasniymanta+ qorita, qolqe metaltapis Diosniypa wasin ruwakunanpaj. Chaytaqa santo wasinpaj alistasqaymanta wajllata qoshani. 4 Qoshallanitaj Ofirmanta qorita+ ciento dos mil seiscientos kilosta,* chʼuwachasqa qolqe metaltapis doscientos treinta y nueve mil cuatrocientos kilosta,* chaykunawan cuartospa perqasninta* forraykunankupaj, 5 qori imasta ruwanankupaj, qolqe metal imasta ruwanankupaj, qoriwan qolqewan trabajajkunapis chaywan waj imasta ruwanankupaj. Kunanqa, ¿pikunataj Jehová Diosman imallatapis qoyta munawajchej?”,+ nispa.

6 Chantá familiasmanta kuraj kamachejkuna, Israel ayllusmanta* kuraj kamachejkuna, waranqa runasta kamachejkuna, pachaj runasta kamachejkuna,+ reypa ruwanasninmanta encargadospis+ tukuy imasta qorqanku. 7 Paykunaqa cheqa Diospa* wasinta ruwanankupaj qorqanku: ciento setenta y un mil kilos* qorita, diez mil dárico qolqesta,* trescientos cuarenta y dos mil kilos* qolqe metalta, seiscientos quince mil seiscientos kilos* cobreta, tres millones cuatrocientos veinte mil kilos* fierrotawan. 8 Kʼachitu rumisniyoj kajkunapis chay rumisninkuta qoporqanku, Jehová Diospa wasinpi jallchʼasqa kananpaj, chay imastaqa guersonita+ Jehiel+ cuidaj. 9 Runasqa kusisqa kasharqanku chay imasta Diosman qopusqankumanta. Paykunaqa chay imasta mana pej mañasqallan tukuy sonqo Jehová Diosman qoporqanku.+ Rey Davidpis manchay kusisqa kasharqa.

10 Chantá Davidqa tukuy runaspa ñaupaqenpi Jehová Diosta jatuncharqa, nerqataj: “Jehová Diosníy, jatunchasqa kay wiñaypaj wiñaynintinpaj, qanmin tatayku Israelpa Diosnin kanki. 11 Jehová Diosníy, qanllamin kanki may jina jatun,+ manchay atiyniyoj,+ kʼacha sonqoyoj, manchayta lliphipej, jatunpaj qhawasqataj.+ Cielopi, jallpʼa patapi tukuy ima kajpis qanpata.+ Jehová Diosníy, qanpatamin Gobiernoqa.+ Qanmin rejsichikunki tukuy ima kajpa uman jina. 12 Qhapaj kaypis, jatunpaj qhawasqa kaypis qanmanta jamun.+ Tukuy ima qanpa makiykipi kashan.+ Kallpapis,+ atiypis+ makiykipi kashan. Makiykiwan tukuy runasta jatunchayta atinki,+ kallpachaytapis.+ 13 Kunanqa Diosníy, graciasta qoyku, kʼacha sutiykitataj jatunchayku.

14 ”Diosníy, noqaqa ni imapischu kani, llajta masisniypis ni imapischu kanku qanman kay imasta jaywasunaykupajqa. Tukuy imapis qanmanta jamun, imatachus qanman jaywayku chay tukuy imastapis qanllamantataj japʼiyku. 15 Diosníy, ñaupaqeykipeqa waj llajtayoj runas jinalla kayku, forasteros jinalla kayku, tukuynin ñaupa tatasniyku jina.+ Kay jallpʼa patapi kausayniykoqa llanthu jinalla pasapun.+ 16 Jehová Diosníy, kay tukuy imasta tantayku santo sutiykipaj wasita ruwanaykupaj, chay tukuy imasqa qanllamantataj jamun, chay tukuynin qanpata. 17 Diosníy, allinta yachani runaj sonqonta qhawaykusqaykita,+ cheqanta purejtinkutaj kusikusqaykita.+ Noqaqa kay tukuy imasta llimphu sonqoywan jaywapuyki, manchaytataj kusikuni kaypi tantasqa kamachisniyki qanpaj ofrendasta tukuy sonqo apamusqankumanta. 18 Jehová Diosníy, ñaupa tatasniyku Abrahanpa, Isaacpa, Israelpa Diosninku, kamachisniykita yanaparillaypuni ajina sumaj sonqoyoj kanankupaj, tukuy sonqotaj sirvisunankupaj.+ 19 Diosníy, waway Salomonta yanapariy kamachisqasniykita tukuy sonqo+ kasukunanpaj,+ imastachus yuyarichisqaykita, leyesniykitapis kasukunanpaj, tukuy imastapis ruwananpaj, templotapis* ruwananpaj. Templopajqa ashkha imastaña wakichini”,+ nispa.

20 Chantá Davidqa tukuynin tantasqa israelitasta nerqa: “Kunanqa Jehová Diosniykichejta jatunchaychej”, nispa. Tukuynin tantasqa israelitastaj ñaupa tatasninkoj Jehová Diosninkuta jatuncharqanku. Paykunaqa Jehová Diospa ñaupaqenpi, reypa ñaupaqenpipis qonqorikuspa kʼumuykukorqanku. 21 Paykunaqa qʼayantinpis Jehová Diosman jaywanasta jaywashallarqankupuni, uywastapis Jehová Diospaj ruphachishallarqankupuni:+ waranqa torillosta, waranqa carnerosta,* waranqa corderosta,* vino ofrendasninkutapis.+ Ajinata paykunaqa ofrendasta jaywarqanku tukuynin Israelpa sutinpi.+ 22 Chay pʼunchayqa Jehová Diospa ñaupaqenpi mikhorqanku, ujyarqankutaj manchay kusisqas.+ Davidpa wawan Salomontataj watejmanta churarqanku rey kananpaj,+ Jehová Diospa ñaupaqenpitaj aceitewan jichʼarqanku kamachejninku kananpaj, Sadoctapis aceitewan jichʼallarqankutaj sacerdote kananpaj.+ 23 Chantá Salomonqa Jehová Diospa kamachina tiyananman tiyaykorqa+ tatan Davidpa cuentanmanta. Salomontaqa allinpuni rerqa, paytaqa tukuy israelitas kasoj kanku. 24 Tukuynin kuraj kamachejkuna,+ tukuynin wapu soldados,+ rey Davidpa tukuynin wawasninpis+ rey Salomonpa mandonman churakorqanku. 25 Jehová Diosqa israelitaspa ñaupaqenpi Salomonta sumaj reyman tukucherqa, manchay respetasqa reyman tukucherqa, Israelpeqa mana mayqen reypis ajinaqa karqarajchu.+

26 Jesejpa wawan Davidqa tukuynin Israel nacionta kamacherqa. 27 Davidqa Israelta 40 watasta rey jina kamacherqa, chaykunamanta qanchis watasta Hebronpi kamacherqa,+ 33 watastataj Jerusalenpi kamacherqa.+ 28 Chantá Davidqa ashkha watasta allinta kausakuytawan, machituña kashaspa+ wañuporqa, payqa qhapaj karqa, sumajpaj qhawasqataj. Wawan Salomontaj paypa cuentanmanta rey jina kamachiyta qallarerqa.+ 29 Rey Davidpa kausayninmantaqa qallariymantapacha tukukuykama qhelqasqa kashan Diospa sutinpi parlaj Samuelpa qhelqasqasninpi, profeta Natanpa+ qhelqasqasninpi, profeta Gadpa*+ qhelqasqasninpipis. 30 Qhelqasqa kashan rey jina kamachisqanmanta, atiyniyoj kasqanmanta, imaschus chay wataspi payta pasasqanmantapis. Qhelqasqallataj kashan imaschus Israelta pasasqanmanta, imaschus muyuyninpi kaj tukuy nacionesta pasasqanmantapis.