NAHÚM
1 Kay willayqa Ninivej contranpi kashan.+ Kay libroqa elcosita Nahúm* mosqoypi jina rikusqanmanta kashan.
2 Jehová Diosqa payllata yupaychanata munan,+ vengakuntaj.
Jehová Diosqa vengakun, wakichisqataj kashan phiñakuyninta rikuchinanpaj.+
Jehová Diosqa contrariosninmanta vengakun,
enemigosninpajpis phiñasqallapuni kashan.
3 Jehová Diosqa pacienciayojtaj*+ manchay atiyniyojtaj.+
Jinapis Jehová Diosqa juchayojkunata castiganqapuni.+
Ñannenqa kashan tukuchej wayra chaupipi, sinchʼi para chaupipi,
phuyustaj chakisninman tiyaykoj ñutʼu jallpʼa jina.+
4 Mar qochata kʼamin,+ chʼakirpachintaj.
Tukuynin mayusta chʼakirpachin.+
Basanpis Carmelopis qawipun,+
Libanoj tʼikasninpis qawipun.
5 Orqosqa payrayku kharkatitinku,
lomaspis unuyapunku.+
Jallpʼaqa uyanpa ñaupaqenpi kharkatitenqa,
poqoj jallpʼapis chaypi tiyakojkunapis.+
6 ¿Pitaj phiñakuyninman sayaykuyta atinmanri?+
¿Pitaj kʼajaj phiñakuyninta aguantayta atinmanri?+
Phiñakuynenqa nina jina jichʼakamonqa,
chhankaspis paynejta tʼunarasqa kanqanku.
7 Jehová Diosqa kʼacha,+ llakiy pʼunchaypi pakakunapaj wasi.+
Paypi pakakojkunataqa yuyarikunpuni.*+
8 Ashkha yakuta chayaykuchimuspa Niniveta* qʼalata chinkarparichenqa,
laqhayaytaj enemigosninta qhatiykonqa.
9 ¿Imatataj yachachinakuwajchej Jehová Diospa contrantari?
Payqa qʼalatapuni chinkarparichenqa.
Manaña ujtawan chinkarparichinanchu kanqa.+
10 Paykunaqa chʼipanasqa khishkas jina kanku,
cervezawan* machaykojkuna jina,
jinapis chʼaki paja jina kanasqa kanqanku.
11 Qanmanta llojsenqa Jehová Diospa contranpi sajra imasta wakichej,
qhasi manakajta yuyaychaj.
12 Jehová Diosqa kayta nin:
“Wapus kajtinkupis ashkhas kajtinkupis,
paykunaqa tukuchisqa kanqanku, chinkasqata chinkaponqanku.*
Sufricherqayki* chaypis, manaña sufrichisqaykichu.
14 Jehová Diosqa kayta qanmanta* nin:
‘Sutiykeqa mana wiñaypajchu kanqa,
diosesniykej templonkumanta tukuchisaj santosta, metalmanta* ruwasqa santostapis.
Qhasi manakaj kasqaykirayku, sepulturata qanpaj ruwasaj’.
15 Sumaj willaykunata apajpa chakisnin orqosninta purishan,
allin kausaymanta willajpa chakisnin.+
Judá, fiestasniykita ruway,+ ruwasaj nisqasniykitapis juntʼay.
Chaupiykitaqa manaña pasanqachu ni imapaj valej runaqa.
Chinkasqata chinkachisqa kanqa”.
2 Chʼeqerachejqa* contraykita* wicharimun.+
Llajtaj perqasninta jarkʼaychej.
Ñanta sumajta qhawaychej.
Wakichikuychej, tukuy atisqaykichejta kallpachakuychej.
2 Jehová Diosqa Jacobta watejmanta jatunpaj qhawachenqa,
Israeltapis jatunpaj qhawachenqa.
3 Wapu soldadosninpa escudosninkoqa pukachasqa kashan,
soldadosnenqa puka ropayoj kashanku.
Maqanakuna carretasninpa fierrosnenqa nina jina kʼancharin,
maqanakupaj wakichikusqan pʼunchay.
Chay soldadosqa enebro maderamanta lanzasninkuta oqharinku.
4 Maqanakuna carretasqa imata jina callesta correnku.
Plazasnintaqa uramantaj patamantaj correrinku.
Nina kʼanchanas jina kʼancharinku, lliuj lliujkuna jinataj lliphipirinku.
5 Payqa soldadosninpa kamachejkunasninta tantaykonqa.
Paykunataj rishaspa urmanqanku.
Perqanman correnqanku,
perqatataj sumajta jarkʼachanqanku.
7 Kayqa nisqaña kashan: Kay llajtataqa pʼenqaypi rikhurichisqa reinata jina apakapunku.
Esclavasnintaj waqashanku,
pechonkuta* takakuspa palomas jina qoqó qoqó nispa waqashanku.
8 Niniveqa qallariymantapacha ashkha yakuyoj estanque jina karqa,+
kunantaj runasqa ayqenku.
Wakenqa qhaparikushanku: “Ama ayqeychejchu, ama ayqeychejchu”, nispa.
Nitaj pipis kutirimunchu.+
9 Qolqe metalninta suwaychej, qorinta suwaychej.
Valorniyoj imasnenqa mana tukukuyniyoj.
Payqa imaymana valorniyoj imaswan juntʼa kashan.
10 Chay llajtaqa kashan chʼusajpacha, chʼinpacha, thuñisqataj.+
Sonqosninkoqa manchariywan unuyapunku, chaki moqosninku liwikapun, caderasninkupis kharkatin.
Tukuypa uyasninku qʼelluyapun.
11 ¿Maypitaj leonespa puñunanku juskʼuri,+ león uñas mikhunku chayri?
¿Maymantataj león
mana manchachikuspa uñasninwan llojsimun?
12 Leonqa uñasninpaj ashkha animalesta japʼispa mitharapoj,*
leonasninpajpis animalesta wañuchej.
Juskʼusninmanqa japʼisqan animalesta juntʼaykuchej,
puñuna thapasninmanpis mitharasqan animalesta juntʼaykuchej.
13 Angelesta kamachej Jehová Diosqa nin: “Noqaqa contraykipi kashani.+
Maqanakuna carretasniykita ruphaykuchisaj,+
maltón leonesniykitapis espada wañurachenqa.
Manaña kay jallpʼapi animalesta japʼispa purinkichu,*
willajkunasniykej parlasqankupis manaña uyarikonqachu”.+
3 Ay yawar jichʼaj llajtamanta.
Llullakuywan suwakuywan juntʼa kashan.
Nipuni mana suwakuspaqa kanchu.
2 Seqʼoj seqʼoj uyarikun, ruedaspa sonasqanpis uyarikullantaj.
Caballospa corresqanku uyarikun, carretaspa thalakusqankupis uyarikullantaj.
3 Caballospi purej soldados, lliphipej espadas, kʼancharej tʼojsina lanzas,
may chhika runa wañusqas, montón montón ayaspis...,
may chhika wañusqa cuerpos.
Paykunaqa chay wañusqaspi jaytʼakunku.*
4 Chayqa qhatirin chay khuchi warmi* khuchichakusqanrayku.
Chay warmeqa kʼachita, coqueta, yachaj layqataj.*
Nacionesta khuchiriosninwan japʼiykun, familiastapis layqeriosninwan japʼiykun.
5 Angelesta kamachej Jehová Diosqa nin: “Noqaqa contraykipi* kashani.+
Faldaykitaqa uyaykikama oqharisqayki.
Nacioneswan qʼalaykita qhawachisqayki,
gobiernospis pʼenqayniykita rikonqanku.
7 Pillapis rikusojqa qanmanta ayqekonqa,+ nenqataj:
‘Niniveta thuñirpasqanku.
¿Pitaj Ninivemanta waqanqari?’, nispa.
Sonqochasunanpajqa mana pipis kanqachu.
8 ¿Qanqa Nilo mayumanta llojsej canales chaypi tiyarikoj chay No-Amonmanta*+ aswan sumajchu kasqanki?+
Payqa yaku muyurisqa karqa,
mar qochaqa qhapajyacherqa, mar qochaqa perqan jina karqa.
9 Etiopiawan Egiptowanqa mana tukukoj kallpan karqanku.
Putwan+ libioswanqa payta yanaparqanku.*+
10 Jinapis No-Amontaqa presochasqata apakaporqanku,
karuman apasqa karqa.+
Wawasnintapis tukuynin calle esquinaspi chʼallparqanku.
Sumaj respetasqa runasnintaqa suerteta* choqaspa apakaporqanku,
jatunpaj qhawasqa runasnintataj cadenaswan watarqanku.
11 Qanpis machaykullankitaj.+
Pakakamunki.
Enemigosniykimanta pakakunaykipaj uj jarkʼakunata maskʼanki.
12 Sumaj perqasniyoj wasisniykeqa ñaupaj poqoyniyoj higo sachʼas jina kanku.
Thalasqa kajtin higosnenqa mikhuyta munajkunaj siminkuman tʼakarakonqa.
13 Tropa soldadosniykeqa warmis jinallaña chaupiykipi kanku.
Nacionniykej punkusnenqa enemigosniykipaj kichasqalla kanqa.
Ninataj punku trancanasniykita ruphaykonqa.
14 Yakuta wisiy enemigosniyki muyuykusonqanku chaypaj.+
Jarkʼachana perqasniykita astawan sinchʼiyachiy.
Tʼuruman yaykuspa tʼuruta saruy.
Moldeta japʼispa ladrillosta ruway.
15 Chaypipis ninaqa ruphaykusonqa.
Espada wañuchisonqa.+
Manaraj phawaj langostas jina oqoykusonqa.+
Manaraj phawaj langostas jina ashkhaman tukuy.
Langostas jina may chhikaman tukuy.
16 Vendedoresniykita may chhikaman tukuchinki, cielopi estrellasmantapis aswan ashkharaj kanku.
Manaraj phawaj langostaqa qaranta chʼuskikuspa* phawarikapun.
17 Llajtaykita qhawajkunaqa langostas jina kanku,
soldadosniykita kamachejkunapis may chhika langostas jina kanku.
Chiri diaqa rumi kanchaspi* samarinku,
inti kʼancharimusqantawantaj phawaspa ripunku,
nitaj pipis yachanchu maymanchus phawasqankuta.
18 Asiriaj reynin, michejkunasniykeqa puñuy machasqa kashanku,
kurajkunasniykeqa sumaj wasisninkupi karikushanku.
19 Chay jina llakiyniykimantaqa mana imapis salvasonqachu.
Nanayniykipajqa mana jampi kanchu.
Qanmanta tukuy uyarejkunaqa tʼajllarikonqanku,+
chay jina sajra kasqaykiwan tukuyta ñakʼarichisqaykirayku”.+
Nahúm suteqa niyta munan sonqochaj.
Chayri “mana usqhayllata phiñarparikojtaj”.
Chayri “cuidanpuni”. Hebreo parlaypeqa nin, “rejsinpuni”.
Hebreo parlaypeqa nin, “lugarninta”.
Chayri “trigo cervezawan”.
Ichá nillanmantaj “paytaj chaupinkuta pasanqa”.
Sufricherqayki nispaqa Judata sufrichisqanta nishan.
Pʼitiy: waj lugarespi ninku tʼipiy.
Qanmanta nispaqa Asiriamanta parlashan.
Chayri “unuyachisqa metalmanta”.
Chʼeqerachiy: waj lugarespi ninku tʼaqarachiy.
Contraykita nispaqa Ninivej contranta wicharisqanta nishan.
Ijiy: waj lugarespi ninku chʼillchiy, retoñay.
Chayri “urmaykonqa”.
Hebreo parlaypeqa nin, “sonqosninkuta”.
Mithay: waj lugarespi ninku wikhay, tʼisay.
Hebreo parlaypeqa nin, “Jallpʼamanta chinkachisaj animalesta japʼisqaykita”.
Jaytʼakuy: waj lugarespi ninku tropezakuy.
Khuchi warmi nispaqa parlashan qhariswan puñuykoj warmimanta, astawanqa qolqerayku.
Chayri “brujataj”.
Contraykipi nispaqa Ninivej contranpi kashasqanta nishan.
No-Amón nispaqa Tebasmanta parlashan.
Hebreo parlaypeqa nin, “qanta yanapasorqanku”.
Glosariopi suerte nisqata leeriy.
Chayri “lluchʼukuspa”.
Chayri “corralespi”.
Chʼeqeray: waj lugarespi ninku tʼaqaray.