Yuyaychay
Yuyaychayta japʼikuy
¿Imajtintaj Bibliaj nisqanman jina yuyaychaykunata maskʼana tiyan?
¿Imaraykutaj yuyaychawasqanchejta japʼikunanchej aswan allin, achakista churanamanta nisqa?
Leerillaytaj Pr 1:23-31; 15:31.
Chaymanta parlaj versículos:
1Sa 15:3, 9-23. Saulqa profeta Samuel cheqanchajtin, achakista churarqa, nitaj Samuelpa yuyaychasqanta japʼikorqachu. Chayrayku Jehová payta qhesacharqa.
2Cr 25:14-16, 27. Rey Amasiastaqa juchallikusqanrayku Jehovaj profetan yuyaycharqa. Amasiastaj payta mana kasorqachu, chayraykutaj Jehovaqa payta niña allinpajchu qhawarqa, niñataj jarkʼarqachu.
¿Imajtintaj ñaupajman pusaj hermanos yuyaychawasqanchejta japʼikuna tiyan?
1Te 5:12; 1Ti 5:17; Heb 13:7, 17
Chaymanta parlaj versículos:
3Jn 9, 10. Apóstol Juanqa allin machituña kashaspa, Diotrefesta kʼamerqa congregacionpi ñaupajman pusajkunata mana respetasqanrayku.
¿Imaraykutaj kuraj hermanos yuyaychawasqanchejta japʼikunanchej tiyan?
Leerillaytaj Job 12:12; 32:7; Tit 2:3-5.
Chaymanta parlaj versículos:
1Sa 23:16-18. Rey Davidqa Jonatanpa yuyaychasqanta japʼikorqa, chaytaj payta kallpacharqa. Jonatanqa paymanta 30 wataswan kuraj karqa.
1Re 12:1-17. Rey Rehoboamtaqa mana allinchu rerqa, imaraykuchus payqa pay jina jovenesllaraj kajkunaj yuyaychasqankuta japʼikorqa, manataj kurajkunaj yuyaychasqankutachu.
¿Imaraykutaj ninchej Jehovata yupaychaj warmispa, jovenespa yuyaychasqanku wajkunata yanapayta atisqanta?
Job 32:6, 9, 10; Pr 31:1, 10, 26; Ec 4:13
Leerillaytaj Sl 119:100.
Chaymanta parlaj versículos:
1Sa 25:14-35. Abigaíl Davidta yuyaychasqanrayku ashkha runas wañuymanta librakorqanku, ajinamanta Davidpis mana juchallikorqachu mana juchayoj runasta wañuchispa.
2Sa 20:15-22. Uj yachayniyoj warmi yuyaychasqanrayku Abel llajtapi tiyakojkuna mana wañorqankuchu.
2Re 5:1-14. Israelmanta uj imillitaqa uj atiyniyoj soldadoman willarerqa imatachus ruwananta lepra onqoyninmanta sanoyapunanpaj.
¿Imaraykutaj mana japʼikunachu tiyan Jehovata, Palabrantapis pisipaj qhawajkunaj yuyaychasqankuta?
Leerillaytaj Lu 6:39.
Chaymanta parlaj versículos:
1Cr 10:13, 14. Rey Saulqa Jehovata tapukunanmanta nisqaqa uj aysiri warmita tapukorqa, Jehovata wasanchasqanraykutaj wañorqa.
2Cr 22:2-5, 9. Rey Ocoziasqa mana allin runaswan yuyaychachikusqanrayku wañorqa.
Job 21:7, 14-16. Jobqa Jehovata pisipaj qhawaj runaspa yuyaychasqankuta mana japʼikorqachu.
Wajkunata yuyaychay
Wajkunata niraj yuyaychashaspa, ¿imaraykutaj aswan allin ñaupajta yachananchej imapis imaynachus kasqanta? Chanta, ¿imaraykutaj allin pikunatachus yuyaychananchej kashan chaykunataraj tukuyninkuta uyarinanchej?
Leerillaytaj Pr 25:8.
Chaymanta parlaj versículos:
1Sa 1:9-16. Kuraj kaj sacerdote Eliqa mana Anata tapurerqachu imaynachus kashasqanta, astawanpis machasqa kashasqanta yuyaspa kʼamirparerqa.
Mt 16:21-23. Apóstol Pedroqa uj kuti Jesusta kʼamerqa. Payqa mana reparakuspalla Satanaspa munayninman jina Jesusta yuyaycharqa, manataj Jehovaj munayninman jinachu.
¿Imaraykutaj Jehovaj yanapayninta mañakunanchej tiyan manaraj pitapis yuyaychashaspa?
Chaymanta parlaj versículos:
Éx 3:13-18. Profeta Moisesqa Jehovaj yanapayninta mañakorqa israelitas imatapis tapojtinku, imatachus kutichinanta yachananpaj.
1Re 3:5-12. Rey Salomonqa jovenllaraj kashaspa Jehovaj yachayninta mañakorqa, nitaj yachasqallanpichu atienekorqa. Chayrayku Jehová payta bendicerqa.
¿Imaraykutaj Bibliaj nisqanman jinapuni yuyaychananchej tiyan?
Sl 119:24, 105; Pr 19:21; 2Ti 3:16, 17
Leerillaytaj Dt 17:18-20.
Chaymanta parlaj versículos:
Mt 4:1-11. Satanás Jesusta juchaman urmachiyta munajtin, Jesusqa Diospa Palabran imatachus nisqanta oqharispa kuticherqa, nitaj yachayninman jinallachu.
Jn 12:49, 50. Jesusqa Tatan imastachus payman yachacherqa chay imasllata runasman yachacherqa. Noqanchejpis Jesús jinallataj ruwananchej tiyan.
¿Imaraykutaj kallpachakuna tiyan wajkunata llampʼu sonqowan yuyaychanapaj? Chanta imatapis allinta ruwajtinku, ¿imaraykutaj tukuy sonqo “allinta ruwanki” nispa nina tiyan?
Leerillaytaj Isa 9:6; 42:1-3; Mt 11:28, 29.
Chaymanta parlaj versículos:
2Cr 19:2, 3. Jehovaqa rey Jehosafatta uj profetanejta cheqanchaspapis, nillarqataj imastachus allinta ruwasqanta.
Ap 2:1-4, 8, 9, 12-14, 18-20. Jesusqa ashkha congregacionesta niraj yuyaychashaspa allinta ruwasqankutaraj nerqa.
Uj hermano, waj hermano chʼaukiyasqanta, chayri paymanta llullasta parlasqanta niwanchej chay, ¿imaraykutaj chay hermanowanraj sapallanpi parlamunanta yuyaychananchej allin kanman?
Leerillaytaj Le 19:17.
Sichus uj hermano payta ima sajratapis ruwasqankuta yuyan chay, ¿imaynatataj payta yanapasunman wajkunamanta khuyakunanpaj, pacienciayoj kananpaj, perdonananpaj ima?
Mt 18:21, 22; Mr 11:25; Lu 6:36; Ef 4:32; Col 3:13
Leerillaytaj Mt 6:14; 1Co 6:1-8; 1Pe 3:8, 9.
Chaymanta parlaj versículos:
Mt 18:23-35. Jesusqa uj sumaj kikinchaywan sutʼincharqa imaraykuchus perdonanapuni kasqanta.
¿Imaraykutaj Jehovaj kamachiykunasninta mana pisipaj qhawachinachu tiyan wajkunata yuyaychashaspa?
Sl 141:5; Pr 17:10; 2Co 7:8-11
Chaymanta parlaj versículos:
1Sa 15:23-29. Profeta Samuelqa rey Saulta yuyaychayta mana manchachikorqachu.
1Re 22:19-28. Profeta Micayaqa uyanpi laqʼajtinkupis, kausaynin wañuy patapi kanan kajtinpis, imatachus rey Achabman willanan karqa chaytapuni willarqa.
¿Imaynatá wajkunata yuyaychasunman mana Diosmanta karunchakunankupaj jina?
Chaymanta parlaj versículos:
Lu 22:31-34. Jesusqa apóstol Pedropi atienekusqanrayku nerqa, pay wakin imaspi mayta pantajtinpis wajkunata kallpachayta atinanta.
Flm 21. Apóstol Pabloqa Diospa munayninman jina yuyaychasqanta Filemón kasukunanmanta mana iskayrayarqachu.