Kallpachay
¿Imaraykutaj Diospa kamachisnin purajmanta kallpachanakunapuni tiyan?
Isa 35:3, 4; Col 3:16; 1Te 5:11; Heb 3:13
Chaymanta parlaj versículos:
2Cr 32:2-8. Rey Ezequiasqa asirios paykunawan maqanakoj jamushajtinku, Jerusalenmanta runasta kallpacharqa.
Da 10:2, 8-11, 18, 19. Danieltaqa uj ángel kallpacharqa ancha machituña, pisi kallpataj kashajtin.
¿Imaraykutaj Jehová munan ancianos wajkunata kallpachanankuta?
Leerillaytaj Mt 11:28-30.
Chaymanta parlaj versículos:
Dt 3:28; 31:7, 8. Profeta Moisesqa mosoj kamachej Josueta, Jehová nisqanman jina kallpacharqa, wapu kasqantataj nerqa.
Hch 11:22-26; 14:22. Pablowan Bernabewanqa Antioquiamanta cristianosta qhatiykachasqa kashajtinku kallpacharqanku.
Wajkuna allinta ruwajtinku, ¿imaraykutaj sonqomantapacha “allinta ruwanki” nispa nina tiyan?
Chaymanta parlaj versículos:
Jue 11:37-40. Israelmanta sipaskunaqa sapa wata juez Jeftej wawanta kallpachaj rej kanku. Imaraykuchus payqa wasinta saqespa Diosta yupaychana toldopi Diosta sirvisharqa.
Ap 2:1-4. Jesusqa Efesomanta cristianosta cheqanchaspapis, imastachus allinta ruwasqankuta nerqa.
¿Imatataj ruwasunman purajmanta kallpachanakunapaj?
Pr 15:23; Ef 4:29; Flp 1:13, 14; Col 4:6; 1Te 5:14
Leerillaytaj 2Co 7:13, 15, 16.
Chaymanta parlaj versículos:
1Sa 23:16-18. Jonatanqa David kallpachanata necesitasqanta yacharqa, chayrayku payta kallpachaj rerqa.
Jn 16:33. Jesusqa discipulosninta kallpachananpaj nerqa, pay kay mundota atipasqanta, paykunapis pay jina ruwaspa kay mundota atipanallankutataj.
Hch 28:14-16. Apóstol Pablo Romaman juzgasqa kananpaj rishajtin, hermanosqa payta taripaj rerqanku, chaytaj payta mayta kallpacharqa.
¿Imaraykutaj wajkunata respetana tiyan, nitaj paykunamanta malta parlanachu tiyan?
Chaymanta parlaj versículos:
Nú 11:10-15. Profeta Moisesqa sonqo pʼakisqa kasharqa israelitas mana kasukusqankurayku, thutusqankurayku ima.
Nú 13:31, 32; 14:2-6. Chunka wateqajkuna mana allin willayta willasqankurayku, israelitasqa manaña Sumaj Jallpʼaman riyta munarqankuchu, Diospa contranpitaj oqharikorqanku.
¿Imaraykutaj hermanoswan khuska kay kallpachawanchej?
Pr 27:17; Ro 1:11, 12; Heb 10:24, 25; 12:12
Chaymanta parlaj versículos:
2Cr 20:1-19. Uj jatun ejército Judawan maqanakoj rejtin, rey Jehosafatqa tukuy runasta tantaykorqa khuska mañakunankupaj.
Hch 12:1-5, 12-17. Apóstol Santiagota wañuchisqankutawan, apóstol Pedrotataj carcelman wisqʼaykusqankutawan, Jerusalenmanta hermanosqa khuska tantakuspa Diosmanta mañakorqanku.
Llakiypi tarikojtinchej, ¿imaynatataj yanapawanchej imatachus suyakusqanchejpi piensariy?
Hch 5:40, 41; Ro 8:35-39; 1Co 4:11-13; 2Co 4:16-18; 1Pe 1:6, 7
Chaymanta parlaj versículos:
Gé 39:19-23; 40:1-8. Joseqa qhasillamanta carcelman wisqʼaykojtinkupis Jehovapi atienekullarqapuni, wajkunatapis yanapayta munallarqapuni.
2Re 6:15-17. Profeta Eliseoqa muyuyninpi ashkha soldadosta rikuspapis mana manchachikorqachu, Jehovamantataj mañakorqa kamachinpis mana manchachikunanpaj.
Diospa Palabranqa kallpachawanchej
¿Imata ruwanantataj Jehová nin noqanchejta yanapanawanchejpaj?
¿Imaraykutaj Jehová khuyakuyniyoj, pacienciayojtaj kasqanpi tʼukuriy kallpachawanchej?
¿Imaynatataj Jehová yanapanman pikunachus mana kallpayoj kashanku chaykunata?
Sl 46:1; Isa 12:2; 40:29-31; Flp 4:13
Chaymanta parlaj versículos:
1Sa 1:10, 11, 17, 18. Anaqa sinchʼi llakisqa, phutisqa kasharqa, Jehovataj paypa mañakusqanta uyarerqa, sonqo tiyasqa kananpajtaj yanaparqa.
1Re 19:1-19. Profeta Elías may sinchʼi llakisqapuni kashajtin, Jehovaqa mikhunata, yakuta ima qorqa. Chantapis payta sonqocharqa, kallpacharqa, allin imaspi yuyananpajtaj yanaparqa.
Bibliaj nisqasnin, ¿yanapawanchejchu mana manchachikojkuna kanapaj?
2Cr 15:7; Sl 27:13, 14; Heb 6:17-19; 12:2
Chaymanta parlaj versículos:
Job 14:1, 2, 7-9, 13-15. Jobtaqa may sinchʼi llakisqa kashajtin, wañusqas kausarimunankuta yachay sonqocharqa.
Da 12:13. Daniel 100 watasniyoj jina kashajtin, uj ángel payta kallpacharqa “sayarimunki imachus chayasusqanta japʼinaykipaj” nispa.
¿Imajtintaj may kallpachasqa kanchej Jehovamanta mañakuspa, imastachus paymanta yachasqanchejpi tʼukurispa ima?
Chaymanta parlaj versículos:
1Sa 30:1-9. Davidqa jatun llakiykunapi tarikuspa, Jehovamanta mañakorqa kallpachasqa kananpaj.
Lu 22:39-43. Jesusqa wañuchisqa kananpaj pisillaña faltashajtin, Jehovaj yanapayninta mayta mañakorqa. Jehovataj uj angelta kachamorqa payta kallpachananpaj.
¿Imaraykutaj kusikunchej sumaj willaykunata willariwajtinchej, chayta wajkunaman willarispa ima?
Chaymanta parlaj versículos:
Hch 15:2-4. Ñaupa tiempomanta hermanosqa may kallpachasqas kasharqanku Pablowan Bernabewan paykunata waturikojtinku.
3Jn 1-4. Apóstol Juanqa allin machituña kashaspa may kallpachasqa karqa, pikunamanchus willarqa chay runas Diosta kasukushallasqankutapuni yachaspa.