Pinillanchejpis wañupojtin llakikuy
Biblia nisqanman jina, ¿pikunaj kausayninkutaj rikuchin pinillanchejpis wañupojtin llakikuy mana juchachu kasqanta?
Gé 23:2; 24:67; 37:34, 35; 42:36; Jn 11:19, 31, 33-36
Leerillaytaj 2Sa 1:17-27; Hch 9:36-39.
¿Imaraykutaj ninchej pinillanchejpis wañupojtin Jehová sonqochaytapuni munawasqanchejta?
Uj runa wañupojtin imapunichus pasasqanta yachay, ¿imaraykutaj sonqonchejta tiyaykuchin?
Chaymanta parlaj versículos:
Lu 20:37, 38. Jesús nisqanman jina, Jehovaqa wañusqasta kausarichimonqapuni. Jehovapajqa wañusqas kausashankumanpis jina kashanku.
Jn 11:5, 6, 11-14. Jesusqa munasqa amigon Lázaro wañupojtin nerqa wañoyqa sinchʼita puñuy jinalla kasqanta.
Heb 2:14, 15. Apóstol Pabloqa sutʼincharqa wañuyta mana manchachikunachu kasqanta.
¿Imaraykutaj Biblia nin wañupuna pʼunchay aswan allin kasqanta nacekuna pʼunchaymanta nisqa?
¿Imatá Biblia nin wañuymanta, chanta imatataj Dios ruwanqa wañuywan?
¿Imajtintaj mana iskayrayanchejchu wañusqas kausarimunankumanta?
Isa 26:19; Jn 5:28, 29; Hch 24:15
Chaymanta parlaj versículos:
Bibliaqa jisqʼon runas kausarimusqankumanta parlan, paykunamanta pusajtaj watejmanta kay jallpʼapi kausakorqanku. Chayta yachayqa pinillankupis wañupusqanrayku llakisqa kajkunata sonqochanman, uj suyakuytataj paykunaman qonman.
1Re 17:17-24. Profeta Eliasqa Sidonpi kaj Sarepta llajtamanta viudaj wawanta kausaricherqa.
2Re 4:32-37. Profeta Eliseoqa Sunem llajtapi uj wawata kausarichispa tatasninman jaywaporqa.
2Re 13:20, 21. Uj wañusqa runaj cuerpon Eliseoj tullusninman chayajtin chay runaqa kausarerqa.
Lu 7:11-15. Jesusqa Naín llajtapi uj viudaj wawanta kausaricherqa, pitachus pʼampaj apasharqanku chayta.
Lu 8:41, 42, 49-56. Jesusqa Jairoj imillitanta kausaricherqa, Jairoqa sinagogapi kamachej karqa.
Jn 11:38-44. Jesusqa munasqa amigon Lazarota kausaricherqa. Ajinamanta Martawan Mariawanqa hermanonku Lazarowan watejmanta tinkukaporqanku.
Hch 9:36-42. Apóstol Pedroqa Dorcasta kausaricherqa. Dorcasqa allin ruwanasta ruwasqanrayku rejsisqa karqa.
Hch 20:7-12. Apóstol Pabloqa Eutico sutiyoj joventa kausaricherqa. Euticoqa ventanamanta urmaykuspa wañorqa.
Jehovaqa Jesucristota kausaricherqa mana rikukoj cuerpoyojta, mana jaykʼaj wañunanpajtaj. Chaytaj uj garantía jina Jehová tukuy ima nisqanta juntʼananmanta.
Jesús tukuymanta ñaupajta kausarichisqa karqa cielopi kausakunanpaj, mana jaykʼaj wañoj cuerpoyojtaj, jinapis mana payllachu ajinata kausarichisqa kanan karqa. 144.000 ajllasqa cristianospis Jesús jinallataj kausarichisqa kanku.