Runasta jatunchaj sutis
Religionta kamachejkunata jatunchanapaj sutista, ¿cristianos oqharinankuchu tiyan?
Chaymanta parlaj versículos:
Lu 18:18, 19. Jesusqa may kʼacha kaspapis, mana saqerqachu “Kʼacha Yachachej” ninankuta, ajinamanta payqa sutʼita rikucherqa Jehovalla tukuy imapi kʼacha kasqanta.
¿Imaraykutaj religionta kamachejkunata mana ninchejchu “tatáy” chayri “kamachejníy” nispa?
Chaymanta parlaj versículos:
Mt 23:9-12. Jesusqa nerqa ama pitapis “tatáy”, “kamachejníy” nispa ninata.
1Co 4:14-17. Ashkha hermanosqa apóstol Pablota tatankuta jina qhawaj kanku, jinapis mana nejchu kanku “tata Pablo” nispa, nitaj chayman rijchʼakoj waj sutistapis churarqankuchu.
¿Imaraykutaj may allin cristianospura “hermano” chayri “hermana” nispa ninakunanchej, hermanos jinapunitaj kananchej?
Leerillaytaj Hch 12:17; 18:18; Ro 16:1.
Chaymanta parlaj versículos:
Mt 12:46-50. Jesusqa sutʼita nerqa Jehovata tukuy yupaychajkuna hermanosnin, hermanasnin ima kanankuta.
Kamachejkunapis, juecespis, waj autoridadespis leyesman jina sutisniyoj kanku. ¿Imaraykutaj allillan cristianos chay sutista oqharinanchej?
Chaymanta parlaj versículos:
Hch 26:1, 2, 25. Apóstol Pabloqa kamachejkunawan parlashaspa, ley nisqanman jina ima sutiwanchus rejsisqa karqanku, chay sutista oqharispa parlarqa. Payqa ajinata ruwarqa Agripawan Festowan parlashaspa.